ابراج__اليوم__الخميس__3__حزيران__يونيو_2021 🔮 🌙 🌛 القمر عم يستمر ببرج الحوت☯️ المائي🌊 كوكبه🌍 نبتون المسا بالحمل♈🔥🔥 .

#الحمل ♈
مهنياً:العشرية الاولى تغيرات شخصية وراحة والثانية وثالثة علاقات اجتماعي ومركز حكومي او طبيب بيوم .. يوم وبمر وتحسن كبير من المسا .. بعدا الامور واقفة وانت مشغول بكذا قصة وبتحس انو مافي شي عم يكمل للأخر لهيك لا تعمل شي مهم .. ضغط ومسؤوليات وناس مصالح وفي فرصة عمل او فكرة سفر بس انت مالك نفس تعمل شي لهيك لا تتسرع ولا تعصب .. رح تلاقي تحسن منيح وانفراج وحلول أن شاء لله وتغيرات قادمة من المسا بتبلش بوضعك وعلاقات وعزائم واتصال مهم ..
عاطفياً ❤️ :لا تتردد وكون جريئ وتصرف صح لتقدر تستمر وكون بعيد عن اي توتر عم تعاني تصرفات الشريك وحكي وعم يكون في توتر وعصبية حاول لا توثق بمين ماكان وغض نظر عن بعض الامور .. كون بعيد عن المشاكل المعقدة الي عم تصير معك وروق هاليوم لترتاح وتطلع من هالوضع .. الاعزب تواصل وتعارف واعجاب بيومك وبادل الرسائل والمحادثات والاتصالات ..
صحياً:بحاجة للفيتامينات ولتقوي مناعة جسمك وريح حالك وتحسن صحي قريب ان شاء الله..

#الثور ♉
مهنياً:العشرية الاولى علاقات كتيرة وقصص ادارية وصحية وثانية مال من علاقات وعاطفة وثالثة اوراق وعزيمة ومساعدة .. يومك في علاقات وشي مهم وتنقلات وعاطفة .. عم تكون اجتماعي وبتلتقي بناس كتار ومحبين الك وعم تتعرف بناس جديدة وعزائم وممكن مشوار حلو او سفرة قصيرة وعم تلاقي مين يدعمك ويساعدك وبترجع علاقات صار فيا توتر ان كان بالبيت ولا بشغلك ومو غلط تنتبه لردود الافعال والبعض بتشغلوا قصة مالية وممكن تقبض بس ضب ايدك على مصاريف العزائم والمشاوير ..
عاطفياً ❤️ :يومك منيح لتطورات حلوة عم تلاقي اعجاب من الجنس الاخر وعم تحل مشاكل وسوء تفاهم بعلاقتك واجواء حلوة وحميمية عندك .. انتظر خبر منيح وفرصة لتكون مع شريك او شخص قريب من القلب وصدفة حلوة او عزيمة من صديق عم تطور العلاقة لبعدين .. عم تبذل مجهود وساير لتبقى الامور جيدة وبلاخص فترة المسا ..
صحياً: في تعب مفاصل وارهاق اعصاب ومشاكل بالصدر ريح حالك هالفترة ..

#الجوزاء ♊
مهنياً:العشرية الاولى والثانية امورك افضل وفي اوراق وتنقلات وشغل والثالثة يمكن عاطفي يومك اكتر .. لازم تنتبه من الناس الي حواليك بشغل او بالبيت ولا تعمل مشاكل مع مسؤول بشغل او مدير او مع حدا ضمن البيت حاول تهدي حالك ولا تعمل من الحبة قبة .. فكر بشغل جديد مسؤوليات كبيرة ولا تتأخر بمواعيدك حتى ممكن في حكي بضهرك وقيل وقال فأنتبه من حدا عم يشوه سمعتك .. عم تنشط اجتماعياً وعزائم وبتشوف ناس كتار او شخص معروف ومشهور واتصالات والمسا افضل ..
عاطفياً ❤️ :شعور جديد وحب والبعض عم يعترفلك بحبو .. بدي منك تفكر بحالك اكتر وتعرف شو بدك لان يومك في تقلبات بوضعك بس فكر لوين رايح بوضعك لا تعتب على حدا وفكر بحالك ولا تدخل بجدالات ونقاشات وبعد عن كتر الحكي الي بلا طعمة .. أنتظر شوية وقت لتعرف كيف تحل امورك او تتخذ قرار مهم ومصيري بعلاقتك انت قادر تلاقي حلول وقدامك اجواء حميمية وحب وعاطفة المسا وبلاخص العشرية ثالثة ..
صحياً:تعب بالجلد وبشرتك خفف سهر صار واضح على عيونك هاشي ..

