#أبراج_اليوم_الخميس_ 25_أذار_مارس_2021 🔮 🌙 القمر ينتقل لبرج العذراء ♍ الترابي كوكبه 🌍 عطارد …

 

حظك__________اليوم

 

#الحمل♈

مهنياً:يوم جيد في راحة وتحسن ومن المسا في قصص مالية عندك .. عم تبدا يومك بأمور ايجابية بطاقة وحظ ونفسياً مرتاح .. بدي منك تستغل فترة لنهار وتخلص الامور المهمة ..عندك اسلوب ومهارات وعم تكسب خبرات لتخلص اعمال كانت مؤجلة عندك .. نهارك افضل لحلول وعلاقات اجتماعية وعزائم وممكن عم تبلش بشي جديد .. والمسا بدك تنتبهلي لوضعك ولا تخلي الامور والاعمال تتراكم عليك

او ضوج وانتبه على صحتك .. ..

عاطفياً ❤️ :تتطورات حلوة بيومك العاطفي وبلاخص للاعزب ممكن بيحملك اعجاب وتتطور بعلاقتك والبعض ممكن يلتقي شخص غالي او عندو موعد عاطفي وحب عم يتبلور حاول كتير تكون دقيق بكلامك وتعرف تختار صح .. يوم بالمجمل حلو واتصالات ونجمك محبوب ..

صحياً:لا تهمل صحتك وبدك تحاول كتير تعطي وضعك صحي اهتمام وتعيد حساباتك صحية بلاخص المسا ..

 

#الثور ♉

مهنياً:روق وهدي بنهارك ومن المسا افضل .. عم تكون مالل وضايج وطبعك منرفز و عنيد وعم يصير معك قصة عم تعبك وانت عم تحط حالك بضغوط متعبة وعم تبذل جهد وطاقة لتحلها بلاخص نهار مو مرتاح في .. قصص بالعيلة بتشغلك او موضع عقار او بيت وشي بخص مال وانتبه ع صحتك ..المسا بترجع طاقتك ونشاطك وتحسن تدريجي بوضعك وانفراج تدريجي وحلول ناطرتك ..

عاطفياً ❤️ :لا تكبر المشاكل وحاول تلاقي حل لا تخلي لافكار تسيطر عليك .. عم تفقد ثقة بشريك او بعض الاشخاص وممكن البعض يوصل لطريق مسدود بلاخص اذا العلاقة متوترة حتى انت عندك حيرة ومابتعرف شو بدك تتصرف المسا انت افضل وعاطفي واجواء رومنسية عندك وممكن عم تزيد عاطفتك تجاه شخص وحابب يكون في شي بينك وبينو او لقاء وعزيمة ولا تتردد اذا عندك اي طلب ..

صحياً:لا تحمل القصص اكتر مابتستاهل مشان حالتك نفسية وخفف من تناول طعام الي بسببلك ازعاج بالمعدة ..

 

#الجوزاء ♊

مهنياً:لقاءات وتنقلات واختبار بنهارك والمسا امور عائلية وقصة بالعيلة وشخص مقرب .. خلص كلشي بنهارك ولا تأجل شي انت بيوم منيح وامورك منيحة نسبياً وانت قادر تقنع الكل وتأثر بأفكارك وأرائك وعم تعطي وجهة نظرك وبتلاقي أنفراج وارتياح بوضعك تدريجي .. المسا امور بالعيلة بتشغلك ومالية وبدك تكون متفهم وتهدي لتعرف كيف تلاقي حلول وفي لمة حلوة عائلية او عزيمة وموضوع عائلية في نقاش في ..

عاطفياً ❤️ :جذاب بيومك وعم تأثر على الجنس الاخر وبتعيش فترة عاطفية نوعاً ما مستقرة بعض الشيء وبتحل خلاف وتوتر كان موجود برغم انو في تصرفات بتزعجك الا انك عم تتحمل ومو حابب تعكر الاجواء .. والبعض عندو تواصل واتصال عاطفي والاجواء المسا عم تكون افضل وتحسن وعودة بعض العلاقات بعد توتر وزعل ..

