#أبراج__اليوم__الخميس 20_أيار__مايو__2021 🔮 🌙القمر ببرج العذراء ♍ ترابي كوكبه 🌍 عطارد….

 

حظگ_________اليوم

 

#الحمل ♈

مهنياً:القمر بالعذراء ماعم تهدا اليوم ناس واتصالات وشغل كتير .. بدي منك تبذل جهد مضاعف لترتب امورك منيح وتخلص الاعمال الضرورية حتى امورك المالية لازم تعيد حساباتك فيها وفرصة مهمة قريبة بشغلك او شغل جديد .. أنتبه على الامور العائلية وظبط وضعك وريح حالك من تعب هالفترة بحاجة لترتيب وتنظيم ورح ترتاح تنقل قصير و أتفاق .. عرض جديد وشغل وخطوة ايجابية بس بدك تتحمل وتنتبه على صحتك او من شي ضربة او حادث واعطال ..

عاطفياً ❤️ :هدي بوضعك بهاليوم وبدك تنتبه من معاملتك لان قدام مهمة بدا جهد عاطفي وشوية دبلوماسية وبلاخص اذا كان الشريك ماعم يستوعبك وماعم يكون متل مابدك .. حاول لا تكبر الموضوع وتمرق هاليوم على خير ورغم كلشي لازم تروق وتخفف من عصبيتك بلاخص اذا في لقاء او اتصال.. والبعض ممكن علاقة تتوضح مع زميل بشغل ..

صحياً:فيك تعمل شي جديد صحي حمية او نادي وروتين جديد وشفاء من مرض للبعض ..

 

#الثور ♉

مهنياً:القمر بالعذراء مال وتنقلات وعزائم والوضع افضل .. بتكون مدعوم من الفلك وبيتحسن وضعك تدريجي بتتخلص من بعض المشاكل وعم تنجح باعمال وعم تلاقي انفراج نوعي بوضعك بلاخص انو في اشخاص عم ترجع تحاكيك وناس جديدة وقصص مالية او مبلغ ممكن يجيك وفي دفع على شراء او صحة والاطفال واذا بدك تعمل شي بشكلك .. بتلاقي تحسن بقصص عائلية بتقضي وقت حلو واتصالات مهمة حاول اي صعوبة بهاليوم تتجاوزها وتبلش من جديد لا تخاف امورك في تحسن ودخل مالي افضل

عاطفياً ❤️ :تطورات ايجابية و فرصة حلوة وجذاب .. حاول تهتم بالشريك اكتر من اي شي تاني .. واذا ناطر عودة شريك قديم ممكن في فرصة ليصير هاشي او لتحسن الوضع بعلاقتك وصلحة وعم تهدي الوضع لانك مو حابب تكبر القصص وبلاخص المتزوج .. يوم داعم لمصالحات وارتباط حلو وشغف والبعض بدو فترة ليطلع من وضع متعب بلاخص اذا صار جفا .. بالمجمل يوم لتصحيح المسار واعجاب ..

صحياً:قصص بتخص انجاب وفكر تعمل شي جديد بيومك وتطلع من روتينك المتعب وتغير جو مع ناس بتحبا..

 

#الجوزاء ♊

مهنياً:القمر بالعذراء عم يكون في لمة حلوة واجواء من العلاقات والعائلة وحاول تستفيد من هاشي لصالحك وعم تشوف ناس الك فترة ماشفتا وعم تهتم لامور عائلية وقصص بالبيت وفيك تعمل تغيير ونقل وتجهيز وانتقال لمكان جديد وترتيبات ضمن البيت وتواصل مع اشخاص بعيدة ومن العيلة وحكي بموضوع مهم عائلي وانتبه للاعطال بالبيت وانتظر شي مالي هاليومين ..

عاطفياً ❤️ :الاعزب امورك افضل وممكن شي جديد هالفترة واتصالات وتواصل .. لا دخل الامور العاطفية بأمور أخرى من حقك يكون عندك قلق من تصرفات الشريك بس لازم تلاقي حلول مناسبة او توضح خياراتك اذا كنت ناوي تستمر علاقتك وتحافظ عليها بشكل صحيح وكتير لازم تخفف انفعال وعصبية ولا تكبر المواضيع وهدي حالك واي علاقة مارح تجيب نتيجة ريح راسك منها .. والبعض في شريك جاي ع البيت او فتح موضوع مع العائلة ..

