رصد نيوز
#الحمل ♈
مهنياً:مال بنهارك وتدريجي انت افضل اختبار وتنقلات واتصالات كتيرة وقصص مالية بتشغلك .. عم يدور الفلك ببيت المال هاليوم مصاريف ومستلزمات يوم بيحملك نقاشات وترتيبات بشي بخص المال او ممتلكات بدك تبيع او تشتري .. رتب امورك وعندك دفع كتير لهيك بدي منك تحسب حسابك .. بعد الضهر تحسن تدريجي وبتحصل على دعم بمساعدة ما وعم تتلقى اتصال مهم وعم تعرف تستغل الفرص لصالحك او بتجهز حالك لسفرة او مشوار وامتحان بس أنتبه من الاعطال وحوادث ..
عاطفياً ❤️ :عم تعاني البعد بهاليوم وشريك ما عم يفهم عليك .. هاشي عم يخليك تعيش حالة من الوحدة لبعض الوقت وممكن في شوية زعل روق وهدي اعصابك .. بعد الضهر عم تحل مشاكل وعم تتوضح امور كتير قدامك في اهتمام وتحسن بلاجواء وهدوء اكتر رغم المزاجية وتقلب بوضعك العاطفي ..
صحياً:بحاجة لنظام غذائي معتدل ورح تتحسن صحياً وتطلع من وعكة ..
#الثور ♉
مهنياً:قصص مالية ومصاريف وتنقلات ولقاءات.. لا تتسرع بشي واستغل نهارك لتخلص امورك كلها ولتنهي مشاكل تعبتك وبالاخص اذا في اختبار او لقاء مهم .. بتتجاوز مشاكل كانت بعيلتك وامور عقارية وممكن تغيير سكن فرصة وشغل وممكن لقاء مهم واجواء حلوة .. من الضهر في مستجدات عم تخليك تعيد حساباتك بالمال وبعلاقاتك مع كتير ناس ومصاريف وممكن تتريث بكتر امور وهاشي بكون افضل الك وبلاخص لامور المالية وحلول قريبة ..
عاطفياً ❤️ :نهارك حلوة وفي اتصالات ولقاء وعم يدعمك الفلك بنهار لتحسن امورك العاطفية.. بس المسا بدك تنتبه من سوء تفاهم ولا تكون عنيد وتتشبث برأيك وتجاكر حتى ماتكبر القصص ..حاول تروق وتتجنب اي نقاش مالو داعي .. البعض عندو لقاء وتطور جديد وعم تحط نقاط على الحروف ببعض العلاقات..
صحياً:نظم وقتك منيح وخصص ساعة على الاقل لممارسة الرياضة وتحسن صحي أفضل ..
#الجوزاء ♊
مهنياً:نهارك متعب ومن الضهر افضل .. مو مرتاح ببداية يومك عراقيل وتأجيل ومواجهات وحاسس بتوترات وناس حواليك ناطرتك على غلط أنتبه له شي ولا توثق بمين ماكان مابدي ياك ترد ع حدا .. من الضهر افضل بتكون وبتتلقى اتصالات او خبر بريحك ونفسياً بترتاح لترجع طاقتك وتقدر تريح راسك من كتير قصص وامور مالية عندك وبتلاقي حل لمشكلة وتحسن نحو الافضل ناطرك هاليومين واجواء اجتماعية حلوة ..
عاطفياً ❤️ :سوء تفاهم ومواقف استفزازية ماعم تخلي وضعك مريح .. أنتبه كتير ولا تتسرع وروق ولا تعب حالك بكتر الحكي ونقاشات الي مارح تجيب نتيجة بلاخر حاول تكون دبلوماسي وتستوعب وتمتص غضب الشريك بعد الضهر لامور بتتحسن والفلك داعم الك تطورات وحل لمشكلة وحدا ممكن يرجع يحكيك واتصالات طويلة او لقاء واجواء اكثر هدوء وفيها شغف عاطفي ..
صحياً:لا تجهد نفسك بأعمال وحكي متعب على حساب صحتك وتحسن تدريجي ..
