أبراج__اليوم__الأربعاء__21__نيسان__ابريل__2021

🌙 🌛 القمر بينتقل لبرج العذراء ♍ الترابي كوكبه 🌍
عطارد….
🌞الشمس بتنتقل لبرج الثور ♉ ..

#الحمل ♈
مهنياً:القمر برج الثور بحاجة ترتب امورك اليوم لان عندك التزامات جديدة وشغل ولازم تخلص ولا تتأخر واذا بدك مساعدة لا تتردد وحاول تعزز علاقاتك بالاصدقاء العمل لان اكيد رح يوقفوا حدك اذا عندك وضع او شي بهاليوم .. وكمان لازم تنتبه على صحتك ولا تهمل ضروري واهتم بعيلتك .. في بطئ بالحركة ومسؤوليات ومال من شغلك بزيد وعندك لمة حلوة او عزيمة ويمكن فيها حكي بشغل جديد او اتفاق ..
عاطفياً ❤️ :فكر صح ولا تصعد او تحسم شي بعلاقتك .. صح مانك مرتاح بس انتبه تتصرف بشكل متسرع بلاخص انك ناري ومن اي كلمة ممكن تعصب بلاخص يومك بمر باختبار عاطفي لا تعقد الامور وحاول تزيد عاطفتك ولازم الشريك يقدر وضعك ويكون داعم الك .. البعض بتبلش علاقات بشغلك او بمكان دراسة تطور بلايام جاي .
صحياً:فيك تعمل شي جديد وتبلش بحمية او نادي ولا تعب حالك بشغل وانتبه ع صحة حدا بالعيلة ..

#الثور ♉
مهنياً:القمر ببرج العذراء الشمس ببرجك من الايام الحلوة عندك لتقضي اوقات ممتعة وعلاقات مميزة وناس جديدة عم تتقرب منك وعم تلاقي دعم وتأييد من اشخاص غاليين عليك بلاخص نجمك اليوم محبوب وبتعمل شعبية وشهرة لحالك وشي ع مواقع التواصل وخبر حلو بخص شغل او لقاء بشخصية مهمة وفي مبلغ مالي بحسن من وضعك وبتحل مشكلك تدريجي وقصة طفل او انجاب عند البعض ..
عاطفياً ❤️ :اوقات حلوة ومميزة وبتلاقي اعجاب فيك وجاذبيتك عم تستقطب الجنس الاخر وحتى عم ترجع اشخاص تحاكيك من جديد بعد غياب وممكن شخص مهم عم يتواصل معك .. يوم في حسم لخيارات وبتلاقي حلول اجواء ايجابية وتطورات مع الشريك والقلب بدق من جديد اذا اعزب ..
صحياً:بحاجة تنتبه من الوزن زايد ومن كريب وشفاء من مرض عند البعض ..

#الجوزاء ♊
مهنياً:القمر برج العذراء قصص بالبيت وبالعيلة عم تزعجك وحتى في حركة اوراق او سفر لحدا او حدا قادم من سفر وامور بتخص عقارات ويمكن نقل وتغيير لمكان جديد وعم تعمل شوية تصليحات وتغيير ديكور .. ولازم تنتبه لوضع حدا بالبيت واتصال من حدا بعيد ويوم في جو عائلي وحكي بس لا تخلي حدا يستفزك ومصاريف بالبيت والبعض عندو جمعة ولمة حلوة وفي حكي بموضوع مهم ..
عاطفياً ❤️ :مضغوط عاطفياً وعم يكون في شوية تعب او شي عم يزعجك بلاخص انك بحاجة لشريك يفهمك ويقدر وضعك ويخليك تستقر وترتاح فكرياً .. في اتصال او لقاء وتواصل طويل وحتى في قصص عائلية بوضعك العاطفي لازم تحسم امورك وتستغل الفرص لان في قصص اخدت وقت طويل بحاجة تخلصها .. والبعض ممكن في حدا من العيلة عم يتقرب منك او صديق للعيلة وتوقع في خبر بخصوصك عاطفياً ..
صحياً:بتعاني الم بمنطقة الرقبة والاكتاف وكون حذر من كريب والتهاب رئة ..

