ابراج__اليوم__الأحد__23_مايو__أيار__2021 🔮 🌙 🌛 القمر بكمل بالميزان♎ والمسا بينتقل لبرج العقرب♏المائي🌊 ..

#الحمل ♈
مهنياً:عندك شغل والتزامات مانك مرتاح والمسا مال ومصاريف ع البيت او سيارة ونقل .. يوم متقلب في شوية تحسن حاول تتجنب الامور المهمة لان في تاخير وتاجيل وقصة طارئة انتبه من نقد ولوم او تخسر علاقة او مال .. بتشغلك قصة بالعيلة او وضع حدا والموضوع بحاجة لنقاش وتسويات .. تحسن بأمورك المسا في مال ومصاريف ومبادرة وعرض وقصة بتخص موارد مالية او ميراث واذا بدك مساعدة لا تتردد ..
عاطفياً ❤️ :شراكات بيوم ولازم تهدي مع الشريك ولا تكبر .. في قلق وقصة عم تعبك وبتحس شريك عم يجامل ليمرق بعض الامور هاشي كتير بيزعجك حاول تضبط اعصابك ولا تتسرع حتى ماتنهي علاقتك أوتتخذ قرار مو مناسب يسبب جفا او مشكلة حاول تحافظ على علاقتك وتعرف كيف تتعامل بهاليوم وتفكر بالحلول افتح صفحة جديدة وغض نظر عن بعض سلبيات .. لاعزب امورك افضل وعلاقات عم تتحول ولقاء مع شريك او شخص قادم والبعض قصة بتخص الشريك عم تشغلك ..
صحياً:العصبية ممكن تأثر عليك نفسياً وصحياً خفف عن حالك وانتبه لصحتك وصحة حدا بخصك وانت لا تعب حالك اليوم في جهد ..

#الثور ♉
مهنياً:بنهارك عندك شغل ومال وصحة والمسا شراكة ..
عندك قصص كتيرة عم تشغلك ضمن شغلك وبالبيت ومضغوط وبدك لتخلص حاول تنظم امورك وتبلش بالمهم وعيد حساباتك من جديد وانتبه على مصاريفك المالية .. كمان انتبه على صحتك ولا تكبر الامور بلاخص ناس ناطرتك ع غلطة لهيك لا تنفعل وهدي بعلاقاتك .. المسا امورك بتتحسن وخبر بريحك وقصة شراكة فيا حكي وجمعيات وشي مالي ..
عاطفياً ❤️ :مرق هاليوم على خير شكلك مو مرتاح بنهارك مدايق وفي توتر بوضع علاقتك وبشراكاتك العاطفية وانت كتير بحاجة لحدا يسندك ويوقف معك خفف شكوك وعصبية ومو عاجبك شي ومن اي شي عم تعمل مشكلة ولا دخل المال بالعاطفة ليوم بلاخص اذا بدك تطلب المسا حلول ومصالحات وشراكة عاطفية جديدة واتصالات وتواصل واهتمام من شخص من المسا لامور بتتحسن ..
صحياً:انتبه على صحتك او صحة حدا بالعيلة ومارس رياضة وفكر كيف ترتاح نفسياً ..

#الجوزاء ♊
مهنياً:تغيرات ايجابية بنهارك لهيك خلص شغلك المسا مضغوط ..يومك منيح نسبياً في مال وطاقة واشخاص بتدعمك وبتوقف لجانبك عندك الكاريزمة الحلوة وبتقدر تقنع لان في قصص بتشغلك واوقات حلوة وتواصل بخصوص شغل اما عرض او خبر منيح .. المسا أنتبه على الامور المالية وبالبيت وخليك واثق بحالك لتكون مقنع وأنتبه على صحتك او صحة حدا بعيلتك او لتعمل تغيير على صعيد صحي وفي اعباء والتزامات جديدة ..
عاطفياً ❤️ :يوم ايجابي واخبار منيحة وطاقة عاطفية واندفاع وبدك تحكي وتصارح حاول تستغل يومك لتعيش اوقات حلوة .. اعطي فرصة لشريك اذا بيستاهل وكمان بدك تكون دبلوماسي بنفس الوقت لتقدر تسيطر على توترات الاخيرة استغل نهارك لتكون امورك افضل بلاخص الي علاقتو متوترة بهالفترة ..
صحياً:أنتبه من كريب وشوية تعب وارهاق نشالله بترتاح ..