#السرطان ♋
مهنياً:بنهارك مال وعاطفة ومن الضهر علاقات اجتماعية وامور قضائية بتشغل البعض .. تجربة جديدة بكون عندك اليوم عم تحاول تعمل شي جديد او تغير شي لقاءات وعلاقات اجتماعية عم تكون بيوم عم تلتقي بناس جديدة وعم تتخلص من مشكلة كتير تعبتك وعم تشعر براحة نوعاً ما وعم تتلقى عرض بشغلك او عزيمة وممكن قصة عقار او شي قضائية او اداري عم يرجع ع الواجهة .. في مال ولازم تعيد حساباتك من جديد بلاخص بمصاريفك وضمن بيتك .
عاطفياً ❤️ : لا تكبر القصص لانك كتير تعبان والمشاكل صار لازم تنحل .. بس اليوم غض نظر عن بعض الامور والاخطاء والفرصة قدامك لتزيل بعض العراقيل التي سببت في تراجع العلاقة في محاولة للمصالحة ولقاءات بيومك .. المسا عندك رغبة تعمل تغيير عاطفي او شي جديد وممكن علاقة عاطفية وحميمية وتواصل مع شريك اخر او صديق ..
صحياً:بحاجة لترفه عن نفسك وتنتبه على صحتك
ولا توفر اي سهرة أوعزيمة…
#الأسد ♌
مهنياً:علاقات اجتماعية وأصدقاء ومساعدة اذا بدك .. بدي منك تكون صاحي بيومك لان في حكي وتعب عم يكون حواليك من ناس مقربة بشغلك او ضمن محيطك العائلي وبتكتشف بعض ناس ع حقيقتها .. بعد الضهر انت افضل لعلاقات وعزائم وناس غوالي عم تشوفها والحظ بحالفك اذا عم تجهز حالك لاختبار وبلاخص بما يخص الاوراق والمقابلات و اذا ناطر نتيجة نشالله بتكون لصالحك هالفترة ..
عاطفياً ❤️ :حافظ على اسرارك وحافظ على امورك العاطفية الخاصة .. بشكل عام نهارك بدو هدوء اذا كنت غلطان او عندك مشكلة او شريك بعيد عنك حاول تساير وتعتذر ولا تكبر الامور بكلمتين حلوين الامور بتتحسن وبلاخص المسا رغم انو مزاجك متقلب عم تدخل بارتباط او اعجاب بالوقت الحالي وعم تزيد جاذبيتك وعلاقة حميمية عم تستجد حاول تفرض سيطرتك بس بدبلوماسية بعيد عن الاستفزاز والعصبية.. والبعض سهرة حلوة ومشاعر غير شكل ..
صحياً:تعب صحي وعم تحس بضغط نفسي وعكة خفيفة بتمر نشالله والبعض عندو حساسية بمناطق خاصة ..
#العذراء ♍
مهنياً:أنتبهلي شوي لعلاقاتك مع الزملاء والمسؤولين وقصة أب او اخ .. يومك في نشاط وطاقة وغني بالاتصالات ومفاوضات وعم تبذل جهد لتوصل وتنجح بتشغلك امور قانونية او قضائية او شراكة عمل و امور بتخص دراسة وعم تهتم لوضع صحي ..حاول تخلص امورك بكير وتخلص شغلك لتحقق نجاح مهني ومادي ..بعد الضهر لا تحتار وتكون متقلب ومزاجي بحل قصة ما .. شهرة وسمعة وأنتبه للامور المالية لان عندك دفع على شراء او لقصة ما او عزائم ومستلزمات ..
عاطفياً ❤️ :عم تعزز علاقتك وعم تتقرب بس المشكلة بالخطوة الأخيرة بحاجة لتحط نقاط على الحروف بما يخص مستقبلك العاطفي خليك متأكد من حبك ولا تخاف البعض عم يفكر بشريك قديم او علاقة تانية او موعد .. شوية رواق بيومك وأمورك بتنحل المهم لا تخلي الافكار سودة تسيطر عليك ..
صحياً:خفف تشنجات وتوترات بيومك حتى ماتتعرض لوعكة صحية والبعض بيتجاوز ازمة صحية متعبة ..
