#أبراج__يوم__السبت_13أذار__مارس__2021 🔮 🌙يستمر القمر ببرج الحوت☯️♓ المائي كوكبه🌏 نبتون…..

حظگ___________اليوم
#الحمل ♈
مهنياً:علاقات اجتماعي ومركز حكومي او طبيب بيوم يوم وبمر وتحسن كبير قادم .. بعدا الامور واقفة وانت مشغول بكذا قصة وبتحس انو مافي شي عم يكمل للأخر لهيك لا تعمل شي مهم .. ضغط ومسؤوليات وناس مصالح وفي فرصة عمل او فكرة سفر بس انت مالك نفس تعمل شي لهيك لا تتسرع وخفف عصبية .. رح تلاقي تحسن منيح وانفراج وحلول أن شاءلله وتغيرات قادمة من المسا بتبلش بوضعك وعلاقات وعزائم ..
عاطفياً ❤️ :لا تتردد بشي وحاول تكون جريئ وتصرف صح لتقدر تستمر وتبعد عن اي توتر عم تعاني تصرفات الشريك وحكي وعم يكون في توتر وعصبية حاول لا توثق بحدا وغض نظر ولا ترد ع حدا .. كون بعيد عن المشاكل المعقدة الي عم تصير معك وروق هاليوم لنتخلص من هاتعب .. الاعزب تواصل وتعارف واعجاب بيومك ..
صحياً:بحاجة للفيتامينات والمعادن لتقوي مناعة جسمك وريح حالك وتحسن صحي قريب..

#الثور ♉
مهنياً:علاقات وشي مهم وتنقلات وعاطفة .. يومك عم يكون اجتماعي لتلتقي بناس كتار ومحبين الك وعم تتعرف بناس جديدة وعزائم وممكن مشوار حلو او سفرة قصيرة وعم تلاقي مين يدعمك ويساعدك ولترجع علاقات صار فيا توتر ان كان بالبيت ولا بشغلك ومو غلط تنتبه لردود الافعال والبعض بتشغلوا قصة مالية وممكن تقبض بس ضب ايدك على مصاريف العزائم والمشاوير ..
عاطفياً ❤️ :يومك منيح لتطورات حلوة عم تلاقي اعجاب من الجنس الاخر وعم تحل مشاكل وسوء تفاهم بعلاقتك واجواء حلوة عندك .. انتظر خبر منيح وفرصة لتكون مع شريك او شخص قريب من القلب وصدفة حلوة .. عم تبذل مجهود وساير لتبقى الامور جيدة ..
صحياً:ريح حالك هالفترة في تعب مفاصل وارهاق اعصاب ومشاكل بالصدر ..

#الجوزاء ♊
مهنياً:لازم تنتبه من الناس الي حواليك بشغل او بالبيت ولا تعمل مشاكل مع مسؤول بشغل او مدير او مع الاب ضمن البيت حاول تهدي حالك ولا تعمل من الحبة قبة .. فكر بشغل جديد مسؤوليات كبيرة ولا تتأخر بمواعيدك حتى ممكن في حكي بضهرك وقيل وقال فانتبه من حدا عم يشوه سمعتك .. عم تنشط اجتماعياً وعزائم وبتشوف ناس كتار او شخص معروف ومشهور واتصالات والمسا افضل .
عاطفياً ❤️ :بدي منك تفكر بحالك اكتر وتعرف شو بدك لان يومك في تقلبات بوضعك بس فكر لوين اخرة هالوضع لا تعتب على حدا وفكر بحالك ولا تدخل بجدالات ونقاشات وبعد عن كتر الحكي الي بلا طعمة .. أنتظر شوية وقت لتعرف كيف تحل امورك او تتخذ قرار مهم ومصيري بعلاقتك انت قادر تلاقي حلول وقدامك اجواء حميمية وحب وعاطفة المسا ..
صحياً:بحاجة تنتبه على صحتك وتحافظ على امور البشرة لان تعب مبين من عيونك ..

#السرطان ♋
مهنياً:يوم مميز وامورك افضل من قبل .. علاقات جديدة وفكرة سفر وممكن شغل جديد حاول تستغل الفرص بشغل ولتعمل تغيير جديد بشغل او بشكلك و عاسوشيل ميديا .. اتصالات وتواصل مع ناس بعيدة وعندك اتفاق ما .. ممكن يوصلك مال من شغل او من حوالة بعيدة وفيك تطلع وتغير جو وعزيمة وانتبه شوي من قصة قضائية او اعطال وحوادث ..
عاطفياً ❤️ :من الايام الجيدة عندك لترتاح وتعرف كيف تكسب قلب الشريك او توصل لحب يرضيك ويعطيك الاستقرار .. تقرب اكتر في لقاء واتصال مميز وتقضي وقت معو وبلاخص المرتبط ..المتزوج في قصة صايرة عندك وضبابية الها فترة مسيطرة على الوضع .. لاعزب من افضل الايام عندك لتبادر او لتكسب قلب حدا بهيك يوم داعم الك او ليصير تواصل على مواقع تواصل او بأتصال ..
صحياً:بتتخلص من مشاكل صحية وانتبه من الوزن الزائد وتابع الحمية الغذائية ..

