رصد نيوز
الحمل ♈
مهنياً:لقمر ببرج الأسد استغل يومك وبادر وغير .. بيعطيك الحظ وطاقة وتفائل وتحسن بشخصيتك ونفسيتك .. عم تطلع من تعبك وبتكون منيح وبيمنحك القوة وتركيز وتحسن تدريجي بوضعك وبعلاقاتك وفيك تبدا شي جديد وتفتح صفحة جديدة وبترتاح نفسياً من ضغوط حتى ثقتك بترجعلك وبتلاقي دعم وبتتخلص من مشاكل وهواجس رافقتك وحدا غالي عندك او عندك عزيمة ..
عاطفياً ❤️ :علاقات افضل وتطور نسبي واذا اعزب جهز حالك لارتباط .. المرتبط لا تتمسك بقراراتك وتكون عنيد او تدخل بأي نقاش مع الشريك مامنو فائدة حتى ترجع ثقتك بشريك وهديلي حالك لان ناطرك شي حلو في حال التزمت بتعليمات وتحسن تدريجي ببلش من اليوم وتصحيح لمسار العلاقة او مصالحات..
صحياً:ممكن ضغطوط الفكرية بقصص شغلك وبيتك عم تعملك تعب وارهاق فاحاول تخفف عن حالك..
#الثور ♉
مهنياً:القمر في برج الأسد هدي بعلاقاتك وبأمورك الاجتماعية مزعوج من الحواليك وعندك تأجيل .. نتبه لاي تطور بيومك ولا تقدم على اي خطوة مالم تكن مدروسة او مخطط الها بشكل جيد وحاول تكون بعيد عن المشاكل والأصطدام المباشر ونتبه لكلامك لانك تعبان ومانك مرتاح من الكل والوضع متعبك اكتر .. نتبه لأمورك المالية ولمصاريفك ونتبه تفوت بأي شي مالي.. وضب ايدك على مصاريفك وركز منيح ونفذ المطلوب منك بس هاليوم ونشالله نتائج قريبة لتلاقي انفراج بقضية معينة ..
عاطفياً ❤️ :يوم بدو هدوء والحظ ماعم يساعدك حتى المشاعر والعواطف باردة وفاترة او عم تحس بنفاق او كذب وماعم تحس انو في تطور مابدي ياك تدخل بسوء تفاهم او تتسرع بأي قرار وبلاخص وضعك مكركب روق ولا تتسرع واذا طريت تحسم شي بهاليوم فكر في منيح قبل ما تتخذ اي قرار ..
صحياً:نتبه لصحتك ولا تتعبها اكتر من هيك وداريها منيح حتى لا تروح لوضع صحي بسبب تهورك واستهتارك بلامور ..
#الجوزاء ♊
مهنياً:القمر في برج الأسد تطورات منيحة ودعم بتلاقي بيومك .. عم تحقق انجاز وهدف مهم عم داري الوضع وعم تستوعب الامور اكتر.. يوم رغم كلشي بس ماعم يخلى من العلاقات الاجتماعية وناس بحدك يوم في سرعة وعم تنجز اعمالك ومال بيومك بيشغلك لا تتردد باي شي بتفكر في .. بس نتبهلي من الغيرة الي ممكن تلاقيها من محيطك بلاخص البعض الي مابريد الخير ومابدو ياك تنجح..
عاطفياً ❤️ :يوم للعاطفة والمرح وتقارب وعلاقات حميمية .. حاول تفكر بعلاقتك اكتر وتصارح الشريك ولا تخلي شي يأثر على منسوب العاطفة او لحتى يصير تفاهم على بعض نقاط او لتعود المياه لمجاريها
روق وركز منيح كيف ممكن تحسن علاقتك وبلاخص بيوم داعم الك لتوصل تفكيرك وتكون مقنع ولتعمل اتصال واذا في مشروع لقاء فالحظ معك بلايام القادمة حتى فرصة لتكون العين عليك واعجاب ..
صحياً:يوم بدو راحة وترفيه باي طريقة وبنصحك لا توفر اي جهد في سبيل صحتك وتحسن وضعك ..
