رصد نيوز
القمر مستمر بالجدي
#الحمل ♈
مهنياً:القمر بالجدي بعد ركود بوضعك وشغلك ليوم في تحسن وعندك شغل مهم او لقاء وناس .. الفلكي علي ممكن تفكر ترجع تبلش من جديد لانو الوضع ماعم ينحمل وقصة بتخص شغلك او وظيفتك او حكي بشراكة لا تقلق وريح حالك رغم في مسؤوليات وبحاجة لمساعدة وجهد بدك تبذله في سمعة وشهرة وناس كتار وجديدة واتصالات وعزيمة ..
عاطفياً:لاعزب بادر لترجع وافتح قلبك من جديد ..
المرتبط نتبه لتصرفاتك وبلا عصبة ونرفزة مع الشريك وحاول تتقرب أكتر ولاتكون انفعالي وتعصب او يكون في غيرة من اي شي .. روقلي حالك وخليك أيجابي الوضع مانو سيء لكن بدو مسايرة شوي ..الفلكي علي نتبه مو اي مشكلة صغيرة نكبرها ونعملها قصة .. صح انت قلقان على وضع علاقتك بس عندك فرصة بعد مشاكل ونقار لتصلح وضعك العاطفي استغل هاليوم لتقدر تعمل شي ..
صحياً:بتتحسن امورك صحية وبترتاح من وعكة صحية نظم مواعيد وجباتك الغذائية وتحسن منيح ان شاء الله ..
❤غنيتك❤اليوم:هل عندك شك .. كاظم
#الثور ♉
مهنياً:القمر بالجدي حظ وطاقة وتحسن تدريجي استغل دعم الفلك الك لتوظف جهودك وطاقتك بشي الي بيخدم مصالحك ولتحقق مكاسب مالية ومعنوية . الفلكي علي علاقات بتتحسن وحلول لمشاكل تعبتك وبتفكر بسفر هاليومين امور جديدة بتخص شغل وحركة بيع وشراء واتصالات مهمة اولقاء وناس جديدة وتقدير لجهودك المبذولة بس البعض لازم تنتبه لامور دراسة وتحسن او خبر لطلاب الجامعات او اذا عندك شي بخص اختبار وظيفة او نتيجة .
عاطفياً:يومك بحاجة تنازل وفرصة جديدة عندك .. بكلمتين حلوين الامور بتنحل حاول تبادر وتتعلم من مشاكلك السابقة .. يوم جيد لتحل مشاكلك وترتاح نفسياً بتتحسن الامور لا تخاف بشرط اذا الشريك بيستاهل تعطي فرصة .. عندك لقاء مميز واتصالات وممكن حب جديد يوصل لارتباط رسمي قريباً .
صحياً:في اهمال بصحتك وماعم تنتبه منيح وهاشي مو منيح الك بلايام جاي لا تعكر مزاجك وريح حالك .
❤غنيتك❤اليوم:كذابين .. وائل كفوري
#الجوزاء ♊
مهنياً:القمر بالجدي عم تتخلص من مشاكل وبتلاقي حلول لامور تعبتك وبتركز على الحلول هالفترة بلاخص المالية لان يومك رح يشغلك في المال ممكن تقبض وممكن حوالة اذا ناطر وتسديد التزامات وفواتير وحاجيات .. عم يكون في تأجيل لقصص القانونية والمعاملات والقضائية هالفترة ..الفلكي علي بتكون اجتماعي ومصالحات وثقة بترجعلك المهم لا تبقى لحالك..
عاطفياً:الاعزب لا تتردد بهاليوم وحط نقاط على الحروف بوضعك بلاخص اذا في شي براسك بدك تعملو كون مقتنع ولاتتردد وهاد شي الاساس ..استغل هاليوم لتحل مشاكلك بعيد عن العصبية وتوترات يومك في مصالحات وبتكون مع الشريك بأتصالات طويلة وتواصل .. كون متسامح وغض نظر عن بعض الأخطاء المرتكبة احسن مايطلع صوتك وتدخل بجو متشنج ..
صحياً:نتبه من مشاكل الفقرات وركبة في ارهاق وتعب وممكن زيارة طبيب او البعض مقبل على عملية او عم يفكر فيا ومحتار ..
