رصد نيوز
القمر بكرا عم يكمل ببرج الجوزاء ♊
#الحمل ♈
من الايام الجيدة لعلاقات بتدعمك ..
انت بيوم جيد في كتير تواصل مع الناس يلي معك وعم تشوف كتير اشخاص وتكون اجتماعي بامتياز وغالبا تعمل زيارات وتطلع مع رفقاتك وتسافر حتى وعلاقاتك جيدة بتكون ..
❤ عاطفيا : وضع منيح وفرصة لتلتقي الشريك بهاليوم وتصل لقلبو اذا بدك ..
■النسبة المئوية :
●مهنيا : %72 ●ماليا : %74 ●عاطفيا : %80 ●صحيا : %71
#الثور ♉
عندك شي مالي ومشروع شغل ..
امورك المالية والمهنية يلي بتخص مستقبلك اكتر شي شاغلتك بهاد اليوم فحاول تحدد خياراتك صح وتعرف شو بدك وتنتبه ماليا من صرف زايد ولازم تدفع مستحقاتك وغالبا رح تقبض كمان ..
❤ عاطفيا : مو عبعضك لان عم تمر بفترة هدوء بعلاقتك وبتحس بكسل وانو الشريك لازم يهتم فيك ..
■النسبة المئوية :
●مهنيا : %68 ●ماليا : %77 ●عاطفيا : %69 ●صحيا : %72
#الجوزاء ♊
يوم ايجابي بامتياز لعلاقات وطاقة كبيرة ..
فيك تغير كل شي لصالحك وتطلع من كل الضغوط يلي كانت وتحل مشاكل العيلة وتحصل على فرص جيدة وتنجح بخياراتك وممكن تسافر كمان ..
❤ عاطفيا : يومك عم يكون مميز فتقرب من الشريك وتأكد انك جاهز لاي علاقة جديدة اذا اعذب ولاتتسرع بالاختيار ..
■النسبة المئوية :
●مهنيا : %93 ●ماليا : %83 ●عاطفيا : %85 ●صحيا : %80
#السرطان ♋
انتبه وماتعطي ثقتك لحدا وماليا كون حذر ..
ن الايام يلي بتحس فيها انك مدايق من بعض القصص يلي ماعم تكمل مشان هيك بدي منك تروق وتنتبه لصحتك ووضعك بالبيت وكمان ماليا رتب امورك ..
❤ عاطفيا : مو عبعضك ويمكن عم تفكر تنهي علاقة وفي قصص عم تدايقك فحاول تهدي هاليوم ..
■النسبة المئوية :
●مهنيا : %65 ●ماليا : %66 ●عاطفيا : %60 ●صحيا : %59
#الأسد ♌
اجواء حلوة لصداقات وناس وممكن ارتباط ..
حاول بهاليوم تتتقرب من اشخاص بتحبن ومن رفقاتك وعزز علاقاتك المهنية ومن الأيام الجيدة يلي وانت قاعد ممكن تجيك عزيمة او مشوار مع شخص غالي وبتكتر لقاءاتك ومساعدة بتجيك عن طريق صديق ..
❤ عاطفيا : اطمن الوضع العام عندك بيتغير وبتصالح الشريك ونظرات الاعجاب بتلاحقك بكمان ..
■النسبة المئوية :
●مهنيا : %70 ●ماليا : %68 ●عاطفيا : %78 ●صحيا : %75
#العذراء ♍
عندك شغل جديد وقصص مهنية انتبه فيها ..
انت تحت الاختبار وعندك كتير قصص لازم تكون جاهز الها وتخلص كل شي بوقتو وتعملو بشكل جيد كمان حتى ماحدا يلومك ولازم تثبت حالك بأي مجال انت فيه وماتخالف القوانين وخليك دبلماسي..
❤ عاطفيا : العاطفة مو كتير بهاليوم رغم انك تحت العين من كتير عالم معجبة فيك ..
■النسبة المئوية :
●مهنيا : %72 ●ماليا : %66 ●عاطفيا : %75 ●صحيا : %68
#الميزان ♎
عندك تغييرات وناس جديدة وحلول ..