صحياً:صداع وارهاق ولازم تنتبه ع صحة بشكل عام هاليومين ..

 

#السرطان ♋

مهنياً:القمر بالعذراء عم يعطيك طاقة ايجابية واتصالات اولقاء وحركة واخبار منيحة ودعم الك والبعض ممكن يزور مركز حكومي او قضائي واوراق بتشغلوا .. يوم في شغل في حركة وفي مردود مالي صح غير كافي لكن افضل من قبل وعندك شراء لشي وتنقل قريب وحكي بسفر وقصة بالبيت بتشغلك بالمجمل يوم داعم الك بمجالك بالاتصالات وسفر ودراسة والعقارات ومواقع تواصل الاجتماعي ..

عاطفياً ❤️ :تحسن عاطفي وفرصة لتكون مع شريك وتكون امورك نوعاً ما افضل من قبل حتى عم تفكر صح وعم تعبر عن عاطفتك بكل صراحة حضورك مميز وجذاب مابدي منك تخاف ع وضعك وخليك واثق بحالك .. ممكن صدفة حلوة تجمعك بشريك او صديق قديم وتتحسن امورك معو وعلاقة مع شخص مهم ..والبعص معاملات بتخص امور قضائية روق وهدي فيا ولا تقدم على اي خطوة مو محسوب حسابها .

صحياً:بسبب بعض الامور بشغلك او بالعاطفة عم تسبب تعب صحي الك ..

 

#الأسد ♌

مهنياً:القمر بالعذراء امور مالية وعلاقات رتب امورك وعيد حساباتك ومصاريف على شراء وفرصة قبض حاول تلاقي مورد تاني اوبشغلك الحالي بتوقع في فرصة قريبة حاول تستغلها منيح لتحسن وضعك المهني والمال .. بتشغلك قصة بالعيلة وناس الك زمان ماشفتا وشخص غالي عليك فرصة لتطلع وتغير جو وتزور اماكن جديدة وعزيمة وفي اصدقاء واوراق ومساعدة من صديق ..

عاطفياً ❤️ :جذاب بيومك وامورك افضل لتحسن وضعك العاطفي وتتخذ القرارات الجريئة ولازم تبادر مافي شي مستاهل لا تفكر بشي بلاخص المرتبط مابدي ياك تكبر القصة لانك عم ترجع لنفس المشاكل واستغل يومك لتقضي مع الشريك او مشوار حلو وعلاقات عم تطور عندك بهاليوم وعم تاخد منحى أخر ..

صحياً:في شوية تعب وارهاق وعم تجهد حالك وامور بتخص الجنس عند البعض ..

 

#العذراء ♍

مهنياً:القمر ببرجك شغل ومسؤوليات وحظ وطاقة و انطلاقة جديد وحلول لمشاكل معقدة ولعراقيل وضغوطات ..يوم مميز عم تقلب بعض الامور لصالحك بتلاقي حلول وبتعزيز وضعك بشكل عام وبلاخص الاجتماعي وشعبيتك اليوم غير .. استغل هاليوم لتبدا شي جديد واعمال جديدة وعم تتواصل مع شخصية مهمة بلاخص مع مدير او مسؤول بتستفاد من دعم اب او اخ في طاقة ايجابية ومشوار وعزيمة وتغيير بالبرستيج وشكل ..

عاطفياً ❤️ :جذاب والعين عليك واعجاب عم تلاقي من لكل .. عندك فرصة لترتبط او لتحسن علاقتك بشريك وثقة متبادلة .. اتصال او تتواصل مع حدا قديم او تتحسن العلاقة معو وممكن صدفة حلوة .. لا تخلي حدا يستغل حبك حط حد لكتير امور مو ناقصك وجع قلب .. المتزوج بدي منك تستغل دعم الفلك لتحسن علاقتك وبلا نقاشات مع شريك عنيد ولامور بتتحسن ..

صحياً:تعب وجهد عضلي وتشنجات ريح حالك وغير جو ونام منيح ..

