رصد نيوز
#الحمل ♈
استغل يومك بتواصل وعلاقات وحب ومال ..
بدي منك هاليوم تستغل الحظ يلي معك وتتواصل مع ناس بتحبا وتعزز من وضعك بالبيت وبالشغل وتستفيد من قصة مالية ومبلغ ممكن يجيك وكمان تفكر لحل لمشاكلك وعم تتقرب اكتر من عيلتك ..
❤عاطفيا .. في اتصال من شخص غالي بتفرح فيه وبخليك تفكر فيه بحب قديم والاجواء العاطفية عم تكون تمام ..
■النسبة المئوية :
●مهنيا : %84 ●ماليا : %82 ●عاطفيا : %86 ●صحيا : %80
#الثور ♉
عندك ضغط مالي وعائلي بهاليوم ..
عم تحس بضغط عليك وعدم رضا عن وضعك المالي ويمكن هم تصرف مال كتير على البيت عندك او عم تشتري مستلزمات لالو ويمكن عندك شي بخص عقار ولازم تكون اهدى مع اهلك وماتخلين يزعلو منك ..
❤عاطفيا .. انت مو بأفضل حال وخاصة انو بعض المشاكل من المقربين بتأثر عليك عاطفيا ..
■النسبة المئوية :
●مهنيا : %66 ●ماليا : %67 ●عاطفيا : %69 ●صحيا : %60
#الجوزاء ♊
بتحكي كتير وبتشوف اشخاص كتير ..
موبايلك مابيهدى هاليوم بين اتصالات وحكي وكمان بتشوف ناس كتير وبتتحرك بحرية اكبر وبكون في قصص بتخص موبايل عندك وكمان عزز علاقتك بالاخوة وخليك رايق وفكر بشهرة عبر السوشل ميديا ..
❤عاطفيا .. وضعك جيد والعاطفة بتتحسن بنسبة كبيرة ويوم في اتصال حلو وفيك تصلح الامور مع الشريك ..
■النسبة المئوية :
●مهنيا : %75 ●ماليا : %78 ●عاطفيا : %80 ●صحيا : %72
#السرطان ♋
عم تفكر بوضعك وبامور مالية وبدك حلول ..
شاغلك امور بتخص المال وبتطلعلك فجأة مصاريف طارئة على قصص ماكنت حاسب حسابها وهالشي بخليك بحاجة انك تطلب مساعدة وكمان مع اهلك عم تكون مو رايق وحاسس بكسل وبدك راحة ..
❤عاطفيا .. العاطفة هالفترة جيدة لكن عم تحس بملل او وحدة رغم كترة الخيارات حولك ..
■النسبة المئوية :
●مهنيا : %68 ●ماليا : %70 ●عاطفيا : %69 ●صحيا : %67
#الأسد ♌
عندك اجواء حلوة وشعبيتك بتصاعد ..
عم تكون نجم بيومك والعيون عليك وعندك قدرة تتواصل مع كتير أشخاص وفي علاقات بتدعمك واشخاص بتوقف حدك لتنجح وتصل للمكان يلي بتطمح الو وحتى في الك علاقات جديدة وافضل ..
❤عاطفيا .. عم تكون العلاقات أفضل عندك وبتقدر تصل للشريك وتخليه قريب منك ..
■النسبة المئوية :
●مهنيا : %94 ●ماليا : %86 ●عاطفيا : %88 ●صحيا : %84
#العذراء ♍
تاجيل بأمورك ومو راضي كتير ..
ماعم تكون بأفضل حال وفي تأجيل عم يسيطر عليك مشان هيك انتبه وومرق الأمور وحاول تستوعب انو هاليوم بس ممكن تتأجل فيه قصص ويصير فيه شوية مشاكل المهم انت تحاول تتصرف صح ليمرق ..
❤عاطيفا .. وضعك العاطفي ماكتير عم يريحك وبدك الشريك يكون اقرب منك ..
■النسبة المئوية :
●مهنيا : %67 ●ماليا : %62 ●عاطفيا : %65 ●صحيا : %60
#الميزان ♎
ناس كتير وعلاقات وجديدة وفي عزيمة ..
