رصد نيوز
#الحمل ♈
مهنياً:القمر بالقوس الصديق بتبلش امورك تتحسن اكتر وبتقدر تتحرر من القيود ويكون في لقاءات واتصالات وناس غريبة وبعيدة عنك وعم يكتر تواصل وفي مستجدات جديدة .. يوم في اوراق وتواصل خارجي وسفر او مشوار وعزيمة وعلاقات عم تطور وحدا بساعدك واختبار او امتحان وفيك تعمل تغيير بشكلك او تجدد عقد وبيجيك مال ومصاريف ومستلزمات ويمكن عم تتسوق وتشتري وتدفع ..
عاطفياً ❤️ :اجواء مميزة وتحسن عاطفي واستغل يومك لتبدء علاقات جديدة وتتحسن علاقتك بشخص لحب جديد .. تواصل كبير واتصال طويل وانسجام افضل من قبل وعم تكون مقنع بكلامك .. حتى البعض في سفر او لقاء مع شريك وعم يكون في علاقات حميمية وكلام حلو والبعض في علاقات سرية عم تتطور وعم ترتب لشي مع شريك .
صحياً:امورك افضل وتحسن صحي بس بعد عن ناس سلبية توجعلك راسك وانتبه من الحوادث ..
#الثور ♉
مهنياً:القمر بالقوس بتشغلك امور مالية وبحاجة لتلاقي حل وبتحصل على مبلغ مالي ولازم تستفاد من شخص مقرب وبتلاقي حلول لامور مالية .. يومك بخص مال بين قبض والتزامات وعندك فواتير وفي قصة دين وممكن ميراث عند البعض .. بتخف عنك ضغوط والمسؤوليات ومصالحات ولا تتأخر بأي شي بخص المال حتى ما تنلام وتسمع حكي من حدا او مسؤول عنك ..
عاطفياً ❤️ :عم تكون مندفع وعاطفي وبتحس طاقة عاطفية وعندك رغبة بوضع افضل او اتجاه شخص مشهور ومهم .. تحسن بيومك ولاجواء رومنسية وفي شوق وحنين لحدا قديم او شخص قديم عم يتواصل معك .. في حكي كتير ونقاشات وبتطلع من مشاكل لوضع افضل استغل جاذبيتك وسحرك هاليوم ..
صحياً:مشاكل جلدية بتحس عم تتكرر كل فترة وانتبه للمعدة ومشاكل هضمية ..
#الجوزاء ♊
مهنياً:القمر بالقوس عم يكون يوم في قصص بتخص شراكة او لقاء باشخاص وعم تهتم لحدا بالبيت واستفيد من دعم شخص لألك خليك حذر ولا تتسرع ورتب امورك منيح حتى مايتأجل شي .. يوم منيح لامور بتخص شراكات جديدة او عقد واختبار اذا عندك .. ركز بكلامك ولا تدخل بجدال مع حدا وحاسك مدايق من قصة وعاملتلك توتر وعم تخليك سريع الانفعال والعصبية وعم تنفهم غلط روق ولا تهتم وفكر كيف تعمل شراكة جديدة ..
عاطفياً ❤️ :مو مرتاح لتصرفات الشريك وحتى كلامه عم يدايقك بدي منك تساير ولا تخلي ضغوط وتوترات تأثر على علاقتك وحافظ على كلامك ولا تأمن بحدا وانتبه من الاستغلال ..الوضع العاطفي عم يشغلك يمكن ماعم توصل لنتيجة او ماعم تقدر تفهم الشريك وعم تفكير بوضعك كتير .. فرصة عند البعض ليصير ارتباط جديد وشراكة .. المتزوج انتبه منيح لوضع ..
صحياً:بتهتم لحدا بالبيت ونشالله الامور بتكون بخير لا تحملها زيادة..
#السرطان ♋
مهنياً:القمر بالقوس في شغل كتير ولازم تلحق وترتب وتنظم كلشي حتى ماتتراكم المسؤوليات عليك بالبيت وبشغلك كمان ولا تنفعل او تتأخر عن التزاماتك بس مابدي هاضغوط تأثر عليك صحياً بلاخص لحدا بالبيت .. يوم في شغل جديد وممكن تحصل على مال من شغلك وعم تحكي بشغل واتفاق .. بيجيك مال بس لازم ضب ايدك واذا بحاجة مساعدة لا تتردد وكمان في صديق بيطلب مساعدة منك وترتيب لشي جديد ..
عاطفياً ❤️ :انت بحاجة للاهتمام والشريك لازم يقدر وضعك لان في قصص زاعجتك وبعدك ماعم تلاقي الراحة .. لا تخلي افكارك بحالة تشتت بدك تساير لتوصل للانسجام وتعزز روابط العاطفية بعرف تعبت ومن حقك ترتاح ونشالله قريباً رح تبلش الامور تتحسن وصدفة حلوة ممكن تصير معك اليوم بلاخص الاعزب ..