❤غنيتك❤اليوم:اصعب فراق…جورج
#السرطان ♋
مهنياً:القمر بالجدي بتشغلك امور الشراكات وبنصحك تلاقي حل سريع .. بعد فترة كنت فيها متوتر وانفعالي والحمل كبير عليك وفي حكي كتير .. القمر ممكن يمنحك تحسن طفيف بالمال او انفراج نوعي بشغلك وممكن تتلقى اتصال مهم او نقاش واتفاق ويمكن عندك نقل لمكان جديد وفكر بشراكة جديدة .. والبعض هلق عم يحس بحالو عم يضب شوية مصاري لالتزامات عم تخف وتدريجي افضل ..
عاطفياً:لازم تنتبه لعلاقتك مع الشريك وتعزز شراكتك والاعزب امورك افضل وفرصة لارتباط وشراكة واتفاق مهم عندك .. المرتبط يومك بدو هدوء وتعرف كيف تتعامل في حتى ماتخسر شريك الك بتتحسن امورك وفي نقاش بأمور مستقبلية وتبادل للمشاعر بعد عن ناس الحواليك وخليك بعلاقتك وحاول تمتص المشاكل بسرعة .. الي علاقتو متوترة كتير ممكن ينهي علاقتو فانتبه بشكل كبير وخليك على حذر اذا ناوي ماتخسر وبلاخص المتزوج.
صحياً:ريح حالك ونام منيح وحاول تغير جوا وتتمشا او تشوف ناس بتعطيك طاقة ايجابية.
❤غنيتك❤اليوم:سهرت اليل .. جورج وسوف
#الأسد ♌
مهنياً:القمر بالجدي بتشغلك صحتك او وضع حدا مقرب وشغل كتير عندك ..الفلكي علي في شغل ومسؤوليات عم تكبر وناس كتار هاشي عم يتعبك صحياً وماعم يخليك ترتاح يوم سريع وبدك تلحق لتخلص كلشي وتنجح بيشغلك وضع مالي امور قانونية وقضائية ممكن تتأجل واوراق بيومك بدك تخلصا وبتعيد حساباتك من جديد ممكن تبلش بشغل جديد او شراكة عم تبحث الموضوع فيا والبعض ممكن يترك شغلو بسبب خلاف لهيك بدك تروق ..
عاطفياً:وضعك حساس لا تهتم لكلام ناس وطنش وعيش يومك .. خود الامور ببساطة بهاليوم ولا تحسم شي عندك القدرة تمتلك قلب الشريك او اي شخص وشريك يمكن بحاجتك لازم تساعدو وتوقف حدو .. بتشوف شخص غالي وفي اتصالات وتحسن بسهرة وهدوء نسبي وبتغامر اليوم برغم جاذبيتك وسحرك
البعض بعيش ذكريات قديمة حاول تتخلص من الماضي ولا تخلي يسيطر عليك لانو رح يتعب قلبك..
صحياً:خفف توتر وقلق ولا تهتم بهاليوم ونتبه لأكلك لانك معرض لوعكة او لحدا بعيلتك بتشغلك صحتو وضعو ..
❤غنيتك❤اليوم:ضلك معي .. ربيع بارود
#العذراء ♍
مهنياً:القمر بالجدي طاقتك بتزيد وبتكون ايجابية والحظ معك وتحسن بعلاقاتك وعم تنجز اعمالك واذا بدك مساعدة فيك تطلب وبكون عندك روح المغامرة .. علاقات اجتماعية اتصالات ومواعيد بشوية تنظيم وترتيب بتتخلص من العراقيل وضغوط وبتسمع خبر حلو وحاول تسمع نصائح بهاليوم وجهز حالك لسهرة حلوة ومال وقصة بتخص الاطفال..
عاطفياً:يوم داعم عاطفياً جذاب وبتقلب الامور لصالحك ..الفلكي علي بتحسن وضعك وبتكون رومنسي وبتقضي وقت بلقاء أواتصال مع شريك وبتلاقي حب جديد والبعض حابب يغامر .. والي علاقتو متوترة ينتبهلي على حالو ولا تعصب او تتسرع لان ممكن تخسر ونتبهلي لردة فعلك وروق الحظ اكيد بساعدك لتحل مشكلتك اليوم بس برواق ودبلوماسية ..
صحياً:من الايام الي بتتحسن فيا صحتك في راحة نفسية واجواء بتعطيك طاقة وناس بتحبا.
