رصد نيوز
#الحمل ♈
بترتاح وبتحل بعض الامور المالية ..
بالرغم من انك مو بافضل حال وخاصة انو عم ينشغل بالك على حدا غالي عليك لكن ممكن هاليوم تحل مشكلة وتتصرف بامور مالية تدعمك لبعدين واهم شي تصالح الناس يلي كنت متخانق معن ..
❤عاطفيا .. حاول تعرف كيف تلاقي حلول بعلاقتك العاطفية لانو هاد وقتها اذا بدك ترتاح ..
■النسبة المئوية :
●مهنيا : %71 ●ماليا : %74 ●عاطفيا : %69 ●صحيا : %68
#الثور ♉
فرصة ارتباط الك توتر بالبيت ..
عم تحس انو في بعض المشاكل العائلية يلي عم تأثر عليك بهاليوم ولازم تهدي ويمكن البعض عم يفكرو بقصص مالية او شغل مشترك او زيارات او مناسبات او عزايم فحاول تروق وتعيش يومك ..
❤عاطفيا .. الوضع بهاليوم بيحملك فرص ارتباط ممكنة وحتى العاطفة رغم توتر الاوضاع ممكن تكون جيدة ..
■النسبة المئوية :
●مهنيا : %65 ●ماليا : %60 ●عاطفيا : %68 ●صحيا : %63
#الجوزاء ♊
هدي مع المقربين وفكر بوضعك الصحي ..
شاغلك هاليوم وضعك الصحي وحاسس بقلق يمكن بس ماتخاف فترة وبتمرق وحتى لازم تخلص شغلك بالبيت او اذا طلعلك شغل مفاجئ ماتقصر فيه ورتبلي امورك كمان بشكل جيد ولاتخالف القوانين ..
❤عاطفيا .. الاوضاع ماكتير مريحة عندك عاطفيا فحاول تعرف كيف تحافظ على علاقتك ..
■النسبة المئوية :
●مهنيا : %68 ●ماليا : %61 ●عاطفيا : %66 ●صحيا : %60
#السرطان ♋
في تحسن كبير بالبيت والحالة العاطفية عندك ..
بامكانك هاليوم تغير من وضعك بالبيت وتحل المشاكل الحاصلة وكمان تتقرب من الاشخاص يلي بتحبن وتعيش اجواء حلوة ويمكن تجيك اتصالات بعيد تفرحك وعم تفرح بطاقة طفل عم يكون معك ..
❤عاطفيا .. الوضع العاطفي بيشهد تحسن كبير وعم تلاقي معجبين كتار هي الفترة حولك ..
■النسبة المئوية :
●مهنيا : %85 ●ماليا : %80 ●عاطفيا : %87 ●صحيا : %80
#الأسد ♌
انتبه عائليا وصحيا هاليوم وروق ..
يبدو انو وضعك الصحي ماعم يكون مستقر بهيك يوم ولازم تنتبه وكمان الوضع بالبيت في كتير قصص وعيلتك ماعم تريحك وحتى ماليا يمكن ناطر مال يجيك فحاول تهدي وتوفق بين كل هالامور ..
❤عاطفيا .. فكر كيف تكون قريب من الشريك وبدون انفعال اذا بدك علاقتك ماتتأثر ..
■النسبة المئوية :
●مهنيا : %67 ●ماليا : %60 ●عاطفيا : %68 ●صحيا : %65
#العذراء ♍
عندك كتير اتصالات وناس وانتبه لموبايلك ..
عم يكون يومك منيح بتواصل ويمكن علاقات جديدة بس انتبه من قصة على السوشل ميديا او لموبايلك ممكن تأثر عليك واذا مسافر من الحوادث وفي اتصالات وناس وحركة ونجاح ناطرينك كمان ..
❤عاطفيا .. الحالة العاطفية عم تتغير لصالحك ويبدو انو في اتصال عاطفي مع شخص غالي ..
■النسبة المئوية :
●مهنيا : %73 ●ماليا : %74 ●عاطفيا : %79 ●صحيا : %70
#الميزان ♎
انتبه لمصروفك ولصحتك وماليا ..
