رصد نيوز
#الحمل ♈
بتتحسن اوضاعك بعلاقات وشغل ..
بتقدر هاليوم تغير من وضع علاقاتك وحتى امور البيت عندك بعد ضغط ومشاكل اخر فترة اثرت عليك وانتظر اتصالات كتير وناس حولك عم تدعمك واطمن كل شي رح يكون تمام تدريجيا بس انت استغل هالشي..
❤عاطفيا : عندك اسلوب مميز بتقدر فيه انك تحصل على اعجاب كتير من الاشخاص ..
■النسبة المئوية :
●مهنيا : %92 ●ماليا : %89 ●عاطفيا : %88 ●صحيا : %84
#الثور ♉
بعدك مو مرتاح فحاول تروق وماتكبر القصص ..
عندك كتير قصص شاغلة بالك ومو مرتاح لا بالبيت ولا حتى بالشغل هاليوم ولازم تروق حتى ماتكبر المشاكل وخاصة على صعيد المال عندك وكون هادي قد مافيك وفكر تعزل حالك عن بعض الاشخاص المؤذية ..
❤عاطفيا : عم تمرق بفترة من الاحساس بالخيبة والضغط عليك ولازم تتصرف صح لتمرق ..
■النسبة المئوية :
●مهنيا : %65 ●ماليا : %67 ●عاطفيا : %61 ●صحيا : %58
#الجوزاء ♊
عندك علاقاتك حلوة وناس واصدقاء جدد ..
بكون عندك قدرة هاليوم انك تجمع كتير اشخاص حولك وتغير من واقعك للأفضل وعم تحصل على الدعم اللازم وبتكون محور اهتمام كتير أشخاص ويمكن يكون في مناسبة او عزيمة او صداقة جديدة ..
❤عاطفيا : وضعك العاطفي جيد لان في اشخاص كتير عم يكونو معجبين فيك هاليوم ..
■النسبة المئوية :
●مهنيا : %71 ●ماليا : %67 ●عاطفيا : %77 ●صحيا : %73
#السرطان ♋
عندك اجواء مشحونة ولازم تتصرف صح ..
من الأيام يلي فيها امور مهمة عم تحصل بحياتك وعلى الصعيد المهني خاصة ولازم تكون دبلماسي وهادي وبدون ماتعمل مشاكل اذا بدك الأمور تمرق على خير وتزبط وكمان انتبه من مخالفة القوانين ..
❤عاطفيا : انت مو مرتاح بعاطفتك ويمكن الشريك ماعم بكون مرضي الك بالعلاقة ..
■النسبة المئوية :
●مهنيا : %71 ●ماليا : %66 ●عاطفيا : %74 ●صحيا : %68
#الأسد ♌
انت بأفضل حال وخاصة اجتماعيا ..
بتقدر هاليوم تتعرف على اشخاص جدد وتلاقي حالك عم تنجح باكتر من مجال وتوسع من علاقاتك وكمان في عندك مناسبة اجتماعية بالبيت وكتير ناس عم تدعمك وتكون معك كمان فاستغل هالشي ..
❤عاطفيا : انتبه لوضعك العاطفي وفكر كيف تلاقي الشخص المناسب يلي يكمل معك ..
■النسبة المئوية :
●مهنيا : %88 ●ماليا : %85 ●عاطفيا : %84 ●صحيا : %82
#العذراء ♍
عندك امور مالية شاغلتك وفكر برواق هاليوم ..
بعدك عم تهتم بأمور مالية وبدك حلول لازم تكون مرضية الك قبل كل شي وفكر بطريقة تحصل منها على مال وماتفوت شراكة خاسرة مع حدا وكمان فيك تحصل على ورقة بتدعمك وتتحسن اوضاعك كمان ..
❤عاطفيا : عندك تحسن نسبي بالعاطفة رغم مشاكل الفترة الأخيرة فحاول تلاقي حلول ..
