رصد نيوز
القمر بكرا عم يكون ببرج الثور ♉
#الحمل ♈
يوم انت بحاجة مال في وعندك مصاريف زيادة ..
أفكار كتير براسك والقصص بهاليوم عم تدور بالمجال المالي عندك وبدك تعرف شو الك وشو عليك وتتصرف بحكمة وتعيد حساباتك المالية وغير هيك ضبلي ايدك لان زايد مصروفك ويمكن عندك بداية شغل جديد ..
عاطفيا .. الوضع العام بيعطيك الحظ بالحب وقلبك ماعم يعرف يثبت على حدا بدها شوية دراسة علاقاتك ..
■النسبة المئوية :
●مهنيا : %65 ●ماليا : %75 ●عاطفيا : %70 ●صحيا : %73
#الثور ♉
بتستعيد مكانتك وألقك وبتنحل الأمور عندك ..
بتكون ساحر وطاقتك مرتفعة وعندك حضور حلو ونجاح بقصص كانت شاغلتك وحتى مال وتغييرات لصالحك على صعيد البيت ولو حسيت بضغط لكن عادي وانت رح تتجاوز هالفترة ورح تنجح اكيد ..
عاطفيا .. اطمن عاطفتك بتتحسن حتى انك ممكن تبدا حب جديد وعندك جاذبية كبيرة ..
■النسبة المئوية :
●مهنيا : %91 ●ماليا : %84 ●عاطفيا : %88 ●صحيا : %86
#الجوزاء ♊
انتبه لوضعك ولاتتسرع بشي جديد لان في تأجيل ..
مو مرتاح لحدا كلو عم يخذلك وبتحس بنوع من الوحدة وحاول ماتواجه بعلاقاتك يعني يوم صعب لكن لاتخاف بيمرق وفكر ببكرا أكيد وخليك بعيد عن الأعمال الضرورية لان يوم بيحملك تأجيل ..
عاطفيا .. مو كتير مرتاح وعم تعاني من العلاقة وعم تسمع حكي بخليك ماتروق بعلاقتك ..
■النسبة المئوية :
●مهنيا : %61 ●ماليا : %60 ●عاطفيا : %67 ●صحيا : %62
#السرطان ♋
يومك منيح والرفقات بيدعموك بهيك يوم ..
استغل دعم الرفقة الك لتحقق حلم عندك وبدي منك ماتبقى لحالك ولقاءاتك عم تكون مثمرة هاليوم وعزايم وعم تكون قادر تصل لاكبر عدد من الناس بلقاءات واجواء اجتماعية وناس بتكون معك..
عاطفيا .. اطمن في حلول ناطرتك وبدك تخلص من الأشخاص يلي عم تستغل عاطفتك ..
■النسبة المئوية :
●مهنيا : %71 ●ماليا : %70 ●عاطفيا : %78 ●صحيا : %74
#الأسد ♌
انت تحت الاضواء ويوم مهم لشغل عندك ..
شغل مهم عندك ولقاءات بتجمعك باشخاص مسؤولة ولازم تثبت حالك وتقدر تحصل على مكانتك ولازم تنتبه من مخالفة القوانين وخاصة بالتعامل مع المسؤولين عنك وعندك فرص للشهرة والنجاح ..
عاطفيا .. العيون عم تكون عليك بس خليك رايق وفكر كيف تلاقي الشخص المناسب الك ..
■النسبة المئوية :
●مهنيا : %70 ●ماليا : %66 ●عاطفيا : %72 ●صحيا : %75
#العذراء ♍
يوم لعلاقات وناس جديد وسفر ودراسة ..
يوم مميز بتجديد وعندك قدرة تعمل علاقات جديدة وتنجح بوضعك المهني ويمكن بهاليوم عم تفكر تبدا دراسة جديدة او تنزل عالنادي بالمجمل يوم منيح مهنيا وبالعلاقات وفي تغيير سكن ممكن ناطرك ..
عاطفيا .. انت قدام علاقات جديدة وقادى تثبت حالك وبظن في شخص عم تتعرف عليه عن جديد وحابب يكون شريك عاطفي ..
