أبراج الجمعة_1_كانون_الثاني 2021 🔮 🌙 القمر ببرج الأسد♌

 

#الحمل ♈

مهنياً:يوم جيد بترتاح نفسياً وبتطلع من ضغط العائلي حلول واوقات حلوة وببلش تحسن مهني مالي من هاليوم ..مميز بحضورك واجواء وعلاقات حلوة والحظ برافقك لتحل بعض المشاكل عندك وبالاخص العائلية وممكن فرصة حلوة بشغلك ويمكن تحصل على دخل مالي وتحسن افضل نفسياً حتى بتبلش ترتاح من ضغوط الي كانت مرافقتك بالفترة الماضية يوم للعلاقات وتنقلات ومال و اطفال وتواصل مع شخص مهم او مشهور ..

عاطفياً ❤️ :مصالحات وعلاقات قديمة وحب جديد .. اتصالات ولقاءات والقمر داعم الك عاطفياً يومك مميز وحلو وفي اوقات حلوة واتصالات والبعض بيحملو تواصل وتطورات ايجابية ورومنسية بلاخص اذا كان الوضع متوتر بينك وبين الشريك لتصلح الامور وفرصة عند لبعض للقلب يدق من جديد واعجاب ..

صحياً:مارس رياضة اليومية وحركة حالك بحاجة لحمية وفحوصات طبية ..

 

#الثور ♉

مهنياً:يومك في قصص عائلية بتشغلك وبحاجة للهدوء وتروق مع حدا بعيلتك وحاول لا تعمل مشاكل وعم تعيش اجواء قديمة ومن الماضي وفي ذكريات بعرف ضغط عليك وانتبه لردة فعلك ولا توثق بحدا في قصة عقار او بيت وعم تعمل ديكور جديد او عم تجهز وساير محيطك العائلي وممكن في مساعدة من حدا مقرب او سفر بيومك ..

عاطفياً ❤️ :يومك بحاجة للاهتمام حتى بأدق تفاصيل وماعم تلاقي الشريك بجنبك في تعب والشريك تصرفاتوا وكلامو ماعم يكون تمام فكر منيح ولا تتسرع بلاخص هالفترة ولا تخلي مشاعرك تتحكم فيك وتسيطر عليك .. وافصل بين امورك العائلية والعاطفية هالفترة ..

صحياً:زيادة وزن وانتبه من توتر صحي بوضعك ..

 

#الجوزاء ♊

مهنياً:حظ وطاقة وعلاقات وخبر منيح وعم تتحرك اكتر وفي تنقلات وفكرة سفر ووضع حدا من اخواتك بيشغلك وممكن في شي بخص سيارة او موبايل .. في اتصالات وتواصل وممكن البعض تشغلو امور مالية او مال بالعيلة تحسن اجتماعي وتفائل واختبار لوضعك وممكن تتخلص من بعض القصص المتعبة وببلش وضعك يرتاح نفسياً وانتبه من اعطال عندك ..

عاطفياً ❤️ :خليك مندفع بيومك بس فكر بهدوء وامورك بتكون افضل وفي حلول لمشاكل وتواصل مع شريك .. لا تبقى لحالك وتخلي الملل وضجر العاطفي يسيطر عليك .. الحظ بوقف معك تغير جو مع الشريك ممكن بتواصل واتصالات وبتكون محط ثقة واعجاب وقادر تعطي الاهتمام والحب .. يومك مساعد الك لا تخلي الامور تمر مرور الكرام وشوية تنازل لنشوف اخرتا معو .

صحياً:خفف ضغط عنك وانتبه من وعكة صحية والتزم بتعليمات ..

 

#السرطان ♋

مهنياً:يومك مالي بحاجة لتدبر وتنتبه لمصاريفك ولازم تعوض ودور ع مورد جديد .. عم تفكر بأمور مالية وعم تحسب بدور الفلك بهاليوم ببيت المال عندك الي عم تعاني في من ضغوط مالية ومصاريف وعم يوصلك مال بس ماعم تعرف وين بروح حاول تنظم امورك وترتب بيتك المالي وفكرة شغل ..

عاطفياً ❤️ :بتشغلك امور اخرى والوضع العاطفي بعيد عن يومك نصيحة تقرب من شريك وهدي الامور وبدوره لازم يوقف حدك ويساعدك ولازم يكون في مشاركة بالقرارات والمواقف .. يوم منيح نسبياً برغم الحيرة الي عم تراود تفكيرك وحاسس الشريك غير مبالي حاول تفكر بكلامك قبل ماتقولوا .. مابدي تراكم الايام الماضية تسبب جفا او توتر وتصعيد بالخلاف ممكن يوصل لطريق مسدود خلي خط لرجعة دائماً ..

صحياً:في زيادة بالوزن ولا تخلي الامور الاخرى تأثر على صحتك ..

