رصد نيوز
القمر بينتقل بكرا الضهر لبرج السرطان ♋
#الحمل ♈
عندك نشاط الصبح وانتبه بالبيت بعد الضهر ..
بتبلش نهارك بشكل حلو وبكون كتير في علاقات واتصالات بتدعمك وبعد الضهر بتشغلك امور العيلة والبيت حاول تروق وتخفف عصبية هالفترة لازم تكون قد المسؤولية لأن عيلتك بحاجتك وانتبه صحيا ..
❤️عاطفيا .. عندك لقاء رومنسي بالنهار بيعطيك شوية حلول وراحة والمسا بتحس بالحيرة وتناقض بافكارك هالفترة ..
■النسبة المئوية :
●مهنيا : %67 ●ماليا : %70 ●عاطفيا : %68 ●صحيا : %64
#الثور ♉
ناطرك امور مالية وعلاقات وحركة المسا ..
نهارك ببلش ببعض الامور المالية يلي بتشغلك ويمكن عم تصرف كتير اما بعد الضهر بتكون بحال افضل بتستعيد قدرتك على الحوار وبترجع لنشاطك وحيويتك نسبيا وبتهتم بقصة بتخص اخ ويمكن تسافر ..
❤️عاطفيا .. وضعك منيح واوقات حلوة عم تدق بابك حاول تستغلا ولا تتعب حالك بالتفكير وممكن تشوف الشريك المسا ..
■النسبة المئوية :
●مهنيا : %76 ●ماليا : %72 ●عاطفيا : %78 ●صحيا : %74
#الجوزاء ♊
يوم لتغير في وضعك وتحصل على مال ..
يعتبر من الايام المميزة يلي فيها حلول وتغييرات بتدعمك هاليوم وكمان بتنقلب عليك من الضهر لفرص مالية ومكاسب مهمة وممكن تحصل على تعويض او مبلغ مالي بس خليك واضح وانتبهلي من زيادة مصروفك ..
❤️عاطفيا .. في عندك فرص عاطفية وتفكير بانهاء علاقة ويوم لتغير بعلاقاتك وتكون أفضل بحضورك ..
■النسبة المئوية :
●مهنيا : %77 ●ماليا : %84 ●عاطفيا : %76 ●صحيا : 78%
#السرطان ♋
يوم افضل لكن من الضهر وتغييرات وشراكات ..
بدي منك تصبر وتهدي ببداية نهارك ومن الضهر بتتغير كتير امور لصالحك وبيرجعلك النشاط وبيدعمك الحظ افتح صفحة جديدة وحاول تدعم مكانتك وغير الامور لصالحك وفكر بعقود شراكات ممكنة ..
❤️عاطفيا .. لا تخاف الوضع العاطفي عندك رح يشهد تحسن بالعلاقات وممكن حلول المسا وفرص ارتباط ..
■النسبة المئوية :
●مهنيا : %81 ●ماليا : %82 ●عاطفيا : %87 ●صحيا : %84
#الأسد ♌
اشتغل الصبح وانتبه من الضهر صحيا ..
عندك بداية نهار جيدة لتخلص فيها بعض الامور بمساعدة اشخاص واصدقاء وبعد الضهر انتبه لصحتك بهالفترة رح تكون صعبة عليك وحاول ما تحسم شي وخلي هالفترة تعدي على خير وحاول تتفائل ..
❤️عاطفيا .. بدي منك تستغل صبحية اليوم لتكون مع الشريك او لتتعرف على شخص جديد وروق المسا لان بتحس بوحدة ..
■النسبة المئوية :
●مهنيا : %62 ●ماليا : %60 ●عاطفيا : %66 ●صحيا : %63
#العذراء ♍
يوم مميز وفي علاقات مهمة واجتماعية ..
يومك عم يدور ضمن علاقات مهمة ببداية النهار ويمكن كلام الناس مو عاجبك بيتغير وضعك بعد الضهر لتكون اجتماعي متحرك وتعاملك حلو مع محيطك بتقدر بهاليوم توصل لافضل النتائج بصداقاتك وبتنعزم ..
❤️عاطفيا .. هدي بنهارك وخلي الامور تمشي وكل شي رح ينحل وامورك بتصير تمام ..
■النسبة المئوية :
●مهنيا : %69 ●ماليا : %70 ●عاطفيا : %73 ●صحيا : %68
#الميزان ♎
من الايام يلي فيها شغل وعلاقات جديدة ..
