رصد نيوز
القمر غدا اخر السهرة بينتقل لبرج االسرطان ♋
#الحمل ♈
عندك تواصل جيد وعلاقات ووضع عائلي ..
ببلش يومك وبتكون محور اهتمام من كتير ناس وخاصة الاصدقاء يعني يمكن تشوف شخص من زمان ماشفتو او يجيك اتصال وانتبه من الحوادث وساير اخواتك والمسا في قصة بتخص حدا من اهلك فهدي ..
♡عاطفيا : اطمن عم تكون حالتك العاطفية افضل بكتير هاليوم ولقاءات حلوة بتجمعك بأشخاص بتحبن ..
■النسبة المئوية :
●مهنيا : %68 ●ماليا : %66 ●عاطفيا : %77 ●صحيا : %74
#الثور ♉
فكر بشغل مناسب وانتبه ماليا وعزز علاقاتك ..
من الايام يلي بتلاقي حالك فيها عم تفكر شو بدك تشتغل ليكون وضعك المالي افضل وناطر مقابلة شغل يمكن وعم تصرف مصاري كتير اما المسا بكون في عندك اتصالات اكتر وتواصل وعلاقات جديدة ..
♡عاطفيا : الصبح مو كتير لكن الاجواء العاطفية عندك بتتحسن ضمن مجرى النهار المهم انت طول بالك قد مافيك ..
■النسبة المئوية :
●مهنيا : %68 ●ماليا : %79 ●عاطفيا : %76 ●صحيا : %70
#الجوزاء ♊
عندك يوم ايجابي وفي خبر لشغل ..
بتكون بافضل درجات تألقك بهاليوم وبتقدر تغير كتير من الأمور لصالحك وحاول قدر الأمكان تحل مشاكلك ورح تحصل على دعم من محيطك وتغييرات وعلاقات لصالحك ومن المسا فرص مالية عندك ..
♡عاطفيا : اطمن العيون عليك وانت رائع وحضورك حلو بهاليوم مشان هيك استغل جاذبيتك لتصل لقلب شخص ..
■النسبة المئوية :
●مهنيا : %87 ●ماليا : %83 ●عاطفيا : %85 ●صحيا : %81
#السرطان ♋
انتظر اخر يومك اخبار حلوة وانفراج ..
ماعم تكون راضي وبتحس بشعور من الوحدة وانو ماحدا عم يوفي معك فحاول تروق وحافظ على وضعك وحاول قدر الامكان ماتتسرع ومن المسا أفضل بكتير وتحسن عندك وبتتغير الأمور تدريجيا ..
♡عاطفيا : يبدو مدايق من قصة ومو مرتاح بالنهار وماعم تفهم تصرفات الشريك لكن المسا بتتحسن علاقتك وبتسمع خبر حلو ..
■النسبة المئوية :
●مهنيا : %67 ●ماليا : %75 ●عاطفيا : %74 ●صحيا : %70
#الأسد ♌
يومك في علاقات بتدعمك وانتبه المسا ..
يبدو انو يومك بكون جيد ببدايتو وعندك القدرة انك تلتقي باشخاص بتحبن وتعمل زيارات وتتم شراكة شغل حتى لكن اخر السهرة بتصير امورك مكركبة وبتحس بانك مو مرتاح وفي شي عم يتأجل ..
♡عاطفيا : استغل نهارك وحاول تكون قريب من الناس يلي بتحبن بهاليوم لان يوم منيح للعلاقات ..
■النسبة المئوية :
●مهنيا : %66 ●ماليا : %60 ●عاطفيا : %73 ●صحيا : %70
#العذراء ♍
انتبه من توترات بيومك وفي اجواء اجتماعية المسا ..
يبدو انو بداية يومك فيها بعض المواجهات والقصص يلي بتخليك قلق بالشغل وبالبيت فلازم تكون منتبه بوضعك وبأمور شغلك وعم يكون عندك لقاءات مهمة وصعبة والمسا بتتحسن امورك واجواء اجتماعية..
♡عاطفيا : خليك مرن مع الشريك وحاول تقرب وجهات النظر بعلاقتك ويمكن تاخد قرار مصيري والمسا أفضل ..
