ابراج__اليوم__الجمعه__4__حزيران__يونيو__2021 🔮  🌙 🌛 القمر ببرج الحمل ♈ ناري🔥🔥 كوكبه🌍 المريخ..

 

#الحمل ♈

مهنياً:القمر عندك تنقلات واتصالات ويوم في طاقة ايجابية وتحسن بوضعك وعم تطلع من حالتك المتعبة ومن جو الكأيب الي مسيطر عليك عم تبذل جهد وعم تحقق بعض اهدافك وعم تكسب خبرات وتعمل تغييرات بشكل او موضوع بخص سفر او دراسة وتحسن مالي .. علاقاتك بتتحسن ويوم في لقاءات ولمة حلوة وثقة المحيط فيك بترجعلك وبتشوف حدا غالي عليك وقصة بتتعلق بحدا بعيلتك وامورك افضل لشغل وشراكة واتفاق ونجاح بس انتبه من الحوادث بالبيت وبرا ..

عاطفياً ❤️ :عندك فرصة لتحسن وضعك ويكون في اجواء حلوة ورومنسية او لحتى يكون في نوع من تفاهم مع الشريك حاول تتقرب اكتر الحظ بساعدك… البعض عم تتخلص من حب تعبك كتير لتدخل بحب جديد .. لاعزب امورك افضل وتحسن بوضعك وممكن ارتباط جديد و تطور بعلاقاتك الاجتماعية ..

صحياً:تحسن صحي وراحة نفسية رح تبلش عندك تدريجي خلال الفترة القادمة ..

 

#الثور ♉

مهنياً:القمر بالحمل ركز بأمورك وبعد عن ناس سلبية حتى ماتخسر حدا ومابنصحك بشي مهم اليوم لان في تأجيل وتأخير روق هاليومين في خبر ناطرك وشي حلو قريباً .. البعض في حدا مهم عم تتعرف عليه او مؤسسة حكومية او لقاء بشخص مهم .. في قصص مالية وممكن ناطر شي مالي او اتعاب ومصاريفك اليوم كتير ضب ايدك ..

عاطفياً ❤️ : عم تكون بحيرة وماعم تعرف شو تعمل ولا شو بدك بيوم صعب تعامل في .. لهيك روق وفكر بحالك احسن ماتروح لطريق مسدود فكر بحالك وبمستقبلك بطريقة تريح فيا قلبك لانو ماحدا بيستاهل .. يومك بحاجة لرواق ولا تتسرع بعلاقتك وقراراتك يوم في توتر وبتحس مافي شي ظابط ومانك مرتاح لشريك لا تستسلم وحاول تعرف تتعامل صح .. المرتبط جديد والاعزب في تقارب وعلاقات عم تتوضح شكلا ..

صحياً:ريح راسك من تفكير واهتم بصحتك اكتر وكلشي بوقتو حلو ..

 

#الجوزاء ♊

مهنياً:القمر بالحمل تنقلات وحركة والحظ بساعدك اذا بدك تطلب شي او شي بخص اوراق ودعم المحيط الك .. علاقات كتيرة عزائم وناس بتحبا عم تعمل زيارات او لقاءات حلوة واصدقاء وبتلاقي دعم والمساندة وممكن عندك سهرة او عزيمة ومناسبة بتكون مميز وصدفة بتجمع البعض بشخص مهم .. وفرصة لتناقش بامور مالية او ليجيك مال وفيك تستفيد من دعم الاصدقاء الك ..

عاطفياً ❤️ :تحسن بوضعك وعلاقات بتتحول لحب وسرية وحميمية بيومك وامور جنسية عند البعض عندك شعبية وعلاقات وفرصة ارتباط وتحسن بوضعك شوية هدوء ولا تكبر القصص في حكي واتصالات وفي تقارب من الشريك لتصلح الوضع او موضوع كان شاغل العلاقة .. شوية هدوء بتحل مشاكل عندك ولا تبقى لحالك او تبعد عن الشريك الجو مساعد لتصلح بعض الاخطاء ولتعيش اجواء مميزة بتواصل ولاتصالات وتطورات جديدة والبعض في خطبة او زواج ..