#الميزان ♎
مهنياً:بنهارك بتشغلك قصة مالية وبعد الضهر حلول وانفراج .. من الايام الي بتعطيك طاقة وحظ وتحسن وارتياح نفسي وصحي ومالي عم تبحث عن راحة بهاليوم وعم تأسس لايام منيحة وعم ترتاح من بعض ضغوط.. تتطورات مالية ومهنية وبعد الضهر كتير مرتاح ولقاءات واتصالات وصلحة وعم تشوف ناس كتار وممكن اتصالات مهمة وفكرت سفر او مشوار وعقار بيشغل البعض …
عاطفياً ❤️ :عم تزيد جاذبيتك بهاليوم بشكل كتير كبير عم تكون رايق والعين عليك الاعزب عندو ارتباط والمرتبط لقاء مرتقب لتحط نقاط على الحروف وبداية وانطلاقة جديدة افكار مستقبلية وخطوات افضل واكثر جرئة وهم بينزاح عن صدرك وحل لمشكلة كبيرة بس خففلي نق وبلاخص اذا كنت متزوج على الاقل لترتاح ولا تكبرها وتعمل من الحبة قبة .. واذا حابب تصلح الوضع فيك تبادر اليوم الحظ معك المسا بلاخص اذا شريك بعيد عنك وعنيد …
صحياً:مشاكل معوية وشفاء من بعض الالتهابات ومن كريب للبعض ..
#العقرب ♏
مهنياً:شراكات بيومك وحلول ومال وممكن تقبض .. عم تواجه عدة عراقيل بيومك وعم يحملك تأجيل لامور قضايا ادارية اومالية وفي شوية حساسيات .. نظم وقتك وكون دقيق بمواعيدك ولا تتأخر وخلص شي ضروري .. مانك مرتاح للوضع مافي شي بضل ع حالو لأن بعد الضهر بتبلش طاقتك ترجع وتحسن كبير وفرصة لتلاقي حلول مالية وامور عم توضح قدامك اكتر ومال وديون ..
عاطفياً ❤️ :أنتبه لمعاملتك ولكلامك بهاليوم ولا تخلي امورك تطور او مشاكلك تكبر اكتر وأنتبه على شراكتك العاطفية .. روق ومرق نهارك ع خير وكلشي بيتحسن وبلاخص لمصالحات او ارتباط وتحسن عاطفي وعلاقات حميمية .. يوم منيح علاقات واتصالات وبتقضي وقت ممتع بس المشكلة في بعض الامور المالية عم تدخل بوضعك العاطفي .. وبلاخص بعض المتزوجين هدي حتى ماتصير بعض الخلافات على امور مالية ..
صحياً:عم تعاني ضيق تنفس وعدم راحة اثناء نوم حاول تخفف بعض المنبهات وتنقلات بهيك جو ..
#القوس ♐
مهنياً:شغل وصحة وشراكات بيومك .. ضغط بنهارك عم يولد سوء تفاهم وحساسيات ومواجهات وحاسس انك مو قادر تعمل شي ولا حدا عم يفهم عليك روق مابدي ياك تقلق وتسبب لحالك متاعب بهالوقت من الضهر اتصالات بتكتر وممكن عندك شغل او شراء لشيء والبعض عم يبحث موضوع شراكة طاقتك بترجعلك وبتحس حالك افضل ولقاء وشيء جديد وتطورات وموضوع عم ينحسم ومال هاليومين ..
عاطفياً ❤️ :لا تحسم شي وبعد عن القرارات المصيرية بهاليوم وحاول لا تعطي جواب نهائي تريث شوي .. لحظ مو معك بنهارك لهيك بدعيك تكون دقيق كتير بتفاصيل علاقتك وأنتبه من الحب لاستغلالي والمصلحة او سوء تفاهم .. لمسا ارتباط او شراكة عاطفية وتحسن بعلاقتك والبعض بدي منك تبعد عن علاقات مارح تجيب نتيجة ومضيعة للوقت وبلاخص لاشخاص الي بتحكي كتير ..
صحياً:أنتبه على صحتك وخفف كتير من المنبهات لانك معرض لوعكة صحية خفيفة ..