#السرطان ♋
مهنياً:قصص بالبيت بنهارك ومن المسا تغيرات أيجابية وتواصل وانفتاح .. بتشغلك امور عائلية بحاجة لتحل مشاكلك ضمن بيتك ومع أهلك وبعلاقاتك لانك عم تتحمل اعباء ومسؤوليات لحالك وماحدا حاسس فيك كمان البعض بتشغلوا قصة عقار وشوية تعديلات بالبيت او نقل سكن .. المسا تحسن وثقة وطاقة واتصالات وناس وبتحل مشكلة عندك المهم تكون دبلوماسي بردود افعالك وقصة اطفال بتشغلك ومال بيجيك ببلش يتحسن ..
عاطفياً ❤️ :بدك تروق بفترة لنهار بلاخص اذا عم تعاني توتر بالوضع وشوية كركبة بحاجة لراحة ولاستقرار وماعم تتمنى تشوف حدا لا تخلي تردد يسيطر عليك وركز منيح بقراراتك
.. المسا الاجواء بتكون افضل لمصالحات وتواصل مع شريك بعد جفا او زعل وحب وخبر حلو واتصالات وتواصل افضل ..
صحياً:ريح راسك ولاتفكر وبعد عن مشاكل البيت وشغل لترتاح صحياً ..

#الأسد ♌
مهنياً:استغل نهارك الحظ داعم والمسا امور عائلية ..
يومك جيد بعلاقات واتصالات وسفر قصير او مشوار وممكن تزور حدا مقرب وتشوف ناس الك فترة ماشفتا قصص عقارية بيومك ومجال جديد او تتعلم شي .. المسا قصص عائلية بتشغلك وممكن البعض عندو نقل سكن وتصليحات بالبيت ووضع بخص حدا من اهلك حاول تكون هادي وفي شغل ضمن بيتك او عزيمة ..
عاطفياً ❤️ :لقاء واتصال والاجواء بنهارك افضل .. استغل الاوقات الحلوة بعلاقتك وتعزز فرص نجاح كون دبلوماسي وخفف عصبيتك ومزاجيتك بحاجة علاقتك لشفافية وثقة وتستعيد نشاطك العاطفي وتبادر الشريك بمشاعرك واحاسيسك ممكن كمان تكون بحاجة لتبرر مواقفك .. فرصة المسا لتقدر تتفاهم معو وممكن اتصالات جديدة وسهرة وفي غيرة هدي فيها وبلا مشاكل او دخل قصص العائلية بعلاقتك ..
صحياً:المسا انتبه على صحتك صداع بتعاني منو وارتخاء بالمفاصل ريح حالك ونام منيح .. والبعض بيشفى من مرض ..

#العذراء ♍
مهنياً:مال بنهارك وتدريجي الوضع بينقلب لصالحك ..
قصص مالية شاغلتك وممكن تحصل على مال عندك نوع من راحة بلاخص عم ترجع تسيطر ع الامور المالية بس بعدا غير كافية لانك صرفت كتير بالفترة الاخيرة يوم في بيع وشراء ومدخول .. المسا لقاء او اتصالات مهمة وبتجهز لاختبارات وتنقلات وقصص عقارية وبتجهز حالك لسفر قصير او حدا مسافر استغل يومك بالعلاقات وضب ايدك مالياً .. والبعض في خبر حلو عندو هاليومين ..
عاطفياً ❤️ :حاول قد مافيك تروق بعلاقتك مع الشريك بلاخص في شكوك ومانك رايق حافظ على تصرفاتك وكلامك مو ناقصك هم ومشاكل يومك مقبول حاول تتنازل شوي وانتبه لبعض ناس من حولك .. المسا الاجواء افضل بحلول ولقاءات واتصالات طويلة وتواصل بيكبر ..
صحياً:انتبه من صداع ودوار وفقدان لتوازن او مشكلة بلأذن الوسطى وتجنب قيادة سيارة ومراجعة لطبيب عند البعض ..

