#ابراج__اليوم__الأحد 13__حزيران__يونيو__2021 🔮 🌙القمر ينتقل لبرج الأسد ♌ الناري🔥 كوكبه 🌍 الشمس

 

حظگ________اليوم

 

 

#الحمل ♈

مهنياً:يومك متقلب شوية عراقيل بنهارك ومن العصر انت افضل وانفراج وتحسن .. نتبهلي على حالك ببداية يومك لانك مشغول كتير وعم تعاني ظروف صعبة وضغط عصبي بدي منك تهدي ولاتفوت بنقاشات وجدالات حتى ماتتعرض لنقد او سوء تفاهم و احباط .. بعد الضهر وفترة المسا بترجع طاقتك تدريجي وسبب ممكن حل لمشكلة معقدة او ممكن خبر منيح بيعطي لامور انفراج وتحسن وطاقة وبتلاقي ناس جديدة وحلول وفرصة لسفرة قصيرة ولمة حلوة وممكن تروح مشوار حلو وتلتقي بناس بتحبن ..

عاطفياً ❤️ :روق بنهارك والمسا حب ناطرك ورومنسية ..

نتبهلي لسوء تفاهم ولا تكون متحكم او تفرض سيطرتك بكلشي هاشي ممكن يسبب عصبية وشريك مارح يكون رضيان عن شي لا تفكر كتير وتعب حالك والمسا كتير امور بتتغير وبتتحسن العاطفة عندك وممكن تبلش الامور ترجع لطبيعتها .. البعض علاقة جديدة وحب بخلي القلب يتفائل من جديد ..

صحياً:نتبه من نوم الخاطئ حتى ماتتعرض لمشاكل الرقبة وارهاق او كريب مفاجئ تجنب هاطقس .

 

#الثور ♉

مهنياً: استغل فترة نهارك لتكون منيح واذا عندك اي شي مهم او لقاء او طلب خلي يكون بنهارك افضل لانو الاجواء داعمة وتحسن ولقاءات وناس كتيرة حولك وبتدعمك واقفة حدك لا تترد عندك لقاء مهم واتفاق على شي .. والمسا بدي منك تغير من طريقتك بتعامل لانو عم تعاني روتين حاول تبدا شي جديد وتعمل تغيير حسب الوسائل المتاحة الي بأيدك روق وهدي بدون توترات او سوء تفاهم واتصال المسا بيعملك كركبة .. لل تخلي توتر يسيطر عليك وركز منيح للتجاوز اي مشكلة..

عاطفياً ❤️ :روق ولا تعصب وتعمل قصة ..في مواقف عم تكون فيها متسرع بدي منك تهدي هالفترة وتنتبهلي لقراراتك لان الاستعجال ممكن يأثر على علاقتك بشكل سلبي حاول تمرق هالكام يوم على خير .. تجنب الشريك وتصرفاتو وتوقع كلشي منو بلاخص فترة المسا .. البعض ممكن تتطور عندو علاقات أخرى وعلاقة حميمية ورومنسية او لبعض ممكن في علاقات سرية او تسلية ومتعة ..

صحياً:نتبه من تدهور حالتك صحية وسبب ضغوط والعصبية .

 

#الجوزاء ♊

مهنياً:تحسن تدريجي وقصص بتخص شغل وشهرة وعلاقات مهمة وعاطفة حميمية .. بنهارك بعدو الوضع عم يمر بأضطرابات وسوء تفاهم وماعم تلاقي تحسن وعم تعاني ضغط مالي ومهني بدي منك تنتبه وتكون ذكي فترة صعبة بس بتمر لا تاكل هم لانو من بعد الضهر ممكن تلاقي تحسن تدريجي وشي مفاجئ بغير شوي من الوضع وممكن تتلقى دعم ومساعدة لتخلص اعمالك او شي بخص شغل او ظيفة قريباً وممكن لقاءاتك بتكتر المسا وامور ايجابية استغلها…

عاطفياً ❤️ :بدي منك تفصل الامور بين لشغل والعاطفة والمنزل وحاول انو اذا حبيت شخص تبقى معو للاخر ولا تخلي امور شغلك تدخل بأمور العاطفة .. مابدي ياك تكون مزاجي ومن اي شي تنفعل وتعصب او تنهي اي حديث مابدي ياك تندم على تصرف او كلام متسرع المسا بتلاقي بعض الحلول المشتركة بينك وبين الشريك وحاول تعيد النظر بعلاقتك … لبعض عندو شي مميز وعلاقات وممكن سرية منها .