#السرطان ♋
مهنياً:القمر برج العذراء يومك افضل لتحسن وضعك وتتنفس من جديد علاقات عم تتحسن وتواصل عم يكبر وعم تعمل شي على مواقع تواصل وفكرة شغل وبيع وشراء .. وحتى قصة اخ بتشغلك وامور مالية والبعض بيجي مال من اخ او مساعدة من صديق .. شي بخص عقار او سيارة ويمكن موبايل يوم في اختبار او امتحان واوراق عم تشغلك .. تنقلات واجواء حلوة ورفقات وفكرة سفر بس انتبه من الحوادث والاعطال ..
عاطفياً ❤️ :عم تكون مقنع بنقاشاتك وافكارك ويوم افضل نسبياً لتلاقي حل وتحط نقاط على الحروف وتعزز علاقتك من جديد ولتطلع من تعب ويكون عندك يوم حلو بحضورك وجاذبيتك وبتكسب قلب شريك بلقاء او اتصال .. المتزوج بدك تكون هادي ودبلوماسي لتمرق هالفترة وتتوضح الامور بس استغل يومك لانو داعم لتحسن الوضع ..
صحياً:لازم تعطي صحتك اهتمام اكتر وتنتبه ع حالك من الاعمال المجهدة ..

#الأسد ♌
مهنياً:القمر برج العذراء يوم مالي وقبض ومصاريف وشخص مهم وعزائم .. يومك لازم تنتبه من مصاريفك وترتب امورك منيح حتى ماتوقع بمصاريف طارئة على صحة او عزيمة او حتى على العاطفة وسيارة او موبايل .. لازم تلاقي حل لتحسن وضعك المالي لا تأجل شي ولا تخالف القوانين ممكن تبدأ شغل جديد ومبلغ من تجارة او معاملات وفي سمعة وشهرة وقصص شغل ..
عاطفياً ❤️ :يومك بحاجة لتعرف شو بدك وتختار شخص مناسب ونبعد عن الماضي .. عم تشغلك امور اخرى ويبدو اليوم مو كتير عم يكون في وقت للعاطفة او في بعد بالمشاعر ولازم ترجع تمنح ثقة من جديد وتخفف شكوك وغيرة .. ريح راسك وخفف تفكير اذا بدك علاقتك تستمر .. البعض عندو اتصال او لقاء ومال على شريك او من شريك عاطفي او شي معنوي ..
صحياً:لا تهمل صحتك وتبع خطوات ايجابية لتكون تمام وصحة شريك عاطفي ..

#العذراء ♍
مهنياً:القمر ببرجك يوم ايجابي وراحة وتواصل ناس واجواء .. عم يكون في طاقة وشغل ورغم عندك تنقلات واختبار وشي بخص دراسة وفرصة لشغل جديد ولتتحسن امورك ضمن البيت وتعمل تغييرات بشكلك وصحتك وتحل مشكلة عندك ومال من شغل بيجيك في علاقات وناس بتشوفها وعزيمة او عم تعزم وخبر حلو وشي بخص عقار ..
عاطفياً ❤️ :من الايام الحلوة وداعمة الك لتلاقي انفراج وعاطفة افضل جاذبية والعين عليك واعجاب من الكل وهاشي رح يعطيك دافع لتحسن علاقتك او ارتباط جديد .. المتزوج لازم تكون هادي مع الشريك في حكي ونقاشات بدك تكون دبلوماسي وذكي وفيك تطلع مشوار مع الشريك ..
صحياً:بتلاقي تحسن صحي وامورك افضل وحاول تنتبه من الامراض المعدية ..

