رصد نيوز
#الحمل ♈
عندك اخبار حلوة وحلول وتغيير ..
يعتبر من الايام الحلوة عندك يلي فيها تغيير مكان وامكانية سفر وعلاقات وناس جديدة كمان وعم تتحسن اوضاعك وفي حلول عائلية ويمكن تغير حتى مكان شغلك وبتضل مشغول بأمور البيت ..
❤عاطفيا .. من الايام الحلوة عندك وخاصة انو عم تشوف ناس جديدة وهالشي بعزز من حالتك ..
■النسبة المئوية :
●مهنيا : %83 ●ماليا : %84 ●عاطفيا : %81 ●صحيا : %80
#الثور ♉
يوم جيد بالمال والاوراق والتواصل ..
عم تتحسن اوضاعك بشكل كبير وخاصة على الصعيد المالي وغالبا رح تحصل على مبلغ او تحل قصة شاغلتك وفي كمان تقارب بينك وبين العيلة وعم تفكر بقصة موبايل او سيارة وعندك اوراق عم تحصل عليها..
❤عاطفيا .. الحالة العاطفية عندك عم تتحسن وخاصة انو في حلول هاليوم بتدعمك ..
■النسبة المئوية :
●مهنيا : %67 ●ماليا : %71 ●عاطفيا : %66 ●صحيا : %64
#الجوزاء ♊
عندك شراكات وتوتر وعقود فحاول تهدي ..
عم يكون عندك شراكات مهنية وعاطفية ولازم تعرف كيف تكون دبلماسي وهادي حتى ماتتأثر باي مواجهة او مشكلة عم تحصل معك واطمن عندك شي حلو مالي بس لازم تعرف كيف تستغل وضعك ..
❤عاطفيا .. يبدو انك عم تفكر كتير وفي ضغط عم يكون عليك وبتحس انك بحاجة حب اكبر ورواق مع الشريك ..
■النسبة المئوية :
●مهنيا : %65 ●ماليا : %65 ●عاطفيا : %68 ●صحيا : %59
#السرطان ♋
بين شغل وصحة وتعب يومك بكون ..
يبدو عندك كتير قصص بهاليوم ولازم تعرف منيح كيف تخلصها وفي بداية لشغل جديد والحالة عم تكون متعبة نوعا ما بس لقدام بتدعمك مهنيا ولازم تنتبه لصحتك وتهدي مع المسؤولين لتنجح بيومك ..
❤عاطفيا .. عم تكون بوضع شبه جيد لكن ماتخلي حدا يعرف عن علاقتك وخاصة الناس يلي بتحكي كتير ..
■النسبة المئوية :
●مهنيا : %70 ●ماليا : %62 ●عاطفيا : %68 ●صحيا : %59
#الأسد ♌
بتتحسن امورك عاطفيا وماليا وافضل وضعك ..
من الايام يلي فيها حلول عندك ضمن البيت وعم تلاقي حالك بوضع منيح وخاصة انو ممكن تحصل على مال وتحسن من علاقاتك وبدي تهتم اكتر بعيلتك وتحاول تفكر بقصص جديدة ماليا وبالشغل ..
❤عاطفيا .. عم يرجع شخص او صديق او حبيب قديم يحكيك وهالشي بحسن من حالتك العاطفية ..
■النسبة المئوية :
●مهنيا : %80 ●ماليا : %81 ●عاطفيا : %88 ●صحيا : %78
#العذراء ♍
عندك توتر عائلي ومهني فحاول تهدي ..
كتير عم تشغلك امور البيت والعيلة عندك ولازم تحل المشاكل بهدوء وتحاول تكون اقرب من أهلك ويمكن يكون في عندك تغيير او لمة عيلة واهم شي تتصرف صح اذا بدك تغير ببيتك وخلي حدا يساعدك ..
❤عاطفيا .. عم يكون عندك اجواء مكركبة بالعاطفة ولازم تعرف كيف تجنب علاقتك المشاكل ..
■النسبة المئوية :
●مهنيا : %68 ●ماليا : %62 ●عاطفيا : %70 ●صحيا : %60
#الميزان ♎
يوم حلو بعلاقات مهمة وناس واتصالات ..
