ابراج__اليوم__الخميس__24__حزيران__يونيو2021 🔮 🌙 🌛 القمر مكمل بالقوس♐ الناري 🔥كوكبه 🌍 المشتري..بعد الضهر بينتقل لبرج الجدي ♑..

#الحمل ♈
مهنياً:بنهارك أفضل وفي دفع مالي والتزامات وشي بخص البيت .. علاقات كتيرة واوقات خلوة بتقضيا وناس جديدة واتصالات عم تكتر وعندك قدرة تتعامل مع الكل بطريقة مميزة وفيك توصل وتسمع اخبار حلوة بس خففلي من طريقتك بالكلام ومن عصبيتك وردت فعلك العشوائية بعد الضهر شغل جديد وعلاقات اجتماعية وشعبية وشهرة وقصة اب بتشغلك ولمة حلوة ..
عاطفياً ❤️ :استغل فترة لنهار لتقضي وقت وتسمع اخبار حلوة بتخص وضعك وتعزز علاقتك ويكون في تفاهم اكتر .. جاذبيتك بتزيد وفي أعجاب من شخص مهم او مشهور وعلاقات من ضمن شغلك بتتحسن وبتتغير بلاخص لاعزب .. المتزوج بدك تروق وتهدي المسا لان عندك ضغط عاطفي .. بعرف ماعد في ثقة بحدا بلاخص بتحس كلن مصالح ..
صحياً:لا تعب حالك وتجهد جسمك وبدك تنتبه من مشاكل رقبة واسفل الظهر ..

#الثور ♉
مهنياً:بعدو المال عم يشغلك ومصاريف وتغيير بعد الضهر لصالحك .. لازم تستغل الامور المالية بهالفترة وفي امور عم تتحلحل عندك وعم تمشي صح وبلاخص الاوراق والقضايا واي شي بيتعلق بالمال يومك في دفع وقبض ومال من شريك او ميراث ودين بيشغل البعض .. بعد الضهر انت افضل وتغيرات وتنقلات ولقاءات واتصالات كتيرة وبعيدة وبداية جديدة و بتجهز لسفر هاليومين وانتظر خبر وحدث مهم كتير حلو الك نشالله بالاسبوع جاي ..
عاطفياً ❤️ :روق بنهارك لا تتسرع ولا تكبر القصة وخلي خط لرجعة ولا تخلي لامور تتجاوز حدها وخلي حيز لتفاهم بينك وبين الشريك .. بعد الضهر في تتطور بتجاه الافضل وبلاخص اذا ناوي تبادر او يصير مصالحات وتعزيز علاقتك بالشريك او شخص بعود من جديد وتحسن بوضعك العاطفي والبعض في تواصل مع حدا بعيد او موعد او من الخارج ..
صحياً:لا تستهان باي عارض صحي وانتبه لوضعك لتتحسن منيح ..

#الجوزاء ♊
مهنياً:في قصة شراكة بنهارك ومال المسا وبدنا نباركلك هالفترة .. تجنب المواجهات بنهارك وفي كتير قصص شاغلتك وبتحس ماحدا عم يفهم عليك وانت مو متحمل لا كلمة ولا حدا قدر الامكان تحاول تكون بعيد عن المواجهات والمشاكل وتغير شوي بأسلوبك لا تخاف لامور رح تتغير وقصص شراكات بتشغلك وقصة مع شخص جديد .. بعد الضهر في مال ومصاريفك ورتب امورك وبتحل مشكلة عندك وعزيمة والبعض ممكن يجي مال او هدية ..
عاطفياً ❤️ : رغم في عرقلة بنهارك او تأجيل لامور بخير ورح تكملة بعد صبر طويل .. حاول لا توثق بحدا وحافظ على اسرارك ولا تصعد لان بعرف ماعم تطلع من مشكلة حتى تفوت بمشكلة بسبب قلة الأهتمام وعدم الاحساس وتقدير الك .. بعد الضهر وفترة المسا الامور بتنقلب لصالحك وناطرك اجواء حلوة ومستجدات جديدة وشخص بيتقرب منك وبتتطور علاقتك في .. ويمكن البعض نشوف محبس بأيدو قريباً ..
صحياً:لازم تخفف تناول طعام بوقت متأخر او الجاهز وبلاخص المعجنات ..

