رصد نيوز
القمر بيبقى مكمل ببرج الجدي ♑
كسوف حلقي للشمس في برج الجدي باقتران مع المشتري وهالشي بخليها ايجابية بشكل كبير على المدي البعيد لكن لابد من الانتباه فترة الكسوف من تغييرات طاقية بتأثر بكل الأبراج وبيظهر بشكل جزئي بمنطقتنا مع شروق الشمس ..
#الحمل ♈
فكر بالاضواء والشهرة ولاتغلط ولاتستفز حدا ..
يوم بيحملك خيارين اما تطلع وتثبت حالك او تتعرض للمحاسبة ولازم تكون بتعرف كيف تصل للاضواء وتنجح لكن يمكن بعدك مو رايق حافظ على اعصابك ورجع الامور لوضعها الطبيعي كمان حاول لاتتوتر وانتبه ..
❤عاطفيا .. الكل ناطرك وعم يراقبك وفترة مهمة بعلاقتك انت قدام خيارين اما الاستمرار او تتحمل ..
■النسبة المئوية :
●مهنيا : %72 ●ماليا : %63 ●عاطفيا : %68 ●صحيا : %70
☀الكسوف بالجدي : الكسوف بيعطيك فرص مهمة كتير بشغل بغير حياتك بالكامل وحتى بيعطيك فرص كبيرة بالشهرة واذكر كلامي عندك شي بياخدك للاضواء بس بتمنى مايكون تشويه سمعة او فضيحة للبعض وحتى بتوقع مناصب قادمة ..
#الثور ♉
الحظ معك علاقات جديدة وسفر ممكن ..
انت من المحظوظين بطاقة هاد اليوم بس لازم تعرف تستغل هالشي بعلاقات وسفر ونجاح وحرية اكبر بتحصل عليها ويمكن في عندك فترة مميزة وقادر تدفع بمصالحك وتغير حالتك وانتبه من الحوادث ..
❤عاطفيا .. الاجواء مناسبة لحب جديد وحاول انت تبادر لان الحبيب بحاجة الك هي الفترة فلا تكون عنيد وخليه يحس بالأمان معك ..
■النسبة المئوية :
●مهنيا : %87 ●ماليا : %84 ●عاطفيا : %89 ●صحيا : %81
☀الكسوف بالجدي : بيدعمك لتغير حياتك لتنطلق من جديد ليكون في خيارات اكبر وحرية بقراراتك لتنجح وتصل لابعد مكان لتتعرف على ثقافات جديدة وتسافر او تشتغل بسفارة او بمؤسسة طيران فاستغل هالشي ..
#الجوزاء ♊
انتبه وحاول تلاقي التغيير المناسب والمال ..
يوم في قصص عم تنحل عندك وعم تكون قادر تحصل على اوراق مهمة وتصالح ناس معينين كمان بدك تنتبه وتغير الأوضاع لصالحك وتخفف الضغط عليك وحاول ترتاح وتحل الامور برواق وعندك امور مالية ..
❤عاطفيا .. يمكن عم تصالح فبعد عن النرفزة اليوم وريح بالك وخود استراحة وأنت افضل بس في حسم بالامور ..
■النسبة المئوية :
●مهنيا : %68 ●ماليا : %79 ●عاطفيا : %73 ●صحيا : %76
☀الكسوف بالجدي : بيعطيك فرص مالية مهمة على الرغم انو البعض ممكن يحصل معن احتيال من الاشخاص الشركاء الن لكن بالمجمل في ميراث كان عم يتأجل ممكن ينحل بالفترة القادمة وفي شراكة مالية جيدة وورقة بتحصل عليها وبتحل قضية قانونية عندك فاطمن ..
#السرطان ♋
فكر بهدوء ولازم تعمل عقد شراكة ..
انت بحاجة هدوء بهيك يوم وعم تكون حساسيتك كتير عالية فحاول تهدي قد مافيك وعندك موضوع بيدعمك وعم تركز على علاقاتك وقصة بتخص عقد مع حدا وكمان عم تحس انك ضايج بس ماتخاف وهدي ..
❤عاطفيا .. الامور بحاجة حلول مع الشريك وماعم تعرف كيف تصل لاستقرار العلاقة والوضع تاعبك كتير وفرص ارتباط للبعض ..
