الرئيسية / منوعات / أبراج / أبراج_السبت1أغسطس2020

أبراج_السبت1أغسطس2020


القمر  مستمر ببرج الجدي ♑

#الحمل ♈

عندك شي مهم مهني وعلاقات كمان وشغل ..
حاول تستغل يومك بطريقة صح وخاصة بعلاقاتك المهمة والاشخاص المسؤولة عندك وفي موضوع بخص الأب وعندك شغل بدو التزام لتثبت حالك وكمان بكون في لقاءات على مستوى وتوتر بدو رواق منك ..
❤عاطفيا .. في اشخاص مشهورة عم تعجب وتتواصل فيك هاليوم فاستغل هالشي ..
■النسبة المئوية :
●مهنيا : %72 ●ماليا : %65 ●عاطفيا : %72 ●صحيا : %70

#الثور ♉

يوم جيد بعلاقات جديدة سفر وناس ..
عم يكون عندك هاليوم فكرة للسفر او للتغيير بالبيت وبالشغل وعم تتواصل مع اشخاص جدد بموضوع ضمن البيت وفكر بالتغيير وتحرر من الضغط وانطلق وممكن تسافر او تشوف ناس جديد وتتواصل معن..
❤عاطفيا .. وضعك العاطفي بيتحسن هاليوم وعم تزيد رغبتك بالاستقرار وكسر الروتين العاطفي مع شخص جديد يدق قلبك الو ..
■النسبة المئوية :
●مهنيا : %87 ●ماليا : %84 ●عاطفيا : %81 ●صحيا : %78

#الجوزاء ♊

اجواء ايجابية بمال وعلاقات وحركة وحلول ..
عم تتحسن الاوضاع عندك وعم يكون في اخبار بتخص امور مالية وتعاملات مع حدا من الاخوة وفي ورقة عم تحصل عليها كمان وعم تصلح اخطائك وتستعيد ثقة الناس فيك وتنجح بانك تصل ..
❤عاطفيا .. انت بوضع منيح وخاصة انو في حلول عاطفية وعلاقات عندك ..
■النسبة المئوية :
●مهنيا : %70 ●ماليا : %76 ●عاطفيا : %72 ●صحيا : %66

#السرطان ♋

عندك توتر هاليوم وناطر تحسن مالي ..
لازم هاليوم تعرف تحل مشاكلك برواق وخاصة المالية والعائلية منها وماتخلي وضعك الصحي يقلقك وحاول تهدي وتروق وتقرر صح شو لازم تعمل وتحسم امور الشراكات عندك كمان وماتصعد اي خلاف ..
عاطفيا .. انت بحاجة رواق مع الشريك ويمكم البعض عم يفكر بارتباط هاليوم ..
■النسبة المئوية :
●مهنيا : %69 ●ماليا : %61 ●عاطفيا : %65 ●صحيا : %63

#الأسد ♌

بتقلق صحيا وعندك شغل كتير بيومك ..
يبدو هاليوم عم يكون عندك قصص جديدة لازم تكون جاهز الها وعندك شي صحي شاغل بالك كمان وعم تتعب وماحدا عم يقدر معليش اثبت حالك مهنيا وانتبه لصحتك وقادر تنجح لانو طاقتك عالية ..
❤عاطفيا .. وضعك العاطفي ماعم يكون تمام ولازم يقدر ظروفك الشريك ..
■النسبة المئوية :
●مهنيا : %68 ●ماليا : %62 ●عاطفيا : %65 ●صحيا : %58

#العذراء ♍

عندك شي حلو بس انتبه ضمن البيت ..
هاليوم عم يكون في حظ جيد عندك لكن انت بفترة قلق عائلي وعلى شي بخص الاطفال وكمان في امور صحية شاغلتك بس اطمن يوم في اوقات حلوة اذا عرفت تستغلو صح مع اشخاص بتحبك عنجد ..
❤عاطفيا .. انت بوضع منيح عاطفيا وعندك علاقة عم تكبر مع الشريك لكن انتبه من الناس ..
■النسبة المئوية :
●مهنيا : %82 ●ماليا : %84 ●عاطفيا : %87 ●صحيا : %78