❤غنيتك❤اليوم:صار الوجع عادي .. حسام جنيد
#الميزان ♎
مهنياً:القمر بالجدي ضغط عليك وبحاجة تتجنب المواجهات ونزاعات لان احتمال يصير مشاكل وتوترات ضمن العيلة او شي بخص الاطفال ..الفلكي علي الزهرة متقدمة بالجوزاء ممكن تمنحك الحظ لتلاقي حلول وبلا ماتكبر القصص ويمكن تخليك تحصل على مال اوشي بخص شغل قريباً وناس ممكن غريبة و أتفاق على شي او امور عقارية نشالله بالقريب العاجل المهم تلاقي الحلول بوضعك العائلي وتروق وكلو بينحل لا تخاف فترة وبتمر ليتحسن وضعك العائلي ونفسي..
عاطفياً:نتبه لتصرفاتك لانك مضايق ومزعوج وعم تعاني تقلب ومزاجية بيومك .. رغم الاجواء بتحس حالك مالك نفس حاول تبعد عن الاستفزاز بيومك حافظ على هدوئك ومزاجيتك ولا تتردد بلاخص المتزوجين .. المرتبطين يومك بيحملك تتطورات ايجابية وتحسن وبتنطلق من جديد تواصل واتصالات وقنوات جديدة محتملة بعد غيبة والاعزب فكر بحالك لايام عم تمرق لا تكبر الامور وختار صح وكتير مهم تستغل الفرص هالايام ..
صحياً:نتبه من مشاكل تنفس وبلاخص اثناء نوم في تعب وارهاق والبعض ممكن يزور طبيب.
❤غنيتك❤اليوم:احبك .. حسين الجسمي
#العقرب ♏
مهنياً:القمر بالجدي بترتاح من بعض ضغوط وتعب الي كان مرافقك وبتلاقي حلول لامور معقدة في افكار ومبادرات ومرحلة جديدة قادمة ..بتكتر لقاءات والأتصالات وفيك تتحرك او تنقل قريب او سفر قصير وبتخلص شغلك ضروري ولا تأجل شي في حركة بيع وشراء واجواء وعزائم واختبار او امتحان لقدراتك وقصة بيت عندك .
عاطفياً:المرتبط يبدو بدك تساير او البعض عم يتأفف وعم يكون استفزازي هلق انا مابنصحك بهاشي وبدي منك تغض نظر عن بعض تصرفات او الكلمات حاول تتقرب من الشريك وتقضي هاليوم بأتصال واذا فيك بلقاء وبلا مشاكل حتى تطلع من هالبرود العاطفي بوضعك .. بتتحسن الاجواء وبتصير أحلى لا تحرم نفسك منها مافي شي مستاهل وبادر بالحلول ..صدفة او علاقات صداقة ممكن تتحول لحب وبتكون محبوب وقريب من الكل ..
صحياً:عم تتعرض لبعض الألتهابات نشالله امورك بتتحسن وخصص وقت تغير جو في بعيد عن الاجواء المشحونة .
❤غنيتك❤اليوم:يوم الماشوفك ماريد عيوني .. سعدون الجابر.
#القوس ♐
مهنياً:القمر بالجدي تاجيل لامور قضائية او مالية بيشغلك المال اليوم بين قبض ودفع وحسابات .. الفلكي علي عم تحسب شو الك وشو عليك حتى ممكن البعض يتلقى شي معنوي .. حاول ضب ايدك على مصاريفك المالية رغم المال الي وصلك مافي ادارة بصرف .. بحاجة تستغل ظروف لازم تغامر وتدخل تجارب جديدة روق في قضايا بدا حل بشغلك وبيتك .. امورك الاجتماعية افضل وفي رفقات ولمة حلوة وناس بتحبن ومصاريف على عزائم ممكن ..
عاطفياً:في قلة اهتمام واهمال من الشريك وشكوك بتزيد بتحس حالك مافي ثقة ومحتار بوضعك وبقراراتك .. هلق انا بدي منك تكون هادي بنقاشك وبلا تراشق الكلام الي بلا طعمة ولا تتسرع بأي شي لان ممكن ترتكب خطأ يخليك وحيد روق وكلشي بيتصلح ولازم تفتح صفحة جديدة بعلاقتك ولاعزب ركز منيح وختار صح ..
صحياً:نام منيح وريح جسمك لان ممكن تتعب وتكون مرهق عندك مشاكل المعدة وتفخة كتر شرب كمون مع الحامض هالفترة ..
