رصد نيوز
القمر مستمر ببرج العقرب ♏
#الحمل ♈
انت بوضع افضل ماليا وبشغلك وتغيير متوقع ..
عم تقدر تحسم بعض الامور يلي بتتعلق بوضعك بالشغل وتحل مشاكل كانت مع بعض الأطراف وفي فرص مالية موجودة لكن انتبه لصرفك الزايد وحاول تتقرب من المحيطين فيك وفي حلول لمشاكل قضائية ..
❤️عاطفيا .. لازم تعرف شو بدك واتخذ قرارك بخصوص العلاقة ولاتضل معلق حالك لأن ممكن مصالحة مع الشريك هاليوم ..
■النسبة المئوية :
●مهنيا : %70 ●ماليا : %77 ●عاطفيا : %74 ●صحيا : %71
#الثور ♉
بدايقك الوضع هاليوم وبتفكر بشغل مشترك ..
لازم تعرف كيف تكون هادي ودبلماسي لان في بعض الاشخاص او الاعداء عم تستفزك وانت بغنى عن المواجهة ولازم الكل يقدر توترك والمهم انت ابتعد عن الاشخاص السيئين وفرصة لتتم شراكة ..
❤️عاطفيا .. الامور العاطفية ماعم تكون مستقرة وفي تفكير كبير بالارتباط بس ماعم تزبط معك ..
■النسبة المئوية :
●مهنيا : %65 ●ماليا : %61 ●عاطفيا : %64 ●صحيا : %66
#الجوزاء ♉
عندك كتير امور وشغل ناطرك وقصة صحية ..
انت بيوم منيح اذا رتبت امورك وفكرت كيف تنجح بشغلك ولاتهمل شي لان يمكن عندك فرصة لشغل جديد وماتخلي حدا يستفزك وانتبه لصحتك ولازم ترتب كل شي حتى ماتتأخر وتكون جاهز ليومك ..
❤️عاطفيا .. الوضع العاطفي متقلب ولازم تاخد قرار بعلاقتك حاول تدرس الامور منيح لتعرف تختار ..
■النسبة المئوية :
●مهنيا : %67 ●ماليا : %61 ●عاطفيا : %60 ●صحيا : %58
#السرطان ♋
بتقدر تستغل يومك عاطفيا وبشراكة..
من الايام الجيدة عندك لتغير وضعك للافضل وبكون عندك فرصة لتعمل شراكة مع شخص فحاول تستفيد من كل دقيقة بهاليوم وادفع بمصالحك واستغل اي مشروع لان يوم منيح ضمن وضعك هالشهر ..
❤️عاطفيا .. عندك فرصة ارتباط وبتحاول تعيش اوقات رومنسية والحب عم يرجع فبادر واستغل حضورك ..
■النسبة المئوية :
●مهنيا : %84 ●ماليا : %82 ●عاطفيا : %89 ●صحيا : %85
#الأسد ♌
وضعك العائلي والصحي بدو انتباه عندك ..
عم تكون بوضع شوي متقلب ويمكن عندك امور بالبيت ماعم تخلي بالك يرتاح وصحيا الامور ماكتير بأفضل حال فبدي منك تروق وعم تطر تتحمل المسؤولية كون هادي وحل الامور برواق وانتبه لأهلك وصحتك..
❤️عاطفيا .. مو عبعضك وانت معرض لحالات من الانفعال وهالشي بسبب مشاكل عاطفية والشريك ماعم يقدر ..
■النسبة المئوية :
●مهنيا : %66 ●ماليا : %70 ●عاطفيا : %63 ●صحيا : %60
#العذراء ♍
عندك علاقات وناس ولقاءات واجواء حلوة ..
من افضل الايام عندك لتصل لاكبر عدد من الناس وعندك كاريزما بتخلي الكل يعتمد رأيك وبتنجح بعلاقاتك وممكن تطلع مشوار مع شخص بتحبو وتحل قصة بتخص اخ عندك ويمكن تحصل على موبايل جديد ..
❤️عاطفيا .. الوضع العاطفي بيتطور لصالحك وخليك واثق بانك قادر تقنع الشريك بحبك اليوم ..
