أبراج الاثنين 25 كانون الثاني يناير 2021

القمر بكمل بالجوزاء♊ الهوائي كوكبه🌍 عطارد والمسا بينتقل لبرج السرطان ♋ المائي ..

#الحمل ♈
مهنياً:مضغط بشغلك وبيتك والمصاريف كترانة يوم في سفر او مشوار وعزيمة وقصص عقارية ومزعوج من المواصلات والاعطال وقصة موبايل .. تطورات بشغلك وضع رح يتحسن بحاجة لتنظم وترتب امورك لازم تبزل جهد ليتحسن وضعك للافضل بلاخص اليوم عم تكتر علاقاتك وامورك فيها راحة وقادر توصل وتنجح وتقنع برأيك وبتتلقى اتصالات وناس جديدة ومواعيد وفرصة لتنجح بشغلك وتكون مبدع وتسمع كلام حلو بحقك استغل هالفترة بعزائم ومشوار ولمة حلوة وغالي عندك ..
عاطفياً ❤️ :شيل القلق وتوتر وهدي وروق ولا تكبر الامور لتوصل لقلب الشريك طبعاً اذا الشريك بيستاهل او لتعطي فرصة جديدة تحسن بوضعك العاطفي وممكن تنجح بهاشي فرصة عند البعض ليدخل بأرتباط او اعجاب او لقاء ممكن يصير وتواصل بيكبر ..
صحياً:الاكثار من المنبهات مثل القهوة وتدخين بلاضافة لقيامك بأعمال مجهدة وسهر طويل ممكن يسبب بوضع صحي الك وضروري تنتبه من الحوادث ..

#الثور ♉
مهنياً:لجيوب فاضية وبحاجة للمال عم تتقرب من ناس بتعتقد انو ممكن تفيدك .. عم يدور الفلك عندك ببيت المال وكتير عم يكون عندك صرف مالي وبتحس حالك ماعم تلحق بتقبض بأيد بتدفع بأيد .. عندك قبض ودفع بهاليوم لازم تحط حد لامورك المالية لان الوضع ماعاد ينطاق عيد حساباتك وممكن تحصل على شي بهاليوم او دين او حوالة او بحاجة لسلفة او قرض
يوم في تفائل ولا تفقد الامل بلاخص بلامور المالية في شي ممكن تحصل عليه او شراء وعزائم ..
عاطفياً ❤️ :لاعزب ممكن حدا يتقرب منك والقلب بدق من جديد المرتبط أنتبه لعلاقتك وانت مدري شبك مالل وعندك ضجر وكرهان حالك من هالوضع والعلاقة ابداً مو راضي عنها وعم تتقابل ببرودة ومافي احساس بالمشاعر بدي ياك تنتبه لتصرفاتك مع الشريك وفي تغيير مو مرتحلو بدنا نحاول نتجاوز هالوضع ونقدم تنازلات ونساير .. بس البعض عم يعيش اوقات حلوة بعلاقات سرية متعددة وتغيير مفاجئ..
صحياً:جسمك بحاجة للغذاء انت يابتفتح شهيتك ع الاكل كتير يابتقطع ع الخالص نتبه له شي وتجنب ناس الي بتعبك نفسياً ..

#الجوزاء ♊
مهنياً:انفراج وتفائل وتغيرات بوضعك نحو الافضل .. عم تستعيد مكانتك وطاقتك ايجابية والحظ بيلعب دور مهم بيومك بلاخص الخطوة الاخيرة ماكانت عم تكمل معك .. طموحات كبيرة واخبار حلوة وخطوات اكتر فعالية وجرئة وقصة جديدة وعلاقات حلوة .. اتصالات ولقاءات وتنقلات وممكن عم تشتري وعم تبيع شي وفي مال ومدخول وعزيمة وضب ايدك مالياً ..
عاطفياً ❤️ :عم تكون بكامل اناقتك وجاذبيتك العين عليك وساحر بحضورك وبتصرفاتك وكلامك بتأثر على الجنس الاخر ولكل بدو القرب منك .. لقاء وممكن اتصال حلو او حدا قديم ناطر منو شي .. بدي منك تستغل الاجواء وظروف لتطور علاقتك ولا تحسس الشريك بفراغ كبير او تظهر له عدم الاهتمام ولا مبالات احسن ماتتوتر الامور ..
صحياً:مشاكل بلعوم وسيلان انفي وكريب أنتبه من عدوى او من طقس المتعب..

