رصد نيوز
القمر بكرا عم يكون ببرج الحوت ♓
#الحمل ♈
حاول تنتبه وخاصة ماليا وبسفرك هاليوم ..
في قصص ماعم تكمل وتأجيل عم يحصل وبخيب املك ببعض الاشخاص وبتحس انو كنت مخدوع فين لكن لاتخاف وهدي وخليك بعيد عن الأعمال الضرورية لان يوم بيحملك تأجيل وانتبه صحيا ..
❤️عاطفيا .. ماعم يفهمك الشريك وعم تعاني من العلاقة وعم تسمع حكي بخليك ماترتاح ..
■النسبة المئوية :
●مهنيا : %65 ●ماليا : %60 ●عاطفيا : %67 ●صحيا : %62
#الثور ♉
بتتحسن علاقاتك وبتشوف ناس بتحبا ..
انت قدام لقاءات حلوة وعزايم وناس بتدعمك الفترة هي فحاول تستفيد وتستغل هاد الشي وممكن صديق يساعدك لتحقق حلم عندك ولقاءاتك عم تكون مثمرة وحتى فيك تطلب مال من حدا وتتلبى ..
❤️عاطفيا .. ممكن صداقة تاخد منحى حب عندك ونظرات الاعجاب موجهة عليك ..
■النسبة المئوية :
●مهنيا : %72 ●ماليا : %70 ●عاطفيا : %78 ●صحيا : %74
#الجوزاء ♊
انتبه بشغل وماتواجه ولاتخالف القوانين ..
بدي منك تكون حذر من اي مخالفة للقوانين او مواجهة للمسؤولين ولازم تكون جاهز يعني ممكن امتحان او مكان جديد بحياتك كمان لازم تنتبه التعامل مع الناس بالشغل عندك وخليك دبلماسي لتنجح مهنيا ..
❤️عاطفيا .. شوي بتحس بتوتر مع الشريك لكن هي حالة مؤقتة بس خليك رايق وبعد عن الاستفزاز ..
■النسبة المئوية :
●مهنيا : %68 ●ماليا : %66 ●عاطفيا : %72 ●صحيا : %75
#السرطان ♋
الأمور ايجابية علاقات وناس وشغل ..
من الايام يلي فيها ناس جديدة عم تشوفها وبتقدر تتحرر من الضغط عليك وتتعم اعمال زيادة وتنجح ومابعرف اذا عم تفكر بسفر هاليوم او عم تتلقى اتصالات بعيدة او من ناس غريبة عنك واطمن يوم جيد ..
❤️عاطفيا .. فكر بشخص يستاهلك ولازم تحسم خياراتك بعلاقتك بالشريك وبظن في شخص عم تتعرف عليه عن جديد ..
■النسبة المئوية :
●مهنيا : %86 ●ماليا : %80 ●عاطفيا : %84 ●صحيا : %82
#الأسد ♌
يوم في حلول مالية ومهنية وعاطفية ..
بتقدر تغير من وضعك المالي وتحصل على مال وكمان مهنيا عم يكون في اوراق وحلول لمشلمل عندك وحتى عائليا افضل الوضع وحتى بكون في مال من شراكة او ميراث وقصة صحية بتتحرك باتجاه شفاء ..
❤️عاطفيا .. عاطفتك كتير قوية وبتعيش اجواء رومنسيةو انت بيوم جيد نسبيا فيك تصالح الشريك او تحل المشاكل ..
■النسبة المئوية :
●مهنيا : %69 ●ماليا : %78 ●عاطفيا : %72 ●صحيا : %68
#العذراء ♍
يوم في توتر ولازم تنتبه لشراكاتك ..
انت قدام يوم بيحملك حالة من التوتر يلي لازم تنتبه منها وماتنفعل وخاصة مع عيلتك ومع المحيطين فيك وعم تلتقي بأشخاص تستفزك وانت بدك بس يهدى وضعك وفيك كمان بهاليوم تتم شراكة شغل ..
❤️عاطفيا .. اي كلمة زايظة ممكت تنهي علاقتك فهدي وانتبه ويوم بيحمل ارتباط للأعذب اذا جاهز ..
■النسبة المئوية :
●مهنيا : %64 ●ماليا : %60 ●عاطفيا : %68 ●صحيا : %65
#الميزان ♎
عندك لقاءات شغل كتير وانتبه صحيا ..