اهم شي بهيك يوم ماتتوسوس بالامور الصحية لان وضعك عابر وحتى ماليا انا بشوف انك بحاجة مال وحلول هالفترة وبالنسبة للشغل عندك شغل بيجيك فجأة ولازم تعرف تتعامل مع يومك صح وماتصرف كتير ..
❤عاطفيا .. الوضع العاطفي شاغلك وماعم تعرف شو بدك ولازم تعرف تحدد خياراتك بالحب ..
■النسبة المئوية :
●مهنيا : %66 ●ماليا : %74 ●عاطفيا : %76 ●صحيا : %68
#العقرب ♏
يوم في حظ وعلاقات افضل وحب ..
بتتجاوز هاليوم مشاكلك وبتكون عم تتقرب من اشخاص كان في مشاكل ببنك وبينن وحتى في اجواء حلوة ناطرتك وحظوظ وانت قادر هاليوم وعندك الطاقة اللازمة بترتاح من التعب وبتبادر وبتصل لكل شي ..
❤عاطفيا .. يبدو جاذبيتك عم تزيد والحب عم يدق بابك عن جديد بهيك يوم وارتباط ممكن ..
■النسبة المئوية :
●مهنيا : %93 ●ماليا : %86 ●عاطفيا : %85 ●صحيا : %84
#القوس ♐
ماعم تكون رايق وضايج بالبيت ..
ماعم تكون مرتاح ويبدو امورك الصحية او العائلية وحتى المالية شاغلتك بهيك يوم فهدي وانتبه قد ماقيك لان يمكن تنفعل بسرعة وتعمل مشكلة مع اهل بيتك ويمكن عم تعاني من حالة ركود وتعب ..
❤عاطفيا .. مو مرتاح كتير لوضعك العام وخاصة امورك مع الشريك ولازم تروق هاليوم ..
■النسبة المئوية :
●مهنيا : %64 ●ماليا : %61 ●عاطفيا : %66 ●صحيا : %60
#الجدي ♑
اخبارك حلوة مهنيا وعاطفيا حتى ..
فيك هاليوم تعمل اتصالات حلوة وتشوف ناس وتغير من وضعك ويمكن عندك اجواء اجتماعية عم تكون وفي حضور وكاريزما عندك وعم تعنعزم عند ناس بتحبن ومبسوط لامور عم تصير لصالحك وعم تلتقي ناس ..
❤عاطفيا .. حالتك العاطفية عم تتغير للافضل وبكون بكل علاقة هاليوم فرصة لحب ..
■النسبة المئوية :
●مهنيا : %77 ●ماليا : %63 ●عاطفيا : %68 ●صحيا : %70
#الدلو ♒
ركز مهنيا وماليا ولاتخالف القوانين ..
عندك قصص مالية شاغلتك ولقاءات باشخاص مستواهن عالي وعم تفكر كيف تحصل على مصدر مالي جديد ويمكم تلاقي حالك بمكان جديد وانتبه من مشاكل مع الأب وهدي ضمن جو البيت عندك ..
❤عاطفيا .. بدي منك تعرف كيف تحول علاقاتك لاعجاب وحب لكن اختار الانسب الك ..
■النسبة المئوية :
●مهنيا : %73 ●ماليا : %65 ●عاطفيا : %70 ●صحيا : %71
#الحوت ♓
طاقتك مرتفعة وفي تغييرات جيدة ..
من الايام يلي بتكون قادر فيها تنجح باكتر من مجال وطاقتك عم تزيد وحتى حضورك محبب وعم تتعرف على اشختص جديدة وعم تفكر تتقرب اكتر من ناس بهمك امرن ووضعك بيتحسن والخيارات اكبر ..
❤عاطفيا ..الوضع العاطفي عندك عم ياخدك لعلاقات بتحسن من وضع قلبك ..
■النسبة المئوية :
●مهنيا : %88 ●ماليا : %85 ●عاطفيا : %83 ●صحيا : %78