#السرطان ♋
مهنياً:شراكات ضعيفة وتوتر بعلاقاتك ونتبه من ناس الي بوجهين ولا تخلي حدا يأثر عليك ويشوش افكارك .. يوم مانو سيء وانت مقبل على تطورات ايجابي بس شي طبيعي تحس حالك امام مسؤوليات وضغط وممكن مصاريف مالية هالفترة بشوية رواق وبلا انفعال لامور بتظبط لا تهتم لناس ونتبه لشغلك ولا تتسرع بشي او تقدم على اي مشروع او عمل وممكن تزور مكان حكومي او قصة قضائية .. لامور كتير فيا تحسن بس هدي هاليومين ..
عاطفياً ❤️ :كنت مفكر الحب راحة طلع هم وتعب وقف ضدك بدل مايريحك تعبك انت عم تغض نظر عن بعض الامور لان مو حابب تعمل مشاكل عندك نظرة للامور وممكن تستوعب المواقف برغم مانك راضي ابداً عن تصرفات الشريك وعن اي شي ممكن عم يقوم في .. طول بالك عليه وكلشي بينحل وبيتحسن خليك حكيم وفكر منيح ولا تتسرع .. الاعزب يوم حلو لتطلع وتغير جو ولقاء ورومنسية واعجاب بطريقة ممكن غريبة شوي ..
صحياً:بيلزمك وقت كافي لترتاح من عناء العمل وضغط العائلي وحاول تريح حالك وتغير جو برا البيت ..

#الأسد ♌
مهنياً:يوم عاطفي واجتماعي وتطورات حلوة واجواء بتحبا وناس الك فترة ماشفتا .. عم تتقبل كلشي بيومك وانت افضل نوعاً ما نفسياً وعم تكون منفتح على الجميع ان كان ضمن بيتك وشغلك ومع رفقاتك وعم تتمتع بحضور لافت ومميز رفقات كتيرة وعمل جماعي ومساعدة واجواء اجتماعية وعلاقات عم تتحسن ويوم حلو لتعزم او تنعزم ولمة حلوة وسهرة ..
عاطفياً ❤️ :جاذبيتك كتير حلوة وعم تكون محط الانظار ممكن تلاقي اعجاب وانفتاح وتطور بعلاقاتك وممكن حدا يبادر ويعبر عن حبو واعجابو ولتسمع حكي حلو .. الفرصة كتير حلوة لتدخل نقاش عاطفي ومحادثة حتى لو عبر مواقع التواصل وتحط اسس لتوطيد العلاقة .. يوم في احساس جديد رواق اكتر ورومنسية وشريك بكون معك واتفاق ودراسة لموضوع ما .. والبعض علاقات سرية وحميمية عم تعيشها ..
صحياً:درهم وقاية خير من قنطار علاج ريح حالك ونام منيح وتحسن صحي عند لكتار ..

#العذراء ♍
مهنياً:يوم اجتماعي ومشاغل كتيرة .. يوم بدو اصرار على اتخاذ القرارات لان ممكن في حدا بعيلتك او بشغلك ممكن يعملك توتر او مشكلة انت عم تواجه تأثيرات وتحديات بالوضع وبتحس انو الي عم يصير معك من ورا ناس والمقربين الي عم يكونو حسودين .. حاول تهدي اذا سمعت كلام مو عجبك وعم ضوج كتير روق ومابدنا مشاكل اليوم وفرصة لتطلع تغير جو وتعمل تغيير بشكلك وتنقلات وحافظ على سمعتك من القيل والقال ولت والعجن ..
عاطفياً ❤️ :اجواء متقلبة وبتحس حالك ضايع ومابتعرف شو بدك تعمل وحتى عم تعمل شي انت مابدك ياه ومابتعرف مين بدك تراضي لتراضي واقع بين نارين الشريك ماعم يريحك والوضع ماعم يثبت على شي ولا عم يستقر بدي منك تهدي وتساير وتنفذ المطلوب منك فترة حلوة مقبل عليها اكثر استقرار وتحسن وارتباط .. شريك قديم ع البال وحابب تتواصل معو بأتصال او لقاء وجو حلو ..
صحياً:احرص بشكل جيد على نظافة الاطعمة او المكان او من الوجبات السريعة حتى ماتتعرض لمشاكل معوية و تسمم ..

