#أبراج_اليوم_الخميس 22__نيسان__ابريل_2021🔮 🌙 القمر في برج العذراء ♍ الترابي كوكبه 🌍 عطارد… 🌞الشمس في الثور ♉

 

حظگ________اليوم

 

#الحمل ♈

مهنياً:القمر بكمل بالعذراء عندك اكتر من قصة عم تشغلك وبدك لتلحق يوم في شغل والتزامات وعم تحس بتعب وارهاق نتيجة ضغوط العمل وبالبيت وممكن عندك عزيمة وناس ولازم تساير وتتحمل .. مسؤوليات ومابتعرف القصص من وين بتطلعلك لهيك حاول ترتب امورك ولا تعب حالك وفي مين بساعدك اذا بدك وبيدعمك لتوصل لشي بدك ياه .. لا تهتم لكلام البعض وضب ايدك على مصاريفك وانتبه على صحتك وفي شغل او مكان ومال

عاطفياً ❤️ :المرتبط مانك مرتاح وفي كركبة وتوتر بلاخص انت مو ناقصك مشاكل جديدة ولاعزب علاقات كتيرة حواليك بس ماعم تكمل معك وبحاجة لحدا يهتم فيك .. حاول تكون بعيد عن المواجهات ومليت من لف ودوران مرق يومك على خير وهدي مع الشريك واطلع من العزلة الوضع بيتغير لا تخاف..

صحياً:عارض صحي وانتبه من نومة غلط وكون حذر من مشاكل الرقبة ..

 

#الثور ♉

مهنياً:القمر بكمل بالعذراء من افضل الايام عندك لتقدر تغير وضعك وتلاقي اوقات حلوة واتصالات ايجابية وعم تقضي وقت حلو بعزائم وسهرة ومال ممكن تحصل عليه .. حاول تخلص الالتزامات والمسؤوليات وعم تفكر بخطوة جديدة او شي بخص قضاء ودعم من شخص الك او شغل جديد وممكن تقضي يوم مع الاطفال او شي بخص الانجاب للبعض واختبار ويوم منيح ..

عاطفياً ❤️ :عندك طاقة والكاريزما وبتكون جذاب وملفت لنظر وعيش يومك وتقرب من شريك او من شخص مهم وعندك فرصة لتقضي وقت مع الشريك .. حاول تستغل الوقت ويكون في تنازل ولا تتمسك برأيك لان مدعوم عاطفياً وشخص بيرجع بحاكيك .. الاعزب اصدقاء كتار بيومك وتطورات بحب جديد وارتباط ..

صحياً:مشاكل جلدية وتحسن صحي وفيك تعمل تغييرات بشكل وخفف عصبية ..

 

#الجوزاء ♊

مهنياً:القمر بكمل بالعذراء قصص عائلية عم تسيطر ع الوضع ولازم تنتبه من مشاكل وشي بخص حدا بالبيت ولازم تركز وتعرف كيف تتصرف ولا تدخل مواجهات مع حدا ويمكن عم تعمل تصليحات او نقل وفي قصة عقار عم تشغل البعض وممكن بخص العيلة و لقاء او مشوار وناطر شي بهاليوم او عقد واتصال مهم واجل الامور المهمة هاليوم وخفف مصاريف مالية بالبيت ..

عاطفياً ❤️ :هدي الوضع بهاليوم وانتبه من توتر ولا تكبر القصص لتستقر امورك والوضع العائلي عم يأثر على عاطفتك .. بدك تغض نظر عن بعض تصرفات الي ماعم تخلي علاقتك تستقر بحاجة لترتيب امورك ولتلاقي حلول سريعة وتعالج اي سوء تفاهم ممكن يصير .. الاعزب والمرتبط جديد علاقات واجواء واصدقاء ناطرتك واتصالات ولقاء ..

صحياً:تجنب توترات الي ممكن تعبك وتوقعك بوعكة صحية والبعض بزور طبيب او مشفى ..

 

#السرطان ♋

مهنياً:القمر بكمل بالعذراء في تحسن بالوضع علاقات داعمة وقصة اخ وعزيمة وصدقاء كتار .. يوم منيح لتنجح وتكون بعيد عن الانفعالات والعصبية وممكن يجيك مال من شراكة او بيع وشراء وعقار وتجهيز عم يشغل البعض ..ورقة مهمة و اتصالات كتيرة بتحملك شي ايجابي وناس بتوقف معك وبتدعمك وناس جديدة يومك في اختبار وشغل وسفر او مشوار ولمة بس هدي بوضع البيت ..

عاطفياً ❤️ :اوقات حلوة عم تقضيا بين اتصال او لقاء بعد توتر ومشاحنات او سوء تفاهم .. الحظ بيدعم لتحسن وضعك وتعمل مصالحات وتغير من هالوضع المزعج لتلاقي حلول واستقرار .. وفرصة اعجاب واهتمام من شخص او صديق عم يكون في اعجاب كمان البعض شوي حافظ على اسرارك او علاقة سرية عم تتطور ..