#السرطان ♋
مهنياً:بنهارك في تعب وشغل ومضغوط بالبيت وعم تعمل تغييرات وفي التزامات ولازمك حلول لتطلع من هالوضع المتعب وتنتبه من حكي ناس .. مستجدات جديدة وفي عقد وشراكة والبعض انتبه من شراكات تنتهي لهيك لازم تكون مساير ودبلوماسي .. يوم لتتحسن في امورك المسا ويكون في لمة حلوة وعزيمة وحكي بشراكة جديدة..
عاطفياً ❤️ :لا تستعجل بشي يومك حساس ومفصلي يعني ممكن تنهي علاقة وتبلش علاقة افضل .. احسبها منيح وبلاخص المرتبط ولا تقدم على اي فعل وردة فعل بدون ماتكون مركز لان ممكن يكون في توتر وتخسر الموقف ولازم تعطي وقت لشريك لان كمان في عتب ولوم .. وفي شراكة جديدة بتبلش ويمكن شخص يعترف بحبو والبعض ممكن عندو خطوة مهمة قريباً ..
صحياً:انتبه لصحتك وخفف شرب منبهات قهوة واركيلة او دخان وريح اعصابك ..

#الأسد ♌
مهنياً:بنهارك افضل والمسا في التزامات وضغط شوي بدك تستغل يومك في تحسن نسبي وطاقة وحلول لبعض القصص وفي شي مالي وعلاقات كتيرة ولقاءات وتنقلات كتيرة .. بعد الضهر في مسؤوليات وحاول تستغل نهارك حتى ماتتراكم الامور عليك المسا في ضغط شغل او خبر بخص شغل ولازم تفكر بكلامك وتنتبه من الغلط ومن ضغط زايد بشغل والبيت وفي طلب من أخ او اب وانتبه على صحتك .
عاطفياً ❤️ :تحسن بوضعك العاطفي واحداث جديدة وممكن لقاء واتصالات وتواصل ومشوار واخبار حلوة .. فترة المسا بدك تكون دبلوماسي وبلا ملاحظات ولا تصعد الخلافات وانتبه من توتر لان في ضغوط عليك .. والبعض عم يعيش تناقض بين حب قديم وحب جديد ومحتار بس مابيعرف شو بدو يعمل انا برأيي تشيل الماضي من راسك ..
صحياً:أهتمام صحي وتغييرات بشكلك والبعض وعكة صحية او لحدا من العيلة ..

#العذراء ♍
مهنياً:امور بالبيت بتشغلك ومن بعد الضهر لامور بتبلش تتحسن وبترتاح .. شوية قصص عائلية وفي حيرة وماحدا عم يفهم عليك وعم تواجه ضغوط والصعوبات لحالك عم تعمل جهدك وماعم تقصر بالحلول والمساعدات .. بتتحسن الامور بعد الضهر وتغيرات جديدة بالحظ وطاقة وتحسن مهني وعائلي وبتعالج قضايا تعبتك وخبر حلو ومال بيومك وعزائم وقصة بتخص الاطفال والانجاب للبعض ..
عاطفياً ❤️ :روق بنهارك وتدريجي بيتحسن وضعك وعلاقاتك وحب قديم بيومك ..أنتبهلي من مشكلة بنهارك وخفف من انفعالك وبعد عن الاجواء السلبية .. بعد الضهر في تغيير مهم عندك واجواء عاطفية مميزة وممكن ارتباط وعم تقضي وقت مع الشريك بلقاء او اتصال ولاجواء بتتحسن .. واذا في فكرت ارتباط لازم تكون دارسها مظبوط ..
صحياً:شفاء من مرض والبعض انتبه من كريب وصداع متكرر ..