#السرطان ♋
مهنياً:العشرية الاولى مو مرتاح وتعبان شوي والثانية انتبه تعمل مشاكل بشغلك ومع البيت والثالثة الامور افضل للقاء وتواصل ومشوار واختبار .. يوم مميز وامورك افضل من قبل .. علاقات جديدة وفكرة سفر وممكن شغل جديد حاول تستغل الفرص بشغل ولتعمل تغيير جديد بشغل او بشكلك و عاسوشيل ميديا .. اتصالات وتواصل مع ناس بعيدة وعندك اتفاق ما .. ممكن يوصلك مال من شغل او من حوالة وفيك تطلع وتغير جو وعزيمة وانتبه شوي من قصة قضائية او اعطال وحوادث ولا تتأخر على شغلك وشخص مشهور ..
عاطفياً ❤️ :بتكسب قلب الشريك وبتوصل لحب يرضيك ويعطيك الاستقرار .. المتزوج في قصة متعبتك وضبابية الها فترة مسيطرة على الوضع .. لاعزب من افضل الايام عندك لتبادر او لتكسب قلب حدا بهيك يوم داعم الك او ليصير تواصل على مواقع تواصل او بأتصال تقرب اكتر في لقاء واتصال مميز وبتقضي وقت مع شريك بلاخص المرتبط ..
صحياً:بتتخلص من مشاكل صحية وانتبه من الوزن الزائد وتابع الحمية الغذائية ..

#الأسد ♌
مهنياً:العشرية الاولى اتصالات وتنقلات واجواء افضل والثانية مال والثالثة عاطفة وعلاقات ..عندك شغل وتنقلات ومكاسب مالية او قضائية وحسم ويوم ممكن في اوراق او بحاجة ورقة حكومية وقصة بتخص الاطفال .. يومك افضل عم يدور اغلبه بقصص مالية وتغيرات حلوة وقصة شراكة وممكن يجيك مال او قصة حوالة وعم تتخلص من بعض الالتزامات عيد حسابات وضب ايدك شوي ومن المسا رح تبلش الامور لصالحك نحو الافضل ومشوار حلو .
عاطفياً ❤️ :ماكتير وضعك كان مريح ونشالله تدريجي يومك عم يتحسن شخص جديد او قديم عم يرجع هاشي عم يعطيك دافع عاطفي كبير والبعض نقاش وبدك تحط نقاط ع الحروف .. شوية انتباه لوضعك هاليوم ومرق الامور ع خير انتبه من نقاشاتك او من سوء تفاهم واعطي فرصة جديدة وتنازل شوي وفي غيرة وشكوك والبعض عندو مشوار ولقاء وامورك افضل وبلاخص المرتبط جديد والاعزب ..
صحياً:بحاجة لتريح حالك ولا تجهد جسمك بأمور مو مستاهلة انتبه شوي ع صحتك وبحاجة لفيتامينات ..

#العذراء ♍
مهنياً:العشرية الاولى قصص مالية والثانية شراكات وثالثة وضع بالبيت وحكي وشغل كتير .. بعدك تعبان اليوم وبتحس مشاكل عم تطلع فجئة وماعم تعرف ليش في توتر بعلاقاتك وبالعيلة او مضايق من قصة شخصية وتعديلات بشغلك وممكن تفكر بشراكة مع حدا مقرب منك .. بحاجة لتركيز بالبيت وبالشغل وبشركاتك واي شي عقاري لازم تحسم الامور .. بعد عن المواجهات وانتبه ع وضعك المالي .. ومن المسا فرصة للبعض يوصلو مال او موارد مشتركة أو اتفاق شراكة قريب وعزيمة ومشوار ..
عاطفياً ❤️ :بعدا المشاعر وظروف ماعم تكون معك ومانك مرتاح مرق هاليوم ع خير وانفراج من المسا المرتبط عم تنفعل من ولا شي حاول تهدي وتنتبه لعلاقتك حتى ماتنتهي او تسبب قطيعة وسوء تفاهم برغم انت محتار من جواتك لهيك ماعم تقدر تحدد خياراتك .. الاعزب يومك عم يكون افضل وعندك اوقات حلوة وحدا عم يتقرب منك وشراكة عاطفية.. والمتزوج بجهز لمشوار مع الشريك او موعد ..
صحياً:البعض ممكن عندو عملية او حدا بالعيلة وانت بحاجة تطمن ع وضعك وضل تابعها بشكل مستمر ..