❤غنيتك❤اليوم:غدرتيني .. وائل كفوري
#الجدي ♑
مهنياً:القمر ببرجك يومك منيح عم تنجز اعمالك وتخلص كلشي بدك تجهز حالك لتغيرات وفي مال ممكن يجيك او حوالة بتلاقي حرية بالحركة وفيك تعمل تغييرات وتهتم بحالك وببرستيجك الخارجي .. اتصالات بتكتر هالفترة ونقاش مهم بامر مالي او شغل جديد وممكن شراكة وخبر حلو في حركة اوراق عندك ومساعدة الاجواء حلوة وناس بتحبك وعزائم وعقار جديد ..
عاطفيا:لاعزب يومك منيح الك تحسن عاطفي القلب يدق من جديد او بتتعرف على شخص بتتطور علاقتك في بعدين وممكن حب قديم .. الفلكي علي المرتبط بتتجاوز عراقيل بيومك وبتحل مشكلة بتكون جذاب وحضورك مميز والعين عليك اذا ناطر شي بيومك بصير حتى يوم بيحملك اتصالات وتواصل ومساعدة بلاخص اذا كان في زعل لترجع الامور لمجاريها وقلبك يرتاح وبتقرب المسافات شوي شوي ..
صحياً:في وعكة صحية وجو مو مناسب نتبه لتغير طقس وشمس بهالاجواء في صداع برأس وكريب عند البعض.
❤غنيتك❤اليوم:لاقيلي حل لشوقي وحنيني .. حسين ديك
#الدلو ♒
مهنياً:القمر بالجدي مو مرتاح انت وطاقتك ضعيفة في برود وفتور وتوتر بلاجواء هدي ولا تتنرفز من اي شي حتى مصاريفك عم تكتر ومابتعرف وين بتروح حاول تنتبه لكلامك ولردت فعلك حتى ماتخسر شخص غالي او صديق مقرب او اخ بتحط حد لكتير ناس عم تزعجك وماعم تسمح لحدا يتمادى معك .. ساير بيومك في حكي واتصال بخص عمل وعلاقات مع اشخاص مهمة وعزيمة ممكن تكون عندك ..
عاطفياً:حقائق بيومك عم تزيد شكوك والحدس قوي
والبعض صداقات وعلاقات بتكبر ..الفلكي علي مابنصحك تفوت بعلاقة مامنها نتيجة وانت بحاجة لشخص يقدرك ويهتم ويستاهلك .. حاول لا تكبر القصص او تدخل بجدالات عم تعبك لان في عناد مو طبيعي ويباسة راس حاول طنش وتريح راسك وتساير شوي ع القليلة .. يوم ضعيف الحظ عاطفياً حاول يكون في مسافة بينك وبين الشريك قاوم تشائم والعزلة ومرق هاليوم على خير بلا ماتكبرها .
صحياً:جسمك بحاجة للفيتامينات والبروتينات أعتمد على الاطعمة المتواجدة بها وصحتك بتتحسن تدريجي بهاليوم ..
❤غنيتك❤اليوم:مش عم بقدر صدق .. ادهم نابلسي.
#الحوت ♓
مهنياً:القمر بالجدي بحاجة لتطلع من جو الي عايشه وتغير نفسيتك وتعمل شي ايجابي يعطيك طاقة .. يومك في تنظيم وحسم لمواعيد وبعض القصص الي شغليتك وهاشي بخلي ثقتك بنفسك تزيد وكلو رح يعود عليك بامور منيحة وبلاخص اذا عم تفاوض او عندك نقاشات حول امر مهم ..الفلكي علي كتير وارد تحصل على مال اومساعدة واجواء اجتماعية وحركة واتصالات وممكن تنقلات قصيرة ولازم يكونو رفقاتك حدك ويعزموك ..
عاطفياً:بتتحسن امورك ويومك في جاذبية وحليان ..
المرتبط بدك تكون دبلوماسي ولا تخلي نبرة صوتك عالية احسن ماتوتر الوضع بحاجة لخطوة جديدة لا تكون عنيد بقراراتك وحاول توضح صورة ..العيون عليك والبعض بدو يتقرب منك وناطر فرصة في تواصل واتصال بلاخص اذا اعزب او البعض ممكن عندو علاقات متعددة وسرية وبفوت بجو من تسلية والمرح وحميمية ..
صحياً:مشاكل العيون وضغط عم تتكرر عند البعض انا بشوف انو تخفف انفعال وعصبية افضل الك هالفترة ..
❤غنيتك❤اليوم:عشاق أخر زمن…جورج