#الميزان ♎
مهنياً:القمر برج العذراء عم تعاني شوية تقلبات بوضعك وبعدا الامور مو واضحة وبحاجة لاستقرار .. عم تشغلك اكتر من قصة هاليوم وبلاخص المال ولازم تبذل جهد لو صار تأخير او تأجيل عيد حساباتك منيح وحل بعض مشاكلك العائلية وفكر بموارد جديدة او شغل ولا تعمل شي مهم .. في مال ولازم ضب ايدك لان عندك تنقلات ورفقات وعزائم وكون حذر من محيطك والبعض في قصة اطفال بتشغلوا او مصاريف على امور بتخص الانجاب ويمكن في زيارة لطبيب او مشفى ..
عاطفياً ❤️ :عم تعاني وضع عاطفي بلاخص المرتبط في شي جواتك متعبك وماعم تتوضح الامور واذا شريك بيستاهل بادر .. مانك مرتاح وماعم تفهم شو عم يصير ووضع البيت عم يزيد المشاكل .. مرق هاليومين ع خير ولا كتير تتمسك برأيك او تكون عنيد وكون دبلوماسي مو ناقصك مشاكل جديدة او قصة عم تبعدك عن الشريك .. البعض عندك فرصة ليصير مصالحة وترجع الامور لمجراها وبتمتلك قلب الشريك او شخص اخر ..
صحياً:شوية ضغوط صحية ونفسية ومع تغير الاوضاع بتتحسن صحتك وبتبلش تتعافى تدريجي ..

#العقرب ♏
مهنياً:القمر برج العذراء امورك بتبلش تتحسن وعم يكون عندك رفقات وناس كتيرة ولقاءات وعلاقات جديدة وعزيمة كمان وممكن تعمل زيارات وتنقلات ومكان جديد ومساعدة ودعم الك وممكن من صديق او شخص بالعيلة نجمك محبوب وعندك وحظ وطاقة ولمة عائلية وخبر بريحك وممكن مكان جديد او سكن ومال كمان واذا مفكر بشراكة جديد الوضع جيد ..
عاطفياً ❤️ :الوضع اليوم افضل من قبل لتعمل تغيرات جديدة ويكون في ناس عم تدخل حياتك .. وتطور بعض العلاقة لحب عند البعض وفرصة لتحسن علاقتك وتكون امورك منيحة مع الشريك .. برغم البرود بالعلاقة في استقرار المهم لا تتسرع وتحل سوء تفاهم او البرود الي كان احسن ماتنهي علاقة .. والبعض في علاقات سرية عم تطور وعم تكبر ويمكن شغف عاطفي وفي لهو وتسلية .
صحياً:كون حذر من كريب ولا تعب حالك ونفسيتك واشتغل شغلك بس ..

#القوس ♐
مهنياً:القمر برج العذراء علاقات اجتماعية وقصة مهنية او في قصة وظيفة او شغل جديد ويمكن مقابلة او امتحان وقصة مصيرية ولازم تكون حذر ومركز منيح بلاخص اذا في اختبار .. لا تتسرع وابذل مجهود لتنجح ويمكن قصة اب او اخ كبير بتشغلك وهدي مع المسؤولين لان ممكن تلاقي دعم كمان وقصص قضائية وفيك تسافر وانتبه من الحوادث والاعطال وانتبه من تشويه سمعة ولا تخالف القوانين ..
عاطفياً ❤️ :في جاذبية وعندك حضور مميز وبلاخص الاعزب لتعارف بشخص جديد وشخصية مشهورة او مهمة بيومك المرتبط مانك مرتاح وفي توتر لا تتسرع بقراراتك ولا تتجاوز الحدود واذا شريك بيستاهل معلش شوية تنازل واعطي فرصة افضل الك في اتصال او لقاء لتصلح الأمور وانا بنصحك بالهدوء وعدم تسرع ليرجع الوضع يستقر من جديد ..والبعض رح يجهز لموعد مهم خطبة او زواج نشالله ..
صحياً:لا تحمل الامور اكتر مابتستاهل وروق وبلا عصبية وانفعال ..