■النسبة المئوية :
●مهنيا : %78 ●ماليا : %74 ●عاطفيا : %76 ●صحيا : %71
#الميزان ♎
عندك قصص شغل ومال وعقارات فانتبه ..
من الايام يلي بتشغلك فيها امور بتخص مكان شغل جديد وبحاجة مال وعم تفكر ببيع عقار وصرفت كتير اخر فترة وعم تفكر من وين بدك تعوض النقص وتحل القصة وممكن تحصل على مبلغ مالي بهاليوم ..
❤️عاطفيا .. مو مرتاح ومافي شي عم يكمل معك وحاسس حالك متل الضايع وصار الحب ضغط عليك ..
■النسبة المئوية :
●مهنيا : %68 ●ماليا : %80 ●عاطفيا : %77 ●صحيا : %71
#العقرب ♏
من افضل ايامك بعلاقات ونجاح وحضور ..
عم تكون مصدر اعجاب لكتير اشخاص وطاقتك مرتفعة وعندك الحظ والحضور لتثبت حالك وتلتقي ناس كتير وقادر تحط حد لكل شي ماضي وتفتح صفحة جديدة غير واقعك والحظ معك فلا تخاف ..
❤️عاطفيا .. العيون بتلاحقك وبتقدر تعمل علاقات وتشوف حدا بحب بفرح قلبك ..
■النسبة المئوية :
●مهنيا : %93 ●ماليا : %86 ●عاطفيا : %88 ●صحيا : %81
#القوس ♐
بتميل تنعزل وبتمل من كذب الناس هاليوم ..
يمكن ماحدا عم يعرف يحس فيك صح هاليوم وبكون عندك شوية خيبة من بعض الاشخاص ولازمك شوية عزلة لحتى تريح راسك وبدي منك تصبر هاليوم بس وتكون بعيد عن كل شي ممكن يوترك ويتعبك ..
❤️عاطفيا .. انت بتحب الكل بس يمكن مافي شخص عم يعرف يحبك ويتعامل معك صح ..
■النسبة المئوية :
●مهنيا : %67 ●ماليا : %62 ●عاطفيا : %63 ●صحيا : %65
#الجدي ♑
بتقدر تنتظر اجواء حلوة ولقاءات هاليوم ..
يمكن هاليوم مميز لان كل رفقاتك معك وداعمين الك وحتى بتشوف ناس جديدة وبكون عندك عزيمة او مناسبة فاستغل تواجد الاصدقاء معك ودعمن الك بهالفترة وعزز علاقاتك مع يلي بتحبن ..
❤️عاطفيا .. انت ملفت بكل شي بتعملو ففكر بعلاقتك صح وغير وضعك العاطفي وعيش يوم حلو ..
■النسبة المئوية :
●مهنيا : %79 ●ماليا : %73 ●عاطفيا : %80 ●صحيا : %68
#الدلو ♒
حاول ماتفوت مواجهات وهديلي حالك ..
ماعم تكون راضي عن تعامل الاشخاص يلي مسؤولين عنك وهالشي بخليك تنفعل فكون هادي خاصة بالشغل ولاتخالف القوانين وماتسأل على حكي الناس وعندك فرصة لتلاقي شغل وتفكر تعمل شي غير ..
❤️عاطفيا .. بدي منك تروق وماتزعل على غياب الحبيب عنك وبرأيي قلة الاهتمام دليل انك لازم تحسم امورك ..
■النسبة المئوية :
●مهنيا : %68 ●ماليا : %69 ●عاطفيا : %77 ●صحيا : %70
#الحوت ♓
عندك حضور حلو وعلاقات جديدة وناس ..
بتقدر بهاد اليوم تستغل معارف جديدة تحسنمن وضعك وعلاقاتك وحتى اذا بدك تسافر لان الوضع مناسب ولاتخاف عندك قدرة عالاقناع فحاول تكون متفائل ويوم ايجابي الك وفي حلول وتغييرات ايجابي ..
❤️عاطفيا ..كتير عم تزيد جاذبيتك و قدرتك على التواصل عم تعطيك اهتمام فاستغل هالشي ..
■النسبة المئوية :
●مهنيا : %85 ●ماليا : %79 ●عاطفيا : %89 ●صحيا : %81
