رصد نيوز
القمر بكرا عم يكمل ببرج العقرب ♏
#الحمل ♈
عندك تعاملات مالية وقصص شغل ناطرتك ..
كتير أمور بتتغير لصالحك وعم تكون بوضع أفضل وعندك قصة مالية وبترتاح من الايام الماضية وعندك تحسن تصاعدي بالأوضاع وناطرك كتير امور لتحلها وكمان قضاية بترتاح منها وفي مبلغ ممكن يجيك ..
عاطفيا .. تحسن بعلاقتك بالشريك وعم تشعر برغبة قوية بانك تكون معو بهاليوم ..
■النسبة المئوية :
●مهنيا : %68 ●ماليا : %80 ●عاطفيا : %70 ●صحيا : %72
#الثور ♉
عم تدايق من تصرفات الكل وحاول تروق ..
ماعم تحس حدا عم يفهمك ويوم في مواجهات ممكن تخسرك اشخاص وبدي منك تكون دبلماسي قدر الأمكان وتتجنب المواجهة ولازم تكون هادي وتتجنب الانفعال اذا بدد حلول وفكر بشراكة وعقد عمل جديد ..
عاطفيا .. في كتير قصص مو راضي عنها بعلاقتك وعم تعصب من اقل كلمة حاول تصبر هاليوم وعند البعض فرصة لارتباط ..
■النسبة المئوية :
●مهنيا : %64 ●ماليا : %58 ●عاطفيا : %67 ●صحيا : %60
#الجوزاء ♊
عندك قصة صحية وتعب بشغل كتير ..
حاول هاليوم ترتب امورك وتنتبه لصحتك وبدي منك تتصرف صح ولازم تكون جاهز لمسؤوليات جديدة وشغل كتير وانتبهلي كمان قدر الأمكان لصحتك ويوم رح يمر بسرعة فلحق شغلك وانتبه من حادث ..
عاطفيا .. انت بحاجة لكتير اهتمام بوضعك الحالي بس جاذبيتك عم تزيد ..
■النسبة المئوية :
●مهنيا : %64 ●ماليا : %61 ●عاطفيا : %62 ●صحيا : %58
#السرطان ♋
امور عاطفية بتتحسن وفي شغل ناطرك ..
انت بيوم افضل بالحظوظ وبدي منك تتقرب من احبابك واستغل هيك يوم مميز وعم تكون وضعك عم يتحسن واجواء حلوة ناطرتك وعندك حظ مالي وبتنقلب لصالحك حاول تغير كل شي وتحل مشاكلك ..
عاطفيا .. اوقات ممتعة بهاليوم ورومنسيا انت افضل بكتير على كل الاصعدة ..
■النسبة المئوية :
●مهنيا : %87 ●ماليا : %82 ●عاطفيا : %89 ●صحيا : %84
#الأسد ♌
بتفكر بوضع اهلك وبدك تغير بيت ..
عم ينشغل بالك بوضع الأهل وعندك فرصة تغيير وعم تضوج بسرعة وعم يكون يومك متعلق بأهلك اكتر شي حاول تهدي الأوضاع وممكن يطرأ تغير شغلك او قصة بالبيت وخاصة اذا شي بخص عيلتك ..
عاطفيا .. انت ضايج وفي كتير تصرفات من الشريك عم تزعجك هالفترة ..
■النسبة المئوية :
●مهنيا : %68 ●ماليا : %60 ●عاطفيا : %62 ●صحيا : %67
#العذراء ♍
اجواء حلوة اتصالات وناس معك ..
بتكون قادر تصل لأكبر عدد من الناس وانت بيوم أفضل وكل شي عم تعاني منو قبل اليوم بيتغير وبيعطيك مجال للحركة وتمشي امورك افضل وبتحس بدعم الحظ الك من جديد ممكن تتلقى اتصال يفرحك ..
عاطفيا .. غير جو مع الشريك وعزز علاقتك معو حتى تطلع من جو الملل بهاليوم ..