 

#الميزان ♎

مهنياً:القمر بالعذراء يوم في مركز حكومي او امني ومؤسسة وشخاص بعيدة واتصال واوراق وشخص مهم .. انتبه للاندفاع بهاليوم لان ممكن يسبب سوء تفاهم وعم يكون في ركود وتأخير او تأجيل بقصة او اوراق وسفر وحتى عم تعاني نفاق من اشخاص .. في ركود مهني مالي وحاول تهدي ولا تقدم على اي شي مهم هدي انفعال وعصبية لانو في قصص عم تزعجك بهاليوم وقدامك فرصة وبعض تغيرات قريباً .. البعض عندو لقاء مهم او شخصية مهم او وضع حدا بخصك بيشغلك والازم تنتبه على صحتك كمان ..

عاطفياً ❤️ :مانك مرتاح ومبسوط وعم تعطي اهتمام لشريك وكانك ناطرو على شي في قلق وتوتر ونقاشات طويلة وعم تلوم بسبب بعض تصرفات مابدي هاشي يأثر على وضعك ويعرضك لتعب عاطفي مافي داعي الو كون دبلوماسي ولا تكبر القصة اكتر مو كبرانة .. حسبها منيح ولا تكون متقلب ومزاجي وطنش شوي وبنصحك تعطي فرصة جديدة لعلاقتك.. تغيرات عاطفية قريباً لصالحك وشخص بعيد واتصال مهم ..

صحياً:انتبه هاليومين بس وتغيرات منيحة رح تكون الك وبعيلتك ويمكن في طبيب او مشفى او عملية بتشغل البعض ..

 

#العقرب ♏

مهنياً:القمر بالعذراء اجواء حلوة لقاءات وعزيمة واصدقاء وأشخاص الك زمان ماشفتا .. بتزيد حالتك الاجتماعية وممكن عم تطلب مساعدة وأكيد في رفقات بحدك بساعدوك استغل هاليوم لتعمل تغييرات بنفسيتك وتتحرر شوي وممكن قصص مالية بين قبض ودفع واطفال عم يتعبوك .. خبر حلو وتطورات بتخص شغل والعيلة وتنقلات قصيرة يوم في سهرة وعزيمة واكل طيب ومناسبة وتحقيق امنية واذا بحاجة للمال فيك تطلب دين او سلفة او قرض ..

عاطفياً ❤️ :عم تعيش اجواء رومنسية وتفاهم نسبي وجاذبيتك وحضورك وسحرك عم تمارسوا على الكل وممكن علاقات صداقة عند البعض عم تتحول لحب واعجاب مبدئي .. استغل هاليوم لتكون منيح وجذاب والمتزوج بدي منك لا تخلي نقاشاتك تكتر لان ممكن قصة او نقار وشي يصير فجئة خليك حذر ولا تكبرا الامور وبلاخص اذا امور بتتعلق بالغيرة .. اتصال حميمي وتواصل في تسلية ومتعة .

صحياً:امورك افضل صحياً وتحسن نوعي بوضعك بعد تعب كبير والبعض في شي بخص امور جنسية او حساسية عم يعاني منها وعدم انتظام بدورة وبهرمونات الجسم ..

 

#القوس ♐

مهنياً:القمر بالعذراء عندك ضغوط بشغلك وقصة وظيفة بتشغلك ولازم تكون دبلوماسي وتحسم امورك مع زملاء العمل او بأي شراكة ومع حدا بالبيت عم تحضر الشي مهم اوراق او اختبارات ركز لتعرف كيف تكون جاهز لاي طارئ وتعرف تختار الانسب الك وانت معرض بهاليوم الي تغييرات او دخول بشيء جديد وممكن مشكلة مع زملاء او شخص مقرب روق لانك قادر تقلب كلشي لصالحك وفكر بعزيمة او سهرة ومناسبة وفيك تعمل شراكة كمان جديدة وشخص مهم او مشهور ..

عاطفياً ❤️ :شراكة جديدة وتواصل مع شخص مهم وعم تطور العلاقة والمتزوج والمرتبط بدك تروق وتهدي ولا تخلي العصبية والاستفزاز يأثرو على وضعك ولازم تعطي فرصة جديدة اذا بيستاهل .. حاول تروق بالوضع ولا تلتفت لبعض الكلام اي ممكن مايريحك بس بدنا نطول بالنا .. لا تتوقف عند شوية استفزازات وتحديات ولا تستعجل بحسم امورك ولا تخلي تاثيرات البعض تخليك ضيع بقراراتك او تتخذ قرار يتعبك اكتر .. الاعزب او المرتبط جديد امورك افضل وتتطورات واوقات حلوة ..

