رصد نيوز
القمر المسا بينتقل لبرج الثور ♉
توقعات برج الحمل اليوم الاثنين 13 يوليو 2020 ماغي فرح
الحمل ♈
مهنياً:ايوم للمال واعادة ترتيب الامور وعزائم .. بحاجة لترتيب امورك وتعيد حساباتك عندك دفع وقبض ومورد مالي افضل من شغلك والبعض ممكن ينال مكافئة او ترقية قريبة وعودة عجلة الانتاج ..تحسن بعلاقاتك مع المحيط بدي منك تكون نشيط ولا تكون بارد حاول تنجز شغلك وترتاح بعتقد انو يومك رغم في حدث مهم ألا انك مالل وضجران وممكن قصة بتخص الاطفال او حدا بعيلتك وعزيمة جهز حالك ..
عاطفياً: بدك تنتبهلي اليوم من بعض الامور الصغيرة بعلاقتك ومو مستاهلة عم تسبب مشاكل او تأثر بشكل كبير على علاقتك وبلاخص الشكوك الزائدة الى عم تمنع يكون في تواصل او مصالحات .. هدي حالك وبعتقد انو الجو اليوم اهدا وبتلاقي حلول أن شاء لله يعني شغلة بدا مسايرة شوي لتوصل وتكسب قلب الجنس الاخر ..
صحياً:لازم تلتفت الامور لياقة وريجيم وامورك صحية اليوم افضل نشالله.
❤غنيتك❤اليوم:الأماكن كلها .. محمد عبدو
توقعات برج الثور اليوم الاثنين 13 يوليو 2020 ماغي فرح
الثور ♉
مهنياً:بعد تعب كبير حظ وطاقة وتنقلات ومفاجئة حلوة ناطرتك وعم ترتاح من قصة كبيرة او اوراق اومال .. فرصة لتحسين موقع او نقل وعلاقات اجتماعية بتكتر وبتكون ايجابية وعندك قدرة على تواصل والحوار وتحرر من القيود وممكن فرصة سفر قريب او تنقلات كتيرة وخبر بريحك نفسياً وجهز حالك لعزيمة وانفراج وتحسن بهالفترة وناس بتشوفا بعد غيبة طويلة وتنفس صعداء من جديد ..
عاطفياً:يومك مميز انفراج وتحسن ومصالحات ولقاء حميمي .. جذاب وساحر بيومك وطلتك غير شكل ولاعجاب فيك عم يزيد تطورات حلوة وممكن تلاقي الحب ورومنسية واعجاب من قِبل أحد الاشخاص عم تتعرف عليه جديد والمرتبط مابدي ياك تتسرع بشي اليوم او تصطدم مع الشريك خلي عندك نظرة مستقبلية للأمور وفرصة لتحسن وضعك اليوم مع الشريك وتقضي وقت حلو لا تخاف كلو تمام نشالله واذا في زعل بصير صلحة واتصال وتواصل بغير الوضع نحو الافضل ..
صحياً:بتتحسن امورك صحية ونفسياً افضل وفيك ترجع لياقتك الي فقدتها بس لازم تابع امورك الرياضية ولا تجهد حالك ببعض الاعمال المتعبة وخفف سهر ..
❤غنيتك❤اليوم:اسكت لو سمحت .. جورج وسوف
توقعات برج الجوزاء اليوم الاثنين 13 يوليو 2020 ماغي فرح
الجوزاء ♊
مهنياً:بتشغلك امور ادارية وقانونية وعلاقاتك الاجتماعية وعندك تأجيل او تأخير بس روق هاليومين .. مابدي ياك تستسلم لشي وحاول تبذل جهد اكبر لتوصل وتنجح مانك مرتاح نفسياً وماعندك طاقة والقدرة لتعمل شي .. مو حابب تفوت بنقاشات وجدالات مع حدا واذا صار هيك شي نتبه من العصبية او سوء تفاهم مع مدير او مسؤول ولا تخالف القوانين بدي منك لاتعتمد على الحظ وعطي لنفسك طاقة ايجابية واستفاد من الفرص المتاحة .. امورك الاجتماعية افضل وناس عندك ولمة حلوة وتعارف بشخصية مهمة او لقاء او اتصال..
عاطفياً:محتار وبحاجة لحسم وقرار مهم .. عم تمر بظروف صعبة حاول تتفهم شريك ولا تدخل بأجواء متعبة ومتشنجة ولازمك حل سريع ومرضي واذا الشريك عندو اي اقتراح حاول تفوت بنقاش ممكن تتوضح كتير امور وممكن في خطوات يجب تباعها بالمجمل هديلي حالك وفكر بعلاقتك قد مافيك ونشالله امورك قريبا بتجاه الحل .
صحياً:امورك منيحة صحياً بس البعض ممكن يشعر ببعض الالام لا مانع من استشارة اخصائي او طبيب..