■النسبة المئوية :
●مهنيا : %86 ●ماليا : %80 ●عاطفيا : %84 ●صحيا : %82
#الميزان ♎
في حل لبعض الأمور ومال وورقة بتحصل عليها ..
بترتاح من الضغط وبكون في عندك قصص مالية وعقارية وبتخص ميراث وبتكون افضل بوضعك وحتى تحصل على مال من شراكة او ميراث حتى وفي حل لقضية قانونية وشفاء من مرض تعبك ..
عاطفيا .. عاطفتك بتزيد بهاد اليوم فيك تصالح الشريك او تحل المشاكل يلي عندك ..
■النسبة المئوية :
●مهنيا : %66 ●ماليا : %78 ●عاطفيا : %72 ●صحيا : %68
#العقرب ♏
يوم لشراكة وعقد وارتباط ممكن كمان ..
عندك افكار كتير براسك ولازم ترتب امور الشغل عندك اهم شي تكون دبلماسي وانت بدك بس يهدى وضعك وتستقر وفيك كمان بهاليوم تتم شراكة او تشتغل ضمن شركة بس لا تنفعل وخليك هادي ..
عاطفيا .. من الايام يلي فيها حلول فخلي العالم تتجنب تزعلك ولازم يعرفوا يتعاملوا معك ..
■النسبة المئوية :
●مهنيا : %62 ●ماليا : %60 ●عاطفيا : %68 ●صحيا : %65
#القوس ♐
يوم لبداية شغل جديد ومسؤوليات وقصة صحية ..
يوم لتبدا شغل عندك ولازم تخلص كل شي بوقتو وماتتاخر عن الأمور الضرورية وتحاول تترك وقت للراحة ويوم بكون حافل بقصص كتير مشان هيك لازم تنظم وقتك واكلك بهاليوم وتكون جاهز ..
عاطفيا .. انت بيوم متعب لكن الشريك لازم يقدر ظروفك ويبدو ضايع ةمابدك شخص كيف ماكان بحياتك العاطفية ..
■النسبة المئوية :
●مهنيا : %64 ●ماليا : %60 ●عاطفيا : %62 ●صحيا : %58
#الجدي ♑
يوم في حظوظ وعاطفتك بأفضل حال ..
عندك يوم حلو واوقات بتدعمك وبتقدر تحسن من وضعك المهني والعائلي وتكون قدام فرص جديدة وورح تلاقي الحظ اليوم وممكن قصة بتخص طفل جديد وحتى ماليا وضعك افضل بكون ..
عاطفيا .. الوضع العاطفي بكون جيد ويوم مميز وممكن يشهد رجعة حب قديم ليحكيك ..
■النسبة المئوية :
●مهنيا : %876 ●ماليا : %80 ●عاطفيا : %88 ●صحيا : %82
#الدلو ♒
يوم لبيت جديد وقصة عقار وموضوع عائلي ..
بيشغلك وضعك بالبيت وماعم تكون كتير مرتاح فانتبه لصحتك وصحة اهلك وتعامل بحكمة واعتني بوضعك بالبيت حاول تهدي مع المقربين وممكن بيع عقار شاغلك وحتى في قصص البيت بتكون افضل ..
عاطفيا .. حاول تروق مع الشريك وتهدي بوضعك وافتح قلبك وافصل بين حبك وعيلتك ..
■النسبة المئوية :
●مهنيا : %64 ●ماليا : %60 ●عاطفيا : %66 ●صحيا : %62
#الحوت ♓
يوم لسفر قصير اتصالات كتير واقناع برايك ولقاءات ..
قصة سيارة او موبايل بتشغلك وعم تكون افضل بحركتك واتصالاتك وبتنجح تتعرف على ناس مهمة وانتبهلي من الحوادث ولاخواتك لان بحاجتك وكمان في تطورات حلوة واخبار ايجابية عندك ..
عاطفيا .. في اتصال بفرحك مع الشريك ومن الأيام الحلوة يلي اذا حبيت تشوف فيها الشريك رح تكون مميزة ..
■النسبة المئوية :
●مهنيا : %75 ●ماليا : %72 ●عاطفيا : %78 ●صحيا : %73