■النسبة المئوية :
●مهنيا : %66 ●ماليا : %61 ●عاطفيا : %68 ●صحيا : %63
☀الكسوف بالجدي : ممكن يخليك تدخل شراكة مفاجئة تغير بوضعك بالكامل وبدي منك ماتكون انفعالي وحاول تنتبه لان ممكن البعض ينهي علاقة الها زمن ..
#الأسد ♌
انتبه صحيا ولشغلك وركز بمسؤولياتك ..
يوم عم يكون في كتير قصص خلصها وراجع طبيب اذا كانت صحتك تاعبتك بهاد اليوم كمان فيك تبدا نظام غذائي صحي وحاول تطلب مساعدة وفكر بايجابية وانت عم تطلع من وضعك الصعب ..
❤عاطفيا .. حاول تنتبه لوضعك مع الشريد وبكون مشغول بالك وماعم تعرف كيف تصل لحل وحاسس بفتور بالعلاقة ..
■النسبة المئوية :
●مهنيا : %67 ●ماليا : %62 ●عاطفيا : %60 ●صحيا : %57
☀الكسوف بالجدي : بيعطيك خيارات شغل وانت شاطر بتحمل المسؤوليات مشان هيك بتشتغل اكتر من اللازم وبتكون عم تحاول تثبت حالك وقصة صحية بتشغلك لازم تكون منتبه الها ..
#العذراء ♍
في عندك خبر حلو ممكن الحظ يربحك مال كمان ..
عم يجيك مال بدون ماتكون حاسب حساب وامورك بتتحسن بالبيت والفرص بتجيك لحالها بس انتبه لاتفوت بالروتين وانت نشيط اليوم وعندك لقاءات مهمة وفرص لتحسن بوضعك وتستغل الفرص ..
❤عاطفيا .. الحب بكون قدامك فلاتهمل مشاعر الحبيب كون رايق حتى ما يصير مشاكل ومن افضل الايام لترجع حب قديم ..
■النسبة المئوية :
●مهنيا : %86 ●ماليا : %81 ●عاطفيا : %90 ●صحيا : %84
☀الكسوف بالجدي : بيمنحك شي حلو على صعيد الحظ وبلقك فيك تعتمد على حظوظك الفترة الجاية لتربح يانصيب او يجيك مال من غامض علمو وكمان العاطفة بتتحرك لتخلي شخص غايب يحكيك وفي حلول لقصة بتخص الاطفال عندك ..
#الميزان ♎
عندك قصص عقارية وبتخص الاهل ..
يبدو عم ينشغل بالك على أهلك او قصة بتحصل معك بالبيت خليك هادي لأن عم تكون متوتر ويوم مابيخلى من التعب واذا بدك ترتاح خليك حكيم وانتبه لأهلك وصحتك كمان عندك قصة بتخص عقار …
❤عاطفيا .. الزهرة بالدلو بتحسن عاطفتك لكن عم تلاقي صعوبة بفهم الحبيب وخاصة مع مشاكل المقربين ..
■النسبة المئوية :
●مهنيا : %70 ●ماليا : %62 ●عاطفيا : %60 ●صحيا : %63
☀الكسوف بالجدي : بخليك تفكر تغير المكان يلي انت فيه وبتحاول تبحث عن بيت جديد او حتى مكان شغل وبتنشغل بقصص عائلية ويمكن تحتاج حكمة بالتعامل مع الاهل ويمكن تنرزق بشغل العقارات كمان ..
#العقرب ♏
بوم في اتصالات وسفر وعلاقات ..
بكون يومك جيد لتشتغل بمجال التواصل او الاعلام وتنجح ويمكن تنشغل بقصة سيارة وانتبه من الحوادث كمان بتكون مقنع برأيك وقادر تسافر وفي لقاءات حلوة ممكنة عندك وامكانية تغير موبايلك ..
❤عاطفيا .. اتصالات وناس وفيك تبدا حب جديد زمن الاوقات الحلوة بالشهر استغلها وعيش لحظات حلوة بتدعمك ..
■النسبة المئوية :
●مهنيا : %76 ●ماليا : %73 ●عاطفيا : %80 ●صحيا : %71
☀الكسوف بالجدي : بيعطيك فرص مهمة لشغل بمجال التواصل والاعلام والسوشل ميديا فلا تروح هالفرصة عليك وبتهتم بقصص الاخوة اكتر ويمكن تشتري سيارة بس انتبه من الحوادث ..
