#أبراج__اليوم__الجمعة 16_نيسان__ابريل_2021🔮 🌙القمر ينتقل لبرج السرطان

 

حظگ________اليوم

 

 

#الحمل ♈

مهنياً:بنهارك افضل وبعد ضهر قصص عائلية وعزائم واجواء وقصة عقار … تواصل وعلاقات وناس جديدة بتشوفها بس بدك تنتبه على صحتك شوي من الجو يومك منيح بتلاقي حلول لمشكلة تعبتك او وضع كان مكركبك و بوادر بلشت تبين وفرصة اتفاق او تعمل شي ضمن بيتك او تغير شي وأنتبه من الاعطال او الحوادث و قصة مع اخ او اخت المسا ولمة عائلية وعزيمة ..

عاطفياً ❤️ :شكلك تعودت على الوضع وماعاد تفرق ..فرصة أعجاب مبدئي عند الاعزب والمرتبط في لقاء او اتصال عم تلاقي حل لبعض العراقيل الي سببت توتر وجفا بالفترة الاخيرة اليوم لازم يكون في تعزيز لثقة من جديد وبدي منك لا تضغط على شريك .. البعض عم تزيد الشكوك والغيرة وعم يكون في عصبية بس انتبه هاشي يطور لمشكلة بلاخص اذا متزوج ووضع بالبيت عم يشغلك والي بدو يفل قلو الله معك ..

صحياً:صداع عم تتعرض له وانتبه من تقلبات طقس وبعد عن الاجواء العائلية صاخبة ..

 

#الثور ♉

مهنياً:مصاريف مالية بنهارك وبعد ضهر افضل .. يوم داعم بعلاقات وسفر وشي جديد وعم تبذل جهد كبير وعم توظف طاقاتك بمجالات جديدة وعندك ثقة بنجاح خبر بيوصلك بهاليوم بخص مال او سفر لمهم لاتفقد الامل بالحلول او تكون عصبي ومنرفز فرصة لازم تستغلها بتخص وضعك المالي يمكن في قبض بس أنتبه كمان عندك دفع لفواتير ومستحقات او عزيمة ومستلزمات وأنتظر مفاجئة حلوة هاليومين وتغيرات ايجابية بأتصال او لقاء من المسا ..

عاطفياً ❤️ :انت محتاج لراحة العاطفية ولشخص مناسب وهاشي متعبك وبينك وبين حالك ماحدا بيستاهل .. في تعب بعلاقتك او بلاشخاص الي عم يدخلوا حياتك هاشي عم يسبب توتر وعصبية وكلام عم يستفزك .. بدنا نروق بهاليوم بالاخص بفترة لنهار بعرف الي مريت في مو سهل بس مابدي هاشي كمان يوصلك لطريق مسدود .. بعد الضهر انت افضل في مصالحة او مساعدة و نشالله امورك بتتحسن بشكل كبير بأتصال حلو او لقاء مميز ناطرو ..

صحياً:بترتاح من مشاكل نفسية وبتعمل شي بالشكل الخارجي ومشاكل الجلد وعم تعطي اهتمام لصحتك ..

 

#الجوزاء ♊

مهنياً:استغل نهارك وبعد الضهر مصاريف مالية .. عم تتمتع بطاقة ايجابية عم تزيل ضبابية وعم تتوضح امور قدامك وهاشي بيدفعك نحو تقدم ونجاح وفرص حلوة مهما واجهتك متاعب وعراقيل انت قادر ترجع من جديد لان عندك بهاليوم حلول منيحة لمشاكلك ونشاط اكتر وحركة وبتفكر بالايام الي جاي فترة مميزة اجتماعياً وعائلياً واجواء حلوة بتعيشا في اتفاق مالي ومال بيشغلك وضب ايدك على مصاريفك بلاخص على صحة وعزائم ..

عاطفياً ❤️ :رغم الوضع المتقلب اليوم في تحسن .. بحاجة لتعيد حساباتك من جديد وتعطي اهتمامك لشريك ولامورك الشخصية في اخطاء بالعلاقة والشريك بتحسو متغير او براسو شي بدو يعملوا لا تخلي ضابية تسيطر عليك وتكون محتار .. يومك حلو عندك جاذبية وسحر خاص والعين عليك اوقات مميزة بلقاء واتصال وحب ورومنسية ومصالحة والاعزب فرصة لتبلش علاقة جديدة وفرصة عند البعض الخطبة بلايام الي جاي .