#الميزان ♎
مهنياً:بنهارك أفضل والمسا مال يومك داعم بالحلول والعلاقات واوقات حلوة وعزائم بس خلص المهم بنهارك طاقتك جيدة وخبر ايجابي وتواصل .. المسا بتعيد حسابات المالية وبتشوف شو الك وشو عليك وفي مبلغ مالي ونقاشات عم دور بقصص مالية وضب ايدك على مصاريفك المسا بلاخص ع البيت ..
عاطفياً ❤️ :استغل الاوقات الحلوة الي عم تقضيا مع الشريك بتواصل او اتصال ولا تعكر مزاجك بشي مو مستاهل وحاول تتقرب اكتر خبر وتحسن بعد توتر استغل طاقتك العاطفية لترتاح وتحل مشاكلك ممكن يوم في مصالحات وعودة بعد زعل والبعض انتظر اتصال ومفاجئة حلوة ..
صحياً:حافظ على اكلك عم تعاني مشاكل بالمعدة وحموضة بالفم وخفف منبهات ..

#العقرب ♏
مهنياً:عندك قلق بنهارك رغم كلشي عم تعمل بس مو مرتاح وقاعد عم تنفخ يمين وشمال وفي بعض الامور ماعم تكمل معك هدي لانك بحاجة لترتاح من هالكركبة او من تأخير الي عم يصير وشوية قصص بالبيت عم تشغلك او مالية .. تدريجي انفراج وطاقة واتصالات ونقاشات ايجابية وبتسمع خبر منيح وبتبلش تلاقي حل لقصة معقدة وعلاقات جديدة واجواء افضل ..
عاطفياً ❤️ :عندك لقاء او اتصال مهم وفكر كيف تريح حالك .. لازم تكون دقيق بمعاملتك وتنتبه لكلامك وتصرفاتك شريك متعبك ويمكن نظرتوا وقناعتوا ماعم تعجبك وبتحس عم يتهرب منك حاول تكون اكتر واقعية اذا بدك علاقتك تستمر وتستقر اعطي فرصة .. تدريجي خلال يومك بتتصلح الامور الفلك بيدعمك بمصالحات وحب جديد وارتباط وحميمية بيومك وحاول تحسم امورك بسرعة بموضوع عاطفي او شخص ما ولا تتردد ..
صحياً:بتعاني شوية اضطرابات بالجهاز الهضمي ومشاكل اثناء نوم والبعض في طبيب بيومك ..

#القوس ♐
مهنياً:بنهارك افضل والمسا في تأجيل وعرقلة ..
علاقات وناس كتير وعندك قصة بدا حلى وممكن البعض يزور مركز حكومي واوراق ناطرها .. في علاقات وعزائم واشخاص حواليك برغم البطئ بتسيطر على بعض الامور بشغلك وبعيلتك عندك شغل ومجهود ومساعدة كمان .. المسا حاول لا تتفرد بقراراتك او تتجاوز المسؤولين عنك بشغلك او ببيتك وأنتبه لعلاقاتك حتى ما تخسر شخص غالي عليك ..
عاطفياً ❤️ :نهارك افضل لتعزز علاقتك وتروق الوضع عندك كاريزمة عاطفية ومشاعر حميمية واعجاب لا تحسم امورك وناقش وخود وقتك .. ركز واعطي الشريك اهتمامك ومافي داعي حدا يدخل بوضعك ويأثر ع قرارك … لا تفكر كتير لو صار تأجيل لامور قريباً افضل حافظ على مستوى نقاش ولا تكبر الامور ارسم اهدافك من جديد ولا ضيع بين الخيارات المتعددة ..
صحياً:تجنب المقالي والاكل الي في دسم مشاكل بالمعدة والبلعوم ..