❤غنيتك❤اليوم:خلص استحي … ناصيف
توقعات برج السرطان اليوم الاثنين 13 يوليو 2020 ماغي فرح
السرطان ♋
مهنياً:بتبلش امورك تتحسن وثقة بنفسك بترجعلك واجواء حلوة بعلاقاتك وعم تتمتع بكاريزما مميزة عم تلتقي ناس ورفقات وممكن تنعزم او انت عم تعزم حدا وبتلتقي ناس بتحبن وغاليين عليك وبتلاقي حلول لمشاكل شغليتك او حدا مقرب منك ممكن يساعدك بحل لمشكلة بعدا أمور العيلة شاغلتك لازم تركز وتعيد حساباتك منيح ووضعك المالي بيشغلك وتحسن طفيف .
عاطفياً:المرتبط والاعزب امورك جيدة والمتزوج بحاجة لحل ..حاول توضح وجهة نظرك بهاليوم وتكون حذر بتصرفاتك لان بدنا نحاول نهدي ونلاقي حلول لوضعك العاطفي الي تعبك وصار لازم نحطلو حد حتى ما تنفهم غلط ومو بقصد ويمكن تتلقى عتب ولوم كلو بينحل اذا قدرة توضح وجهة نظرك وتعطي فرصة مع اني مو شايف في شي مؤثر على وضعك .. والبعض عندو تواصل وعلاقات حميمية واتصالات حارة وحب عم يكبر..
صحياً:نظم وقتك الغذائي ونتبه على رشاقة جسمك وامورك صحية بتكون بخير بلاخص اذا بطلت تفكير بالوضع ..
❤غنيتك❤اليوم:يوم الوداع … جورج وسوف
توقعات برج الاسد اليوم الاثنين 13 يوليو 2020 ماغي فرح
الأسد ♌
مهنياً:شغل وشعبية ويوم اجتماعي .. خليك هادي ورايق لتقدر تتجاوز هاليومين ببيتك وشغلك وتبتعد عن المواجهات لان يومك في احداث وتحركات بحاجة لسرعة ودقة ولا تدخل بجو من المشاكل .. لعيون
عليك و الغلط مؤثر هالفترة بلاخص اذا ناطر شي مهم او عمل جديد وبنصحك تأجل لامور المهمة اليوم والبعض عم تشغلو امور وظيفة او تأخير وتأجيل بقصة ما وممكن تعمل شي بخص مواقع تواصل او شهرة الكترونية او شغل بحقق شهرة على المدى البعيد ..
عاطفياً:امورك افضل واجواء وحلول ونشالله في هدوء اليوم بعد توتر كبير .. بعتقد انك امام يوم عاطفي افضل يمكن حضورك وكلامك وتصرفك عم يعطي طابع رومنسي وماحابب تعمل مشاكل وعم تكون دبلوماسي ولازم الشريك يتفهم قلقك ويقدر الي انت في بلاخص انت عم تستعجل بقصص بس القلب طيب ومابينلام .. وممكن البعض سهرة مع شريك بمكان ما ونشالله بتوقعلك يوم اكثر هدوء ورومنسية.
صحياً:شوية اضطرابات هضمة او مشاكل عسر الهضم سبب اما تناول الاكل بطريقة سريعة او نوعية طعامك.
❤غنيتك❤اليوم:تجاوزتي حدودك .. ناصيف زيتون
توقعات برج العذراء اليوم الاثنين 13 يوليو 2020 ماغي فرح
العذراء ♍
مهنياً:تحسن تتدريجي طاقة ايجابية وتغيير روتيني يوم عم تحاول تغير في شي وتطلع من حالتك وتبتعد عن بعض العادات السيئة وبتحط حد لبعض الاشخاص المزعجة فرصة تنقلات وسفرة قصيرة واتصالات عم تعود وتكتر ..نفسياً افضل حركة وحرية وتنقل ونشالله خبر حلو بيسعدك وبخليك متفائل .. فرصة تعارف جديد وناس بتحبن ونقاشات مهمة و عرض جديد او شغل جديد واجواء اجتماعية مميزة وسهرة ..
عاطفياً:حلول عاطفية واجواء وحب قديم ممكن .. المرتبط عندو فرصة كمان ليحط نقاط على الحروف ويلاقي حلول ويتخلص من ضغوط الي رافقت العلاقة بالفترة الأخيرة استغل يومك واستغل جاذبيتك ورومنسيتك بيوم حلو وداعم الك بمصالحات وتفاهمات .. فرصة حلوة بهاليوم لتغير من تعاملك وممكن تبدا قصة جديدة بحياتك وارتباط جدي او اعجاب مبدئي او تواصل مع حدا قديم ..