#الميزان ♎
مهنياً:من الايام الحلوة لتبدا بداية جديدة وتتخلص من ضغوط والمشاكل وتحظى بفرصة جديدة ومشاريع جديدة وممكن تدخل بأكتر من مجال وممكن تلاقي دعم المطلوب بأمورك او اذا بدك مساعدة بتوقع تنال هاشي لا تتردد طاقتك ايجابية وعندك شراء وناس جديدة واتصالات بعيدة وتنقلات مهمة او سفر وتطورات حلوة ناطرتك واختبار جديد او اذا مفكر تعمل تغيير بشكلك ..
عاطفياً ❤️ :الاعزب امورك افضل لتدخل ارتباط وتعارف والمرتبط القلب مشتاق والمتزوج تحسن تدريجي ..
ممكن ترتاح من الضغوط العاطفية وامورك بتتحسن وفيك تلاقي الحلول اذا علاقتك متوترة الامور بشكل عام فيها حب وعاطفة واتصالات واجواء حلوة وعلاقات متعددة وحب قديم .. البعض لا تاخد قرار مهم او تكون عنيد وحافظ على انجازاتك الي حققتها بعلاقتك بالايام الماضية ..
صحياً:أنتبه من تدهور وضعك الصحي لانك ماعم تعتني بصحتك منيح والبعض عندو مشاكل الاطراف ومفاصل ..

#العقرب ♏
مهنياً:بيشغلك المال هاليوم وقصة دين او ميراث وضرائب او سلفة واجتماعي بتكون .. بعد قلق وتوتر بوضعك بشغل وبالعيلة اليوم الامور احسن وبتتفائل بالوضع نوعاً ما .. بتتخلص من بعض الضغوط وبتلاقي حلول وانت مقبل على حدث مهم او فرصة لتوصل لشي بدك ياه وعم تطور افكارك وعم تقنع برأيك وممكن يحملك هاليوم تتطورات مالية او قصة مالية بتنحل .. كمان عندك علاقات حلوة ورفقة واتصالات وعزيمة وسفر قصيرة للبعض ..
عاطفياً ❤️ :لازم تشيل من راسك الشكوك والافكار سوداء لان الاجواء بحاجة هدوء وتتعامل منيح مع الشريك
حاول تنتبه لمزاجك العاطفي اليوم وشيل لافكار الي عم تعبك وعم تخليك بحالة نفسية وضيق هديلي حالك هاليومين ليتحسن وضعك نحو الافضل .. بتلاقي شخص عم يرجع يتقرب منك او شخص جديد واجواء حلوة بلاخص علاقات متعددة وحميمية عم تكبر ومستقبلك العاطفي عم يشغلك اكتر ..
صحياً:تغيير مكان او تقلبات الجو ممكن يعرضك لبعض الحساسية نتبه وشوف طبيب اذا لزم الأمر ..

#القوس ♐
مهنياً:مشاركات وجمعيات مال وشراكات عندك .. بدي منك تكون دبلوماسي وتعرف كيف تستغل الفرص لصالحك حاول تخلي الامور تتوضح بشغلك وببيتك ولا تدخل بسوء تفاهم مع حدا ونتبه من شراكات ضعيفة حتى ماتنتهي .. حاول تطور علاقاتك وشراكتك وممكن في لقاء مهم او لتبلش عمل وتشوف نتائج قريباً .. تفاهمات على بعض الاساسيات وحلول قضائية او ادارية وممكن يجيك مال ..
عاطفياً ❤️ :توتر وضغوط بعلاقتك بس عندك فرصة اليوم لازم تعرف تستغلها وتتقدم بخطوات ايجابية لتحسين وضعك وتوصل لحلول ايجابية على الاقل هالفترة برغم الشريك ماعم يفهم عليك ولا عم يستوعبك بس بدك تحاول تتنازل شوي وتتعامل على اساس ردت الفعل بحاجة لهدوء عاطفي ونتبه من البعض الى عم يحاول يستغلك .. فرصة كمان عند البعض لترجع علاقة او تبدا علاقة وشراكة جديدة ..
صحياً:خفف سهر ونتبه على صحتك وبلاخص تعليمات صحية ونام وقت منيح