#الميزان ♎
مهنياً:العشرية الاولى شراكات بيومك والثانية مضغوط وشغل كتير والثالثة عقد واوراق وصحة .. عندك ضغط ومسؤوليات وشغل جديد وببيتك كمان وحتى ممكن قصة موبايل او سيارة عم تشغلك وعم تعمل تصليحات ومدري من وين القصص بتطلعلك .. برغم من تعبك حاول تخلص بكير وتستغل الوقت وترتب امورك .. عندك مبادرات ولقاء وحدا غالي عليك بس نتبه ضغوط تعبك صحياً والمسا تحسن تدريجي وعلاقات وشراكة وحكي كتير والبعض شغل خارجي ..
عاطفياً ❤️ :مشغول بكذا قصة عم تبعدك عن اجواء العاطفة بنصحك تعطي وقت لشريك وللحب لتستمر امورك على خير لازم تعطي وقت لشريك وكمان هو لازم يقدر وضعك ويكون معك .. حاول تعبر عن عواطفك وحبك ولا تخلي الخيارات تعبك وكون مبادر وفكر بعقلك واحسم امورك مشان ماتخسر .. كلشي ممكن يتحسن ويتصلح تدريجي ان شاء لله وشراكة جديدة او قديمة بترجع ..
صحياً:تعب عضلي والتهاب وانتبه من كريب ..

#العقرب ♏
مهنياً:العشرية الأولى ضغط وماعم تلحق وصحة والثانية مال من شغل وثالثة عاطفة من الايام الي الحظ معك وداعم وبتقضي اوقات حلوة وبتشوف ناس بتحبا وعندك عزيمة عم تتخلص من قصة تعبتك بعد ماصار في تأجيل وتأخير وفي تقدم بوضعك وحرية اكتر .. عم يتحسن وضعك المالي او انفراج بقصة مالية .. حاول تلاقي حل لامورك بالبيت ومع العيلة ونقاشات وقصة عائلية والبعض بفكر بسفر ويوم لتقضي مع الاطفال او قصة طفل بيشغلك .. المسا في ضغط عليك ..
عاطفياً ❤️ :عندك جاذبية كبيرة وشغف عاطفي وتواصل واتصالات يومك في حضور مميز واجواء حلوة وفيك تعبر عن حالتك وفي مصالحات وبتكسب امور عاطفية وحب قديم ممكن .. بس البعض حاول تنتبه من علاقات سرية او علاقات ما منها نتيجة ..
صحياً:تشنجات بالمعدة والكولون ولازم تكتر سوائل ..

#القوس ♐
مهنياً:العشرية الاولى شغل وعاطفة والثانية ضغط والتزامات ومال والثالثة عائلة واطفال .. عندك حدث مهم وتنقل قصير وتغيير ممكن ورح يكون في حدث مهم ولا تخاف مافي شي بيبقى ع حالو .. قصص عائلية شاغلتك وحاول تكون هادي وركز لتطلع ولا تكون متلبك واعرف شو بدك .. يمكن في نقل لمكان او تغيير بامور العقارات والمنزل وتصليحات .. بيشغلك الوضع المالي وتغيرات لصالحك لا تخاف .. لمة عائلية وعزيمة وبتشوف غالي ..
عاطفياً ❤️ :لازم تحسم امورك وتفكر صح وتاخد قرار مناسب .. افصل بين الامور العاطفية والعائلية او بشغلك ولا تخلي حدا يأثر عليك ..في مفاجئات حلوة بيومك المهم تروق وتخفف انفعال وعصبية وامورك رايحة بتجاه الافضل من المسا جهز حالك لاجواء حلوة قادمة وخطوة مهمة ..
صحياً:اذا في عزيمة لا تتردد واطلع غير جو ..

