رصد نيوز
القمر مكمل ببرج الميزان ♎
الزهرة عم تنتقل بكرا لبرج الدلو لتعطيه طاقة افضل وتحسن من وضعو العام بالاضافة للأبراج الهوائية الميزان والجوزاء وكمان النارية بصفة اقل وبتتحسن علاقاتنا الاجتماعية ومنميل لاقامة صداقات اكتر وكمان منطلع عن المألوف بوجود الزهرة بالدلو ..♒
وتفاصيل تأثيرها على الأبراج أسفل البوست 👇👍
#الحمل ♈
خود وقتك بشراكاتك وفكر بعقد شغل ..
بعرفك متسرع ومابتقدر تصبر كتير بش هاليوم بدو رواق خاصة اذا في عقد عمل جديد او شراكة مع حدا ولازم تعرف تتصرف وتحاول تكون دبلماسي وبدي منك تفكر بتعزيز الشراكات ولاتصعد الخلافات..
❤️عاطفيا .. كون هادي لأن انت بحاجة للخروج من جو التوتر يلي عم تعيشو وحابب تعيش شي غير وفرصة ارتباط للبعض ..
■النسبة المئوية :
●مهنيا : %67 ●ماليا : %64 ●عاطفيا : %68 ●صحيا : %59
#الثور ♉
لاتتكاسل بشغلك وانتبه صحيا ..
يومك في كتير امور من الصبح بتحس بضغط عليك ولازم تعرف كيف تخلصها بوقتها وعم يكون يوم طويل وكتير قصص لازم تنهيها وامور بدها ترتيب و عم يزيد الشغل عليك يمكن وعندك قصة صحية فانتبه ..
❤️عاطفيا .. انت بدك حدا تحس معو باستقرار قبل كل شي وهالشي بيجي مع الوقت اطمن ..
■النسبة المئوية :
●مهنيا : %66 ●ماليا : %61 ●عاطفيا : %63 ●صحيا : %60
#الجوزاء ♊
اجواء عاطفية ومهنية بتساعدك هاليوم ..
عندك فرص حلوة لعقود بهاد اليوم وممكن تسمع خبر حلو وفي أوقات ايجابية بتعزز حضورك لهاليوم وقادر تكون مقنع وتحصل على نتائج مميزة بعملك فلا توقف وعم تفكر بقصة بتخص طفل كمان ..
❤️عاطفيا .. عندك فرصة ارتباط فحاول تستقر بعواطفك على شخص معين وفكر بشكل جدي بعلاقتك وفي حب قديم ممكن يرجع ..
■النسبة المئوية :
●مهنيا : %83 ●ماليا : %82 ●عاطفيا : %89 ●صحيا : %80
#السرطان ♋
بتتأثر بقصة بالبيت ووضع عيلتك مو مستقر ..
مابتكون مرتاح من ناحية المقربين والعيلة عندك ويمكن ينشغل بالك على حدا منن وبعرف انو حساسيتك عالية واغلب تعبك بهاليوم عم يكون من قصة بتخص أهلك او عقاريا وعم تكون صحيا مو كتير ..
❤️عاطفيا .. لازم تلاقي الشخص يلي بيعرف يهتم ولا تفكر بالماضي كتير وحاول تطلع من القلق يلي عم تعيشو وتفائل ..
■النسبة المئوية :
●مهنيا : %64 ●ماليا : %60 ●عاطفيا : %68 ●صحيا : %59
#الأسد ♌
عندك لقاءات حلوة وعم تكون ناجح ..
انت قادر تنجح بهيك يوم وعلاقاتك كتيرة وفي شي بفرح قلبك واخبار بتصلك بتكون ايجابية وبتتحسن حالتك بهاليوم وعم تحس بنشاط كبير عم تتواصل مع العالم وقادر توصل رايك ويوم مهم بسفر وتواصل ..
❤️عاطفيا .. فكر كيف تلاقي حبك وارتاح من التفكير لتعيش اوقات رومنسية اذا بدك ..
■النسبة المئوية :
●مهنيا : %74 ●ماليا : %72 ●عاطفيا : %78 ●صحيا : %70
#العذراء ♍
يمكن عم تصرف زيادة وامور مالية بتشغلك ..