صحياً:انتبه من وعكة صحية ولازم تفكر بنادي او حمية وشفاء من مرض للبعض ..
#الأسد ♌
مهنياً:القمر بالقوس الصديق عم تعزز وضعك وعم تبلش ترتاح ويوم في امور عاطفية ومال وترتيبات جدبدة .. من الايام داعمة الك ولازم تستغل وضعك وبكون في اخبار حلوة وناس بحدك بتساندك وعلاقات جديدة وبكون عندك شي مالي وحل لمشكلة بالبيت وبعلاقاتك او قصة عم تفكر فيا وفيك تعمل عزيمة وسهرة وشعبية وسمعة حلوة الك وقصة متعلقة بشريك وعم تهتم باطفالك او قصة انجاب للبعض ..
عاطفياً ❤️ :عم يشهد وضعك تحسن نوعي واوقات حلوة مع الشريك وحتى عم يكون في تواصل واعجاب وبتحس باهتمام من شخص او بدك ترتب لشي مع الشريك او مشوار وشخص مهم او مشهور بيومك .. يوم حلو اندفاع وطاقة وعندك رغبة بالمغامرة وتواصل مع شخص قديم للبعض ..
صحياً:شوية اهتمام لأحد الأطفال وانت ريح حالك ولا تشغل بالك ..
#العذراء ♍
مهنياً:القمر بالقوس عم تشغلك امور عائلية ووضع حدا بالبيت وممكن يكون في تنقل واجواء عائلية وعزيمة وفي قصة بتشغلك بالبيت وبشغلك ولازم تحلها ويوم ممكن تعمل تصليحات بالبيت او عم تغير ديكور او اثاث جديد وعقار بين عقد او بيع ..وحاول تحل مشاكلك وتخلص شغلك وانتبه من اي طارئ ولا تنفعل .. وفكر بلمة حلوة واجواء عائلية واتصال بعيد او خبر وشي بخص لعيلة ..
عاطفياً ❤️ :بدك تروق اليوم وتهدي الوضع وخاصة انو في توتر وعم يكون في ضغط عليك .. مابدي منك تكبر الامور حتى ماتتكركب اكتر ولازم شريك يقدر وضعك ويريحك وبنصحك تكون بعيد عن حكي ناس ولا ترد على حدا وتحسن تدريجي لمهم تستوعب الشريك .. والبعض عم يدخل وضع العائلي بالعاطفة ..
صحياً:صحة حدا بالعيلة بتشغلك وانت لاتعب حالك اذا عندك شغل كتير وريح حالك ..
#الميزان ♎
مهنياً:القمر بالقوس بيتحسن وضعك وقادر توصل وتنجح وعندك علاقات كتيرة وجديدة وعم تكون مع شخص مقرب او اخ بيومك او ممكن بحاجة لمبلغ مالي عندك طاقة والكاريزمة ومشوار او سفر قصير وقصة عقار بتشغلك وفي عندك شي بخص سيارة او موبايل فانتبه من الاعطال والحوادث وفي عزيمة ولقاءات وبتعمل شي ع مواقع تواصل واخبار حلوة وامتحان واوراق والبعض بسدد التزامات مالية ..
عاطفياً ❤️ :من الايام المميزة لتواصل ولقاء واجواء كتير حلوة لتطلع من تعبك العاطفي .. جذاب وعم تهتم بشكلك ولازم تستغل هاليوم بالاجواء الحلوة وتعمل مصالحة لان في امور طولت وصار لازمها حسم وحل .. في تقارب من شخص وممكن ارتباط لا تتسرع وحافظ على سمعتك او مين هالشخص الي عم يتقرب وليش وبلاخص المتزوج .. في اتصالات طويلة بيومك واجواء رومنسية ..
صحياً:شوية تعب وارهاق بروح وخليك محافظ على صحتك ..
#العقرب ♏
مهنياً:القمر بالقوس يومك بدور بين قبض ودفع وعم تعيد حساباتك ومصاريف على عزائم وصحة .. حاول تتحرك اكتر وتطلع ولاتعمل مشاكل مع حدا مقرب او بالعيلة وبعد عن نقاشات الي بلا طعمة ومال مع شخص بالعيلة وغالي عندك وخبر ناطروا ممكن متعلق بشريك او بحوالة .. لازم تفكر بموارد جديدة وممكن تطلب مبلغ من شخص او أخ ..
عاطفياً ❤️ :بتحس بأهمال من الشريك وفي احساس بالوحدة ومانك ع بعضك والبعض علاقتو مهددة .. فكر كيف تكسر الحواجز وتغير روتينك وتبادر بالحلول وممكن صدفة بيومك باتصال او لقاء .. لا تستعجل بقراراتك لانك بحاجة لتفكير او لتلاقي حل لامورك العاطفية بالفترة جاي ..
صحياً:لا تتأخر بالتزاماتك الصحية وتابع وضعك والبعض بتشغلوا صحة مقرب ..