غالبا هاليوم عندك عزيمة او زيارة او لمة مع ناس جدد وهالشي بحسن من حالتك النفسية ومن علاقاتك الاجتماعية وبعرفك على اصدقاء جدد وبكون عندك خيارات جديدة ودعم كبير واي مساعدة بتطلبها بتتلبى ..
❤عاطفيا .. بدي منك تفكر بحبك صح وتدور عالشخص يلي يستاهل مشاعرك ..
■النسبة المئوية :
●مهنيا : %74 ●ماليا : %73 ●عاطفيا : %68 ●صحيا : %75
#العقرب ♏
عندك لقاءات مهمة وشي مالي وقانوني ..
لازم هاليوم تعرف تتصرف صح لان عندك امور مهمة بتخص مال ومعاملات واوراق او حتى قضايا قانونية ولازم ماتخالف القوانين وتعرف تحل المشاكل برواق وتطلب مساعدة شخص مهم لتصل ..
❤عاطفيا .. لازم تستغل جاذبيتك ويمكن عندك اوقات عاطفية مع اشخاص محددين بحياتك ..
■النسبة المئوية :
●مهنيا : %71 ●ماليا : %67 ●عاطفيا : %70 ●صحيا : %72
#القوس ♐
عندك يوم منيح ويمكن عقد وشراكة جديدة ..
من الايام يلي بتريحك ضمن هي الفترة الصعبة يلي عم تمرق فيها وفي امكانية انك تحصل على عقد شغل ضمن شركة او مع ناس جدد وحتى بتحس انك عم تتحرر من بعض الامور يلي كانت شاغلتك ..
❤عاطفيا .. حاول تكون بعيد عن المشاكل مع الشريك واستغل عاطفتك صح لتصل الو ..
■النسبة المئوية :
●مهنيا : %86 ●ماليا : %80 ●عاطفيا : %82 ●صحيا : %85
#الجدي ♑
عندك اخبار مالية ولشغل كمان بس هدي ..
وضعك عم يتحسن لكن بعد عندك ضغط بالشغل وبتحس انك مرهق وبدك راحة فحاول تحل مشاكلك وتبعد عن اي مواجهة وفي مال ممكن يجيك او قصة شغل جديد وعم تبلش ولازم تعرف تتصرف صح ..
❤عاطفيا .. الوضع منيح عاطفيا وعندك خيارات جديدة والحب بيرجع يفتح الباب الك فاستغل هالشي هالفترة ..
■النسبة المئوية :
●مهنيا : %73 ●ماليا : %79 ●عاطفيا : %75 ●صحيا : %76
#الدلو ♒
توترك عالي لكن ممكن يكون يوم مميز عندك ..
صح عم تكون درجة التوتر عالية وعندك قصص جديدة لكن بنفس الوقت عم تظهر بمظهر جيد وفي فرصة لشي بخص شراكة مالية وحتى عندك قصص مع اشخاص ممكن تدعمك فاستغل هالشي ..
❤عاطفيا .. عندك فرصة بهيك يوم لارتباط والوضع عم يحطك بمواجهات مع الشريك انتبه منها ..
■النسبة المئوية :
●مهنيا : %69 ●ماليا : %61 ●عاطفيا : %64 ●صحيا : %62
#الحوت ♓
يوم طويل ولازمك تنظيم وانتباه لصحتك ..
من الايام يلي فيها كتير قصص وتغييرات وحتى يمكن شغل بالبيت وقصص بتخص الاهل ولازم تعرف كيف تخلص كل شي بوقتو وتنتبه لصحتك وصحة اهلك وكمان تكون عم تبلش نظام صحي ورياضة ..
❤عاطفيا ..مو كتير عم تكون مرتاح ولازم الشريك ينتبه بالتعامل معك هاليوم يعني بدوك اهتمام خاص وكمان حاول تريح حالك ..
■النسبة المئوية :
●مهنيا : %65 ●ماليا : %63 ●عاطفيا : %66 ●صحيا : %58