#السرطان ♋
مهنياً:القمر في برج الأسد الناري في عصبية وحاسك مو ع بعضك وناس عم تتغير معك وحكي بضهرك والبعض عم يحاول يشوه سمعتك .. بيشغلك المال بهاليوم وركود بوضعك بشغل عم تعيد ترتيب حساباتك في سبيل تجاوز هالازمة .. لا تهتم لكلام البعض فقد تكون غايتهم أستفزازك حتى ترتكب بعض الاخطاء وتوقع بلوم روق وكلشي الو حل ولا تخاف ولا تتسرع بشي تابع مابدأت به بثقة ولا تحط بالك وتطورات قادمة وفي حسم لامورك .. علاقات اجتماعية كتيرة وقصة بتخص شغلك او وظيفتك ..
عاطفياً ❤️ :يمكن الوضع المحيط او قصة عم تأثر على علاقتك بدي منك تنتبه وتساير .. لان احتمال حدوث سوء تفاهم او مشكلة على قصة تافهة .. لازم تكون متفهم وتكون واعي بتصرفاتك وكلامك مشان ما تخسر شريكك او تتخذ قرار مصيري تقرب اكتر ولا تعمل من الحبة قبة انا مو شايف في داعي حاول تفصل بين حبك والامور الاخرى وتحسن بعلاقتك بلاخص المتزوجين ..
صحيا:ريحةحالك من مشاكل اسفل ضهر وحاول بعد شغلك تتسطح لوقت كافي ..
#الأسد ♌
مهنياً:تطورات وتغيير بوضعك المهني مقابلة واختبار وتنقلات جديدة .. القمر ببرجك من الايام داعمة الك وحلول ناطرتك ..بعد فترة متعبة طاقة وراحة نفسية وتحرك وخبر حلو .. عم تفكر بشي جديد تغير بوضعك وكتير تعبت الايام الي راحت وحابب تطلع وتغير روتينك الممل وتلتقي بصديق او حدا مقرب عم تفكر بمجال او نشاط جديد وحلول لقضية متعبة بوضعك او وضع البيت يوم في اتصالات مهمة ومن حدا بعيد وممكن تقابل ناس جديدة حتى عم تتخلى عن بعض العادات سيئة بوضعك لتبلش بشي اكثر فعالية ..
عاطفياً ❤️ :اجواء حلوة وعاطفية وعم تعيش يوم منيح برغم من البرودة والقلق الي كان مسيطر بيتحسن الوضع وشريك عم يبادر وعم يمنحك عاطفتو وبتحس انو في شي عم يتغير للاحسن هاليوم بالمشاعر .. اجواء واخبار عاطفية حلوة وفرصة كمان لحدا يعترف بأعجابو فيك ويصارحك .. استغل هاليوم وبلاخص الاعزب..
صحياً:اي مشكلة صحية ممكن تتعرض الها فيك تزور طبيب ولا تنطر ليتفاقم الوضع اكثر ..
#العذراء ♍
مهنياً:القمر في برج الأسد عم تبحث بأمور بتخص موارد مالية او من شراكة وعندك التزامات وديون لازم تظبط حساباتك وتنظم امورك والبعض بتشغلك قصة ميراث او عقد ما وبحاجة لتمويل مالي لتخلص امورك .. ضبلي ايدك على مصاريفك ..في توتر صغير بهاليوم بسبب قصة مالية بتنحل بعد ماسببت لك ضغط حاول تكون حريص على مصالحك وبتبلش امورك ترتاح نسبياً وبلاخص من ناحية تخلص من المشاكل وضغوط والمال والمصالحات..
عاطفياً ❤️ :عم يكون في تتضارب بلافكار ومحتار شو بدك حاول تهدي الوضع مع الشريك وأستغل عاطفتك بهيك يوم لتقضي اوقات حلوة واتصالات وتقارب .. والبعض ماعم يرضى يتنازل او مابدك تكون المبادرة منك روق وهديلي حالك حتى تخفف عنك تشنج وتردد ولارباك ..
صحياً:خفف من تناول طعام متأخراً واضبط شهيتك ممكن اليوم ماعم تقدر تقاوم ..والبعض عندو شفاء من مرض تعبو ..