#الميزان ♎
مهنياً:استغل فترة لنهار والمسا أمور عائلية .. قادر توصل افكارك وتقنع برأيك عندك الكاريزمة ودبلوماسية الي بتساعدك له شي .. عم تكسب خبرات جديدة وثقة بحالك اكتر لتوصل وتكون محط اعجاب لقاءات وحركة وتنقل او مشوار واجواء حلوة واتصالات عم تكتر ويوم ايجابي الك نسبياً فاستغلوا لصالحك ونتبه من مشاكل سيارة او موبايل واعطال كهربائية .. بعد الضهر قصص عائلية عندك ونقل لمكان ولمة مع الاهل وتصليحات بالبيت ..
عاطفياً ❤️ :شيل الافكار من راسك وحاول تصلح الوضع وطنش الي صار .. يومك في عتب كبير وممكن يكون في اعتذار والبعض عم يقدم تنازل وممكن عم تمنح الشريك فرصة جديدة .. لقاء او اتصال وتفاهم على بعض نقاط وعم تفكر بعلاقة جديدة واعجاب عم يطور .. المتزوج روق ولا تعصب في قصة بالبيت زاعجتك بس مابدا كل هاشي (البعض) بنصحك لا تتسرع بموضوع طلاق ..
صحياً: تجنب الامراض المعدية وبلاخص لكريب وأوقي نفسك قدر الأمكان ..

#العقرب ♏
مهنياً:مصاريف مالية بيومك والمسا الامور افضل .. فرصة لتبدأ شي جديد واليوم بخص المال دفع ومصاريف عم تكتر لهيك بدي منك تعيد حساباتك من جديد وترتب بيتك المالي وضب ايدك وممكن يجيك مبلغ صغير .. بعد الضهر افضل الي ناوي تسافر او تطلع مشوار ويكون في عزيمة واتصالات وناس جديدة وقصة اخ بتشغلك والبعض عندو قصة سيارة او موبايل وأنتبه من الاعطال والحوادث وحكي بضهرك ..
عاطفياً ❤️ :شوية هدوء بنهارك وكلشي رح يكون لصالحك عم تتحس لامور تدريجي .. انتبه للمعاملة ولنقاشات واحسم نقاشات طويلة احسن مايصير استفزاز لانو وضعك بشكل عام بيتحسن وبكون عندك جاذبية وحكي حلو واجواء رومنسية وتفاهم افضل من قبل ..
صحياً:امورك افضل بس تقلب طقس ممكن يأثر عليك بلاخص في دوخة وصداع ومشاكل ضغط ..

#القوس ♐
مهنياً:طاقة وحظ بنهارك ومصاريف مالية وعزائم .. تتطورات وعلاقات وناس حواليك وعم تحل مشاكل وطاقتك ايجابية واتصالات مهمة بس بدي منك تخلص ضروري هاليوم مشان ترتاح مهام جديدة وتأثيرات ايجابية .. تنقلات واتصالات وعزائم المسا فرصة لتكسب مال ومبلغ ناطرو او تعويض وحوالة هاليومين وكتير لازم تخفف مصاريف بلاخص على العزائم وصحة وسفر ..
عاطفياً ❤️ : في لقاء او اتصال ولاجواء حلوة وداعمة وشي مهم هالفترة ناطرك .. حلول ومصالحات وتحسن نسبي بالعاطفة بلاخص انو الفلك عم يدعمك عاطفياً هالفترة عم تكون هادي بمعاملتك وعم تتعاطى مع الامور بشكل منيح وهاشي اكيد رح يحسن من امورك وممكن الشريك عندو أهتمام افضل من قبل وتصرفاتوا عم تكون غير ..
صحياً:عم تتحسن امورك بلاخص بالفترة الاخيرة ماكنت مرتاح وكان في مشفى او طبيب او ممكن البعض عمل عملية ..

