رصد نيوز
القمر بيبقى مكمل ببرج القوس ♈
#الحمل ♈
يوم كتير افضل بيدعمك مهنيا وبعلاقاتك ..
اوضاعك بتنحل بشكل تدريجي وبتقدر تغير حالتك وتحصل على مال وحاول تستفيد من هاليوم وفرصة لتسافر وتتلقى اتصالات بعيدة وتتعرف على ناس جديدة وتعمل رياضة وتغير بشكلك ..
عاطفيا .. يوم بيحملك حلول لمشاكل العلاقة ورومنسية انت بحاجة الها بهيك وقت ..
■النسبة المئوية :
●مهنيا : %88 ●ماليا : %82 ●عاطفيا : %86 ●صحيا : %83
#الثور ♉
مال ناطرك وعم تهدي نفسيتك وترتاح ..
حاول تروق لتقدر تكون أفضل بوضعك المالي وتحل مشاكل وانت أفضل رغم كل شي فحاول تصالح وتكون اقرب من عيلتك وبتمنى منك تنتبه وتراجع امورك المالية يلي بتخص الشراكة وتحل مشاكلك ..
عاطفيا .. لاتشغل بالك كتير بالوضع العام لعلاقتك اهدى وحاول تترك الأمور للأيام لان الانفعال بزيدها صعوبة ..
■النسبة المئوية :
●مهنيا : %65 ●ماليا : %77 ●عاطفيا : %70 ●صحيا : %68
#الجوزاء ♊
كتير ضغط عليك وفكر بشراكة شغل ..
مزاجيتك وتوترك بأعلى درجاتو وعم تضوج بسرعة هاليوم واي مشكلة عم تكبر بسرعة فخليك بعيد عن المواجهات وحاول تفكر كيف تعزز العلاقات وماتخلي مجال لحدا يعصبك ويمكن عقد شراكة بفيدك ..
عاطفيا .. عم تفكر بارتباط او خطبة بهاليوم والبعض عندن ضغط كبير عم يفقدن السيطرة على العلاقة
■النسبة المئوية :
●مهنيا : %64 ●ماليا : %61 ●عاطفيا : %68 ●صحيا : %60
#السرطان ♋
امور مهنية وصحية بتشغلك فخليك جاهز ..
تصرف بسرعة وتنظيم ضمن يومك الطويل وعندك مسؤوليات ويوم فيه تعب محتمل لهيك انتبه لصحتك وحاول ماتقصر بشغلك وحاول بس تخلص الضروري وماتسمح لحدا ينقدك واكيد رتب امورك الضرورية ..
عاطفيا .. ابتعد عن الاجواء المشحونة لأن بتحملك مواجهات انت بغنى عنها ومو ناقصك تعب اكتر ..
■النسبة المئوية :
●مهنيا : %67 ●ماليا : %63 ●عاطفيا : %66 ●صحيا : %58
#الأسد ♌
تحسن عاطفي وعائلي وحب عم يرجع ..
بتقدر تعمل كتير امور حلوة وتستمتع بيومك وبتشغلك القصص المالية لكن انت بيوم مساعد الك ويوم بيحملك كتير من العاطفة ومدعوم بالحظوظ فحاول تستغل هالشي لتكون بحال افضل ..
عاطفيا .. ماتسمح للعناد والمكابرة يحرمك اوقات حلوة تقضيها مع الشريك بدها شوية مسايرة وحب ..
■النسبة المئوية :
●مهنيا : %85 ●ماليا : %81 ●عاطفيا : %89 ●صحيا : %80
#العذراء ♍
امور عائلية وقصص بتشغلك فانتبه ..
حاول تنتبه بقصص البيت ووضع العيلة وعم تأثر على شغلك وحياتك وعم تقلب الأمور عندك وممكن قصة بتخص أهلك تحطك بمواقف صعبة فخليك رايق وانتبه صحيا وقصة عقار شاغلتك ..
عاطفيا .. لاتتعامل بانفعال مع الشريك وحاول تخليه يفهمك ويعرف انو انت ابدا مو مرتاح بسبب الضغط يلي عليك ..
