#ابراج__اليوم__الجمعه _28__مايو__أيار__2021 🔮 🌙 القمر في برج القوس ♐ الناري🔥🔥 كوكبه🌍 المشتري..

حظگ___________اليوم

#الحمل ♈

مهنياً:القمر بالقوس علاقات ومساعدة وتنقلات واجواء افضل .. الحظ بحالفك طاقة ايجابية وفترة بتكتر فيها الاتصالات وفي منافسة وتواصل ولقاءات بقصد شغل او لقاءات عائلة واجواء حلوة بيومك فرصة كمان لتتعرف ع ناس جديدة وسفر للبعض وامور عقارية بتشغلك ويوم بيحملك عرض حلو او مساعدة اذا بحاجة ولازم تلحق شغلك ويمكن تزور مركز امني او شي حكومي وقصة أخ او حدا من اهلك وشخص غالي ..

عاطفياً ❤️ :وضعك افضل والحظ بساعدك لتتجاوز بعض المشاكل يومك بكون حلو وفي اوقات مميزة عم تقضيا بتكون العين عليك وساحر بتملك قلب الشريك وبتحاول تتفادى المشاكل وسوء تفاهم .. عم تفكر بلقاء او اتصال بشخص والاعزب امورك افضل لتلاقي اعجاب بهاليوم بعض المتزوجين الوضع مو مريحك أنتبه لخطواتك القادمة ولا تتسرع بشي .

صحياً:صداع وارتخاء بالمفاصل وكريب عند البعض ..

 

#الثور ♉

مهنياً:القمر بالقوس تنقلات واجواء حلوة وامور ادارية ومعاملات ودفع وقبض .. عندك تعب بتبلش تطلع منو تدريجي وبتتحسن الامور المهنية وبلاخص المالية .. شغل جديد وعرض وركز ع المال بيجيك مال اليوم وممكن في دفع كمان وفي حركة اوراق ومعاملات وامور قضائية وقانونية عم تتأجل وحلول لمشاكل عندك لمهم تستغل الفرص هاليومين .. في نقاشات ومصالحات واتصالات بتخص المال.

عاطفياً ❤️ :في احساس بالوحدة والعزلة والحب متعبك بدل مايريحك وماحدا بيستاهلك حاول تكون بعيد عن القرارات المهمة بأمورك العاطفية ولا تحسم شي مو ناقصك مشاكل ونقاشات بلا طعمة يوم وبيمرق والامور رح تتحسن المهم تخلي حدود بينك وبين اي شخص مهما كان ..

صحياً:لا تتصرف بأمور صحية من راسك وبلاخص بلادوية والبعض مشاكل بالمعدة انتبه لاكلك ..

 

#الجوزاء ♊

مهنياً:القمر بالقوس شغل وشراكة عاطفية او مهنية .. في انفعال وعصبية وناس عم تعبك حاول تكون ذكي وتتعامل صح وبلا مشاكل مع حدا او تدخل بمواجهات في قصة بشغلك وبيتك ويمكن بعض شراكات عم تعبك وعم تخليك قلق .. كلو ممكن يمر بسهولة اذا عرفت تتعامل منيح وتكون هادي ..ممكن اتفاق عمل او شراكة ونقاش مع شخص مهم واجواء اجتماعية حلوة ..

عاطفياً ❤️ :المرتبط خفف من عصبيتك ومزاجيتك لانك مو متحمل كلمة حتى افكارك عم تكون سلبية وفي شكوك عم تكبر وكلو بأثر على شراكتك العاطفية كون دبلوماسي وتقرب اكتر ولاقي الاسباب لهذا تغيير الي صار بوضعك هدي حالك وروق وكلو بيتصلح والبعض بيدخل شراكة عاطفية جديدة وارتباط .

صحياً:البعض بعاني من مشاكل سكري والجنس ونفسياً في قلق ..

 

#السرطان ♋

مهنياً:القمر بالقوس بعدك مو مرتاح اليوم ومسؤوليات وضغوط ببيتك وشغلك عم تزيد وماعم تلاقي مين يقدر عم تتحمل فوق طاقتك وقصة عم تشغلك ضمن شغلك ووضع عندك بالبيت هاشي عم يخليك محتار حاول تنظم امورك وخلص المطلوب منك .. البعض عندو شغل جديد وحلول ضمن شغلوا او بلاوراق ويمكن ناطر سفر واتصال مهم هالفترة المسا الاجواء أفضل ..

عاطفياً ❤️ :المرتبط هدي بوضعك والاعزب يمكن شخص من ضمن شغلك او دراستك .. حكي كتير ونقاشات وعم تاخد طابع الحدة ويمكن ماعم توصل لنتيجة افصل بين حبك وشغلك والامور العائلية أبتعد عن تملك وسيطرة وكون قريب من شريك وقضي وقت معو فكر بجدية اكتر وتبادل الامور المشتركة بحوار هادئ بعيد عن الاستفزاز والعناد هاشي كتير رح يساعدك لتلاقي حلول لوضعك ..