صحياً:انتبه من الحوادث وقصة سيارة واستغل يومك بعزيمة اكل طيب واطلع من جو الملل ..

 

#الأسد ♌

مهنياً:القمر بكمل بالعذراء يوم للمال مجالات جديدة ولازم تنتبه على مصروفك الي عم يكتر هالفترة وبتحس على شي ماعم تستفاد منو .. وانت بحاجة لحل سريع وممكن يوصلك مبلغ مالي يوم بين قبض ودفع وضب ايدك منيح وخفف عزائم وامور بالبيت او شراكة بتشغلك والبعض ناطر خبر او قرار رغم في ضبابية بعدا موجودة بس في شي بخص شغل وعلاقات وقصة بالبيت ..

عاطفياً ❤️ :ماعم يستقر وضعك العاطفي وفي توتر وبدي منك تعرف كيف تتعامل مع الشريك بهاليوم لتقدر تستمر وتطلع من حالة البرود والجمود .. استغل علاقاتك ولازم تبذل جهد واهتمام وتعزز الوضع وانتبه من المقربين منك الي عم يوتروا الوضع او في حكي من ورا ضهرك .. المسا لامور افضل وتغيرات وشريك قديم او شخص جديد ..

صحياً:خفف نقاشات بلا طعمة وانتبه على صحتك ونام منيح ولازم تعمل تغيير بروتينك اليومي ..

 

#العذراء ♍

مهنياً:القمر بكمل ببرجك من الايام الداعمة الك لتستعيد مكانتك وترجع ثقة وتدخل قصص جديدة وناطرك خبر حلو .. اوقات حلوة بيومك والحظ داعم وبتعزز علاقاتك وتحل مشكلة .. بتلاقي تيسير بلامور واتفاقيات وشغل جديد او مكان جديد وخبر حلو على صعيد العيلة المهم تخلص التزاماتك وتستغل يومك وتنتبه على صحتك وامتحان واتصالات كتيرة ..

عاطفياً ❤️ :يوم جيد لتلاقي استقرار عاطفي وارتباط وعندك الجرئة وفي حكي وشريك عم يسأل كتير لا تتهرب من الاجوبة وكون جاهز بردود افعالك وبكلامك وممكن لقاء او عزيمة وتعارف جديد او شريك قديم عم يخطر ع بالك وتواصل واعجاب من الجنس الاخر ..

صحياً:وضع لحدا بالعيلة وطبيب وانتبه من ناس سلبية ومن كريب ..

 

#الميزان ♎

مهنياً:القمر بكمل بالعذراء فكر بحالك وانتبه لامورك وتحسن بوضعك المالي عم يكون وضب ايدك على مصاريفك ومانك مرتاح لبعض الاشخاص بالعيلة ومشاكلك منهن .. يوم في حركة وتنقل وقصة اطفال او عم تهتم بأطفالك علاقات اجتماعية وناس بتحبا .. وانتبه من سوء تفاهم ومن ناس المصالح ولا تنفعل ولا تتسرع بلاخص بالمال وبلاختبارات ..

عاطفياً ❤️ :ماعم يكون وضعك منيح وعم تعاني برود واهمال وتصرفات ولازم تروق وتهدي اذا بدك علاقتك تستقر مانك مبسوط ولا مرتاح وكون حذر ولا تقدم على اي قرار مهم هاليوم .. جاذبيتك رح تزيد تدريجي وأنتظر لقاء واتصال مهم ونظرات الاعجاب رح تكون حاضرة والبعض تواصل او علاقة صداقة بتتحول لحب وممكن على مواقع تواصل تكبر ..

صحياً:فكر كيف تكون مع ناس بتحبا وتاخد الطاقة الايجابية منن وانتبه من الحوادث ..

 

#العقرب ♏

مهنياً:القمر بكمل بالعذراء عندك شعبية ومحبوب وناس حواليك وعم تتمتع بالطاقة والكاريزمة وتواصل وعلاقات وبتكون ملفت لنظر وعم تكسب شعبية .. ثقة بترجعلك من جديد وعزائم وسهرة واشخاص عم ترجع تحاكيك واتصال ودعم الاصدقاء الك وحتى وضع عائلي واجواء عائلية افضل .. في عرض او اقتراح جديد ومال ممكن يجيك ..

عاطفياً ❤️ :بعد سوء تفاهم وبرود وتوتر يومك افضل لان العاطفة عم تشهد تحسن ملحوظ ولازم تستغل هاشي وتبادر وتصالح .. عندك عاطفة وجاذبية واعجاب من الجنس الاخر تحسن بعلاقاتك عم يكون في دبلوماسية ولين وتفاهم ومصالحات يوم حلو لاتصال رومنسي وبتسمع كلام حلو وأجواء حميمية ..

صحياً:بحاجة تنتبه من المنبهات وتدخين وريح حالك ولا تتعب ..