صحياً:حفاظ على نظامك الغذائي لتكون بصحة جيدة هاليوم والامور للافضل نشالله بعد وعكة صحية ..

 

#السرطان ♋

مهنياً:قصص مالية عم تشغلك عندك وضع البيت مكركب

..اشتغل شغلك وفكر بحلول واتصالات وسهرة

عم يكون عندك مصاريف عم تزيد وماعم تظبط امورك وبلاخص انت لازم تلاقي شغل ومورد جديد ومدخول مالي جديد بس شوي شوي بيتحسن وضع المال والمسا تحسن باتصالات مهمة او خبر منيح وممكن عزيمة وتواصل بيكبر وبتجهز لسفرة او مشوار وناس جديدة ..

عاطفياً ❤️ :ماحدا عم يقدر وضعك اشتغل الي براسك ولا ترد على الحكي .. الوضع عاملك توتر نفسي وحتى شريك ماعم يقدر مشاعرك حاول تنسجم اكتر مع الشريك وتتبادل معو المشاعر والاجواء العاطفية وانت بحاجة لروح جديدة بعلاقتك بتوقع انك تعبت كتير و نشالله من المسا بتتحسن الامور واتصالات واجواء افضل من قبل وانطر مفاجئة حلوة او خبر حلو .

صحياً:ارهاق وتعب نفسي وبدك بس تطلع من وضعك الممل والمزعج بيتحسن وضعك صحي ونفسي هاليومين .

 

#الأسد ♌

مهنياً:طاقة وحظ بيومك ومن المسا امور مالية . عندك طاقة وقدرة على تحرك قادر ترتاح من بعض ضغوط والمشاكل لقاءات ورفقات وتحسن اجتماعي وعلاقات عم تكبر واهتمام عائلي .. من المسا قصص مالية بتشغلك او أتصالات بتخص المال ومساعدة مال بيجيك وضب ايدك ع مصاريفك وظبط حساباتك وفي حوالة للبعض ..

عاطفياً ❤️ : انت بيوم حلو وفي استقرار لوضعك واي عراقيل بتنحل لاتخاف لانو الحظ معك وجاذبيتك غير شكل .. أفتح قلبك من جديد ولا تفكر بشي راح والشريك بكون بحدك واتصالات بتكتر لاتهتم لشي تاني .. ممكن شريك قديم يرجع او ممكن يوصلك شي منو .. المسا في تواصل مع شخص بعيد او مهم وشوية رواق وهدوء وفكر صح وفي شوق المسا ..

صحياً:عم تتعرض لشوية التهابات خفف منبهات وتدخين ..

 

#العذراء ♍

مهنياً:تعب بنهارك وانتبه ع صحتك تطورات ايجابي وعلاقات اجتماعية بلاخص من المسا ..هدي حالك ولا تتشائم وقصص بالعيلة ومو مرتاح نفسياً في قصص عم تتأجل او تتأخر لا تنفعل وحاول تلاقي حلول وضب ايدك ع مصاريفك .. من المسا تحسن تدريجي وانفراج وبترجعلك طاقتك وخبر بحسن وضعك وبتكون اكتر تركيز ونشاط وحلول لمشاكلك وامور مالية وسهرة حلوة وعزيمة ..

عاطفياً ❤️ :شريك متعبك وبعض التصرفات عم تثير انفعال وعصبية وشكوك عم تكون بيومك عم تكون اكتر اندفاع بكلامك وعم تفصح عن مشاعرك المسا امورك افضل وبتعيش اجواء احسن تواصل واتصالات وبتبلش لامور تتحسن تتدريجي وممكن بتشوف حدا قديم او تتواصل معو .. لاعزب اوقات حلوة ناطرتك هاليومين ..

صحياً:خفف من المنبهات والحلويات والبعض مشاكل أسنان عندو ..