 

#الأسد ♌

مهنياً:اجواء حلوة وبداية جديدة وحدا غالي وطاقة وحظ .. نفسياً احسن ودعم من شخص مهم مقنع بتفكيرك وقادر توصل وتنجح وعندك فرصة لتنقلات قصيرة وتحسن مالي ومهني بتحل مشاكلك بدون انفعال وعصبية وبتكون دبلوماسي بتعاطيك ونظرتك للأمور .. يوم داعم لاتصالات واتفاقيات ورفقات واجواء حلوة واذا مفكر بسفر جهز حالك وفيك تعمل تغيرات بالمود تبعك وتتعرف بناس جديدة يومك افضل وتحسن تدريجي ..

عاطفياً ❤️ :تطورات ايجابية وجذاب .. لاعزب من افضل الايام عندك لتلاقي اعجاب فيك وممكن ارتباط وعم تتنفس صعداء المرتبط امورك منيحة وفرص لتحسن علاقتك او لترجع تتواصل مع الشريك وممكن البعض يرجعلوا حب قديم واجواء حلوة واخبار منيحة عندك يوم لتواصل والاتصالات وبتسحر لكل بحضورك ..

صحياً: صداع وكريب وخمول بالجسم تجنب المخالطة الاجتماعية ..

 

#العذراء ♍

مهنياً:بتشغلك قصص بالبيت ومصاريف مالية ع العائلة وبيشغلك وضع حدا من اهلك وقصص الاطفال حاول تروق هاليوم بالبيت وماتعمل مشاكل .. علاقات اجتماعية وتعارف وفي قصة تأجيل وتصرفات البعض عم تزعجك ..عندك فرصة هاليوم لتحصل على المال وتغير جو وترتاح من ضغوط الي حولك وضبلي ايدك على مصاريفك ويوم في عزائم ولقاءات واشخاص مهمة او قصص اوراق وامور قضائية وحكومية عم تجهزلا هاليومين ..

عاطفياً ❤️ :مو مرتاح وفكر لمين ممكن تعطي مشاعرك .. بنصحك تساير وتهدي مع الشريك وتصبر وتمرق يومك ع خير .. طنش وساير وشو ماعمل حاول تمرق الامور على خير مابدي الامور تفلت من ايدك وتروح لوضع اسوء والبعض علاقة قديمة عم ترجع على بالك ولقاء واجواء عم تجهز .. مدعوم عاطفياً بس تجنب المواقف المحرجة ..

صحياً:ريح راسك من تفكير وتجنب مشاكل صحية بهاليوم ..

 

#الميزان ♎

مهنياً:علاقات وناس كتار وشعبيتك بتزيد وبتشغلك قصة أخ ولازم تفرق بين لرفيق المخلص من المصلحجي ..يوم مساعد الك لتوصل وتنجح وتنقلات ولقاءات .. خلص المسؤوليات الي عليك شوية ضغوط وامورك بترتاح .. يوم بتكون مميز في وطاقة ومدعوم بالحظ وتواصل وحالة اجتماعية حلوة وبتعطي طاقة ايجابية لمن حولك نجمك محبوب وين ماكنت واذا في عزيمة او مشوار لا تتردد وقصة عائلية عم تشغلك ..

عاطفياً ❤️ اً:امورك متقلب وفرصة ارتباط وحدا عم يعبر عن أعجابوا بدي منك تشيل الافكار سودة من راسك وتحاول تقنع حالك بعلاقتك مهما توتر الوضع ..روق على الشريك وانت بتعرف كيف بتكسب قلبوا وترجع الامور من جديد ..

صحياً:شوية تعب وارهاق بسبب الاجواء ريح راسك وانتبه من الجو ..

 

#العقرب ♏

مهنياً:قصص بتشغلك وتنقلات وممكن تفكر بسفر حتى قصة اب او حدا من اهلك وضعو متعب حاول تهدي بعلاقات مع المسؤولين ولا تخالف القانون وممكن تتواصل مع حدا مهم او مشهور .. حاول تثبت جدارتك لتنجح لا تخلي شي يستفزك او تتسرع بشي أنتبه لكلامك ولتصرفاتك بشغلك او ضمن بيتك .. انت قادر تتجاوز هاشي ومافي شي بيبقى على حالو وهدي هالفترة لترجع طاقتك من جديد .. والبعض في عندو شي بخص شهرة وسمعة وشعبية وانتبه من الحوادث ..

عاطفياً ❤️ :عندك جاذبية بس ماعم يستقر وضعك .. بلش من جديد او تبدا حب جديد وكتير انت بحاجة لتطلع من هالوضع … البعض خايف من العمر وكل مانو عم يمرق وماعد عندو ثقة .. بدي منك تنتبه له شي لان ممكن كتير يأثر على علاقتك بشريك وممكن تتوتر الامور وعدم احساسك براحة تجاه الشريك بحاجة لتفكر ولا تتخذ اي قرار مو لصالحك هالفترة ..

صحياً:ضيق تنفس وصداع وجسمك تعبان ومرهق ريح حالك ونام منيح ..