صحياً:عارض صحي خفيف سبب شوية ضغوط عليك نشالله بترتاح ونتبه على مشاكل الاسنان والبعض لا تفكر امورك صحية بخير.
❤غنيتك❤اليوم:من هنا ورايح .. جورج وسوف
توقعات برج الميزان اليوم الاثنين 13 يوليو 2020 ماغي فرح
الميزان ♎
مهنياً:الفلك داعم الك لتتخلص من بعض الاعباء وديون ومنيح اليوم لتطلع من تعبك وتحل مشكلة او قصة مالية وبترتاح من شوية ضغوطات .. امور مالية عم تشغلك وفي حكي بهيك قصص وممكن تقبض ..ثقة وطاقة عم ترجعلك وعم تلاقي دعم مقدم الك واجواء اجتماعية ودعوات وعزائم واذا عندك قصص مهمة بتخص اوراق او تواقيع وعقود جهز حالك هالفترة ..
عاطفياً:فكر بوضعك ومستقبلك وانسا الي صار بالماضي .. استغل عاطفتك وجاذبيتك لتوصل لقلب الشريك وتحسن علاقتك معو .. حاول تحسبها صح وتبتعد عن الاجواء المتوترة انت دبلوماسي وفيك تحصل على شي لبدك ياه بطريقتك مابدي ياك توقع بأخطاء وقعت فيها منذو مدة عم ترجع العلاقة تتحسن وتكبر اكتر من جديد وبلاخص اذا كان في بعد او قطيعة وزعل .. البعض في شوق وحنين ومسافة بعيدة وبحاجة شخص يكون عندك وبحدك ..
صحياً:بحاجة نظام غذائي ولا تاكل بوقت متأخر وخفف تناول نشويات والمقالي ولازم تقضي وقت من الراحة والاستجمام هاشي بيعطيك طاقة على مواصلة اعمالك..
❤غنيتك❤اليوم:طقي ياحبات توت .. وفيق حبيب
توقعات برج العقرب اليوم الاثنين 13 يوليو 2020 ماغي فرح
العقرب ♏
مهنياً:بتشغلك شراكات مهنية وعاطفية ..خليك ذكي ونتبه من ناس الي عم تتقرب منك لمصالح شخصية ونتبه لكلامك والمواجهات مع حدا مافي داعي الها .. عم تعاني معاملة البعض الك لان عندك نقاشات واخد ورد بالكلام وشوية تحديات بدي ياك تكون قدا لتنجح ولا ترد طنش وبلاخص بشغلك او ببيتك .. اجتماعياً افضل وسهرة وناس بتحبن ومال ممكن بيومك .
عاطفياً:المرتبط كتير بدك تنتبهلي لمشاعرك ولا تبالغ فيها مابدي هاشي يأثر ع الوضع وحاول تفكر بدبلوماسية وبلاخص انت مانك رضيان عن كتير امور او الاهمال ببعض الاحيان .. هدي حالك وكون معتدل بتصرفاتك مع الشريك وبلا نقار وتعامل بأيجابية معو لتهدي الامور وانت بتعرف الوضع منذو البداية ..ممكن البعض بيدخل بأرتباط وممكن شريك يكون بعيد عنك ..
صحياً:بتعاني مشاكل المعدة وضغط او دوخة ونتبه من القهوة وتدخين بشكل عام ..
❤غنيتك❤اليوم:انا اسف لأني .. جورج وسوف
توقعات برج القوس اليوم الاثنين 13 يوليو 2020 ماغي فرح
القوس ♐
مهنياً:شغل كتير ومسؤوليات ونتبه على صحتك .. عندك شغل كتير والتزامات ولازم تخلصها ممكن بدك تخلص كلشي ع الموعد وممكن تفكر بسفرة قصيرة .. طاقتك متقلبة حاول تتخلص من تراكم الاعمال او بعض العراقيل وبلش بضروري .. في معطيات جديدة لشغل او مشروع او نقاش مبدئي والايام جاي نشالله افضل البعض ممكن يخسر شغل او يدخل بشغل جديد ..
عاطفياً:اتصالات ونقاشات وبدك لتوصل لشي بهاليوم .. في غيرة وعناد برغم من دبلوماسيتك .. بس البعض عم يحس حالو انو الحب متعبو وممكن ماعم يريحو رغم وجود الشريك لاكن احساس بالوحدة وعدم الا مبالات من قبل الشريك كتير عم يدايقك هاشي حافظ على شخصيتك وكرامتك ولا تخلي لحب يضعفك والي بدو يزعل لا تنطرو ليرضى .. حب قديم او صديق بيتواصل معك..
صحياً:خفف بعض المنبهات وتدخين ونتبه على صحتك او من وعكة خفيفة نشالله بتزول .