#الجدي ♑
مهنياً: فايق بكير وبدك تلحق كلشي لانك مضغوط وانت ماعم تعرف ترتب امورك هالفترة ويمكن كلو عم يجي مع بعضو لا تنفعل وتتوتر وضيع تعبك ع الفاضي .. عندك فرصة لتحسن وضعك استغل هاشي انت بيوم في كتير ضغط ومسؤوليات عم تكون على عاتقك وهاشي رح بخف تدريجي لو صار شوية عراقيل وتأجيل لا تخاف نظم امورك ببيتك وشغلك ممكن عندك تنقل او سفر قصيرة او مشوار وعزيمة لا تجهد حالك وروق ورفه عن نفسك..
عاطفياً ❤️ :المتزوج نوعاً ما افضل وممكن مشوار بصحبة الشريك المرتبط بحاجة للانسجام ولامور بحاجة لترجع متل قبل وانت بحاجة لاهتمام من الشريك ويكون في اريحية وصراحة وضوح بعلاقتك معو حتى تستمر علاقتك بشكل المطلوب بس بشكل عام الامور بتروح للافضل ممكن تنشأ علاقة جديدة او علاقات صداقة غالباً ماتتحول عندك لحب وممكن حدا يصارح بمشاعره ويقلك بحبك ..
صحياً:اذا كنت من المدخنين نتبه للوخز المتكرر بالصدر وريح حالك نفسياً وجسدياً ونام وقت كافي او تطلع مشاوير وترفه عن نفسك ..

#الدلو ♒
مهنياً:قصة انجاب وتحسن مالي عاطفي وطاقتك وحيويتك اليوم غير .. عندك تغيرات على عدة اصعدة لقاء مهم وتحديد اولويات والفترة القادمة ايجابية نشالله حاول تستغلها لصالحك ولتسمع خبر منيح وبتحل مشاكل تعبتك وفرصة لتحسن امور كتيرة بشغل وبالعيلة وبالمال .. امورك بتشهد فترة من تطورات المهمة وذات تأثير كبير ونقلة نوعية ممكن تكون قريبة جداً ولصالحك لان الك سنة ونص تقريباً عم تعيش وضع كارثي ..
عاطفياً ❤️ :المرتبط امورك العاطفية ممكن تشهد تحسن وانسجام احسن من قبل بعد فترة كنت ضايع فيها والحلول ابداً ماكانت موجودة عندك.. والاعزب فرصة لتتعرف على شخص بمكان عمل او على مواقع تواصل او بطريق سفر .. بتتحسن امور العلاقة وتواصل مع شخص قديم وتحسن بالوضع والفترة القادمة جيدة لتفكر بحدث مهم وشراكة عاطفية او خطبة قريباً ..
صحياً:توتر وتشنج بالمعدة و بحاجة لنظام غذائي ورياضي وممارسة المشي يومياً ..

#الحوت ♓
مهنياً:ناس من حولك متعبتك وهدي بوضعك العائلي يبدو في توتر او مشغول بتجهيز او نقل واثاث وديكور .. بحاجة تحط حد لبعض المقربين بمحيطك الي عم يسببو الك توتر وقلق وحاسك ضايج ومالل والوضع ماعم يريحك انت بحاجة لتبعد عن ناس وترتاح من الهموم والمشاكل وممكن موضوع عقاري بيشغلك او مال بخص هيك شي .. امورك المالية بحاجة لدعم ومساندة هدي بوضعك العائلية ولا تكبر الامور بلاخص مع احد افراد عيلتك ولمة ومشوار مع العيلة .
عاطفياً ❤️ :يبدو الوضع المحيط فيك عم يأثر حتى على عاطفتك وعم يسبب توتر وكركبة مع الشريك برغم انت بتعرف كيف تأثر على الشريك وبتعرف تقنع برأيك وافكارك .. استغل هاشي وافصل بين امورك العائلية وبين عاطفتك وروقلي حالك وهدي مع الشريك اليوم بدو دبلوماسية عاطفية ومافي شي بيبقى على حالو لا تخاف يوم وبيمضى وتدريجي انت افضل .
صحياً:لا تستغل شغل مو مطر عليه او مو الك نتبه على صحتك من تعب والأرهاق مو ناقصك مشاكل صحية جديدة ولي فيك مكفيك ..