#الميزان ♎
مهنياً:القمر في برج الأسد شراكات ضعيفة مهنية او عاطفية ممكن تنتهي او تأجل شي حاول تركز لتبدأ شي افضل .. يوم في تعب وحاسس حالك مو ع بعضك ومالك نفس على شي .. مسؤوليات وضغط وتوتر بيومك ومانك متحمل حدا حتى اقرب ناس الك متعبينك نتبه تجادل وتناقش كتير حتى ماتوصل لمشكلة اوحسم غير مرضي .. طاقتك ضعيفة الملل وضجر مسيطر عليك لا تبقى رهينة هالاوضاع مرق هاليومين على خير وبتتحسن لامور لا تخاف .. وممكن يجيك عرض ركز عليه منيح ولا تتردد بشي ..
عاطفياً ❤️ :بدك تساير اليوم ولا في قطيعة وتوتر ماني راضي عن وضعك هاليوم حاول لا تكون طرف بخلاف او سوء تفاهم حتى ماتخسر شريك او يصير زعل هدي وأضبط أعصابك وناقش بهدوء الفلك مانو داعم الك اليوم لكن بشوية هدوء لامور بتتحسن .. فرصة لارتباط وتعدد العلاقات عن البعض ..
صحياً:لازم تاخد قرار صحي بالاعتناء بنفسك بشكل اكبر وتريح حالك من ضغوط نفسية وبعد عن الامور التي لا شأن لك بها افضل الك ..
#العقرب ♏
مهنياً:القمر في برج الأسد شوية هدوء وضعك بكون منيح .. مو مرتاح وضغوط والمسؤوليات كتيرة عليك بهاليوم حتى ماعم تعرف من وين القصص عم تطلعلك حاول تمرق هاليوم على خير وخلص ضروري بسرعة ومابدي منك تتخاذل او تهاون بامورك رتب كلشي حسب الأولويات ونظم وقتك وفرصة لتبلش بشي جديد على صعيد العمل وصحة .. مافي شي بيبقى على حالو في تحسن قريب لا تخاف بلاخص الي ناطر عمل جديد او تغيير بشغلك ..
عاطفياً ❤️ :الوضع مانو سيء بس انت من جوا في شي ماعم يخليك ترتاح وعم تكون بحالة من العزلة بعض شيء .. الشريك متعبك وماعم يقدر وضعك عم تقدم كتير وعم يبادرك بالقليل .. برغم هو محتاجك ومحتاج عاطفتك وحبك ودعمك الو لا تفوت الفرصة اليوم لانك قد ماحكيت وعملت وعاتبت مافي نتيجة حاول تريح حالك وطنش شوي واي شي بيبعد توتر بالعلاقة فيك تعملو هيك افضل وانطر الوقت المناسب لتلاقي تغيرات على هذا صعيد ..
صحياً:يجب عليك أتخاذ اجراءات اكثر صرامه بحق وضعك الصحي وعدم تراجع وأصبر هالفترة بس حتى ماتوقع بوضع صحي والبعض بيرتاح من وضع صحي تعبو بالفترة الماضية .
#القوس ♐
مهنياً:عاطفة ومال ولامور في تحسن نسبي والقمر بالاسد الصديق يوم منيح لتكون مميز بحضورك ومدعوم فلكياً الي عم يمدك بطاقة وثقة بنفس .. عم تعيد نظر بقراراتك وبتتخلص من مشاكل حقيقية كانت مرافقتك حتى ممكن يوصلك خبر منيح لتبدا شي جديد بالفترة القادمة حلول عائلية ومهنية وتطورات بعلاقاتك واتصال ومال بيشغلك والبعض عندو قصة انجاب رح تشغلو هالفترة ..
عاطفياً ❤️ :المرتبط تطور بعلاقتك وفيك تحسن الوضع للافضل بعيد عن تحديات والمراهنات وأفتح قلبك لتحصل على يوم ايجابي وتتطور ورومنسية واوقات حلوة واتصالات ..الاعزب امورك افضل وممكن حب جديد يدق بابك واعجاب ومصارحة ..
صحياً:اذا عطيت حالك وقت كافي وتريح جسمك وتنام منيح امورك صحية افضل وبتشعر بنشاط كبير وطاقة هاليومين..