■النسبة المئوية :
●مهنيا : %68 ●ماليا : %61 ●عاطفيا : %63 ●صحيا : %60
#الميزان ♎
تطورات ايجابية ولقاءات وناس حوليك ..
اطمن وضعك المهني واتصالاتك ايجابية هاليوم وعندك قدرات حلوة بالتواصل فاستغل يومك وعم تتخطى ظروف صعبة مريت فيها ويمكن عم تنشغل بموضوع بخص احد الاخوة وانتبه من الحوادث ولموبايلك ..
عاطفيا .. احيانا نحنا بحاجة لاوقات عاطفية لنرتاح من اجواء الحياة وفرصة اليوم لمشوار مع الشريك ..
■النسبة المئوية :
●مهنيا : %75 ●ماليا : %71 ●عاطفيا : %79 ●صحيا : %77
#العقرب ♏
تطورات مهنية وفي شغل ومال هاليوم ..
اطمن وضعك عم يكون أفضل وكتير اخبار بتدعمك بس انت لازم تكون قوي وماتسمح للظروف تتعبك فرصتك اليوم لشغل جديد لمال ممكن يجيك وفي كتير اوضاع داعمة عندك على اكتر من صعيد ..
عاطفيا .. يمكن انت بدك حب يريحك بس الشريك عم يخليك تصرف زيادة فانتبه ..
■النسبة المئوية :
●مهنيا : %67 ●ماليا : %71 ●عاطفيا : %77 ●صحيا : %74
#القوس ♐
يومك أفضل وفي حلول وراحة نسبية ..
بتقدر تغير وضعك وترتاح نسبيا بهيك يوم وعم تزيد طاقتك حاول تعرف تستغل يومك وقادر تقلب الموازين بهاليوم وأنك عم ترتاح وعم تكون قادر تصل وتصلح الأمور وتفرض شخصيتك حاول تغير كل شي ..
عاطفيا .. الوضع بيتحسن عندك وحظوظ عاطفية بتنطرك بهي الفترة للأفضل باللقاءات ..
■النسبة المئوية :
●مهنيا : %91 ●ماليا : %83 ●عاطفيا : %85 ●صحيا : %88
#الجدي ♑
في قصص ماعم ترضيك وبعض الناس عم تخذلك ..
يومك في تقلبات وتراجع بأثر عليك وبتحس أنو أغلب الناس ماعم تفهمك منيح ومو رايق وهالشي بخليك بحالة صعبة ومابتعرف شو تعمل بدي منك صبر وعدم التسرع بشي ودير بالك على صحتك وأهلك ..
عاطفيا .. تعامل بطريقة المسايرة ولا تتخذ اي قرار بعلاقتك لأن رح تكون بموقف صعب مع الشريك ..
■النسبة المئوية :
●مهنيا : %62 ●ماليا : %60 ●عاطفيا : %67 ●صحيا : %63
#الدلو ♒
عندك ناس كتير معك ولقاءات بتدعمك ..
انت بيوم جيد وكتير لقاءات حلوة وبتقدر تغير وضعك وتتقرب من كتير ناس وتعزم وتنعزم ويوم فيك فيه تتمنى امنية وتطلب مساعدة صديق لتحقيقها بيحملك حالة اجتماعية مميزة وتطورات ايجابية عندك ..
عاطفيا .. لاتتعامل مع التغيير الحاصل بعلاقتك بتسرع وحاول تصل لبر الأمان معو ..
■النسبة المئوية :
●مهنيا : %77 ●ماليا : %68 ●عاطفيا : %75 ●صحيا : %65
#الحوت ♓
عندك قصص شغل ولقاءات حلوة بتدعمك ..
في انفراجات واخبار حلوة وسفر وناس مهمة وجديدة بتشوفها بهاليوم ويمكن في توتر حاول تكون رايق وتحل أمور الشغل بهدوء وممكن تكون باختبار او تتعامل مع مسؤول وشغل جديد بهاد اليوم ..
عاطفيا .. التعامل مع الشريك عم يوترك فأنت بحاجة لاهتمام كبير لتكون مرتاح وهالشي يمكن ماعم يفهمو ..
■النسبة المئوية :
●مهنيا : %66 ●ماليا : %60 ●عاطفيا : %65 ●صحيا : %68