حاول بهيك يوم تعرف كيف ترتب امورك المالية وصار لازم تفكر بحلول وهاليوم بساعدك بشغل جديد وقصص بتعيد فيها حساباتك العامة وحاول تضل قريب من عيلتك وعندك تعامل بقصص مالية كون منتبه ..
❤️عاطفيا .. حافظ على علاقتك وعم تفرض على حالك وضع جديد لاتكبر القصص وحاول تكون رومنسي ..
■النسبة المئوية :
●مهنيا : %66 ●ماليا : %72 ●عاطفيا : %70 ●صحيا : %68
#الميزان ♎
يوم لتغيير وحلول ونجاح بيدعمك ..
بتقدر تغير كتير أمور لصالحك وتطلع من حالة التعب وتفتح صفحة جديدة وعم تكون بمكان جيد وقادر تعمل الكتير اليوم لاتخاف وتخلص من الماضي وابدا من جديد بدي منك تحدد خياراتك واهدافك وانطلق ..
❤️عاطفيا .. الحب بيعطيك خيارات اكبر هاليوم وخبر حلو عاطفيا ورغبة بالاستقرار حاول تقرب وجهات النظر ..
■النسبة المئوية :
●مهنيا : %93 ●ماليا : %82 ●عاطفيا : %85 ●صحيا : %80
#العقرب ♏
في قصص بتشغلك وخاصة مالية فانتبه ..
حاول تنتبه بتعاملاتك المالية وسفرك وحركتك هاليوم ولاتكون متسرع بشي وحاول تخفف الوتيرة وبدي منك تتعامل بحذر قدر الامكان الوضع تاعبك ومافي شي عم يمشي متل مابدك وانتبه ماليا وصحيا ..
❤️عاطفيا .. حاول تعرف كيف تقرب الشريك منك وحاول لاتتخذ قرار مهم واهدى ..
■النسبة المئوية :
●مهنيا : %67 ●ماليا : %61 ●عاطفيا : %64 ●صحيا : %60
#القوس ♐
الوضع منيح وشعبيتك بتزيد وبتشوف رفقاتك ..
من افضل الايام لطلب مساعدة من رفيق او لتكون بين رفقاتك ويدعموك او حتى لتزيد شعبيتك هالفترة وحاول تاخد قوتك من الأصدقاء يلي بتكون حدك وبتعطيك الطاقة بهيك يوم ولاتبقى لحالك ..
❤️عاطفيا .. عندك نظرات اعجاب من صديق ممكن تتحول لحب فلاتسمح وحاول تتفهم الشريك قدر الامكان لتستمرو ..
■النسبة المئوية :
●مهنيا : %76 ●ماليا : %70 ●عاطفيا : %66 ●صحيا : %68
#الجدي ♑
امور بتخص شغل وهدي بعلاقاتك ..
عم تكون بمواجهة مع أشخاص مهمين ومسؤولين بهاد اليوم بالشغل وعندك شوية ضغط وتوتر لان يوم مهم ومصيري وقصص عم تنعمل الك خفف القلق ولاتخاف المهم انت خليك دقيق ورح ويكون في شهرة الك..
❤️عاطفيا .. استغل علاقاتك حتى لو مو مرتاح والشريك عم يزيدها عليك خليك مرن قدر الامكان ولاتنفعل على أقل الأمور ..
■النسبة المئوية :
●مهنيا : %67 ●ماليا : %62 ●عاطفيا : %68 ●صحيا : %61
#الدلو ♒
أصداء حلوة علاقات وناس جديدة ..
عم تعرف تتواصل بشكل كتير منيح بهيك يوم وعندك نجاح بيوم جيد ومن الأيام المثمرة عندك بتفكر تسافر او عم تتلقى اتصالات بعيدة يمكن هي الأجواء المناسبة الك فكر بعلم جديد واستغل يومك ..
❤️عاطفيا .. العاطفة بتتحسن وكتير من الحب عم يحمل معو اليوم الك فاستغل عاطفتك لتصل ..
■النسبة المئوية :
●مهنيا : %84 ●ماليا : %81 ●عاطفيا : %85 ●صحيا : %83
#الحوت ♓
عندك امور مالية وشغلك بيتحسن ..