صحياً:مشاكل بالمعدة وبالجهاز الهضمي وتحسن تدريجي ان شاء الله .

 

#الجدي ♑

مهنياً:القمر بالعذراء يوم في شغل كتير وضغط عليك بس في مال .. بتشغلك امور البيت او عقار والتزامات وبتتخلص من ضغوط ومشاكل الها فترة مرافقتك تغييرات جديدة ناطر شي من بعيد او اتصال وناس غريبة وجديدة ويمكن خبر بخص شغل او لتبدء شي جديد .. عم تنجز اعمالك بشكل منيح فرصة هاليومين لتحصل على مال أو حوالة .. بس انتبه من الحوادث والاعطال وع موبايلك ومشاكل المواصلات واوراق لازم تخلصها ..

عاطفياً ❤️ :أعجاب وتواصل وقديم ع البال امورك افضل بعد ركود وملل وضجر كان موجود .. رغم المعاملة والمزاجية الا انك عم توجد الافكار ولاقتراحات والحلول وهاشي له تأثير ايجابي وبخلي الوضع يمشي نحو تحسن ملحوظ بعد فترة كتير عانيت منها وشريك ماكان عم يفهم عليك بتلاقي حلول وتفاهم استغل يومك لتتقرب من شريك وتقضي وقت حلو بين اتصال او لقاء .. والبعض عم يدخل بعلاقات اخرى وشخص بعيد وعم تقضي وقت على الانترنت طويل ..

صحياً:غير جو واعمل زيارات وسهرة وعزيمة مع حدا بتحبو .. والبعض عم يعمل تغييرات بشكل او عملية ..

 

#الدلو ♒

مهنياً:القمر بالعذراء تحسن بيومك وحسم لقصة تعبتك وخبر منيح والحظ بساعدك لتتخلص من بعض ضغوط .. يوم عم يدور بأمور مالية قبض ودفع او حل يرضيك بدي منك كمان ضب ايدك على مصاريفك وبلاخص انو في دفع على امور لازم تستعجل فيا .. البعض في قصة دين بتشغلو او مطالبة وتسديد التزامات وفواتير بالمجمل يوم للمال وقصص بدا تدفع وعم تشغلك هاليومين واوراق وعقود والاطفال .

عاطفياً ❤️ :حاول تحافظ على كلامك ولا تتسرع وعبر عن مشاعرك لتلاقي حل له الوضع .. انت بحاجة لمبادرة وتنازل لتحل اي توتر او سوء تفاهم استغل اي لقاء واتصال ليكون يومك حلو وفي مصالحات واشخاص جديدة .. الاعزب شريك جديد او صدفة تبلش او أعجاب واتصالات طويلة ويمكن تجهز للقاء ..

صحياً:لا تجهد حالك وانتبه من الجو ومن تناول طعام متأخراً وعم تحس بخمول وتعب واعصاب عم تأثر ع الراس والعين ..

 

#الحوت ♓

مهنياً:القمر بالعذراء شراكات وقصص بالبيت وانتبه على صحتك من العصبية لا تتسرع واحسب حساب لكلامك ولردة فعلك واهتم بمصالحك .. أبتعد عن نقاشات طويلة والي مامنها نتيجة لان ممكن توصلك المواجهات او مشكلة اضبط اعصابك وكون هادي وطنش الكل وبلاخص مع شركاء سواء عاطفي او مهني وزملاء العمل .. يوم ممكن البعض يتم شراكة او اتفاق وحكي بقصص مالية او ناطر شي مالي او اذا مضيع شي او فاقد شي ..

عاطفياً ❤️ :المتزوج والمرتبط انتبه لوضعك والاعزب افضل .. يوم متقلب وامورك بدها شوية رواق لتحسن الوضع وتوصل للاستقرار بعلاقتك كون بعيد عن الكل بهاليوم لان البعض ممكن يأثر على علاقتك او بمشروع عاطفي وانتبه من حساسية .. الاعزب او المرتبط جديد يوم حلو ومفاجئات وعم يكون في اتصالات واجواء حلوة او تفكير بارتباط وبلاخص الي ماعندو شريك .

صحياً:تحسن صحي والبعض خفف تناول طعام بوقت متاخر ولاتعصب ها ..