#القوس ♐
مهنياً:القمر ببرجك عم تتحسن الامور وعم تطلع من كركبة حظ وطاقة وتغيرات شخصية في بيومك خبر منيك وعندك شغل كتير وتنقلات ولقاءات وعم تتعرف بناس جديدة وحضور مميز ومساعدة من شخص مقرب وعم يكون في قصة حدا بالبيت وفي شغل جديد .. يوم داعم لتعمل تغيرات بشكلك وتنطلق من جديد بتحسن مهني مالي وسفر قصير وسهرة حلوة واختبار وفيك تعمل شي صحي او حمية ..
عاطفياً ❤️ :بتكون مقنع وجذاب وبتأثر ع الجنس الاخر ويوم حلو لتعمل لقاء او اتصال طويل وعم تفكر تغير وضعك العاطفي بعد حيرة وتردد كان مرافقك .. يوم في مصالحات وتصحيح علاقات وفرصة لتبدأ حب جديد واعجاب و تواصل مع شخص قديم ..
صحياً:أنتبه من اي عارض واستفيد من دعم الحظ لعمل تغييرات بشكل او تدخل نادي ..
#الجدي ♑
مهنياً:القمر بالقوس بدك تكون هادي وفي نقاشات حادة .. عندك شغل والتزامات ولازم تلحق وتخلص ولا تتأخر بشي حاول تساير وتكون دبلوماسي لتقدر تحل امورك وتطلع من ضغط وخلص مواعيدك ولا تصعد الامور .. يوم في اخبار حلوة ناطرتك وخبر منيح وتنقلات وعم تكون مشغول بامور مالية وممكن تحصل على مبلغ او مكافئة قريباً .. خفف عصبيتك ومصاريف على عزائم وعلى بيت وخلص المهم لترتاح وفي شخص مهم او مركز بيومك ..
عاطفياً ❤️ :لازم تحسم امورك ولا تترك لامور بحالة من ضبابية لتوصل لشي بدك ياه بلاخص انو الشريك عم تحسو مهمل وغير مبالي ومافي تقدير للوضع.. بتعاني ضابية بالامور وعندك احساس بالوحدة العاطفية رغم بتحس في كتير ناس حواليك بس قلبك مو مرتاح وانت محتار شو بدك تساوي وكيف تبلش .. والبعض علاقات عم تتطور واتصال وحميمية بيومك ..
صحياً:لا تكتر اكل ولا تجهد حالك ببعض الاعمال في تشنجات ومشاكل هضمية ..
#الدلو ♒
مهنياً:القمر بالقوس عم يكون يومك مميز وعم تقدر تستقطب الاشخاص وتعمل علاقات كتيرة وغالباً عم يكون يومك في عزائم واكل طيب وسهرة ولمة حلوة ومساعدة من شخص ورح تتغير كتير امور وعندك ورقة مهمة ناطرها .. عم تكون محبوب وجذاب وتغيير بشكلك وعم تساعد كمان وثقة بترجع من جديد ونفسيتك افضل ومال بيومك بيشغلك وتنقلات قصيرة واجواء عائلية افضل وصديق قديم بحاكيك ..
عاطفياً ❤️ :جذاب وعاطفي وعم تتطلع من وضع تعبك بعد فترة ماكنت مرتاح فيها .. يوم داعم لتصلح الامور وتتواصل مع اشخاص جديدة وشخص غالي عليك وتتحول علاقة لحب .. نشاط عاطفي وتواصل واتصالات وبتتجاوز اختبار بوضعك .. علاقات سرية عم تتطور وحميمية بيومك والبعض في جرأة بالحكي وبلقاءات ..
صحياً:مشاكل عضلية وتشنجات وكتر سوائل مشان جسمك ..
#الحوت ♓
مهنياً:القمر بالقوس علاقات كتيرة وعم تتغير امورك وعم تحقق شهرة وشعبيتك بتزيد وشغل جديد وتنقلات .. لازم تهتم لامور شغلك وتحاول تهدي مع مسؤول او مع أب او أخ بالبيت وتنتبه لامور صحية ولاتستعجل بشي وانتبه من الغلط لان ممكن يحملك المسؤولية حتى ماتخسر شغل او صديق وتأكد انو في حدا ناطرك على دقرة لتوقع .. لا تأجل شي واحسم امورك لتحل مشكلة وتطلع من هالوضع المضغوط ..
عاطفياً ❤️ :في حسم لعلاقات وتطور وعم يكون في تواصل مع شخص مشهور ومهم وعم يكون في اعجاب من اشخاص كتار .. المرتبطين بدك تساير ولا تعصب لان الشريك بتحسوا عم يتقصد يعمل مشاكل وعم يحاول يكبر القصص بعرفك ذكي وبتقدر تكون هادي بنقاشاتك ولا تخلي الشريك يمسك عليك شي لان ناطرك على غلطة .. لا تكون عنيد ظروف صعبة وبدا مسايرة لتتجاوز هالوضع وتهدا امورك ..
صحياً:بحاجة لتغير من نفسيتك وتمارس هواياتك وتكون مع ناس ايجابية ..