صحياً:انتبه من كريب بشكل عام امورك صحية افضل اليوم في حال تجنبت العدوى ..

 

#الأسد ♌

مهنياً:القمر بالقوس الحظ داعم الك وبخفف عنك ضغوط وبيعطك طاقة لتبادر وتبلش بأي شي جديد ..في خبر حلو الك وممكن مفاجئة خليك متفائل يومك حلو في مال ممكن يجيك وبتطلع بتغير جو بمشوار او سفرة قصيرة وعزيمة وقصة اطفال بتشغل البعض .. خلص امورك المهمة اليوم حتى ماتتراكم عليك اعمالك وماتعود تلحق وانتبه شوي ع صحتك ..

عاطفياً ❤️ :عاطفة وحب وارتباط .. جذاب والعين عليك مصالحات ومفاجئة الك لقاء واتصالات ممتعة ورومنسية بتزيد حتى فرصة لترجع تتواصل مع شريك قديم او صدفة بتجمعك بشخص أخر .. بعض المتزوجين خفف نقد لتصرفات الشريك لان هاشي بوتر الوضع سهرة حلوة حاول تستغل الجو لصالحك والبعض احسم امورك ..

صحياً: مشاكل هضمية وتفخة وعم يكون في مشكلة بمنطقة البطن ..

 

#العذراء ♍

مهنياً:القمر بالقوس يوم للعائلة والمنزل بدك تروق وتعرف تتعامل مع الكل رغم انك مدايق وأخلاقك ديقة عندك شغل كتير وقصص مابتعرف من وين بتطلعلك حاول تلاقي حلول ولا تكبر القصص بلاخص ببيتك او مع حدا من اهلك او ضمن شغلك .. قصة عقار شراء او بيع وتصليح وتجهيز .. اتصالات ولقاءات عائلية وضع حدا من اهلك بيشغلك ومن المسا انت افضل وتطورات جديدة ..

عاطفياً ❤️ :استغل الفرص المتاحة لتحسم امورك وتحسب حساب لكلشي وتوصل لأتفاق وتسوية هاشي كلو بحاجة لصبر وعقلانية عم تعاني بعض تصرفات الي ماعم تعجبك روق هاليوم وحاول تلاقي حلول. بحاجة للحسم اذا في ارتباط او محتار بقصة عاطفية ..

صحياً:بحاجة لنوم وراحة وهدي من عصبيتك في شوية قلق وصداع عم تعاني منو ..

 

#الميزان ♎

مهنياً:القمر بالقوس طاقة واجواء اجتماعية وعزائم واتصالات مهمة وفي حركة للاوراق بيومك وحلول ضمن البيت وبشغلك .. تنقلات او سفر قصير ومشوار بتنال اعجاب الكل وبتساعد كمان ويمكن قصة تصليحات سيارة او موبايل .. فكر منيح بيومك لتحل مشاكل كبيرة ولتطلع من جوك المتعب ورتب امورك وحافظ على صحتك ومصالحة بيومك ..

عاطفياً ❤️ :بتتحسن امورك والقادم افضل ..المرتبط فكر منيح بوضعك لانك مشوش مابدي نفسيتك تأثر على علاقتك بلاخص طبع المزاجية حاول لا طنش الوضع ولا تروح بتفكيرك لمكان بعيد امورك بحاجة لتتقرب وتحسن علاقتك مع الشريك.. عندك مواعيد واتصالات حلوة وطويلة في ارتباط وحب رح يبلش يكبر حاول كتير تتريث ولا تتسرع بأتخاذ قرارك بلاخص اذا القديم ع البال ..

صحياً:بتحس ضغط بصدرك ومشاكل قلب عند البعض ..

 

#العقرب ♏

مهنياً:القمر بالقوس تنقلات وممكن قصة سفر واتصال وفي مال بيومك .. في قصص فيا تأجيل وتأخير بس ماليا في عروض ومساعدات اذا بدك والمال سبب لمشاكل عندك او عدم توفر الحلول الكافية وممكن تشتري شي او تغير شي ..مقيد وطاقتك ضعيفة وبتحل قصة ومساعدة اذا بدك وقصة حدا بالعيلة بتشغلك .. بيشغلك المال بهاليوم يمكن قصة دين او سلفة او اذا بدك قرض ضب ايدك على مصاريفك ..

عاطفياً ❤️ :يوم بيحملك نقاشات ومواضيع جديدة بتسمع اخبار او ممكن تتحسن امور الاتصالات لمهم مابدي منك تنفعل من اي شي او تعصب بلا سبب بلاخص المرتبطين ولا تجاكر شريكك كون قنوع ولا تفتح مواضيع مو وقتها هلق ولا بتقدم ولا بتأخر .. نقاشات كتيرة مع الجنس الاخر علاقات جديدة او شخص قديم عبر صدفة .

صحياً:مشاكل صدرية حاول تخفف تدخين بشكل عام صحياً امورك افضل..