 

#الميزان ♎

مهنياً:علاقات اجتماعية وتنقلات واجواء حلوة وممكن تنعزم او تعزم عند حدا غالي وبتحبو وعم تعمل تغيير بشكلك .. عندك نشاط وحيوية وطاقة ايجابية وعم يزيد تركيزك وعم تخطيط الامور مستقبلية او عم تمهد الطريق افضل .. عم تختار قرارات مميزة لتنجح وتحقق شي بدك ياه اليوم وممكن اذا بحاجة مساعدة لا تتردد ولقاءات وزيارات كتيرة .. المسا قصة بتشغلك وناس كتيرة عندك وممكن شي بخص المال او دين وقصة اوراق ومرهق وبدك لترتاح ..

عاطفياً ❤️ :يوم عاطفي عندك جاذبية وعم تأثر على الشريك وعلى الجنس الاخر يومك بيعطيك دافع لتبلش بعلاقات جديدة وممكن تلاقي اعجاب وامورك العاطفية بتتحسن بهاليوم واجواء رومنسية واتصالات طويلة ولقاء .. المسا المرتبط أنتبه من سوء تفاهم مع الشريك وبلا ماتكبرو القصة بتخف المشاعر شوي ..

صحياً:لا تخلي الاشخاص سلبيين يأثرو عليك وعلى نفسيتك وغير جو كتير بحاجة لترتاح بقا ..

 

#العقرب ♏

مهنياً:بنهارك في ضغط بالبيت وبشغلك وعلاقات عم تزعجك ومن المسا بترتاح وسهرة وعزيمة واجواء افضل ..خفف نقاشاتك وبعد عن ناس سلبية طاقتك ضعيفة ومساعيك ماعم تجيب نتيجة ومافي تركيز بأمورك سواء بالبيت او مع الاشخاص قصة ممكن تصير بيومك بحاجة لحل سريع وحاول لا تعمل مشاكل ولاتتأخر بأنجاز أعمالك او بمواعيدك .. المسا بترتاح من ضغوط وبتقضي وقت حلو وتطورات ولقاءات وعزايم ولمة حلوة واتصالات عم تبحث امور قضائية او ورقة حكومية وشي بخص المال كمان ..

عاطفياً ❤️ :محتار شو بدك وضعك متعبك ومانك متحمل ولا كلمة طبعك حساس وشريك مزعج وماعم يقدر شي الي عم تعملوا أنتبه من مشكلة بنهارك ولا تخلي الوضع يطور اكتر من هيك حاول تقلب الامور لصالحك ولا تكون متأفف او الملل مأثر عليك هالفترة حاول تغير جو او تطلع من وضعك لان الامور من المسا افضل وتحسن بعلاقتك واجواء حميمية وسرية عم تطور ..

صحياً:انتبه من تدخين والمنبهات عم تزيد هالفترة عندك ..

 

#القوس ♐

مهنياً:مدعوم بنهارك تطورات واختبارات واخبار منيحة وحلول لقصة ما .. عم تخلص اعمالك وسفر وتحرر من القيود والعراقيل تغيرات ايجابية وفرصة لتبلش شي جديد اخبار منيحة وممكن عندك لقاء مهم ومصيري بنسبة لك ومال بيشغلك .. افكار حلوة ومغرية وناس جديدة بيومك حاول تستغل هاليوم لتكون بحالة جيدة .. والمسا شيء طارئ بشغلك او قصة مع شخص مقرب و مساعدة وعزيمة ..

عاطفياً ❤️ :اعجاب والعين عليك وكلام حلو بتسمع ..اخبار حلوة عندك بهاليوم وبتلاقي اشياء ايجابية وتطورات بعلاقتك مع الشريك وفيك تعزز علاقتك وتفاهم على بعض الامور المستقبلية وتتشارك مع الشريك اوقاتك ومشاريعك وبكون الو نظرة او عم يعطي رأي مستقبلي بالعلاقة البعض لقاء مع شريك من نوع اخر ولاعزب فرصة حلوة او صدفة مميزة بيومك ..

صحياً:أنتبه لاعصابك ومابدي ياك تكون متوتر هاشي كلو بينعكس على جهازك العصبي وعندك مشكلة صحية لا تسمع لكلام ناس واستشير اخصائي فقط ..