#الجدي ♑
مهنياً:مو مرتاح وفي تأجيل وتأخيى واعباء اضافية وكتير بحاجة لراحة .. رغم عندك تنقلات وحركة بس طاقتك ضعيفة مرق فترة لنهار وضب ايدك مصروفك عم يكبر برغم من المالي الي وصلك .. من المسا تغيرات مهمة لقاء واتصال وراحة افضل وكلشي بكون لصالحك ورفقات واجواء حلوة وسهرة وحلول ومفاجئة وجهز حالك مال ناطرك هالفترة ..
عاطفياً ❤️ :روق بنهارك والمسا في حب ورومنسية .. بدك تروق بنهارك وتهدي لانك من اي كلمة مستعد تعمل مشكلة .. لا ترفع من مستوى نقاش وخلي خط لرجعة وانتبه من سوء تفاهم ولا تصر على اسلوبك حتى لا تفقد سيطرة على الامور .. شوية وقت ومن المسا كلشي بيتصلح وبتحل مشكلة وخبر حلو ورح تتحسن امورك لمهم شوية رواق بنهارك ..
صحياً:تعب وارهاق بروح وتحسن بوضعك تدريجي وتغير من نفسيتك وخفف شرب المنبهات ..

#الدلو ♒
مهنياً:علاقات اجتماعية واجواء عم تخص مقربين وناس واصدقاء وامور بالبيت وبدي باركلة بقصة هالفترة كتير حلوة .. برغم العلاقات لكتير بس بدك تنتبه من نفاق عند الاشخاص ولازم تخلص شغلك والتزاماتك لتتجاوز بعض المشاكل .. في عزيمة ولقاء بشخص غالي وفي طلب وبترتاح من تأجيل وعرقلة كانت بوضعك .. شوي شوي لامور رح تبلش تتغير بلاخص بموضوع عائلي نشالله مفرح او سفر واتصال او لقاء مهم عم تجهز الو هالفترة ..
عاطفياً ❤️ :جذاب وساحر بحضورك وعم تمارس جاذبية كبيرة بدي منك تهدي الوضع مع الشريك وحاول تزيد فرص راحة وتتأقلم مع الوضع من جديد .. عندك مواعيد واتصالات كتيرة ورح تعزز علاقتك بعيد عن اي انفعال ومغامرات وحب وعلاقات حميمية ويمكن البعض مقبل على خطبة او زواج قريب ..المسا في التزامات واشخاص كتيرة وعلاقات ولازم المتزوج ينتبه شوي للوضع من توتر ..
صحياً:عندك قلق وتقلبات اثناء نوم وعم تتأخر بنومتك ريح بالك قبل كل شي ..

#الحوت ♓
مهنياً:شوية تعب بنهارك بتبلش تتطلع منو وتدريجي لاجواء المسا غير وفي مناسبة ولمة حلوة واكل طيب .. بعدو نهارك في تعب وعندك اختبار وقصة عم تشغلك او لقاء مهم وبدك تنتبه من امور بشغلك وبالبيت ومن المنافقين روق وركز لتطلع من روتين الممل وتستقر امورك وحاول لا تخالف القانون وهدي بمشاكلك .. الامور بتتحسن بعد ضهر في سهرة وعلاقات كتير واصدقاء وعزيمة وبتستفاد من دعم الاصدقاء ولمة واجواء مميزة ..
عاطفياً ❤️ :تغيرات منيحة بس بدك تعرف كيف تستغلها لتوصل للاستقرار .. تدريجي بيومك امورك بتتحسن في تنازل بالعلاقة لترجع الامور من جديد وتلاقي حلول لمشاكلك وفرصة عم تمنحها لشريك .. ولبعض اي علاقة مافي منها نتيجة بعد عنها نصيحة مني وأنتبهلي لعلاقاتك السرية والبعض عم تتطور لجنس .. صدفة او غائب ممكن تلتقي في وعلاقات صداقة عم تتحول لحب ..
صحياً:بتتجاوز وضع صحي وامورك اليوم بتبلش تتحسن من المسا ..