عم تطور علاقاتك وعم تشوف بهاليوم اشخاص مهمة او عم تتواصل معن وعندك فرصة للشهرة عبر السوشل ميديا واوضاعك عم تشهد فرص شغل جديدة ولازم تثبت حالك بهالشي وكمان انتبه من الحوادث ولأخ ..
❤عاطفيا .. العيون عليك وفيك تستغل هالشي وكمان حاول تفكر بعلاقات جديدة وناس بتلتقي فين ..
■النسبة المئوية :
●مهنيا : %72 ●ماليا : %71 ●عاطفيا : %75 ●صحيا : %73
#العقرب ♏
عندك قصص مالية وشغل خارجي وحوالة..
يبدو انك عم تفكر كتير هاليوم بوضعك المالي ويلي عم يتحسن وخاصة انو في فكرة شغل جديد والامور عم تطور ايجابا وحتى ممكن حدا يساعدك ويدعمك بحوالة مالية خارجية وفكرة شغل ومشروع كمان ..
❤عاطفيا .. استغل وضعك لتغير من حالتك وتكون افضل بالمال والعاطفة ويمكن تجيك هدية ..
■النسبة المئوية :
●مهنيا : %69 ●ماليا : %78 ●عاطفيا : %73 ●صحيا : %70
#القوس ♐
بيتحسن وضعك وفي اخبار حلوة وانفراج ..
عم تكون امورك افضل ماليا وبقصص الاوراق بعد فترة صعبة ومشاكل حصلت عم تقدر تحسم امورك بقضية وتكون اقرب من عيلتك وفي كمان طاقة كبيرة للتغيير ولتعزز من وضعك بالشغل والشراكات ..
❤عاطفيا .. حاول تستقيد من يومك لان عندك اوقات حلوة بتقضيها مع الشريك ..
■النسبة المئوية :
●مهنيا : %92 ●ماليا : %82 ●عاطفيا : %86 ●صحيا : %88
#الجدي ♑
انتبه بعلاقاتك هدي وروق ..
من الايام يلي فيها كتير ضغط عليك من المقربين وبالشغل وبالشراكات خاصة فحاول تنتبه وتدير بالك وماتعمل اي مشكلة لان صح ماحدا عم يصدق معك لكن مارح يكون الحل بالمواجهة وخلصك دبلماسي وساير ..
❤عاطفيا .. عم تحس بانك مو مرتاح لابعلاقتك ولا باي علاقة جديدة عندك وبدك تريح راسك لتعرف تحب ..
■النسبة المئوية :
●مهنيا : %68 ●ماليا : %63 ●عاطفيا : %66 ●صحيا : %60
#الدلو ♒
يومك جيد وفي كتير ناس بتدعمك وبتساعدك ..
هاليوم لتكون فيه مع اشخاص كتير وتقضي وقت حلو ويمكن عندك عزيمة او لمة على اكل مع رفقاتك او حتى اجواء اجتماعية بمناسبة وفيك تستغل مساعدة المحيطين فيك لتنهي شغل كان لازم تعملو ..
❤عاطفيا .. وضعك منيح وخاصة انك عم تعمل حضور خاص فيك وجاذبيتك مرتفعة ..
■النسبة المئوية :
●مهنيا : %73 ●ماليا : %66 ●عاطفيا : %75 ●صحيا : %63
#الحوت ♓
عندك اخبار شغل وفرص مهمة ..
عم تكون علاقاتك هاليوم على مستوى عالي ويبدو في فكرة شغل جديد او قصة مالية بتكون بمساعدة شخص مهم ولازم تعرف تتصرف لتصل لمبتغاك تنجح بشهرة او تترقى وتحصل على مكانة اعلى ..
❤عاطفيا .. من افضل الايام لتحصل على حب مهم من شخص غير شكل وبيعطيك الاضافة بالحب ..
■النسبة المئوية :
●مهنيا : %75 ●ماليا : %71 ●عاطفيا : %68 ●صحيا : %74
