رصد نيوز
القمر عم ينتقل لبرج الجوزاء ♊
#الحمل ♈
اتصالات حلوة ولقاءات وناس عندك ..
من الايام الجيدة يلي بتكون فيها قادر تتواصل مع كتير ناس وتقنع ناس مسؤولين بوجهة نظرك وبتنشغل بقصة موبايل او سيارة جديدة او حتى اخ وانتبه من الحوادث وفكر بشغل بخص السوشل ميديا والاعلام ..
❤ عاطفيا : بدي منك تتعامل برواق هاليوم وفرصة حلوة انو تلتقي شريك حياتك عبر النت او اتصال او تحسن الوضع ..
■النسبة المئوية :
●مهنيا : %74 ●ماليا : %71 ●عاطفيا : %75 ●صحيا : %73
#الثور ♉
عندك امور مالية ومهنية بتساعدك هاليوم ..
عم تقدر تثبت حالك وعلاقاتك عم تعطيك الدفع المالي يلي بحسن من وضعك ولازم ترتب امورك وتنظم وضعك المالي وعم يكون يوم اهدى من الأيام الماضية وممكن تحس بشوية ملل لكن انت ناطر حلول ..
❤ عاطفيا : يوم لاستقرار وبدي منك تتفائل واكيد علاقتك العاطفية ماشية باتجاه الاستقرار اذا عرفت تتعامل ..
■النسبة المئوية :
●مهنيا : %69 ●ماليا : %78 ●عاطفيا : %73 ●صحيا : %76
#الجوزاء ♊
بتستعيد طاقتك ويوم لترجع كل شي لصالحك ..
حاول بهيك يوم ترجع امورك افضل بكل شي خاصة ماليا ومهنيا واستغل طاقتك وحظك وممكن تسمع اخبار حلوة وتتحسن الأوضاع بعد تعب وانشالله رح تشعر بارتياح وعودة ثقة الناس فيك ودعمن الك ..
❤ عاطفيا : بيتقرب منك الشريك واستغل هاليوم لتحسم امور العلاقة عندك اما تكفي او تنهي كل شي وجاذبيتك كتير عالية ..
■النسبة المئوية :
●مهنيا : %91 ●ماليا : %82 ●عاطفيا : %86 ●صحيا : %88
#السرطان ♋
عندك ضغط كبير وعم تنهي علاقات فانتبه ..
مابتعرف ليش اغلب الناس عم تتغير معك وتصير اعداء ويوم لتهدي وتصفي بعض الاشخاص من حياتك وكتير اشخاص عم تخذلك مشان هيك بدي منك تنتبه صحيا وماتحاول تعمل أي شي لتمر هالفترة ..
❤ عاطفيا : في توتر كبير والوضع العاطفي عندك بيشهد عدم راحة وماتسمح لحدا يستغل عاطفتك ..
■النسبة المئوية :
●مهنيا : %64 ●ماليا : %63 ●عاطفيا : %66 ●صحيا : %58
#الأسد ♌
يوم عم تنعزم فيه وعندك لمة ناس ..
بتطلع من ضغوط اليومين الماضيين وبكون عندك لقاءات او عزيمة مع رفقاتك وبكون في لمة حلوة ودعم من صديق الك وفرصة لتحقق امنية وبتتلقى عزيمة او تحضر مناسبة فكون جاهز لتعيش يوم اجتماعي ..
❤ عاطفيا : عندك حضور حلو ومحبب فاستغل قدرتك على جذب الكل بحضورك لتحصل على حب جديد ممكن عن طريق صداقة ..
■النسبة المئوية :
●مهنيا : %76 ●ماليا : %66 ●عاطفيا : %75 ●صحيا : %63
#العذراء ♍
شغل مهم والاضواء عليك بهاد اليوم ..
عم تكون بيوم مصيري في لقاءات باشخاص مهمة وعم تثبت حالك بشغل جديد يمكن فكون منتبه وحاضر والعيون عليك وانت تحت الاختبار هاليوم وفرصة عمل وشهرة ممكنة ولاتخالف القوانين ..
❤ عاطفيا : عندك نظرات اعجاب من اشخاص مشهورين والوضع العاطفي عندك بحاجة لهدوء وعدم التسرع مع الشريك..