بتقدر تعمل علاقات جديدة صباحا وبكون الك حضور محبب من الكل وبعد الضهر عندك أوقات صعبة حاول تهدي ولا تتوتر وبعد عن العصبية وفترة مناسبة لتلاقي شغل جديد ما تشغل بالك وماتخالف القوانين ..
❤️عاطفيا .. عندك الصبح اتصالات حلوة من الغايبين بتسعدك بس المسا بتحس بخيبة امل وما حدا عم يفهمك ومشاكل مع ناس قريبة ..
■النسبة المئوية :
●مهنيا : %70 ●ماليا : %73 ●عاطفيا : %79 ●صحيا : %71
#العقرب ♏
يوم بيتحسن في وضعك ماليا وبعلاقاتك ..
اطمن الاوضاع بتكون لصالحك من الصبح ماليا وبحل لقصة شاغلتك وبعد الضهر بتتغير امورك وبتسمع اخبار حلوة وقادر انت تنجز بهالفترة وتدفع بمصالحك لقدام ولاقي حل لمشاكلك وبكون في سفر علاقات..
❤️عاطفيا .. يوم جيد مشان هيك حاول تستغل نهارك وخاصة المسا ورجع الامور لطبيعتها انت ساحر وجذاب استغل هالشي ..
■النسبة المئوية :
●مهنيا : %78 ●ماليا : %70 ●عاطفيا : %77 ●صحيا : %74
#القوس ♐
اجواء متوترة وبتتحسن امورك المالي وبتفرج المسا ..
يمكن مو كتير رايق وعندك اجواء متوترة وشي بخص عقد مالي ومن بعد الضهر بيشغلك المال بقصص الشراكة وخليك هادي وعندك ربح مادي بس مصروفك زايد وامورك احسن وحلول لمشكلة ..
❤️عاطفيا .. هدي بنهارك وبيتحسن وضعك المسا وبتزول المشاكل ورح تسمع خبر يريحك وفرص ارتباط للبعض صباحا ..
■النسبة المئوية :
●مهنيا : %67 ●ماليا : %69 ●عاطفيا : %62 ●صحيا : %71
#الجدي ♑
عندك شغل جديد وشراكات فهدي وروق ..
بدي منك تنظيم من بداية نهارك وماتهمل الشي الضروري بالشغل ومن بعد الضهر بتدخل بقصة شراكة وتوقيع عقد فحاول تروق وتهدى وحافظ على صحتك وعم تشغلك امور بدها دبلماسية لتنحل ..
❤️عاطفيا .. فكر برواق وحاول ترتاح وتفضى شوي للحبيب وكون معو لتهدو التوتر يلي بينكن وفرصة خطبة او ارتباط للبعض ..
■النسبة المئوية :
●مهنيا : %68 ●ماليا : %63 ●عاطفيا : %68 ●صحيا : %62
#الدلو ♒
بدك تنتبهلي لصحتك بالرغم انو صباحك حلو ..
حاول تخلص امورك المهمة الصبح لان الحظ بكون معك وقبل ماتبلش تتراكم الامور عليك بعد الضهر وانتبه كمان لوضعك الصحي وماتترك حالك بدون مراجعة طبيب اذا في حاجة وماتتسرع باي شي ..
❤️عاطفيا .. بداية نهارك حلوة وفي تفكير بحب قديم رغم وجود عروض حب جديدة عم تحاول تفتش عالاستقرار العاطفي ..
■النسبة المئوية :
●مهنيا : %67 ●ماليا : %70 ●عاطفيا : %80 ●صحيا : %68
#الحوت ♓
انتبه الصبح ومن الضهر حظ وخبر حلو ..
التوتر بعلاقاتك مع المقربين والعيلة صباحا بيتغير تدريجيا ليكون في عندك علاقات واجواء حلوة من الضهر وبتقدر تطلع من حالتك بس انتبهلي على امورك العائلية وخليك رايق وحاول تستغل هالفترة ..
❤️عاطفيا .. ماتقلق التوتر والضغط يلي كان ملازمك بالنهار بيتغير بالليل وبتفكر تتقرب من احبابك وتعزز علاقاتك بمحيطك ..
■النسبة المئوية :
●مهنيا : %78 ●ماليا : %80 ●عاطفيا : %85 ●صحيا : %76