صحياً:مشاكل بلاسنان وصداع برأس ويمكن طبيب بييومك او مراجعة .

 

#السرطان ♋

مهنياً:روق بنهارك وخليك هادي ولا تعمل شي مهم ومن الضهر علاقات وعزائم وسهرة بدي منك تكون هادي ورايق لأنك مانك ع بعضك ومانك مرتاح فترة صبح وعم تواجه ضغوط ضمن عيلتك وقصص مابتعرف من وين بتطلعلك هدي ليهدا الوضع وتلاقي حلول دبلوماسية أجواء حلوة بعزيمة او لمة ولا تهتم لشي وجهز حالك للقاء مهم او خبر بعد الضهر ممكن يغير الوضع ..

عاطفياً ❤️ :مو كتير مرتاح بعلاقتك وضبابية عم تسيطر على الوضع الامور رح تبلش تتحسن بقدر مابتنتبه على تصرفاتك ومعاملتك بقدر مابتشوف تحسن مرق نهارك ع خير ولازم يكون في تقارب ومشاركة للحظات حلوة مع الشريك بلاخص اذا مرتبط جديد او اعزب تغيرات ناطرتك ويمكن شخص مهم يتواصل معك ..بعد الضهر امورك تدريجي افضل انسجام وتفاهم ومصالحات ولقاءات او اتصال واجوء حلوة ناطرتك وذكريات ع البال ..

صحياً:لازم تاخد أحتياطك وانتبه من كريب او اي مرض معدي …

 

#الأسد ♌

مهنياً:جهود كبيرة بيومك وطاقتك عم تزيد والك تأثير وجاذبية وعم تكسب محبة رفقاتك والمحيط فيك وعندك لقاءات واتصالات مع حدا بعيد وعزائم بيومك وقادر تعمل شي بيومك يزيد من مكانتك ويكون في محبة من رفقاتك والمحيط فيك بتوصل كبير وبتلاقي حلول لمهم لا تخلي لامور تفلت من ايدك وحاول تبقى مسيطر على الوضع لتنجح وقصة قضائية وعائلية صحية بتشغل البعض ولقاء بشخصية مهمة …

عاطفياً ❤️ :لا تروح بعلاقتك لابعد الحدود وخلي منفذ لصلحة وخط لرجعة بلاخص اذا كان في سوء تفاهم لتلاقي حل ولترجع الامور لطبيعتها .. لقاء واتصال والامور افضل من قبل بشوية دبلوماسية .. حاول تستغل الاجواء وتنبسط بيومك ولا تفكر بشي تاني تقرب من الشريك وعزز واقع العلاقة بعيد عن تشنجات والاستفزازات ولاجواء المحيطة فيك ..

صحياً:أعطي اهتمام لصحتك هالفترة ضغط زايد ممكن يتعبك ويوجع راسك ..

 

#العذراء ♍

مهنياً:لاتعمل مشاكل ولا تتأخر عن واجباتك والتزاماتك وكون دبلوماسي وهادي مانك مرتاح والامور فايته بعضها ماعم تركز وطاقتك سلبية بنهارك أنتبه لمواعيدك وعلاقاتك .. برغم الاجواء الاجتماعية منيحة وعم تغير جو وعم تناقش شغل أو حابب تعمل تغييرات جديدة حاول تكون بالامور المهمة وبلاخص اذا في شغل او عقود او اوراق وبالمال .. لا تعطي ثقة لحدا لان ممكن تسمع حكي بحقك .. تدريجي بيتحسن وضعك من بعد الضهر ومال ممكن تحصل عليه واصدقاء كتار وسهرة وعزيمة اكل طيب ..

عاطفياً ❤️ :بحاجة لتتحرر من الاجواء سلبية الي مسيطرة عليك وتكون مع الشريك بلقاء او اتصال طويل وبحاجة لتسمع كلام يريحك وخطوة جديدة بوضعك العاطفي روح جديدة بعلاقتك وتحسن منيح بعد الضهر بزيد شغف العاطفي عندك وحب عم يكبر المهم تبعد عن نرفزة والعصبية وتعرف كيف تحط نقاط على الحروف .. الاعزب فرصة الاعجاب بيومك وتواصل عم يزيد .. والبعض عم يميل لامور تسلية وعلاقات سرية ..

صحياً:ركز على صحتك هالفترة لتقدر ترجع لوضعك ولشغلك من جديدة وانتبه من حساسية جلدية ومغص بالبطن ..