#الجدي ♑
مهنياً:القمر في برج الأسد عم تشغلك امور عائلية وضع بالبيت مكركب وعم تفكر بلكل وبتحس ان كلشي على كتافك والحمل عليك بي .. تعبان وضغوط عليك كتيرة وعم تتحمل فوق طاقتك وعندك قلق لوضع حدا بخصك وفي تنقل او ناطر حدا يجيك بدي منك تهدي حالك ولا تخلي اي فرصة تروح من ايدك ويمكن صار لازم تحط حد لمشاكلك والبعض ممكن عندو نقل لبيت او بدو يشوف عقار هاليومين وتجهيز وتصليح ..
عاطفياً ❤️ :روق ولا تفوت بتعقيدات بوضعك وركز منيح بتحس انو مافي شي عم يريح قلبك ويخلي وضعك يستقر ..بس انا بعتقد انو امورك فيها فرصة وممكن قريباً تحصل على حلول كون بعيد عن العصبية والمناقرة لابعد الحدود ولا تخاف قريباً كلشي بيرجع متل ماكان وبصير تفاهم وحلول جديدة والاعزب ممكن تتلقى خبر او تواصل من شخص او شي ناطرو وفرصة ارتباط ..
صحياً:روق هالفترة وعتني بحالك وبتوقعلك تحسن صحي كبير وبلاخص لمن تعرض لمرض بالايام الماضية بس نتبه من اي شي بيحتوي على الحموضة زايدة ..
#الدلو ♒
مهنياً:القمر في برج الأسد يوم منيح لتقدر ترجع طاقتك وتحسن تدريجي بطيء عم تتطلع من حالتك شوي شوي وعم تكون احسن نفسياً عم تتلقى اتصالات وممكن عرض جديد يجيك هالفترة حاول مهما تعرضت لعراقيل تكون قدا وتتجاوزها ونتبهلي لوضع حدا من اهلك بالبيت .. اليوم افكارك حلوة واكثر نشاط وبتقنع برأيك وبتحل مشكلة وفيك تلاقي حل جزئي لوضعك نفسي وتغير جو او تدخل نشاط جديد يوم في حركة للبيع وشراء واتصالات او لقاءات مهمة وتقدير لجهودك المبذولة ونتبه ع دراستك .
عاطفياً ❤️ :بعد عن المشاكل وأستغل حظك.. اليوم داعم ألك لتوصل افكارك وعاطفتك ورومنسيتك .. وممكن اتصال طويل بيحملك شي ايجابي وحل لمشكلة مع الشريك .. والبعض وبلاخص اذا في زعل مزعوج من الشريك ومن تصرفاتو والوضع الي وصلتلو والي تعبك نفسياً أستغل هاليوم اذا حابب تفتح قلبك من جديد او لقاء واتصال مفاجئ او عن طريق صدفة .
صحياً:اهتم بصحتك متل مابتهتم بأمور اخى حتى ماتتعرض لوعكة صحية ..
#الحوت ♓
مهنياً:القمر ببرج الأسد ومواضيع مالية بعدا عم تسيطر عليك وبدك تظبط امورك بالمال واي مال عم يجيك ماعم يكفي بسبب مصاريفك واحتياجاتك .. عندك افكار وعم تفكر تعمل شي جديد تكسر حاجز روتينك او شغل جديد تجيب منو مردود مالي بس لامور بتحسا ماعم تظبط وفي ركود ومالك خلق هاد الوضع مؤقت هدي وروق واذا كان في فرصة حاول تستغلا لتحسن امورك بلاخص المالية ..
عاطفياً ❤️ :ضايج وماعم تلاقي حل ويمكن تعدد الخيارات عم تسبب نوع من تضليل لهيك بدي منك تنتبه بقراراتك ولاتخلي حدا يضيعك .. عم تعاني قلت الاهتمام من الشريك وهاشي عم يخليك تبادر بنفس شعور بدي منك تلاقي حلول وتقاوم حجم ضغوط الي عليك والبعض في اتصال او ممكن يوصلك شي من الشريك .. خطوة منك وخطوة منو بتشيل الحواجز الي بيناتكم لا تتردد وكون بحدو لتقدر تلاقي حلول وتقاوم ضغوط الي عم تمارس عليك ..
صحياً:انت بحاجة لتحرك حالك اكتر وتطلع من وضعك وتعمل شي جديد وبنصحك تمارس بعض تمارين الرياضة ضمن بيتك اول مابتفيق صبح ..