#الجدي ♑
مهنياً:شغل والتزامات وعلاقات واصدقات واجواء حلوة تدريجي .. تواصل وعلاقات حلوة ومميزة بس هدي مع بعض المسؤولين عنك ان كان بالبيت او بشغل ومال ممكن او اتفاق مبدئي .. شوية ضغوط بالعيلة وهدي بلا مشاكل مع أب او اخ ومالية بالبيت انتبه للحكي بضهرك ومن امور قانونية أو أدارية .. لمسا بتكتر العلاقات واجواء اجتماعية وناس بتحبا وسهرة وحلول لقصة تعبتك ..
عاطفياً ❤️ :لازم تحسم خياراتك ولا تتردد .. خفف عناد وتجنب نقاشات والمواجهات بيومك حاول توضح وجهة نظرك ولا تتسرع حتى ماتدخل بجو عزلة ووحدة ولا تصعد بنقاشاتك وروق الاجواء بدا دبلوماسية لتكمل معك اليوم وترتاح .. تدريجي بتتغير الامور لصالحك وفي اهتمام والوضع بروح للاستقرار بلاخص هاليوم لعلاقات مميزة واجواء فيها شغف ومشاعر عاطفية وحميمية عم تزيد ..
صحياً:انتبه على صحتك في جهد وتعب ومشاكل بالبطن والبعض حساسية عندو ..

#الدلو ♒
مهنياً:بنهارك افضل ومن المسا بدك تنتبه شوي .. علاقات الاجتماعية وعم تتواصل مع ناس كتار واتصالات وحكي بشغل ومال وعزائم .. علاقات مهمة وفرصة لتكسب مال او ناطر مال او حوالة .. حاول تساير لتوصل وتنجح ولا تتسرع تغيرات بوضعك قريبة وتواصل بيرجع اتصال مهم وتنقل بيومك وفرصة سفر واوراق .. المسا في قصة بتخص شغلك واجتماعي بتكون وأنتبه على سمعتك وشعبيتك وقصص مالية بتشغلك وشخص مهم ..
عاطفياً ❤️ :عندك جاذبية وقدرة على تواصل وتشوف ناس مهمة او تواصل بشخص معروف اجتماعياً .. خيارات عاطفية أحسم امورك وأختار صح تسويات عاطفية وتغيرات أيجابية حافظ على امورك العاطفية لتحقق المكاسب حتى لو كان في شوي تنازلات بحل الخلافات والمشاكل المهم يكون في تفاهم ودبلوماسية .
صحياً:التهابات جلدية بتعبك ولازم تابع امورك لترتاح ..

#الحوت ♓
مهنياً:بنهارك في مال والمسا لامور بتتغير وبتكون افضل .. مشغول بأكتر من قصة ومالك نفس ع ناس والاخبار من صبح ومابتحس حالك عم تتجاوب بلامور المالية والعائلية .. في دفع على حاجيات او اذا عندك اقساط او ديون ومصاريف بالبيت وعلى عقار او نقل .. تدريجي المسا وضعك بكون افضل في خبر او عم تحكي بموضوع سفر واتصالات من مكان بعيد او لقاء سهرة حلوة ولقاء واجواء منيحة ويمكن ناطر حدا قادم من سفر ..
عاطفياً ❤️ :المتزوج حاول تغير روتين حياتك مانك مرتاح بنهارك في برود وردة فعل مو منيحة بوضعك حاول تعطي اهتمام وهدي حالك وتقارب واعمل مصالحة المسا امورك افضل جذاب والعين عليك بتحسن علاقتك بشريك وحب جديد ممكن اتصال طويل ورومنسي وتواصل عبر الانترنت او اتصال من شخص بعيد .. بشكل عام الاعزب والمرتبط الامور افضل واوقات حلوة ..
صحياً:وعكة خفيفة بالبيت ونشالله امورك بتكون منيحة ..