عم يكون عندك لقاءات بتخص شغل يمكن وبتقدر تخلص كتير من شغلك اذا كنت منظم وخلصت كل شي بوقتو واتتبه من الحوادث وصحيا هاليوم وحاول تنتبه لاكلك بهاليوم واتبع نظام غذائي ..
❤️عاطفيا .. في حضور حلو الك عم تكون جذاب وماعم تعرف تختار او مابدك شخص كيف ماكان بحياتك العاطفية ..
■النسبة المئوية :
●مهنيا : %66 ●ماليا : %68 ●عاطفيا : %62 ●صحيا : %58
#العقرب ♏
الحظ معك بكون عاطفيا وماليا ..
من الأيام يلي فيها خبر مالي بفرحك وحظ فاعتمد على هالشي وقادر تحصل على فرصة شغل مهمة او تحصل على طلب ناطروا من زمان ورح تلاقي الدعم اليوم وممكن قصة طفل تنحل وتحسن وضعك بالبيت ..
❤️عاطفيا .. عم ترجع علاقة قديمة ممكن ويوم مميز غير ان بتكون جذاب وبتحصل على رومنسية بهاليوم ..
■النسبة المئوية :
●مهنيا : %84 ●ماليا : %80 ●عاطفيا : %88 ●صحيا : %82
#القوس ♐
أجواء عائلية بتشغلك وقصة عقار او تغيير ..
بتكون قدام تغييرات اووقصص عندك بالبيت او حتى موضوع عقاري وبهاليوم خليك رايق وتعامل بحكمة واعتني بأهلك وبحالك صحيا وممكن بيع عقار شاغلك فانتبه وهدي وفكر كيف تحسن الاجواء ..
❤️عاطفيا .. ماعم تكون راضي تماما وفي احساس جواتك بالأهمال بس لاتخاف وافتح قلبك وافصل بين حبك وعيلتك ..
■النسبة المئوية :
●مهنيا : %68 ●ماليا : %60 ●عاطفيا : %66 ●صحيا : %62
#الجدي ♑
اتصالات ولقاءات بس انتبهلي من الحوادث ..
حضورك حلو وعم تكون محور اتصال مع كتير ناس وعم تشوف ناس جديدة وكمان عم تحكي لفترات طويلة باتصالات او عالنت وانتبهلي لاخواتك لان بحاجتك وكمان في نجاح ولقاءات وانتبه من الحوادث ..
❤️عاطفيا .. عم تقدر تصل لقلوب الكل ومن الأيام الحلوة يلي اذا حبيت تشوف فيها الشريك رح تكون طلتك غير شكل ..
■النسبة المئوية :
●مهنيا : %70 ●ماليا : %72 ●عاطفيا : %78 ●صحيا : %68
#الدلو ♒
ضغوطات مالية عليك وفيك تطلب من حدا ..
بهاليوم عم يكون عندك كتير التزامات مالية ويمكن عم تاخد مصاري من صديق او بدك تبدا شغل جديد لكن عم تحس انو في ناس بدها تنصب عليك فانتبه وضبلي ايدك وفكر كيف تحسن وضعك العائلي والمالي ..
❤️عاطفيا .. تصرف بهدوء وانت عم تبحث عن استقرار بهالفترة وقلبك ماعم يعرف يثبت على حدا بدها شوية دراسة علاقاتك ..
■النسبة المئوية :
●مهنيا : %71 ●ماليا : %68 ●عاطفيا : %70 ●صحيا : %66
#الحوت ♓
بتتغير أوضاعك للاحسن مهنيا وعاطفيا ..
عم تقدر تكون تحت الاضواء بهاليوم وكل العيون عليك وعم ترجع مكانتك وتأكد انو كل شي عم يخدمك حتى لو حسيت بضغط لكن عادي وانت رح تتجاوز هالفترة وتنجح كمان وتبلش شغل او تترقى بهاليوم ..
❤️عاطفيا .. في نظرات اعجاب نحوك كتير ممكن تبدا جب جديد وعندك جاذبية كبيرة ..
■النسبة المئوية :
●مهنيا : %92 ●ماليا : %84 ●عاطفيا : %88 ●صحيا : %86