#الجدي ♑
مهنياً:نهارك افضل بس في ضغط شغل وترتيبات .. علاقات كتيرة بيومك وتطورات منيحة بس اصبر شوية وقت لتنجح وتوصل .. عم تقضي يوم اجتماعي وعلاقاتك ولقاءات افكار عم تاخدك وتجيبك وناطرك خبر منيح هالفترة .. بدي منك تنتبه لبعض شراكات ضعيفة او اشكالية بأمور مالية تأخير او سوء تفاهم وبحاجة للمال بعد دفع منيح وديون بدا تشغلك هاليومين .. خلص شغلك بكير لانك مضغوط ولازمك راحة لان عندك تنقلات كتيرة وشغل وامور مالية وصحية بتشغلك وبحاجة لحدا يوقف معك ..
عاطفياً ❤️ :يومك افضل بنهارك واجواء افضل وعلاقات حميمية ولتلاقي حلول وتتوضح قدامك بعض الامور .. في اوقات حلوة ناطرتك حاول تلاقي حلول سريعة الشريك عم يتعب من تصرفاتك وعم يحسك بعيد عنو .. لازم تنتبه له شي وتعطي من وقتك بلاخص المسا .. والمتزوج أنتبه لوضعك ومن علاقات تانية تأثر عليك ..
صحياً:تعب وارهاق وقلق ريح حالك وكلو الو حل وبعد عن الاجواء صاخبة وضجيج وحاج تفكير .
#الدلو ♒
مهنياً:سوء تفاهم بنهارك وبعد الضهر اجتماعي وعلاقات مميزة وتحسن تدريجي .. عم تواجه ببداية نهارك قصص عم تعبك وضغوط ممكن تستجد ممكن تكون ضمن مجال العائلي او شي بخص عقار او ممكن شي بخص ممتلكات والاوراق او من بعض زملاء .. امورك كتير بتتحسن في فرصة حلوة ناطرتك وممكن قصة عقار عم تشغلك وتحسن مالي وفي مال بيجيك وحلول لمشاكل كانت موجودة .. عندك ناس كتيرة وجديدة ولمة حلوة او عزيمة وعم تصرف كتير هدي ..
عاطفياً ❤️ :مو مرتاح وفي ركود وعم تحس بخيبة امل .. يمكن في غيرة او مشكلة مع الشريك حاول تتجنب هاشي بنهارك .. بس بعد الضهر اتصال طويلة او لقاء واجواء رومنسية مع شخص بتحبو وامورك افضل بكتير وتحسن عاطفي وممكن ارتباط للاعزب او عجاب مبدئي وحكي حلو بتسمع .. حتى ممكن في امور بدك تحط حد الها وتسوية لبعض القصص ..
صحياً:قلق عم ينتابك بهاليوم وحاسس حالك مرهق وممكن قصة صحية الك او لحدا مقرب.
#الحوت ♓
مهنياً:قصص عائلية وتواصل واتصالات مهمة وقصة سفر او تنقلات وناس بتساعدك وعم توظف جهودك ببعض لاعمال او دخول بشيء جديد عم تقنع برأيك وعم تستقطب ناس واذا بحاجة مساعدة اطلب قصص بيع وشراء وسفرة قصيرة ..من الضهر طاقتك ضعيفة وحاسس بخمول وفي قصة وامور طارئة ببيتك خلص شغلك بكير لتلاقي حل لاي مشكلة أو توتر بالعيلة وعندك شي بدك تعملو بالبيت او اثاث جديد للبعض وقصة اخ او اخت وجار بيشغلك ..
عاطفياً ❤️ :بتحس ماحد عم يريحك وممكن في قرار مصيري .. حاول تبقى قريب من الشريك لوضع مانو مريح وبحاجة لدعم انت عندك القدرة لتتجاوز هاشي وترتاح وتسيطر ع الوضع لحتى الامور ماتتأزم أكتر من هيك وتروح لطريق مسدود انت بالغنى عنو حاول تكون حذر من ناس حواليك وبعد عنن مشان ترتاح اكتر بعلاقتك .. والبعض في قصص عائلية عم تدخل بعلاقتك بدا هدوء ..
صحياً:توتر وقلق وارهاق من الجو المحيط خفف من تناول الاطعمة الي بدايقك …