#الأسد ♌
مهنياً:عندك شغل وتنقلات ومكاسب مالية او قضائية وحسم ويوم ممكن في اوراق او بحاجة ورقة حكومية وقصة بتخص الاطفال .. يومك افضل عم يدور اغلبه بقصص مالية وتغيرات حلوة وقصة شراكة وممكن يجيك مال او قصة حوالة وعم تتخلص من بعض الالتزامات عيد حسابات وضب ايدك شوي ومن المسا رح تبلش الامور لصالحك نحو الافضل.
عاطفياً ❤️ :ماكتير وضعك كان مريح ونشالله تدريجي يومك عم يتحسن وشخص اما جديد او قديم عم يرجع هاشي عم يعطيك دافع عاطفي كبير شوية انتباه لوضعك هاليوم ومرق الامور ع خير انتبه من نقاشاتك او من سوء تفاهم واعطي فرصة جديدة وتنازل شوي وفي غيرة وشكوك والبعض عندو مشوار ولقاء وامورك افضل وبلاخص المرتبط جديد والاعزب ..
صحياً:بحاجة لتريح حالك ولا تجهد جسمك بأمور مو مستاهلة انتبه شوي ع صحتك وبحاجة لفيتامينات ..

#العذراء ♍
مهنياً:بعدك تعبان اليوم وبتحس مشاكل عم تطلع فجئة وماعم تعرف ليش في توتر بعلاقاتك وبالعيلة او مضايق من قصة شخصية وتعديلات بشغلك وممكن تفكر بشراكة مع حدا مقرب منك .. بحاجة لتركيز بالبيت وبالشغل وبشركاتك واي شي عقاري لازم تحسم الامور .. بعد عن المواجهات وانتبه ع وضعك المالي .. ومن المسا فرصة للبعض يوصلو مال او موارد مشتركة أو اتفاق شراكة قريب وعزيمة ومشوار ..
عاطفياً ❤️ :بعدا المشاعر وظروف ماعم تكون معك ومانك مرتاح مرق هاليوم ع خير وانفراج قادم المرتبط عم تنفعل من ولا شي حاول تهدي وتنتبه لعلاقتك حتى ماتنتهي او تسبب قطيعة وسوء تفاهم برغم انت محتار من جواتك لهيك ماعم تقدر تحدد خياراتك .. الاعزب يومك عم يكون افضل وعندك اوقات حلوة وحدا عم يتقرب منك وشراكة عاطفية..
صحياً:البعض ممكن عندو عملية او حدا بالعيلة وانت بحاجة تطمن ع وضعك وتعمل فحوصات ..

#الميزان ♎
مهنياً:عندك ضغط ومسؤوليات وشغل جديد وببيتك كمان وحتى ممكن قصة موبايل او سيارة عم تشغلك وعم تعمل تصليحات ومدري من وين القصص بتطلعلك .. برغم من تعبك حاول تخلص بكير وتستغل عامل الوقت وترتب امورك .. عندك مبادرات ولقاء وحدا غالي عليك بس نتبه ضغوط تعبك صحياً والمسا تحسن تدريجي وعلاقات وشراكة وحكي كتير ..
عاطفياً ❤️ :يمكن مشاغلك اليومية عم تبعدك عن اجواء العاطفة بنصحك تعطي وقت لشريك وللحب لتستمر امور على خير لازم تعطي وقت لشريك وكمان هو لازم يقدر وضعك ويكون معك .. حاول تعبر عن عواطفك وحبك ولا تخلي الخيارات تعبك وكون مبادر وفكر بعقلك واحسم امورك مشان ماتخسر .. كلشي ممكن يتحسن ويتصلح تدريجي ان شاء لله وشراكة جديدة او قديمة بترجع ..
صحياً:تعب عضلي والتهاب وانتبه من كريب ..

#العقرب ♏
مهنياً:من الايام الي الحظ معك وداعم وبتقضي اوقات حلوة وبتشوف ناس بتحبا وعندك عزيمة عم تتخلص من قصة تعبتك بعد ماصار في تأجيل وتأخير وفي تقدم بوضعك وحرية اكتر .. عم يتحسن وضعك المالي او انفراج بقصة مالية .. حاول تلاقي حل لامورك بالبيت ومع العيلة ونقاشات وقصة عائلية والبعض بفكر بسفر ويوم لتقضي مع الاطفال او قصة طفل بيشغلك ..
عاطفياً ❤️ :عندك جاذبية كبيرة وشغف عاطفي وتواصل واتصالات يومك في حضور مميز واجواء حلوة وفيك تعبر عن حالتك وفي مصالحات وبتكسب امور عاطفية وحب قديم ممكن .. بس البعض حاول تنتبه من علاقات سرية حتى ماتوتر الوضع ..
صحياً:عليك بتناول سوائل الساخنة الكمون والزهورات لترتاح من تشنجات بالمعدة والكولون ..