صحياً:خفف تناول الوجبات الدسمة والانفعالات ونتبه ع مشاكل ضغط بشكل عام .

 

#السرطان ♋

مهنياً:نهار مميز وبعد الضهر والمسا نتبه لا تتسرع والبعض عندو شهرة وسمعة .. استغل نهارك لتشتغل اي شي بدك ياه ولتوصل وتنجح وفترة فيها تتطورات وسفر قصير ونجاح وعم تكون مميز بشغلك واتصالات بتكتر وعلاقات ولقاءات وناس بتتعرف عليها جديد ..حتى عم تفوت بأكتر من شغل بس نتبهلي بعد الضهر ممكن ماعندك صبر وعم تتسرع ببعض الامور ونتبه تسرع ممكن يوقعك ببعض الأخطاء ومسؤوليات وضغط بشغلك وبيتك .. هدي بعد ضهر حتى ماحدا يسمعك كلمة مو ناقصك مشاكل وحاول تغير جو برا البيت..

عاطفياً ❤️ :خبر حلو ممكن تتلقاه اليوم وممكن يكون مفاجئ الك وممكن بدي باركلك على شي والبعض حاول تبعد عن العصبية وضروري انك تحسم امور كتيرة بعلاقتك يعني المسا نتبهلي من المشاكل وهديلي حالك بلا ماتكبر القصص بينك وبين الشريك..

صحياً:معرض لمشاكل المعدة سبب بعض الاطعمة

دسمة او المعلبات .

 

#الأسد ♌

مهنياً:امور مالية بتشغل بنهارك وبعد الضهر بتفكر بسفر… وبحالفك الحظ وتحسن هاليومين .. كتير عم ضحي بعلاقاتك وانت كتير بهمك انو ماتزعل حدا منك يومك منيح بنهارك عم تتخلص من بعض القضايا والمشاكل الي تعبتك وعم ترجع تعيد حساباتك وفرصة لتقبض وبعد الضهر والمسا امور كتير عم تتحسن وبتلاقي انفراج وتتطور بعلاقاتك وممكن شي مالي واذا ناوي تسافر خلي سفرك بعد ضهر افضل وممكن خبر حلو ولقاءات بتكتر وناس جديدة واتصالات المسا ..

عاطفياً ❤️ :بدي منك تنتبه لردت فعلك ومو غلط نعطي فرصة جديدة وحاول تنسا الماضي وفكر بقادم الايام بدك ضحي متل مابعرفك وخلي العقل منك وبعد ضهر امور العاطفة افضل في مودة وأعجاب وتفاهم ولاعزب امورك احسن والقلب بدق من جديد ..والبعض رح ينطر لقاء او خطبة بالفترة القادمة نشالله .

صحياً:بحاجة لقسط من راحة وخفف ضغط العمل ولقاءات حتى ماتتعرض لارهاق شديد .

 

#العذراء ♍

مهنياً:نهارك مضغوط وناس جديدة وتنقلات واتفاق مبدئي وحلول وانفراج بخص المال هاليومين .. شراكة وامور مالية بتشغلك وقصص فيها دين او ضرائب وعقود وانت مو مرتاح بنهارك وماعم تعرف من وين بدك تلاقيها وبلاخص عم تعاني ضغوط وتأجيل لبعض الامور ركز منيح وحاول تعرف شو بدك بضبط لتقدر تظبط الوضع حاول لا تستسلم لشي بعد ضهر والمسا بتتحسن امورك وقصص مالية وعقود هاليومين وبتحل قصة تعبتك واوقات ايجابية وحلوة وراحة نفسية تدريجياً بحاجة لتركيز والمجاذفة..

عاطفياً ❤️ :نتبه لوضع علاقتك وفي أمور مو راضي عنها وشريك موترك بكلامو وانت عصبي وانفعالي وهاشي ممكن يسبب مشكلة بينك وبين الشريك وممكن توصل لطريق مسدود بدي تهدي بنهارك وتروق .. والبعض عم يرتب للقاء وتواصل وشخص جديد والاعزب امورك افضل وفرصة لتم شراكة عاطفية .. هدي بوضعك بنهار واي شي جديد حاول تدرسو منيح قبل ماتقدم عليه ..

صحياً:عندك مشاكل معدة واعصاب نتيجة الانفعالات والعصبية الي ممكن تتعرض الها.