#الميزان ♎

عندك لمة ناس بالبيت ولازم تنتبه ماليا ..
يبدو هاليوم عم تلاقي بيتك مليان او عم تعمل زيارات عائلية او عندك امور بتخص الأهل وحاول تهدي قد مافيك وخاصة مع المقربين هاليوم وحتى بشغلك عندي شي مهم وتغيير حاصل ولازم تكون جاهز ..
❤عاطفيا .. وضعك العاطفي ماكتير مستقر وانت بحاجة هدوء لبالك وروحك وقلبك ..
■النسبة المئوية :
●مهنيا : %68 ●ماليا : %61 ●عاطفيا : %62 ●صحيا : %60

#العقرب ♏

عندك علاقات وناس واتصالات كتير ..
عم يكون عندك هاليوم كتير اتصالات وناس واشخاص معك وعم تفكر بشغل او شهرة وعلاقاتك جيدة وفي ناس مهمة بتحكيك وعم تعمل شي بخص السوشل ميديا وممكن تسافر او تطلع مشوار وانتبه من الحوادث.
❤عاطفيا .. الوضع العاطفي بكون منيح اذا عرفت تستغل علاقاتك لتحصل على اجواء حلوة بلقاء عاطفي ..
■النسبة المئوية :
●مهنيا : %75 ●ماليا : %74 ●عاطفيا : %72 ●صحيا : %71

#القوس ♐

شاغلك امور مالية ويمكن حوالة بدها تجيك ..
عم تفكر بامور البيت ويمكن في قصص مالية عم تدور على حلول الها ولازم تعرف تتصرف وحتى ممكن تحصل على مبلغ وعم تفكر بامور بتخص بيع او شراء وكمان عندك افكار لشغل جديد وضب ايدك ..
❤عاطفيا .. وضعك العاطفي بين وبين وماعم تحس انك راضي عن الوضع ..
■النسبة المئوية :
●مهنيا : %73 ●ماليا : %80 ●عاطفيا : %75 ●صحيا : %68

#الجدي ♑

اوقات حلوة لمال وشغل وتحسن كبير..
عم تتحسن هاليوم امورك المالية والعائلية وفي اخبار حلوة رح تفرحك وحلول لقصص او قضايا او بتحصل على ورقة وبهاليوم بادر لاي شي حابب تعملو وعم تحل المشاكل وتنجح بتعزيز العلاقات ..
❤عاطفيا .. وضعك كتير افضل والشريم عم يكون اقرب الك بهاد اليوم فاستغل هالشي ..
■النسبة المئوية :
●مهنيا : %92 ●ماليا : %84 ●عاطفيا : %86 ●صحيا : %81

#الدلو ♒

في شي تاعبك وقلق زايد وتوتر عندك ..
عم يكون هاليوم ماكتير منيح وخاصة انو كتير ضغط عليك وقلق وخوف عم يكون ومتوتر وماعم تتحمل كلمة وحاسس بالظلم ولازم تدير بااك على حالك وماتعطي ثقتك لحدا وتبعد عن الناس السليية ..
❤عاطفيا .. في مشاكل عم تزيد بالعلاقة ويبدو في براسك قصص عم تعكر حياتك العاطفية ..
■النسبة المئوية :
●مهنيا : %63 ●ماليا : %61 ●عاطفيا : %65 ●صحيا : %59

#الحوت ♓

اجواء حلوة مع ناس وعلاقات وشغل ..
عم تقدر تحصل على دعم الناس المحيطة فيك الك وعندك علاقات وعزايم ولمة شغل بهاليوم والاصدقاء عم يدعموك فاستغل هالشي لتعمل واجباتك وخاصة مع الاصدقاء وفي شخص غالي بتشوفو بعد غياب ..
❤عاطفيا .. عندك اجواء حلوة وغالبا في كتير اشخاص معك وهالشي بحسن من حالتك العاطفية ..
■النسبة المئوية :
●مهنيا : %71 ●ماليا : %74 ●عاطفيا : %78 ●صحيا : %69

 

شاهد أيضاً

ابراج اليوم السبت ٨ آب ٢٠٢٠

❤الحمل مهنياً: تساعدك الظروف على الاستعداد جيّداً وتوسيع مروحة البحث لتقدّم في النهاية عملاً ناجزاً …