#القوس ♐
بتسيطر عليك امورك المالية وممكن مكاسب ..
يوم ممكن يغير حياتك المالية وفي قصص لازم تنتبه الها وعم تفكر كتير بوضعك بالشغل هالفترة وضبط ميزانيتك عم تتزايد المصاريف عندك وحاول تفكر بمشروع او قصة جديدة بس بتوقع تكون مالية ..
❤عاطفيا .. بدي منك ماتكبر القصص كون رايق قدر الامكان وتفهم وجهة نظر الحبيب ..
■النسبة المئوية :
●مهنيا : %68 ●ماليا : %79 ●عاطفيا : %72 ●صحيا : %70
☀الكسوف بالجدي : بغير من وضعك المالي وباقترانو بالمشتري غالبا وعالمدى البعيد عندك ثروة ادمة فجهز حالك لتستغلها وتعيش شي ايجابي على صعيد المال والوضع المهني والمشاريع الجديدة وحتى الهدايا ..
#الجدي ♑
يوم مصيري يحمل طاقة هائلة للتغيير ..
استغل هي الظروف لصالحك وفكر بخطوات جديدة حط نقطة وانهي كل شي عم يتعبك وفكر ببكرا الجاية الك وخليك قوي وقادر تغير كل شي بيدعمك اليوم وترجع الامور منيحة وتسيطر وتدعم امكانياتك ..
❤عاطفيا .. عندك حضور طاغي وعم ترجع امورك العاطفية وتحسن كبير بعلاقتك ناطرك فلا تخاف وفرص ارتباط ..
■النسبة المئوية :
●مهنيا : %92 ●ماليا : %82 ●عاطفيا : %88 ●صحيا : %84
☀الكسوف ببرجك : بخليك تفكر بتغييرات مصيرية وبدايات جديدة بتعطيك الشي يلي عم تطمح الو فلا تخاف وخليك واثق من امكانياتك وتأكد انو الطاقة والحظ عندك اكبر من اي شي ..
#الدلو ♒
انتبه البعض مابيستاهل حتى ثقتك هاليوم ..
رغم انك عم تكون ملفت بحضورك بس البعض عم يكون تأثيرو سلبي عليك وممكن عم تعطيه اكتر مابيستاهل فحاول تحذر وماتمنح حدا ثقتك كاملة وتأكد مافي شي بضل هيك وأمورك رح تتحسن عن قريب ..
❤عاطفيا .. عندك معجبين بس أحيانا شعور بالوحدة او حتى الشك عم يزيد تعبك ارتاح ولاتفكر وانطر خبر حلو بهاليومين ..
■النسبة المئوية :
●مهنيا : %63 ●ماليا : %60 ●عاطفيا : %66 ●صحيا : %59
☀الكسوف بالجدي : بخليك تفكر كتير بكل الناس يلي كانوا بحياتك وتعيد حساباتك مين كان منيح ومين كان عاطل وبتلاقي حالك غلطان وكتير ناس مابتستاهل وخاية انو بتحس بنوع من لوحدة لكن في شغل بمؤسسة كبيرة ناطرك والمهم ماتخلي قلبك طيب زيادة هالفترة ..
#الحوت ♓
عندك رفيق بيدعمك واجواء مناسبة الك ..
من الايام يلي بتبلش شغل فيها مع ناس وبكون الك سند حقيقي رفيق او اخ فحاول تستغل هالشي وفي ناس عم تساعدك لتصل وتكون مرتاح نسبيا لكن أمورك فيها قلق انتبه من رايك وحاول ماتبقى لحالك ..
❤عاطفيا .. يوم حلو وعم تعيش اوقات ممتعة والعيون عليك ومشرق حاول تستغل نهارك ..
■النسبة المئوية :
●مهنيا : %73 ●ماليا : %66 ●عاطفيا : %78 ●صحيا : %75
☀الكسوف بالجدي : بحققلك امنية عالمدى البعيد وغالبا هالشي بيحصل بمسلعدة شخص غالي عليك يمكن صديق وعلاقاتك بتدعمك كتير ويمكن تتم ارتباط كمان