 

#الميزان ♎

مهنياً:مشغول بنهارك ووضع صحي والمسا قصة شراكة وجمعيات مالية وسكنية بتشغلك .. لا تضغط حالك بنهارك وممكن بعدك مو مرتاح وعم تبزل جهد بقصة مصيرية بنسبة الك حاول تهدي حالك ومابدي حدا يستفزك او يوقعك بأخطاء انت بالغنى عنها لا تهمل الأمور ضرورية والي بحاجة لحلول سريعة بس روق لا تستعجل كرمالك وبلاخص انت اليوم عم يشغلك موضوع بخص بيع او عم تروج لشي عندك وممكن البعض عندو شراكة او تفاق مبدئي فكون جاهز لتتطورات مهنية أوعقارية واجواء حلوة.

عاطفياً ❤️ :بدك تهدي بعلاقتك وتروق وبدي ياك تضبط اعصابك ولا تكبر اي موضوع حتى ماتزيد الوضع سوء وتعامل بدبلوماسية .. بس لا تخاف كلشي بيتحسن وممكن تقرر مشوار او سفرة قصيرة مع الشريك والبعض عم يرتب لحدث مهم وممكن بدي باركلو على شي هالفترة مع الشريك جهزلي حالك .. اتصال او لقاء حميمي وتحسن بلاجواء وبلاخص مع شريك قديم هاليومين..

صحياً:تحسن صحي نتيجة تحسن لاوضاع بس البعض عم تتعرض لجفاف بالفم وديق تنفس .

 

#العقرب ♏

مهنياً:بتشغلك امور عاطفية وتسهيلات بنهارك المهم تنفذ اهدافك ولا تتكاسل والمسا لا تستعجل ونتبهلي على صحتك .. بعدو نهارك منيح حاول تستغل هاشي وتحسن امورك وممكن تحقق نجاح لصالحك بهاليوم وفرصة عمل او سفر للبعض .. المسا حاول تأجل الاعمال الضرورية وتهدي بقراراتك وخلص امورك وركز منيح بلا ماتوقع بأي غلط وكلشي برواق بينحل بلا ماتخلي امور تانية تأثر على شغلك وحاول تغير جو وتطلع من وضعك ونشالله في تحسن صحي او برنامج جديد وخطوة مهمة صحياً..

عاطفياً ❤️ :بيحملك هاليوم تضارب بلافكار وشكلك ماعم تعرف شو بدك او عم توقع بحيرة بأمورك .. قدامك فرصة عاطفية واجواء حلوة بس بدي ياك تستغل هاشي لصالحك وحاول تبني على المستقبل لانو الماضي مابقا مهم حاول تتخذ قرار مناسب بهذا الخصوص ولا تتنازل عن شريك الك .. والبعض لازم تاخد الحذر من بعض العلاقات السرية ..

صحياً:عندك وضع صحي الك او لحدا بعيلتم حاول تحافظ على صحتك هالفترة وتحسن بهاليومين .

 

#القوس ♐

مهنياً:قصص عائلية وعقارية واتصالات والمسا عاطفة عندك .. عم تعيش اجواء من توتر وبلاخص فترة الصبح وماعم تعرف القصص من وين عم تطلع ببيتك وشغلك بدي منك تهدي لفترة بعد الضهر او المسا لتطلع من حالتك وتبلش لامور تتحسن واوقات كتير ايجابية والحظ بكون معك وفرصة ونقاش مهم وممكن انفراج بقضية ما .. خلي طاقتك ايجابية وتحسن مهني مالي عائلي وقصة اطفال عند البعض ..

عاطفياً ❤️ :تغيرات بوجهات نظر والحق معك هاشي عم يكون بفترة النهار والشريك عم يحس بضعف قدامك

عم تفرض رايك وجهة نظرك وعم تعتب على بعض الامور ومن بعد ضهر والمسا توقع اوقات كتير حلوة ولقاءات او اتصالات مميزة وبتكون جذاب وحليان وعندك عاطفة وتفاهم وممكن لاعزب تطور بعلاقاتك نحو ارتباط جديد او لقاء حميمي..

صحياً:تعب وارهاق بيومك نتبه من وعكة صحية وخفف سهر وتناول طعام بوقت متأخر او بسرعة .