 

#الميزان ♎

مهنياً:بترتاح من ضغوط ومسؤوليات وعم تتنفس صعداء يوم اجتماعي وبخص امور البيت وشغل كتير تتطورات بوضعك وتحسن نفسي وعائلي وضب ايدك مالياً عم تكون محبوب والك حضور مميز وامورك عم تتحسن من جديد وضغوط بتبلش ترتاح منا .. يوم مميز لعلاقات وناس جديدة وزيارات وتعارف وبدك تفكر بسفر ونقل لمكان حرية اكتر بالحركة وشيء جديد لصالحك أتصال مهم وبتغير بشكلك وشي بزيد من شعبيتك ممكن تعملوا ..

عاطفياً ❤️ :من الايام داعمة لترتاح من الوضع المتعب والي كان مسيطر على علاقتك وفي تقارب مع الشريك وتصرفاتو عم تتحسن راحة نفسية وعم تتنفس صعداء من جديد في نقاشات بأمور عملت مشكلة بوقت سابق ويمكن كان في انتقادات كتيرة .. فرصة لأرتباط ولتبلش بعلاقة جديدة ويومك عاطفي أستغل جاذبيتك لكبيرة بلاخص اذا في لقاء واتصال لتغير وتحسن الوضع او لتعمل صلحة ..

صحياً:أنتبه على صحتك من الجو المتقلب ولتزم بمسؤولياتك الصحية لضل منيح .

 

#العقرب ♏

مهنياً:يومك عائلي ضب ايدك مالياً واتصال واخبار حلوة المسا .. بترتاح نوعاً ما تنقلات وحركة وعلاقات كتيرة وناس جديدة ورفقات وزيارات واجواء عائلية بتتحسن وعندك حل لمشكلة او عم تبحث حلول مبدئية لمشكلة قضائية وادارية هاشي كتير بساعدك بقادم لايام لخلق فرص افضل وتتخلص من بعض المستحقات وبتناقش موضوع مالي او دين الك وخبر منيح بخص المال ومكاسب معنوية بعد الضهر في اتصال او سفر وجهز الاختبار وشي مهم عندك ..

عاطفياً ❤️ :مصالحات بيومك وفي صراحة بلكلام وحكي كتير يبدو عم ينحكا بيتعلق بوضعك وبعلاقتك مع الشريك بنصحك تخلي الامور من راسك وخود وقتك بأي قرار .. امورك بأتجاه تحسن ملحوظ وعندك اجواء منيحة وعم تكتشف بعض ناس او اشخاص على حقيقتها او موضوع مهم عاطفياً نشالله لصالحك .. والبعض بدو يفكر بسفر للقاء شريك وعم يعاني تأخير وتأجيل ..

صحياً:تحسن صحي وشفاء من مرض والبعض أنتبه من كريب ..

 

#القوس ♐

مهنياً:روق بنهارك وهدي بقصص العاطفية وبعد الضهر امور مالية .. عم تنهي شراكات متعبة وممكن تدخل بشراكات افضل وهاشي ممكن ينطبق على العمل والعاطفة وقد يكون الحل بهاشي سبب انو ماكانت الامور عم تجيب نتيجة ركز منيح ولا تخلي لامور تفلت من ايدك وبعد عن الناس الي عم تحاول تستغلك بعرف ضايج وروتين متعبك وانت بحاجة لتغير هاشي .. يومك داعم بخصوص شراكة جديدة ولقاءات وبعد الضهر في مال وقصة مالية بدا تشغلك وقبض ودفع والتزامات وموضوع مهم ..

عاطفياً ❤️ :مو مستاهل تعصب وتعكر مزاجك ولازم تستقر بأفكارك ولا دخل الامور لاخرى بوضع العاطفة .. أنتبه لمعاملتك وحاول تلبي طلبات الشريك ولا تشتغل شي من راسك الثقة وتفاهم افضل طريقة لاستمرار علاقتك .. البعض عم يتم شراكة عاطفية بهاليوم عزز علاقتك لتنجح فيا او لتوصل لخطبة وزواج بلايام الي جاي وحب قادم عم يتواصل معك .. وممكن امور مالية عم تدخل بالعاطفة وخبر حلو او مشوار مهم ..

صحياً:ريح حالك جسدياً وفكرياً وبعد عن ضغوط العمل والبيت الي عم تعبك صحياً ..