صحياً:بترتاح صحياً لمهم تتخلص من بعض الاوهام والبعض عندو حساسية جلدية ..

 

#السرطان ♋

مهنياً:القمر بالحمل هدي بعلاقاتك وانتبه على سمعتك واختبار بيومك.. عم تشغلك قصة أب او اخ كبير وعم يكون عندك امور بتخص دراسة وقضائية ومسؤوليات ضمن البيت وبشغلك لازم تهدي مع زملاء وتنتبه من تشويه سمعة او من غلط مع مسؤول او مدير وفي حركة للاوراق واتصال بخص شغل وتواصل مع شخصية مشهورة .. روق هاليومين في شعبية عندك ولقاء وكون اجتماعي اكتر ..

عاطفياً ❤️ :اعجاب وتواصل ولقاء بس بدك تكون هادي وتعرف كيف تتصرف لترتاح وانتبه لكلامك اهم شي .. المرتبط بدي تنتبه بهاليوم من تفاصيل صغيرة تكبر وتسبب توتر بالوضع لان بتحس الشريك عم يتقصد يستفزك وعندو طلبات بدك تساير وتكون دبلوماسي والبعض انتبه من تشويه سمعة وحكي قيل وقال ..

صحياً:وضعك الصحي متقلب خفف منبهات هالفترة وتقضي وقت حلو باجواء اجتماعية ..

 

#الأسد ♌

مهنياً:القمر بالحمل من افضل الايام عندك بالحظ وطاقة وتواصل مع اشخاص بعيدة واتصالات كتيرة وحركة للاوراق وعم تحل مشاكل بالبيت وبالمال .. في شغل و عقارات وبيجيك مال من وراه وعم تتواصل مع حدا من الخارج او حوالة خارجية بتشغلك .. فكرة سفر بس انتبه من الحوادث والاعطال .. في دعم ومساندة ومستجدات وفرصة لنجاح وتفوق والبعض عندو قصة بتخص دراسات عليا واختبار وقصة سيارة او موبايل ويوم اغلبه عم يكون عزائم واصدقاء واجواء حلوة ..

عاطفياً ❤️ :تطورات وانفراج عند المرتبط والاعزب ارتباط .. في احداث وتغيرات لصالحك وبصير تواصل واتصالات وممكن لقاء حلو وعزيمة او مشوار مع الشريك بس خفف غيرة وتملك ولا دقق على كل تصرف او كلمة .. لاعزب استغل هاليوم لتبدا علاقة جديدة .. والبعض في حميمية بالقاءات ولاتصالات والاجواء رومنسية

صحياً:لا تجهد حالك وأنتبه شوي من الحوادث والتهابات ومشكلة بالصدر ..

 

#العذراء ♍

مهنياً:القمر بالحمل عم يدور يومك بقصص اغلبها مالية بين قبض ودفع وشي بخص ديون ومعاملات وميراث والتزامات وفواتير ولازم تنتبه من امور مشتركة حتى ماتخسر والبعض حوالة هاليومين .. فرصة لتقبض مال ومبلغ بيجيك وفكر بموارد جديدة وتحسن بامور قضائية ومع الاهل وشخص غالي بيومك وممكن تنعزم او تعزم وضب ايدك على مصاريفك لان في دفع كمان او هدية وعم تجيب غراض ..

عاطفياً ❤️ :من الايام الحلوة لتلاقي الحب وتعمل مصالحات وتعزز علاقتك بشريك بعد توتر حاول تستغل يومك وتعمل شي حلو عم تلاقي حلول وكان في عناد بتتحسن امورك مع الشريك وعم يكون عندك صلحة عاطفية وعم تهدي الاجواء وعم تراجع حساباتك وهاشي افضل الك ولمستقبل علاقتك .. البعض ممكن يلتقي بشريك جديد وممكن ترتيب وتجهيز لمنزل او خبر حلو الك ..

صحياً:لا تهمل صحتك امورك افضل بس بنفس الوقت لازم تبقى متابع مع طبيب وتطمن ع وضعك كل فترة..