من افضل الأيام عندك بوضعك المهني وعلاقاتك الجديدة وحتى امور العيلة عندك وفيك تغير من وضعك العام وفي مصالحات عندك وبتكون مميز بكلامك وشغلك وحتى ممكن تبدا دراسة جديدة وتطور وضعك ..
❤ عاطفيا : الحب بدق بابك هاليوم وبتكون بوضع جيد ممكن تتعرف على شخص مميز يعلقك فيه ..
■النسبة المئوية :
●مهنيا : %86 ●ماليا : %83 ●عاطفيا : %85 ●صحيا : %80
#العقرب ♏
الاوضاع عندك بتتحسن وفي مال ..
عم تتحسن اوضاعك وخاصة اذا في مشاكل مع المقربين بتنحل بهاد اليوم وبكون في عندك مال من قصة ميراث او من العيلة وعم تصرف كتير كمان وعندك اعادة حسابات مالية وعم تناقش قصص شراكة ..
❤ عاطفيا :بدي منك تعرف تتصرف مع الشريك وماتصعد مشكلة بعلاقتك وتصالح هاليوم ..
■النسبة المئوية :
●مهنيا : %67 ●ماليا : %73 ●عاطفيا : %71 ●صحيا : %70
#القوس ♐
عم تتوتر بسرعة والانفعال ناري هاليوم ..
لازم الكل يستوعب انك بيوم في ضغط عليك واي استفزاز بسيط ممكن تنفجر بوجهن مشان هيك حاول انت تهدي وفكر تعمل شراكة شغل وانتبه من الحوادث كمان ولا تصعد اي مشكلة ..
❤ عاطفيا : الوضع العام عندك مزعج خاصة اذا الشريك بدو يجاكرك او يستفزك فانتبه ..
■النسبة المئوية :
●مهنيا : %64 ●ماليا : %60 ●عاطفيا : %68 ●صحيا : %65
#الجدي ♑
موضوع صحي شاغلك وبداية مهنية جديدة ..
يبدو بهاليوم لازم تعرف منيح كيف ترتب امورك وتفكر بشغل جديد او تلتزم بالمسؤوليات يلي عندك وتخلصها بوقتها وتدير بالك صحيا من دخول مشفى للبعض ..
❤ عاطفيا : العاطفة عندك مرتبطة بوضعك العام هاليوم وعم تكون مرهق ولازمك راحة وتفهم من الشريك ..
■النسبة المئوية :
●مهنيا : %67 ●ماليا : %66 ●عاطفيا : %63 ●صحيا : %59
#الدلو ♒
انفراجات واخبار عاطفية حلوة وهدايا ..
بشوف يومك جيد لان في عندك حظوظ هاليوم وطاقتك بترتفع وغالبا بتسمع اخبار حلوة وبتحل مشكلة بالبيت فاستغل هالشي وهالشي بيدعمك وبساعدك لتحصل على خبر حلو بخص طفل الك ..
❤ عاطفيا : من الايام الحلوة عاطفيا انت فاستغل هالشي وعزز علاقتك بالشريك بهاليوم ويمكن يحكيك حب قديم وتجيك هدية ..
■النسبة المئوية :
●مهنيا : %84 ●ماليا : %80 ●عاطفيا : %88 ●صحيا : %82
#الحوت ♓
امورك العائلية تاعبتك وانتبه بيومك ..
يبدو مو كتير مرتاح بوضعك العائلي وفي قصة عم تحصل عم تخليك تدايق او ينشغل بالك على اهلك فانتبه وهدي وحتى عقاريا خليك حذر شوي وعم تفكر تغير بمكان سكنك وانتبه بالقصص البيتية وروق ..
❤ عاطفيا : مو عبعضك وعندك تغيير متوقع وعم تحس بانك ضايج ومو حابب تحكي مع حدا وخاصة انو ماحدا عم يحس فيك ..
■النسبة المئوية :
●مهنيا : %65 ●ماليا : %60 ●عاطفيا : %68 ●صحيا : %59