■النسبة المئوية :
●مهنيا : %73 ●ماليا : %71 ●عاطفيا : %68 ●صحيا : %74
#الميزان ♎
علاقات جديدة وتغيير ايجابي وسفر ..
انت بيوم في تغيير باتجاه الافضل ويمكن تسافر وتلاقي حالك بغير مكان وعندك اتصالات بعيدة وسفر ممكن وناس من غير ثقافات وعم تكون أفضل ويوم للتجديد بفترة بتدعمك ويومك مميز وانتبه بسفرك ..
❤ عاطفيا : اطمن عندك علاقات جديدة والأجواء داعمة وفي فرصة لتتعرف على شريك من غير محيطك المقرب ..
■النسبة المئوية :
●مهنيا : %88 ●ماليا : %84 ●عاطفيا : %81 ●صحيا : %80
#العقرب ♏
عم تعزز علاقاتك ووضعك المالي هاليوم ..
عندك قصص بتخص علاقات جديدة وتحسين الاجواء والوضع العقاري والمالي ويوم بيحملك تحسن بعد ايام عصيبة مرت عليك واثرت على حياتك وبتتعامل بقضية قانونية وهاليوم افضل وفي حلول واوراق ..
❤ عاطفيا : بدي منك تحاول تحسم امورك مشان وضع العلاقة وادرس كل شي بشكل منيح قبل ماتقرر ..
■النسبة المئوية :
●مهنيا : %68 ●ماليا : %71 ●عاطفيا : %66 ●صحيا : %64
#القوس ♐
انتبه بعلاقاتك يمكن تنفعل وقصة مالية بتضوجك ..
حاول تكون هادي بتعاملك مع الاشخاص المحيطة فيك وماتدايق حالك بقصص بتنحل لحالها وحافظ على مسافة أمان مع المحيطين فيك وتبعد قدر الامكان عن المواجهات وتحاول تعزز شراكاتك المالية ..
❤ عاطفيا : عم يكون الوضع العاطفي متوتر كتير بدك تكون متفهم والشريك يتجنب استفزازك لتكمل اي علاقة عندك وارتباط للبعض ..
■النسبة المئوية :
●مهنيا : %63 ●ماليا : %65 ●عاطفيا : %68 ●صحيا : %59
#الجدي ♑
عندك شغل جديد والتزامات كتير وانتبه لصحتك ..
بتبلش نهارك بكتير قصص براسك لازم تخلصها فلا تتكاسل ويمكن عندك بداية شغل جديد مشان هيك بتزيد المسؤوليات عندك مشان هيك رتب امورك وخلص كل شي ضروري وكمان انتبهلي على صحتك ولاتهملها ..
❤ عاطفيا : يوم طويل والامور العاطفية بحاجة لاهتمام منك وخاصة اذا الشريك ماعم يقدر ظروفك ..
■النسبة المئوية :
●مهنيا : %67 ●ماليا : %62 ●عاطفيا : %68 ●صحيا : %59
#الدلو ♒
الحظوظ جيدة والحب بدق بابك ..
عم تقدر تكون بيوم ممتع فيك تعيش فيه اوقات حلوة مع اشخاص بتحبن والحظ مرتفع عندك ومن الأيام الجيدة عندك بتتغير امورك وبيتحسن وضعك وخاصة بعد المشاكل العائلية والبيتية ..
❤ عاطفيا : لاتخاف واستغل هاليوم لتكون ساحر وجذاب وعلاقتك العاطفية رح تتحسن ويمكن يرجعلك حب قديم ..
■النسبة المئوية :
●مهنيا : %82 ●ماليا : %81 ●عاطفيا : %88 ●صحيا : %78
#الحوت ♓
انتبه عائليا وحاول تحسن الاجواء برواق ..
بدي منك تكون رايق ضمن جو البيت عندك ولاتصعد اي خلاف مع الاهل ويمكن مو رايق وعم تنفعل بسرعة والمقربين عم يكونوا متعبين الك وبيشغلك وضع البيت وبدك تلاقي حلول وعم تفكر بالتغيير هاليوم ..
❤ عاطفيا : انتبه لأن في شي ماعم يخليك ترتاح من ناحية الشريك بس الاوضاع العامة منيحة ..
■النسبة المئوية :
●مهنيا : %66 ●ماليا : %62 ●عاطفيا : %70 ●صحيا : %60