#القوس ♐
مهنياً:عندك حدث مهم وتنقل قصير وتغيير ممكن ورح يكون في حدث مهم ولا تخاف مافي شي بيبقى ع حالو .. قصص عائلية شاغلتك وحاول تكون هادي وركز لتطلع ولا تكون متلبك واعرف شو بدك .. يمكن في نقل لمكان او تغيير بامور العقارات والمنزل وتصليحات .. بيشغلك الوضع المالي وتغيرات لصالحك لا تخاف .. لمة عائلية وعزيمة وبتشوف غالي ..
عاطفياً ❤️ :حاول تعرف شو بدك بضبط وتاخد قرار صح أفصل بين الامور العاطفية والعائلية او بشغلك ولا تخلي حدا يأثر عليك ..في مفاجئات حلوة بيومك المهم تروق وتخفف انفعال وعصبية وامورك رايحة بتجاه الافضل من المسا جهز حالك لاجواء حلوة قادمة وخطوة مهمة ..
صحياً:لا توفر العزائم اليوم وحاول تعتمد على الطعمة الي فيا فيتامينات وسوائل وخضرة ..

#الجدي ♑
مهنياً:عم تتحرك اكتر اوراق وعقارات واتصالات كتيرة وعم توسع دائرة معارفك وصداقاتك وممكن يوم في سفرة او تنقلات ومساعدة وقصة اخ بتشغلك او حدا من اهلك .. الحمل عليك كبير وماحد مقدر وضعك فرصة حلوة حاول تستغلها وفي لقاءات منيحة الك وشعبية بتزيد البعض عندو علم جديد وقصة مالية واتفاق .. بس انتبه من الحوادث والاعطال ..
عاطفياً ❤️ :في تقارب بيومك وضعك العاطفي منيح لتوصل لقلب شريك المهم تخفف شكوك وغيرة وتملك تقارب وأعجاب وجاذبية والاضواء مسلطة عليك ..الامور عم ترجع لطبيعتها شوي شوي بعد زعل او توتر كان بالفترة الماضية .. الاعزب في تطورات جديدة مع شخص جديد او عم تبادر لشي وتواصل مع شخص عبر مواقع تواصل ..
صحياً:امورك افضل تدريجي بس اوقات تفكير زايد بأثر ع صحة عندك شوية مشاكل برقبة وبين الاكتاف .

#الدلو ♒
مهنياً:قصص كتيرة شاغلتك ويومك في قصص مالية بين قبض ودفع لمهم تبادر بشغلك لتوصل ولا تفقد العزيمة او تحس بأرهاق .. تراكمات مالية والتزامات ولازم تفكر بطريقة جديدة تلاقي حلول او موارد جديدة او مال قادم وعزيمة عندك والاخبار رح تبلش من المسا لتغيرات افضل ..جهز حالك لاختبار قادم او بدك تجهز حالك لسفر قصير ..
عاطفياً ❤️ :امور غامضة وعم تحاول تكتشف مشاعر طرف الاخر كتير امور شاغلتك والماضي ع البال لا توقع بأخطأ وقعت فيا قبل .. حاول تصارح وتساير ويومك بدو مبادرة وتنازل لان في تأرجح بالمشاعر والقرارات حاول لا تكون كثير الأفئفة لو كان في شوية اهمال وتصرفات مو عاجبتك .. ممكن حب قديم او علاقة اخرى بتطور ركز على مستقبلك ولوضعك بلايام الي جاي ولا تهتم لحدا ..
صحياً:شوية تعب وارهاق جسدي نشالله بروح بس ريح حالك ..

#الحوت ♓
مهنياً:يومك داعم بتحل مشكلة متعبة وكانت مسببة شوية توتر وقلق وعندك القدرة ع الأقناع وتكسب صداقات جديدة وبتنجح بشغلك بترجع الثقة وبتحقق هدف عندك .. يوم في جرئة وتحدي وبتربح لأجواء حلوة وعلاقات وخبر حلو وناس جديدة وعزيمة وفيك تعمل تغييرات وموضوع مالي المسا ومصاريف ..
عاطفياً ❤️ :بتكون بكامل جاذبيتك وبتمتلك الحب و العاطفة بيومك المرتبط بتزيد من عاطفتك وبتكون مندفع زيادة عندك رومنسية ومشاعر كبيرة المهم لا تخلي حدا يستغل طيبة قلبك وحبك الو لان الي فيك مكفيك ..شريك قديم او شخص غالي عم يرجع والاعزب ارتباط وصداقة بتتحول لحب .. تواصل وناس معجبة بس انتبه للعلاقات سرية ..
صحياً:تشنجات عم تعاني منها بالمعدة والكولون ..