فيك هاليوم تحسن وضعك بالشغل وتلاقي حل لقصة شاغلتك وتهدي التوتر الحاصل مع المحيطين فيك وتحصل على مال كمان وممكن كتير تعوض هالشي وتاخد مصاري ويوم بيحملك راحة بشكل عام ..
❤️عاطفيا .. انت عاطفيا أفضل فحاول تلاقي حب جديد او حسن الاجواء الرومنسية مع الشريك رح ترجع امورك افضل لأن ..
■النسبة المئوية :
●مهنيا : %69 ●ماليا : %71 ●عاطفيا : %67 ●صحيا : %73
🌸انتقال الزهرة للدلو ♒ وتستمر فيه حتى 14 يناير
☆ الحمل : كتير ناس بتدعمك وبتعزز علاقاتك الاجتماعية مع محيطك وبالاصدقاء الك وبكون في اصدقاء جديدة بهالفترة ونظرات الاعجاب بتزيد وبتظهر بالمظهر الجذاب بحديثك وبساعدك صديق لتحقق امنية عندك ..
☆ الثور : الاجواء المهنية بتتحسن وبتمنحك فرص للشهرة وترقية ممكنة بهي الفترة يلي بتخليك تفكر تغير بشغلك وبتكون علاقاتك مع ناس مهمة بتصل معن لمكان متقدم بتطمح الو ..
☆ الجوزاء : بتعرف اشخاص جدد وكمان بتعزز السفر والاتصالات البعيدة عندك ورح تكون علاقاتك مع ناس لاول مرة بتحكين ومن ثقافات غريبة عنك فترة ايجابية استغلها لتحصل على تقدم مهمي وعلوم جديدة ممكنة ..
☆ السرطان : اطمن بالفترة القادمة في امكانية لانك تحصل على مال من شراكة او حتى ميراث وكمان احتمال تحل مشكلة قضائية وتشفى من مرض تعبك ..
☆ الأسد : فكر بعقود شغل جديدة وبتعزز عندك الشراكات المهنية والعاطفية وبكون في كتير شراكات جديدة وتحسن بالشراكات القديمة عندك واحتمال تتم ارتباط اذا كنت جاهز ..
☆ العذراء : فيك تعمل نظام صحي وغذائي وبتوعدك الزهرة بشغل جديد قادم الك حاول تستغل الفرص وكون جاهز وحتى علاقتك بزملاء الشغل والدراسة بتتحسن بهي الفترة ..
☆ الميزان : حلوة الفترة القادمة لأن بتمنحك افضل الفرص لعودة حب قديم ليظهر بحياتك وللأعذب فرصة ليبدا حب جديد وكمان في فرص لشغل جديد واوقات حلوة وكمان لانجاب طفل عند البعض او لتفرج بنجاح ولادك ..
☆ العقرب : بتتغير الأمور لصالحك وكمان بتساعدك لتنتقل لبيت جديد او لتحسن ببيتك وممكن تعطيك فرصة لتشتغل بالعقارات وقصة بتخص الجذور الخاصة فيك وتحسن بعلاقتك بالأهل والعيلة واجواء اجتماعية حلوة ..
☆ القوس : بتكون عم تتحرك باريحية اكتر وبتمنحك فرص اكبر للسفر وبتقدر تتواصل بشكل أفضل بكتير مع محيطك وكمان ممكن تشتري سيارة امو موبايل جديد وتحسن بوضع الاتصالات عندك ..
☆ الجدي : فترة ايجابية وبتدعمك اكتر شي ماليا ممكن تبدا شغل جديد وكمان تستفيد من مال ممكن يجيك ويحسن وضعك المالي ويمكن تحصل على هدية بهي الفترة ..
☆ الدلو : بتكون جاذبيتك عالية وبتمنحك أحلى طلة وبتكون ساحر وبزيد جمالك فترة ايجابية لتغير بشكلك وتكون مافت للنظر وعندك طاقة مميزة وممكن تكسب مال ويزيد حظك ..
☆ الحوت : بتأثر على وضعك الاجتماعي بتميل للوحدة وبتراجع علاقتك بالناس ممكن تبدا شغل بمؤسسة كبيرة وكمان ممكن تفضل تكون علاقاتك سرية ..