 

#الجدي ♑

مهنياً:موضوع مهم بيشغلك وتنقلات بيومك او اتفاق ومن المسا قصص عائلية وعقارية .. امورك بنهارك افضل لهيك بدي منك تستغل هالفترة اذا عندك تنقلات او ومشوار ولقاءات حتى امور كتير عم تنقلب لمصلحتك بعد مافقدت الامل فيها وممكن في لقاء او اتصال مهم مع شخصية مهمة اتصالات بتكتر واتفاق بصير وبعد ضهر وفترة المسا قصة عم تشغلك وممكن بالعيلة وفي حدا بحاجتك لازم تلبي ونتبهلي لوضع اهلك بالبيت او اخواتك حاول لا طنش حدا وساعدو قد مافيك وقصة عقار بيشغل البعض ..

عاطفياً ❤️ :امورك العاطفية بحاجة لشوية صبر وحكمة بتعامل لهيك ممكن انت مقبل على فترة مميزة وسعيدة وتواصل بعود وامور بتتحسن وممكن شي مفاجئ بيومك وانا بدي منك طول بالك لتوصل لشي لبدك ياه ولتناغم والاوقات الممتعة الي عم تحلم فيها وعلاقات حميمية عند البعض .. او تواصل عم يكون مع شريك قديم ..

صحياً:بحاجة لبعض تمارين ممكن عم تتعرض لتعب او عم تجهد حالك ومشاكل بالعضلات ريح حالك .

 

#الدلو ♒

مهنياً:بتبلش بأمور مالية ومصاريف او اتفاق وتنقلات وشي جديد بيومك .. عم تعاني تعب وقلق بنهارك وكتير بطيء نهارك وماعم يثبت وضعك على شي وبتحس كل شوي بمزاج حاول تنتبهلي لامورك منيح وبلاخص لامور المالي حتى ماتوقع بمشاكل مانك حاسب حسابها وفرصة قبض او بيع وشراء .. بس بعد الضهر والمسا انت احسن في حرية وتواصل وراحة وممكن شي بخص عقارات او انتقال لمنزل جديد وتستقرار وبتكتر الاتصالات وتواصل بزيد وبتقضي وقت مع ناس بتحبن واجواء افضل من قبل وبترتاح من ضغط في تقدير لجهودك واتفاق بس البعض ينتبه من الحوادث والاعطال ..

عاطفياً ❤️ :بدي منك تستوعب الامور وتهدي وتعطي وقت لوضعك العاطفي لا تكون عنيد وبارد ولا كأنو صاير شي معك بس انت من جوا تعبان كتير ومافيك عم تنسى ركز منيح ولا تتسرع بقراراتك ولمعاملة مع الله

اعطي فرصة لشريك اذا بيستاهل ممكن يكون في نقاشات او تبرير لموقف او سوء تفاهم استغل فترة المسا ولا تعصب وتدايق ..

صحياً:ريح حالك هالفترة وبتعد عن العصبية لان مشاكلها كتيرة او المعدة بشكل خاص.

 

#الحوت ♓

مهنياً:بنهارك افضل ومال بعد الضهر ..

استغل فترة نهارك القمر ببرج السرطان بعدو وانت بوضع افضل حاول تخلص امورك بكير ولا تأجل شي عم توصل وتنجح وتحقق هدف من اهدافك وتوقع امور كتير منيحة بنهارك لهيك بدي ياك تستغل هاشي وبلاخص اذا بدك تطلب او تحل مشاكل او تدخل بشي جديد .. بعد الضهر والمسا بتحس بشوية ارهاق ومو كتير ع بالك شي وحتى طاقتك بتبلش تخف وممكن عم تشغلك امور مالية ومصاريفك عم تزيد وماعم تلحق صرف وهاشي بيطلب منك مورد او شغل جديد والبعض وارد تحصل على مال هاليومين …

عاطفياً ❤️ :بدي منك تكون متسامح بس بنفس الوقت لازم تكون حازم وفي امور بدا نوع من القوة لتحسم امورك ولا تخلي حدا يأثر على علاقتك .. بدي منك تفهم تصرفات الشريك وتعرف شو بدو امورك افضل بنهارك وارتباط وتحسن ومصالحة .. رغم انك عم تسامح عن بعض الاخطاء وقلبك طيب هدي بعد ضهر وفترة المسا من عصبية وسوء تفاهم ..

صحياً:جسمك بحاجة لحركة اكتر هالفترة ولتعيد نشاط الدورة الدموية .. والبعض بحاجة اما لنقاص الوزن او عندو نحف زائد بس بحاجة لحل .