■النسبة المئوية :
●مهنيا : %70 ●ماليا : %79 ●عاطفيا : %69 ●صحيا : %72
#الميزان ♎
خليك هادي وفكر بشغل مع شخص يدعمك ..
بدي منك هاليوم تضل محافظ على الهدوء تبعك وانتبه من ضغط الشغل وكمان من المواجهات اذا بدك وضعك يضل تمام ولازم تستغل قصة شراكة شغل مع شخص بيدعمك وماتعطي اهمية لكلام الناس ..
❤عاطفيا : انتبه من توتر العلاقة عندك هاليوم وحاول تتجنب المشاكل مع الشريك ..
■النسبة المئوية :
●مهنيا : %66 ●ماليا : %68 ●عاطفيا : %63 ●صحيا : %65
#العقرب ♏
انتبه لصحتك ولاتكون متسرع بقراراتك ..
انت بيوم لازم تعرف منيح فيه كيف تدير بالك على شغلك بالبيت وبرا البيت وخاصة اذا عم تحل قصة واخدة كل وقتك او اذا عم تطلع ورقة وكمان انتبه من الارهاق والتعب وحاول ترتاح وبلش نظام صحي ..
❤عاطفيا : الوضع العاطفي عندك ماعم يكون تمام وخاصة انو مافي استقرار بعلاقتك ..
■النسبة المئوية :
●مهنيا : %64 ●ماليا : %66 ●عاطفيا : %63 ●صحيا : %59
#القوس ♐
عندك مال وحظ وممكن شراكة او ارتباط ..
بيتحسن وضعك هاليوم وخاصة بعلاقاتك ضمن البيت وكمان في قصة بتخص الأطفال بتشغلك ولازم تفكر بشراكة تساعدك وكمان تستغل محبة بعض الناس ومساعدتن وفي امور مالية عم تفكر فيها ..
❤عاطفيا : الوضع العاطفي عندك يعتبر جيد وخاصة انو في حب عم يرجع وممكن ارتباط ..
■النسبة المئوية :
●مهنيا : %85 ●ماليا : %80 ●عاطفيا : %84 ●صحيا : %83
#الجدي ♑
انتبه بالشغل ومع المقربين وهدي ..
عم تحس انو في كتير تعب وتغيير بمكان الشغل او السكن عندك وهالشي بخليك قدام التزامات اكتر وخاصة اذا عندك تغييرات ومشاكل وقصص عم تتعبك ضمن البيت ومع الاهل او حتى شي صحي ..
❤عاطفيا : عندك كتير امور شاغلة بالك الشريك لازم يعرف يستوعب ظروفك صح ..
■النسبة المئوية :
●مهنيا : %69 ●ماليا : %68 ●عاطفيا : %70 ●صحيا : %62
#الدلو ♒
يومك جيد بالعاطفة والعلاقات ..
بتقدر هاليوم تحسن من حالتك وخاصة بالتواصل مع كتير ناس والحب الكبير يلي عم يكون من الكل الك وكمان عندك اجواء اجتماعية وعائلية بتدعمك وممكن اخبار عن اخ بتفرحك وقصة بيع او شراء موبايل ..
❤عاطفيا .. من افضل الايام عندك وفي اتصالات حلوة بتجيك وبتفرح قلبك كمان ..
■النسبة المئوية :
●مهنيا : %74 ●ماليا : %70 ●عاطفيا : %76 ●صحيا : %73
#الحوت ♓
انتبه بالبيت وهدي ماليا ولاتصرف كتير ..
عم يكون تفكيرك محصور ببعض الامور المالية وناطر قصة عقارية تكمل معك وفي ناس مقربين منك ماعم يكونو مريحين الك وهالشي عم يتعبك وعم تحمل مسؤولية وتاكل هم الكل ولازم تداري حالك ..
❤عاطفيا : ماتعطي اي قرار بشي عاطفي ولا تدخل علاقة سطحية هالفترة ..
■النسبة المئوية :
●مهنيا : %69 ●ماليا : %80 ●عاطفيا : %74 ●صحيا : %72