 

#القوس ♐

مهنياً:القمر بكمل بالعذراء عندك قصص بتخص شغل واختبار وعم يكون عندك مسؤوليات ولازم تهدي مع زملاء العمل والمسؤولين بشغلك وحتى مع شخص عندك بالبيت ولازم تكون حذر من ناس ممكن تسبب فشل وتحكي بضهرك وناطرينك على دقرة لازم تكون قد هاشي وتثبت جدارتك ولا تستسلم وانتبه من تأجيل .. في لقاء واتصال ويمكن شي بخص وظيفة وممكن سفر قصير وعزيمة ..

عاطفياً ❤️ :فكر بعلاقة ايجابية مو بأشخاص ما منها امل ولا تخلي القصص والافكار سودة تشغلك وتسبب عدم الاستقرار لازم تضبط كلامك وتصرفاتك ولا تتسرع يومك بحاجة للهدوء لان في قلق وحاول تبرر المواقف

لمهم تتجنب المشاكل ولاصطدام مع الشريك بهيك يوم ومن المسا بتكون افضل ..

صحياً:عم تعاني مشاكل بلاطراف والبعض عم يحدد موعد عملية ..

 

#الجدي ♑

مهنياً:القمر بكمل بالعذراء اتصالات ولقاءات مهمة وتنقلات عم تقوم فيها وانت امام اختبار جديد بوضعك وعم تلاقي انفراج بعد ضغط ومشاكل كانت زاعجتك وبلاخص صحياً لترتاح بشكل تدريجي وبتكون قادر تقنع وتوصل لمكان منيح .. يوم في ناس جديدة وقديمة عم تحاكيك واتفاق وشغل في من وراه مال لمهم تركز ولا تتسرع عزيمة وسهرة حلوة بيومك واتصال بعيد وممكن يجيك مال ..

عاطفياً ❤️ :برغم توتر الي موجود ومافي استقرار لازم تفكر كيف تصلح الوضع وتتجاوز حساسيات مع الشريك .. انت افضل وعندك خيارات جديدة وقرار عاطفي وافكار عم تتحضر جديد .. عم تكون مدعوم بعلاقات عم تتطور بلاخص انك عم تتواصل مع اشخاص عبر مواقع التواصل وممكن لعلاقات تتغير لشي عاطفي مع الجنس الاخر ..

صحياً:بحاجة لتنام وقت كافي عم تعاني مشاكل العيون وتشنجات عضلية وكريب بتبلش تتخلص منو للبعض ..

 

#الدلو ♒

مهنياً:القمر بكمل بالعذراء عم تكون متحفظ على بعض الامور بلاخص ثقة الي عم تمنحا لناس المحيطة فيك حاول تستغل هاليوم وتعزز وضعك وتلاقي حلول ومصالحات وتطلع من الوضع المتعب وصعب لتلاقي الامور رح تبلش تتحسن وتحل مشاكل مهنية ومالية وعم ترجع طاقتك ويوم ممكن يجيك مبلغ مالي وممكن عم يكون في اتفاق او مال من شراكة عم تعيد حساباتك بعلاقاتك وبالمال وموضوع عقود وميراث ومعاملات ومساعدة بيومك بس روق وهدي مع حدا بالبيت ..

عاطفياً ❤️ :عم تشغلك امور كتير بعلاقتك في عندك اوقات حلوة وعاطفة زايدة بس بدي منك تكون حذر وتتجنب المشاكل لان افكار كتيرة عم تاخدك وتجيبك والبعض عم يفكر ينهي علاقة وعم تعيش حالة من ضبابية .. افتح صفحة جديدة وحط حد لبعض القصص او الاشخاص الي عم تعكر العلاقة .. خليك متفهم وناقش بهدوء وفي امور رح تنكشف قريباً ..

صحياً:جسمك بحاجة للفيتامينات وعندك مشاكل بلاطراف والاكتاف ..

 

#الحوت ♓

مهنياً:القمر بالعذراء بتشغلك امور شراكات عاطفية ومهنية وعقود وبدك تهدي بوضعك لانك مانك بافضل حالاتك بسبب نقاشات ومواجهات وناس عم تعبك ولازم تنتبه على صحتك مافي شي مستاهل .. انت كمان من اي كلمة ممكن تكون مستفز وعصبي وهاشي ممكن يوقعك بتأجيل لبعض القصص .. فكر بهدوء ولا تصعد عندك شي بخص عقار او بيع وشراء واتصال احسبها صح وممكن تحصل على مال او تحل مشكلة مالية ..

عاطفياً ❤️ :يبدو الشريك ماعم يفهم عليك وعم يسبب مشاكل بالعلاقة وهاشي عم يعمل توتر وضغط وعم يكون في تراجع وضبابية وغموض روق هاليوم ومرقو على خير وتغيرات جديدة قريباً المرتبط جديد امورك افضل لقاء واتصال ورومنسية بهاليوم .. لاعزب فكر بحالك منيح وعندك فرصة لعلاقة جديدة ..

صحياً:بتعاني ارهاق ومشاكل بالرقبة واسفل الظهر انتبه من آلم بالمفاصل بشكل عام .