❤غنيتك❤اليوم:تخسر رهانك .. جورج وسوف
توقعات برج الجدي اليوم الاثنين 13 يوليو 2020 ماغي فرح
الجدي ♑
مهنياً:علاقات وناس ومال بيومك .. تنقلات بيومك وفايق بكير وبدك لتخلص شغلك عم تتحرر من شوية قيود تحسن بأمور العمل وفرصة حلوة بعد ركود لتقبض مال وفي مستجدات جديدة بوضعك .. تقرب من المسؤولين بس نتبهلي صرف عم يزيد وعندك اوقات حلوة ولمة وعلاقات اجتماعية عم تكتر وبتشوف ناس جديدة او قديمة وقصة اطفال او انجاب عند البعض استغل الحظ معك بهاليوم ..
عاطفياً:من الايام الحلوة الي عم تتمتع فيها بروح مرحة وتفائل وجاذبية وعفوية وعم يحملك أثارة ورومنسية بيومك والمشاعر اليوم تجاه الشريك عم تكبر وعم ترتاح للوضع نسبياً حتى البعض ممكن يقضي وقت حلو وتواصل وممكن اشارة ما من شريك قديم .. الاعزب اعجاب بيومك واتصالات وحاول تختار صح ولا تكون بعيد عن عاطفتك وحب ..
صحياً:حاج تأجل بعض الاعمال وخلصا لترتاح صحياً عندك تعب وضغط ع جسمك نام منيح ونظم وقتك وبتعد عن تشائم ..
❤غنيتك❤اليوم:انت غيرهم ياحبيبي .. جورج وسوف
توقعات برج الدلو اليوم الاثنين 13 يوليو 2020 ماغي فرح
الدلو ♒
مهنياً:قصص عم تخلص ومنها عم يتأجل والوضع العائلي مكركب او قصة حدا من اخواتك .. على مايبدو كان
بدك تهدي ولا دخل الامور بعضا ضغوط وامور عائلية بتشغلك وقصة بالبيت او حدا من اخواتك .. يمكن صوتك طالع وعصبي ومانك مرتاح للوضع وضجة بيومك واخلاقك ديقة .. لهيك نتبه تعمل مشكلة مع حدا محتاج للمال وبعض ديون والمستلزمات بدا حلول وضب ايدك ع مصاريفك .. تغييرات بدها شوية وقت لتتوضح معالمها ونتائجها قدامك وممكن قصة سفر تشغلك او لقاء مهم روق وهدي ونشالله الامور رايحة بتجاه الافضل .. كتير ناس مقربة منك عم تحاول تزعجك وعم دايقك طنش واستغل اي فرصة او اتصال بيومك لتنجح وحلول لقصة قضائية .
عاطفياً:بدك تنتبه من هاليوم لان اذا ماعرفت تتصرف ممكن توقع بمشاكل وأخطاء نتيجة تسرع وسوء تفاهم وممكن تدخل بقصة معقدة وشائكة وممكن يصير حساسية مابدي ياك تطرح اي شي مهم هاليومين بعلاقتك حاول تكون ذكي وتحسبها صح ونطر الوقت المناسب وحاول تعمل توافق بين الامور اذا كان بشغلك وبيتك وعاطفتك ..
صحياً:لا تفكر كتير وانت بحاجة لراحة والهدوء ونوم الكافي ولا تدخل بأجواء صاخبة او ضجة وروح لمكان ترتاح في بلاخص هاليوم ..
❤غنيتك❤اليوم:شو حلو .. ناصيف زيتون
توقعات برج الحوت اليوم الاثنين 13 يوليو 2020 ماغي فرح
الحوت ♓
مهنياً: تحسن نوعي بوضعك وتواصل وتنقلات واتصالات واشخاص جديدة وقصص عائلية .. يومك بيحمل وجود ناس كتيرة عندك ونقاشات ومفاوضات وانت قادر توصل صوتك وتنجح وتحصل على دعم عندك شراء او بدك تغير شي وبتتعلم علم جديد وشي بخص دراسة او شهادات او اختبار فرصة سفر قريب وحركة اوراق للبعض او مكان جديد وتجهيز او تصليح عقاري .
عاطفياً:تطورات مهمة بعلاقاتك ولازم تستغل جاذبيتك لتقدر تأثر على الجنس الاخر او الشريك بشكل خاص لان في اعجاب وحكي حلو تواصل واتصال وعم تلاقي نظرات الحب حواليك .. المرتبط نتبه للغيرة زايدة او شكوك عم تراودك ممكن تسبب مشكلة بينك وبين الشريك روق وأستغل هاليوم لتحسن وضعك مع الشريك افضل ماتدخل بوضع متوتر ..
صحياً:تعب نفسي وصحي ممكن يكون من ناس سلبية حاول تبتعد عن ضجيج وكتر الحكي هاليوم ..
❤غنيتك❤اليوم:على أي أساس …ناصيف زيتون