■النسبة المئوية :
●مهنيا : %68 ●ماليا : %67 ●عاطفيا : %70 ●صحيا : %60
#الميزان ♎
يوم حلو لأجواء حلوة وفكرة شغل ..
الامور عم تكون جيدة عندك على اكتر من صعيد وحتى في اشخاص جدد عم تدعمك وتتقرب منك وفيك تحسن من وضعك العائلي لكن المسا بكون في عندك فرص مهنية لشغل او توتر بالبيت فانتبه ..
♡عاطفيا : من أفضل الايام وبتكون مميز عاطفيا وفرصة لحب جديد الك والمرتبط يحاول يحل الأمور ..
■النسبة المئوية :
●مهنيا : %73 ●ماليا : %74 ●عاطفيا : %80 ●صحيا : %70
#العقرب ♏
عندك فرص مالية وعلاقات جديدة ..
يبدو انك قدام يوم في تغييرات عم تحصل على صعيد البيت وحتى الوضع المالي والمسا عم تكون افضل والوضع عندك منيح ويوم في مال وحلول عندك وفي ناس جديدة بتتعرف عليها فاستغل هالشي ..
♡عاطفيا : بدي منك تقرب وجهات النظر اليوم والمسا بتتحسن علاقتك مع الشريك وبكون في اتصالات حلوة ..
■النسبة المئوية :
●مهنيا : %75 ●ماليا : %77 ●عاطفيا : %70 ●صحيا : %68
#القوس ♐
عندك مضايقات والمسا في حلول ومال ..
يبدو انك عم تدخل يوم جديد بتحس فيه انو كتير قصص عم تدايقك وخاصة انك ماعم تتحمل كلمة فحاول تروق وفكر بعقد شراكة وعندك تحسن كبير المسا وحلول وحتى في عندك مال ..
♡عاطفيا : مو رايق واحداث كتير بعلاقتك بتزعجك بالنهار لكن اطمن المسا وضعك بكون تمام ..
■النسبة المئوية :
●مهنيا : %65 ●ماليا : %63 ●عاطفيا : %70 ●صحيا : %71
#الجدي ♑
حاول ترتب امورك وتروق ليكون يومك جيد ..
عندك بهاليوم كتير التزامات وبتحس انو لازم تخلص كل شي بوقتو وخاصة بتحس حالك مرهق ولازمك راحة ولازم تنتبه صحيا والمسا بتنشغل بقصص مع ناس محيطة الك بشراكة وانتبه من اي انفعال ..
♡عاطفيا : عم يكون عندك تطورات بالعلاقة مابتريحك مشان هيك كون هادي وماتنفعل ..
■النسبة المئوية :
●مهنيا : %67 ●ماليا : %65 ●عاطفيا : %63 ●صحيا : %59
#الدلو ♒
وضعك العاطفي والمالي تمام وفي شغل جديد ..
يبدو الامور عم تكون جيدة عندك بهاليوم على صعيد العاطفة والاجواء الحلوة وحتى الاوقات يلي بتقضيها والحظوظ يلي بتدعمك والمسا لازم تنظم امورك وتنتبه لصحتك والشغل يلي عندك ولصحتك اكيد ..
♡عاطفيا :ممكن تجيك هدية هاليوم وتطورات حلوة بعلاقتك بيوم مميز عاطفيا عندك وفرصة لرجعة حب قديم وخطبة ..
■النسبة المئوية :
●مهنيا : %79 ●ماليا : %75 ●عاطفيا : %80 ●صحيا : %70
#الحوت ♓
انتبه بنهارك والمسا خبر حلو عاطفي بفرحك ..
ماعم تكون كتير مرتاح ويبدو في بعض الاشخاص من المقربين وعيلتك ماعم يكونوا مريحين الك او في قصة ماعم تكمل بموضوع عقاري لكن المسا بتتحسن اوضاعك وبتلاقي حالك عم تسمع اخبار حلوة ..
♡عاطفيا : ماتتسرع وحاول تهدي بعلاقتك مع الشريك والمسا احلى وقت لتحسن علاقتك ..
■النسبة المئوية :
●مهنيا : %68 ●ماليا : %68 ●عاطفيا : %73 ●صحيا : %65