 

#الميزان ♎

مهنياً:القمر بالحمل عم تشغلك امور شراكات مهنية وعاطفية ويوم لازم تكون بعيد عن توتر والاستفزاز وتسيطر على الوضع وتبعد عن المواجهات نصيحة الك .. عم تعاني ضغوط من حولك طنش ولا ترد على حدا وتجادل يومك في عقد جديد او شراكة جديد فكر صح وحسبها منيح وحاول تستغل امورك المالية بسرعة وبيشغلك قصة عقار او سيارة وفي عزيمة واختبار ..

عاطفياً ❤️ :المتزوج لا تشتغل شي من راسك ولا تخلي تفاصيل صغيرة توتر العلاقة ولا تحمل القصص اكتر مابتستاهل في حلول وراحة بشوية دبلوماسية احسبها صح مو ناقصك مشاكل .. المرتبط عم تفكر بمستقبلك ومستقبل علاقتك العاطفية عم تدرس كل خطوة بوضعك ومو حابب تخسر شريك عاطفي وفرصة لتعزز شراكتك وتفتح صفحة جديدة والاعزب ارتباط او شخص بعيد عم يتواصل ..

صحياً:عم تعاني فقدان توازن ومشاكل بلاذن والعين وصحة حدا بخصك ..

 

#العقرب ♏

مهنياً:القمر بالحمل حاول تخلص التزاماتك بهاليوم ولا تخلي لامور تتراكم عليك ولا تتأخر عن شي رتب وضعك وضب ايدك على مصاريفك وممكن بحاجة لدعم ومساندة .. أنتبه من النقد او نقاشات طويلة وناس من ضمن محيطك عم تعرقل امورك ..غير جو هاليوم بعزيمة لتطلع من الاجواء المتعبة والمتشنجة امورك فيها تحسن تدريجي لمهم تعرف كيف تتعامل مع المواقف وسفرة قصيرة او مشوار للبعض واهتم بصحتك اكتر لان في جهد وتعب بالبيت كمان ..

عاطفياً ❤️ :تحسن طفيف بس افضل من قبل بلاخص انو في حلول قادمة لصالحك .. بعدك مو رضيان عن شي بلاخص الغياب المتكرر الي عم يصير كل فترة ودائما بالك مشغول وعم تتوقع امور مو منيحة او تفكيرك عم يتعبك .. بحاجة لحدا يقدر وضعك ويصير تقارب اكتر وبلاخص موضوع مزاجية الشريك الي عم يغيب فترة ويرجع فترة .. اوقات واجواء حلوة اتصال طويل او تواصل عبر مواقع تواصل الاجتماعي .. الاعزب فرصة لتلتقي بحدا او شخص مقرب منك بشغل ..

صحياً:لا تعب حالك كتير هاليوم وتسبب ارهاق جسدي والبعض عم يفكر بقصة صحية او عملية ..

 

#القوس ♐

مهنياً:القمر بالحمل تحسن بيومك واخبار منيحة .. طاقة وحظ بيومك وامورك عم تتحسن وعم تلاقي اعجاب فيك واشخاص جديدة واشخاص عم ترجعلك وقصة عم تتحسن بعد مافقدت الامل .. في حظوظ مالية او ممكن تقبض وعم تبذل جهد والحظ بساعدك بالبيت ومع اهلك او قصة ادارية وبدي باركلك قصة انجاب او مولود جديد للبعض .. اجواء افضل وناس بتحبن وفرصة حلوة واتصالات بتكتر وتحسن بوضعك لا تخاف ..

عاطفياً ❤️ :اليوم وضعك منيح وتواصل بيكبر ومبادرات

واعتراف وخطبة او زواج .. المرتبط بدي منك تستغل هاليوم قد مافيك الحظوظ داعمة الك لتصلح الوضع وتحسن علاقتك وتعيش اجواء حلوة وبلاخص اذا عندك لقاء فتوقع انو الحب رح يكون موجود واجواء تمام ومصالحة عند البعض ..لاعزب امورك فيها تحسن وممكن البعض عم يعيش حالة عاطفية مميزة ورومنسية واتصالات طويلة وقصة عاطفية وعم تحاول تقنع بقصة ما ..