 

#الجدي ♑

مهنياً:بتشغلك امور مالية وتأخير بقصة بنهارك وتحسن تدريجي من المسا .. عم تعاني تأخير وتأجيل بقصة ما وشوي شوي امورك افضل بترتاح من تعب وعندك تنقلات قريبة وناس عم ترجع تشوفها بعد فترة وقصة سيارة او موبايل وعقارات .. في حلول لقضية متعبة وبلاخص اذا كانت مالية .. مال ومدخول بيومك ومصاريفك كبرت كتير بحاجة تراجع حساباتك او تلاقي شي مشترك ومقبل على عملية شرائية .. بترتاح من المسا وخبر ناطرك هاليوم واتفاق واجواء افضل وبتغير من سلوكك شخصي واتصال مهم وبتجهز لأختبار او سفر وموضوع مالي ..

عاطفياً ❤️ :المرتبط بعد فترة ماكنت مرتاح فيا انت بوضع احسن اليوم وتطورات ايجابية بعلاقتك مع الشريك يوم رومنسيتك وعاطفتك بتزيد واجواء حلوة بأتصالات وتواصل لاعزب يوم حلو وتفائل والعين عليك وجذاب وممكن حدا يصارحك او انت عم تسمع حكي حلو .. والبعض لا تعند وساير وسامح لتلاقي تحسن بوضعك ..

صحياً:نتبه من عصبيتك وانفعالك حتى ماتتعرض لوعكة صحية حرك حالك ونفسيتك مو تمام هاليومين ..

 

#الدلو ♒

مهنياً:ضبابية عم تسيطر على وضعك وشراكاتك وناطر الحلول بدنا نهدي خلال لنهار وبلا مانعمل مشاكل مع حدا وحتى بدك تتمالك نفسك كتير مشان ماتكبر القصة لان عندك تأجيل او تأخير .. المسا بتبلش ترتاح وممكن بتخف عنك ضغوط شوي شوي والبعض عندو امور مالية وممكن قبض و نقاش بخصوص مال وبتجهز حالك لسفرة قصيرة او مشوار وضب ايدك على مصاريفك ..

عاطفياً ❤️ :تصرفات شريك متعبة والمشاكل من لا شيء بتصير وبدون سبب في لوم واستفزاز وكلام عشوائي .. كتير بدي تحاول تلاقي حلول وتروق لتعرف كيف تتعامل مع الوضع .. والبعض علاقات قديمة عم تشغل تفكيرك ومانك راضي عن الوضع وعم تحاول تساير او عم طنش لان مو حابب تفوت بأجواء مكركبة من جديد ..

صحياً:لا تخلي وضعك يسبب الك توتر وعصبية لان ممكن تعاني مشاكل بجهازك العصبي ونفور للحب بسبب ضغط الداخلي ..

 

#الحوت ♓

مهنياً:بعدك مضغوط وتعبان بنهارك والمسا مال وشراكات .. ملل مسيطر ع وضعك وشغل كتير في تعب بشغلك وبيتك وماعم تقدر تلاقي الحلول وأنتبه بنهارك لتنهي شي او تختلف مع حدا وعقد او شراكة بلاخص اذا كانت الامور متوترة وحاول تفكر بشراكة جديدة تحقق غايتك ..رتب امورك و هدي حالك وخليك صامد بوجه صعوبات لان الفرج قريب وتغيرات لصالحك المسا في شراكاتك عاطفية او المهنية وقصة جمعيات سكنية او مالية في حكي فيها ..

عاطفياً ❤️ :كون حريص على وضعك واي توتر مو لصالحك

الوضع واقف على دقرة ومن الهوى ممكن تعمل مشكلة على سبب تافه بدي منك تحسبا صح ولا تتسرع لان مارح يجيك غير وجع راس وتعب قلبك لانو الشريك فعلاً مو مهتم ممكن في نقاش ومواجهة بيومك .. انت كتير مزعوج من تصرفات الشريك بس لازم ماتترك مجال ليفرض عليك شي .. والبعض عم يفكر بقصة ارتباط جديد او تتطور علاقة مع شخص …

صحياً:تابع وضعك صحي ولتزم بتعليمات عندك اختبار صحي أنتبه لتتجاوز هالوضع على خير وتحسن ان شالله ..