 

#الجدي ♑

مهنياً:عم تكثف الجهود بهاليوم رغم الكركبة لتتخلص من تعب وضغوط حاول تنتبه صحياً عم تخلص امورك على اكمل وجه واتفاق قادم وعم تحط نقاط على الحروف بتفتح صفحة جديدة وبتعيد حساباتك من جديد مع شوية ترتيب وتنظيم ولامور من بعد الضهر رح تكون لصالحك فرصة حلوة وعم تغير روتينك وأنتظر خبر بريحك ولقاءات ومكاسب مالية وشراكة جديدة هاليومين واتفاق وشي بخص اوراق ودوائر حكومية ..

عاطفياً ❤️ :برود بوضعك والاجواء مانها مساعدة من المسا امورك فيها تحسن وتغيير ايجابي .. بس بدي منك تنتبه لطريقتك بالمعاملة حتى مايزيد توتر ويتفاقم الوضع اكتر .. شكوك والغيرة سبب كبير لمشاكلك وبعض ضغوط العائلية هاشي عم يخليك منرفز ومن اي كلمة ممكن تعصب .. تقرب من الشريك وخليك مهتم لاموره وكلمتين حلوين وشوية مسايرة بعتقد امورك بتصير افضل وتحسن عاطفي .. لبعض أو لاعزب فرصة تعارف جديد او تبدء شراكة جديدة واعتراف من شخص لألك ..

صحياً:مشاكل بالرقبة ممكن بسبب نومة غلط وعم تبذل جهد عضلي .. ممكن تزور طبيب اما الك او لحدا بعيلتك نشالله للأطمئنان او مراجعة ..

 

#الدلو ♒

مهنياً:خلص المهم بنهارك اتصالات واجواء افضل وبعد ااضهر عندك شغل ومسؤوليات لازم تخلصها .. منيح يومك لتصلح مشاكل تعبتك بوضع بيتك وبالعيلة وفي دعم عم تتلقاه قد يفسح لك مجالات جديدة وخيارات اوسع وتتخلص من قيود والعزلة … اتصالات وناس وممكن لقاءات او بتجهز لسفر او مشوار ومال بين قبض ودفع .. في راحة نفسية نتيجة بعض الخطوات الايجابية الي رح تكون عندك بهاليومين نشالله بلاخص بامور شغل صح ممكن تكون متعبة بس شغلك لازم تخلصوا لتستفاد منو وجهز حالك لشغل جديد او عودة لشغل قريباً ..

عاطفياً ❤️ :صح القلب تعبان وعندو عتب كبير بس انت قادر تتجاوز اي ازمة وترجع أقوى .. تطورات بيومك وبتحط نقاط على الحروف عندك جاذبية وكاريزمة عاطفية مهما تقدم العمر فيك رح تبقى طفل المراهق .. استغل هاليوم لتأثر على الشريك ويكون في مصارحة بالمشاعر لانك كتير بحاجة له شي او لتبدا قصة حب جديدة او للقاء ناطرو يوم لتواصل واتصالات ونشالله وضع افضل ..

صحياً:بعيد عن تشائم وتفكير بأمور صحية وضعك بيتحسن وبتطلع من وعكة وفرصة لتعمل شي جديد على صعيد صحي ..

 

#الحوت ♓

مهنياً:امور عائلية صبح ومن ضهر افضل .. عم تعاني ركود وحساسيات ووضع عائلي وعم يتأثر وضعك بمحيطك وشكلك مو عبالك تشوف حدا وبدك لترتاح نفسياً من وضع البيت والكركبة ومن ردود افعال البعض حاول تبعد عن اي مواجهة مع حدا ولازم تكون دبلوماسي .. بعد الضهر تدريجي الامور بتتغير واجواء افضل وطاقة بترتفع ومال هاليومين ..

عاطفياً ❤️ :عم تعاني الاهمال وتعبان من الشريك وفي شي جواتك عم يخليك قلق مابدي هاشي يوصل لسوء تفاهم او تتسبب لنفسك بمشكلة .. تغيرات ايجابية من الضهر عم تتحسن امورك بأتصال او لقاء وحب جديد عم يكبر حاول تقرب وجهات نظر لتحل مشكلتك وممكن شخص قديم او صدفة واجواء حميمية المسا ..

صحياً:اذا بدك ضل ع الموبايل طول الوقت رح تعاني مشاكل بالعيون والبعض ممكن يزور طبيب .