#الجدي ♑
مهنياً:القمر برج العذراء الصديق والشمس بالثور .. من الايام الي بتعطيك طاقة لتحسن امورك وتتعرف بناس جديدة ويكون الك حضور قوي ولتعمل تنقلات ويمكن تسافر او بكون في عزيمة ولقاء منيح حتى ممكن تحصل على مال او شي من مكان بعيد او حوالة مالية او شي الك فترة ناطروا .. وقصص اوراق وخبر حلو واتصالات بعيدة وفي عقود جديدة واتفاق مالي واختبار بوضعك وعم تشغلك قصة عقار وتجهيز او تصليحات وفي دفع مالي او بدك تشتري شي وقصة طفل ..
عاطفياً ❤️ :علاقات كتيرة واشخاص جدد وفي اعجاب من البعض وصدفة ممكن تجمعك بشخص او ارتباط جديد في اتصال من شخص بعيد عنك وفكرة لقاء او عم ترتب لموعد قريبا في حلول ومصاريف على شريك وعم تساير وماحابب تعمل مشكلة وعم تتفهم الوضع في تقارب واتصالات حتى لو في جفا او بُعد مسافة والبعض عندو سفر للقاء شريك او وضع شريك بيشغلك هاليومين ..
صحياً:بعدو وضعك مو مستقر بس بيبقى افضل ولازم داري حالك وفي حلول واقتراحات ونصائح لمهم تلتزم فيها ولا تهمل شي ..

#الدلو ♒
مهنياً:القمر برج العذراء بتبلش ترتاح بهاليوم وعم تتوضح امور قدامك وبلاخص المالية ومصاريف على العيلة .. عم يكون يومك مالي بين قبض ودفع وتسديد التزامات وديون وعم ترتاح للوضع بشكل عام وتحل مشاكل عندك ورح تتخلص من بعض الناس المزعجة وحسم لامور بتخص شغل واوراق عائلية والبعض في عندو معاملات وقضايا مالية وشي بخص ميراث او منزل وانتبه ع صحتك كمان ..
عاطفياً ❤️ :تفائل بهاليوم ولا تخلي الحيرة تأثر على وضعك احسن ماتنهي علاقة وبدك تكون دبلوماسي ولا تكبر القصص .. صح مافي شي عم يكمل والاستفزاز عم يتعبك .. بشكل عام في تحسن طفيف وفيك ترجع ثقة لوضعك وتصلح الامور وتلاقي طريقة اكتر دبلوماسية بتعامل وبلاخص مشاكلك عم تكون من ناحية شريك يوم ممكن يوصلك شي معنوي او هدية ..
صحياً:بتعاني مشاكل بالعضلات وتشنجات وشغل كتير ريح حالك هالفترة ..

#الحوت ♓
مهنياً:القمر برج العذراء كتير مهم تنتبه لوضعك بهاليوم وتكون بعيد عن المواجهات والمشاكل الي ماني شايفها مهمة وعلى امور تافهة .. لازم تكون هادي بامورك وباي قصة وبلاخص امور شراكات ومع شريك عاطفي .. ممكن عقد وشراكة جديدة او اتفاق مع شخص برأيي فكر منيح ولا تتسرع ولا تخلي الامور تفلت من ايدك واضبط حالك بشغل والمعاملات وتأكد من كلشي ويمكن قصة سيارة او موبايل بتشغلك وانتبه من الحوادث والاعطال ..
عاطفياً ❤️ :يومك مو مرتاح في بلاخص المتزوج بتحس الشريك عم يعمل مشاكل من ولا شي وبتحس انو ناطرك على غلطة بدي تهدي شوي بوضعك بهاليوم احسن ماتروح لطريق مسدود او يتوتر الجو ويصير في عزلة وحرد .. البعض بعزز علاقته وشراكة عاطفية واعجاب من الجنس الاخر وفرصة لخطبة عند البعض قريباً..
صحياً:ماحدا بيستاهل لهيك لاتزعل وتعب حالك ولا تعصب وانتبه ع صحتك ..