#الجدي ♑
مهنياً:العشرية الاولى قصص عائلية والثانية قصص بالبيت وشغل بخص منزل وعيلة والثالثة عاطفي ومال .. اوراق وعقارات واتصالات كتيرة وعم توسع دائرة معارفك وصداقاتك وممكن يوم في سفرة او تنقلات ومساعدة وقصة اخ بتشغلك او شي بخص الاهل .. الحمل عليك كبير وماحد مقدر وضعك فرصة حلوة حاول تستغلها وفي لقاءات منيحة الك وشعبية بتزيد البعض عندو علم جديد وقصة مالية واتفاق .. بس انتبه من الحوادث والاعطال ..
عاطفياً ❤️ :في تقارب بوضعك العاطفي ويومك منيح لتوصل لقلب شريك المهم تخفف شكوك وغيرة وتصرفاتك الي ممكن عم ضيق على شريك فيها .. تقارب وأعجاب وجاذبية والاضواء مسلطة عليك الامور عم ترجع لطبيعتها شوي شوي بعد زعل او توتر كان بالفترة الماضية .. الاعزب في تطورات جديدة مع شخص جديد او عم تبادر لشي وتواصل مع شخص عبر مواقع تواصل ..
صحياً:تفكير زايد بأثر ع صحة عندك شوية مشاكل برقبة وبين الاكتاف .

#الدلو ♒
مهنياً:العشرية الاولى امورك افضل واتصال ولقاء وثانية مشغول بامور عاطفية وثالثة مال ومصاريف .. قصص كتيرة شاغلتك ويومك في قصص مالية بين قبض ودفع لمهم تبادر بشغلك لتوصل ولا تفقد العزيمة او تحس بأرهاق وملل .. تراكمات مالية والتزامات ولازم تفكر بطريقة جديدة تلاقي حلول او موارد جديدة او مال قادم وعزيمة عندك والاخبار رح تبلش من المسا لتغيرات افضل ..جهز حالك لاختبار قادم او بدك تجهز حالك لسفر قصير ..
عاطفياً ❤️ :حاول تصارح وتساير ويومك بدو مبادرة وتنازل لان في تأرجح بالمشاعر والقرارات حاول لا تكون كثير الأفئفة لو كان في شوية اهمال وتصرفات مو عاجبتك .. ممكن حب قديم او علاقة اخرى بتطور ركز على مستقبلك ولوضعك بلايام الي جاي ولا تهتم لحدا ..البعض امور غامضة وعم تحاول تكتشف مشاعر طرف الاخر كتير امور شاغلتك والماضي ع البال لا توقع بأخطأ وقعت فيا قبل بأي علاقة جديدة ..
صحياً:شوية تعب وارهاق جسدي نشالله بروح بس ريح حالك ..

#الحوت ♓
مهنياً:العشرية الاولى مال ومصاريف والثانية مال على منزل وعلى الاهل والثالثة في قبض وصحة .. يومك داعم بتحل مشكلة متعبة وكانت مسببة شوية توتر وقلق وعندك القدرة ع الأقناع وتكسب صداقات جديدة وبتنجح بشغلك بترجع الثقة وبتحقق هدف عندك .. يوم في جرئة وبتكسب لأجواء حلوة وعلاقات وخبر حلو وناس جديدة وعزيمة وفيك تعمل تغييرات وموضوع مالي المسا ومصاريف ضب ايدك ..
عاطفياً ❤️ :شريك قديم او شخص غالي عم يرجع والاعزب ارتباط وصدفة .. تواصل وناس معجبة بس انتبه لعلاقات تاخد منحى أخر .. المرتبط بتزيد من عاطفتك وبتكون مندفع زيادة عندك رومنسية ومشاعر كبيرة المهم لا تخلي حدا يستغل طيبة قلبك وحبك ولي فيك مكفيك مو ناقصك ..
صحياً:تشنجات عم تعاني منها بالمعدة ومغص .