 

#القوس ♐

مهنياً:القمر ببرجك بتكون مندفع وعندك نظرة للامور بتكسب الكل وبتقنع برأيك وبتلاقي حلول لمشاكل شغليتك لترتاح منا كتير مهم انك تستغل المواقف والفرص لتثبت جدارتك وتكسب ثقة المسؤولين وتعيش اجواء حلوة بالعيلة وداعم يومك بقصص الشراكة .. كمان بتحصل على مبلغ مالي وعزيمة واذا مفكر بمشوار او سفر لمكان قريب الحظ بساعدك وبتعمل تغييرات شخصية واهتمامات شكلية وعلاقات ..

عاطفياً ❤️ :جذاب وحليان والوضع افضل بهاليوم وفي هدوء .. اتصال او ممكن لقاء مفاجئ وتواصل عم يرجع او حب قديم حتى الاعزب عندك الجاذبية لتكسب قلب شخص ويصير ارتباط او علاقة عبر مواقع تواصل او بشغلك عم تتطور ..الماضي ع البال وغالي بتشوفوا وحكي عائلي بموضوع عاطفي ..

صحياً:بتعاني صداع وشوية تعب بتتحسن امورك المسا ..

 

#الجدي ♑

مهنياً:القمر بالقوس علاقات وشغل ولقاءات مهمة ولا تتأخر بشغلك .. فايق بكير وعندك التزامات وشغل بدك تخلصو .. مابدي ياك تفقد الامل وتفكر كتير واترك كلشي لوقتو عم يزيد صرفك المالي وبتحس بالجمود رغم بيجيك مال بس بتحس بروح بدون ماتحس في والبعض في تأجيل بخص قصة ما او مالية .. اتفاق وتنقلات او سفر قصير وعزيمة واجواء حلوة حاول تستغل هاشي وريح حالك المسا لان تحسن رح يبلش ومال رح يجيك ..

عاطفياً ❤️ :المرتبط مانك مرتاح ولاهتمام بلا نفس حاول تهتم بشريك وتكون حدو وساعدو اذا بحاجة لمساعدة وتعمل تقارب وانسجام لتلاقي حل للوضع بدي منك تركز ولا تتسرع بقراراتك او تكون عنيد شوية هدوء والامور بخير تدريجي ..الأعزب بحاجة لشخص يفهمك وتفهمو ويريحك نفسياً ويعطيك الاهتمام وبلاخص انك عنيد وصعب .. البعض بيتواصل مع شريك قديم واتصالات طويلة .

صحياً:مشاكل العضلات لا تعب حالك ونام منيح وانتبه من تأثيرات بعض الادوية ..

 

#الدلو ♒

مهنياً:القمر بالقوس تحسن بيومك علاقات واصدقاء وناس غاليين عليك في عزائم وحلول مبدئية لبعض الامور تطورات على صعيد العائلي وشغل برغم في عراقيل بس بتتجاوزها يومك بحاجة للمال وترتيب لبيتك المالي بعرف كتير الامور المالية متعبتك وممكن بدك تطلب مال بقصد شغل او تمويل او بيع وشراء او حقوق .. فرصة لتلتقي بشخص غريب او غالي بس نتبه من كلامك المتسرع يوم للاجواء الحلوة والعزائم والمال وعم تقضي وقت مع الأطفال ..

عاطفياً ❤️ :تطور بلاحداث ويمكن في اتفاق او موعد جاذبيتك موجودة وساحر بحضورك وعم تأثر على الشريك وفي تجاوب نسبي بينك وبينو ونقاشات ودبلوماسية .. البعض عندو لقاء أواتصال طويل وعاطفي .. حاول تبتعد عن الازدواجية والحسم بما يخص مشاكلك مع الشريك او تتسرع بعلاقات اخرى .

صحياً:ماعم تقاوم بعض الاطعمة مشاكل هضمية او سبب تنوع بلاطعمة

 

#الحوت ♓

مهنياً:القمر بالقوس شغل وشعبية وبحاجة تنتبه من علاقاتك المزعجة ومرق هاليوم بس .. سمعة وشهرة وعندك شي مهم واختبارات حاول تهدي ولا تنفعل وتدخل بمواجهات بالبيت وضمن شغلك ومع المسؤولين فكر منيح ولا تخلي حدا يأثر او يشوش على قراراتك خلص شغلك ونفذ المطلوب ولامور رح تتحسن لا تخاف .. فرصة لشغل جديد او لتحسن وضع تدريجي وممكن تشوف او تتصل مع حدا مهم .. وجهز حالك لسهرة حلوة وعزيمة وزيارات ..

عاطفياً ❤️ :حلول وتحسن بوضعك استغل هاليوم والفرص المتاحة لتطور علاقات وتلاقي حل بتلاقي تحسن نسبي عم تستعيد النقاط المشتركة وعم تعطي وقت لشريك ومطلوب منك تختار وتحدد خياراتك المستقبلية بعلاقتك ولا تخلي الضبابية تأثر عليك ..

صحياً:بتعاني مشاكل المعدة وبتحس حموضة زايدة وبلاخص بالفم ..