■النسبة المئوية :
●مهنيا : %71 ●ماليا : %73 ●عاطفيا : %75 ●صحيا : %70
#الميزان ♎
اخبار حلوة مهنية ومالية عندك ..
عم تقدى تستغل يومك ماليا وانت بحاجة مورد مالي حاول تلاقي حلول وراقب زيادة مصروفك ويمكن صرفت كتير وهالشي بحطك بوضع مقلق ولازم تلاقي حلول وفيك تطلب دين وممكن تجيك دفعة ..
عاطفيا .. انت محتار بعلاقتك وهالشي طبيعي خاصة اذا الشريك مو مهتم بس بالمجمل يوم منيح ..
■النسبة المئوية :
●مهنيا : %69 ●ماليا : %74 ●عاطفيا : %77 ●صحيا : %72
#العقرب ♏
تحسن مالي وبالشغل واخبار حلوة ..
انت بأفضل حال وعم ترجع ترتب امورك وعندك لقاء مهم لشغل وبتتغير الأوضاع عندك بس بدك تنتبه من بعض المشاكل مو كل شي متل مابدك بدي ياك هادي وتغير بحياتك للافضل وتبدا من جديد بصفحة جديدة ..
عاطفيا .. اخبار حلوة رح تسمعها ممكن يحكيك الشريك وفرصة ارتباط عندك ..
■النسبة المئوية :
●مهنيا : %93 ●ماليا : %84 ●عاطفيا : %87 ●صحيا : %81
#القوس ♐
ماعم تمشي امورك تمام لكن يوم وبيمرق ..
بدي منك تنتبه وتروق هاليوم وحاول تروق وخاصة بالبيت وتأجيل بيحصل وعدم رضا بس لاتخاف فترة وبتمر وبتلاقي مافي شي عم يرضيك ومو رايق لوضعك الحالي فحاول تطلع من حالتك وانتبه ..
عاطفيا .. اهدى وساير وماتسأل شو ماصار بهاليوم بدي منك تكون اقوى من الظروف وتفكر برواق ..
■النسبة المئوية :
●مهنيا : %64 ●ماليا : %63 ●عاطفيا : %65 ●صحيا : %60
#الجدي ♑
ناس بتدعمك وصديق بكون حدك ..
الاصدقاء حدك وبيدعموك عم تقدر تحل مشكلة بالبيت وحضورك محبب وبتكون حلوة العلاقات عندك وكتير ناس معك وحالة اجتماعية عم تعيشها حاول تستفيد من دعم الاصدقاء الك وتزيد شعبيتك ولاتبقى لحالك ..
عاطفيا .. يوم حلو بيحملك اعجاب من الجنس الآخر وصداقات اكبر وتطورات حلوة عاطفية ..
■النسبة المئوية :
●مهنيا : %76 ●ماليا : %71 ●عاطفيا : %79 ●صحيا : %75
#الدلو ♒
عندك أمور شغل وناس مهمة بهاليوم ..
بدي منك تثبت حالك وعلاقاتك عم تكون على مستوى وانت بوضع مصيري ويوم متقلب عندك وعندك توتر بالشغل بهاليوم وممكن يكون شي مهني وخاصة انو في البعض من يلي حوليك عم يشككو بقدراتك ..
عاطفيا .. عم تحس بالقلق من مستقبل العلاقة وهالشي عم يأثر على شراكتك ..
■النسبة المئوية :
●مهنيا : %71 ●ماليا : %66 ●عاطفيا : %64 ●صحيا : %62
#الحوت ♓
عندك علاقات جديدة وتحسن كبير ..
عم تكون بيوم في علاقات جديدة وعندك قدرة تقلب الأمور ويوم مميز وفيك تنطلق فيه بسفر او لقاءات مع ناس جدد وبكون يومك حافل بكتير اوقات مميزة ولقاءات بتساعدك وعندك الحظ والدعم المالي ..
عاطفيا .. يوم داعم لتحل مشاكل علاقتك وترتاح نفسيا وتبدا حب جديد اذا بدك ..
■النسبة المئوية :
●مهنيا : %85 ●ماليا : %82 ●عاطفيا : %87 ●صحيا : %85