صحياً:امورك صحية اليوم افضل وحابب تطلع وتغير جو وتخفف عن حالك بعض ضغوط النفسية واذا في عزيمة لا تتردد ..

 

#الجدي ♑

مهنياً:القمر بالحمل مشغول بقصص بالبيت وبالعيلة وعقارات وتجهيز وتصليحات وفكرة منزل جديد او تغيير بديكور البيت وعم يدو اغلب يومك بالعيلة والمنزل ولازم تهدي مع محيطك العائلي ولا تعمل مشاكل مو ناقصك ضغوط اكتر عم يكون في مال ودفع كمان بالبيت وبالعيلة وماعم تلحق .. تنقلات ولقاءا وشخص غالي نظم امورك وممكن عزيمة بيومك او عم تزور حدا بالعيلة ..

عاطفياً ❤️ :عم يكون الوضع افضل بعد توترات في انسجام وتفاهم بلاخص الاعزب والمرتبط جديد .. لمرتبط مشاكل بالعيلة وضمن بيتك عم تأثر على علاقتك العاطفية وعندك بعض تعقيدات ومواجهات ونقاشات مع الشريك بيطلب منك تكون هادي وتنتبه تضغط على الشريك لان في حدود لا تتجاوزها ولا تكبر القصة ..

صحياً:ضيق تنفس وصداع وحساسية جلدية ريح حالك اليوم ونام منيح ..

 

#الدلو ♒

مهنياً:القمر بالحمل عم تكون مميز بيوم بيعطيك طاقة ايجابية وتحسن نوعي وعم تزيد شعبيتك وعم تحقق مكاسب مادية ومعنوية وممكن تعمل شي ع سوشيل ميديا وعم تكتر الاتصالات والقاءات وتعارف جديد وفي موضوع سيارة او عقار وتصليحات وفرصة سفر قريب او مشوار حلو بس انتبه من الحوادث وقصة اخ بتشغلك .. اجواء حلوة ومواضيع عم تلاقيلا حل وحسم وخبر حلو وناس جديدة وعزيمة واطفال بيومك ..

عاطفياً ❤️ :عم تكون الاضواء مسلطة عليك بتعزز علاقتك وبتكسب اعجاب الجنس الاخر مع شوية مسايرة برغم كنت عم تعاني من علاقات المصالح والحب المتعب .. في مزاجية بتعامل وانت بحاجة لشخص يطلعك من وضعك ويكون سند .. تواصل واتصالات طويلة وصلحة وممكن شريك يتقرب منك او قديم بيتواصل معك ..

صحياً:امورك افضل وطاقتك منيحة وعزائم حاول تنبسط بيومك وتكون بمكان طبيعي او ع البحر ..

 

#الحوت ♓

مهنياً:القمر بالحمل امور مالية ومصاريف ونوم كتير وعزائم وعيلة .. يومك مدعوم بامور المال وممكن يجيك مبلغ صغير او مساعدة تسندك شوي والايام جاي رح تحقق مرابح من شغل او اتفاق ما .. عم ترتب بيتك المالي وعم تحسب شو الك وشو عليك بعد مصاريف بالفترة الاخيرة والبعض يمكن خسر مبلغ مالي .. يوم في قضايا وامور ادارية ومساعدة ومصاريف على عزائم او شي بخص صحة و على عقار او سيارة …

عاطفياً ❤️ :بتحس حالك مزعوج من ولا شي لانك مو مرتاح نفسياً ومافي رضى عن شريك وكتير بحاجة للاستقرار .. في غيرة وشك انتبه له الشي وقرب وجهات نظر ولا تكبرها والبعض ينتبه من علاقة تانية وبلاخص اذا متزوج حتى ماتأثر عليك وعلى علاقتك زوجية او اذا مرتبط أنتبه وركز منيح .. والبعض فكر بطريقة صح لتلاقي شريك مناسب الك وتغير من وضعك ..

صحياً:تعب نفسي ولا تجهد حالك والبعض في تعب بعضلة القلب ..