 

#القوس ♐

مهنياً:يوم في علاقات واشخاص عم تتواصل معا وبعيدة عنك وممكن في شي بخص مال او حوالة رح توصلك هاليومين طاقة وحظ ويومك في تنقلات وسفر وبتتحرر من قيود كتيرة .. ممكن يحملك اتفاقيات او مال وممكن اتصال مهم بدي منك تنتبه من بعض ناس بشغلك لازم تركز ولا تخاف .. قصص بتخص دراسات او مشروع جديد واتفاق ويمكن في شي بخص عقارات ونتبه من المراسالات والحوادث والاعطال ..

عاطفياً ❤️ :يومك افضل وداعم الك بلاخص اذا القلب خالي من الحب لتلاقي شخص ويكون في اعجاب عليك بتحمل المسؤوليات وتكون جاهز للحلول ..يومك مميز وداعم الك وبتكون جذاب وطلتك غير شكل وفي اتصالات وتواصل ومصالحات وبتقدر تكسب الجنس الاخر ..

صحياً:تحسن صحي بس بحاجة لنوم وخفف سهر ..

 

#الجدي ♑

مهنياً:يوم بيحكي عن امور مالية وشراكة مال وقصص بالعيلة وشغلك جديد وفي خبر حلو ممكن يغير كتير امور في حلول وفي مصالحات واوراق قريبا بلاخص لتدخل مؤسسة حكومية .. عم تحسب شو الك وشو عليك ومال ممكن يوصلك من شراكة او دين وحوالة هاليومين والبعض قصة ميراث .. وفي مساعدات لا تتردد تواصل واتصالات وحلول لامورك بشكل تدريجي وبترتاح من شوية ضغوط وقصص عائلية ولبعض بفكر بسفر او نقل قريب وتجهيز عقار ..

عاطفياً ❤️ :حاول تكون قريب من الشريك ولا تكبر القصص نصيحة الك يوم في حسم وحلول بالعلاقة بس لا طلع صوتك ومرق هاليوم ع خير بشوية هدوء ودبلوماسية ويومك منيح وتتطور بعلاقتك وببلش تحسن تدريجي من هاليوم وعندك طاقة عاطفية تجاه الشريك تواصل واتصالات وعم تفكر تعمل شي مع الشريك وبلاخص العلاقات المتعددة او عم تفكر بشريك اخر ..

صحياً:صداع والتهابات ووزن عم يزيد بدك ريجيم ..

 

#الدلو ♒

مهنياً:شراكات وعلاقات متعبة وشكلك تعبان صحياً هدي وحاول ماتعصب وتكون دبلوماسي ومرق هاليوم ع خير وحاول لا تخالف القانون ولا تتعاطى مع مدير او مسؤول حاول تنتبه لعلاقاتك .. عم يكون عندك اقتراحات كتيرة بتحتاج منك جهد بالاخص اذا في اتفاق او شراكة او توقيع لشي .. يومك مدعوم اجتماعياًوقصة سفر ومال قريباً ..

عاطفياً ❤️ :فيك تمرق يومك بهدوء وبلاخص المتزوج مابدي الوضع يتوتر ..خيارات متعددة بيومك وشكلك مو مرتاح للوضع ويمكن معصب وماعم تعرف كيف تجيب الشريك لصفك وكيف ممكن تحصل على شي لبدك ياه بدك تهدي وتتعامل بذكاء مع الاحداث وتصبر .. البعض عم يأسس لشي ويعزز الوضع وممكن بيحمل ارتباط هاليوم وشراكة مستقبلية ..

صحياً:توترات صحية انتبه من الجو عم يأثر ع الرأس والمعدة ..

 

#الحوت ♓

مهنياً:مضغوط اليوم بقصص ناس وزيارات ومو ع بالك حدا وفي شغل ومسؤوليات واصدقاء عندك واذا بدك مساعدة اطلب .. يومك بحاجة لترتيب وتنظيم امورك وماعم تلحق مصاريفك كترانة وقصة مالية بتشغلك ممكن يجيك مال من شغل اوتنقلات وسفرة قصيرة ونتبه تعب حالك لان هاشي ممكن يتعبك صحياً ..البعض ناطر خبر بخص شغل او مكان جديد ونشالله بيوصلك ..

عاطفياً ❤️ :مانك مرتاح بس حاول تقضي هاليوم بحد الشريك .. حاول تروق هاليوم ولا تعصب وتخلي حدا يستفزك وانتبه من ارتكاب الأخطاء وبتحس عم تتحمل المسؤولية وعم تنلام بدي منك تهدي لتتوضح الامور ولا تخلي يوقعك بشي هو بدو ياه .. يوم البعض عندو شعبية وجذاب بس مافي مين يستاهلك ويفهمك لاعزب مو مرتاح هالفترة والف قصة براسك ..

صحياً:شوية تعب وارهاق وضيق تنفس وصداع بسبب الجو ..