#أبراج__اليوم__السبت__26__يونيو__حزيران2021 🔮 🌙 القمر يكمل ببرج الجدي ♑ الترابي وبعد الضهر ينتقل لبرج الدلو ♒ الهوائي….

حظگ________اليوم

 

#الحمل ♈

مهنياً:القمر بكمل بالجدي وبعد الضهر للدلو بتشغلك امور مالية ومن المسا لقاءات وسفر وتغيرات .. خيارات كتيرة عندك بشغلك وبيتك وعم تحاول تلاقي حلول لوضعك المالي او موارد جديدة وعم تحسب وعندك التزام مالي ويمكن ناطر مال او عم تفكر بشغل .. بتسافر وبتغير جو ومشوار وعلاقات وخبر منيح الك ولقاءات كتيرة وبلاخص المسا..

عاطفياً ❤️ :يومك متقلب بس فكر كيف تلاقي شخص يستاهل او تعزز علاقتك بشريك اذا مرتبط .. الوضع مو ظابط وفي توتر بس انت عم تهدي ومو حابب تعمل مشكلة او تفوت بجدالات مالها طعمة .. استغل يومك لتعزز وضعك واخبار منيحة ناطرتك بهيك يوم من المسا جهز حالك لاتصال او لقاء ولاعزب فكر صح.

صحياً:عندك القدرة تحافظ على صحتك واستغل هالفترة ليبلش وضعك يتحسن ..

 

#الثور ♉

مهنياً:القمر بكمل بالجدي وبعد الضهر للدلو وضعك بيتحسن وبتعالج قصة متعبة واخبار حلوة بشغلك والمسا بيجيك مال .. عم تتحسن امورك وطاقتك ايجابية وعم تخلص الامور المهمة بنهارك لترتاح خبر بفرحك وتنقلات وعزائم .. بتشغلك امور مالية وحسابات ومصاريف على صحة وعزائم والتزامات وممكن يجيك مبلغ مالي او هدية وبلاخص المسا ..

عاطفياً ❤️ :عم تكون مميز بيومك واوقات حلوة بتيشها بس المهم تعرف شو بدك ولا تخلي البرود يسيطر ع الوضع بلاخص الشريك في غموض عندو .. حاول توفق بين حبك وامور اخرى بحياتك وشيل الافكار السودة .. جهز للقاء او اتصال مع شخص مميز والاجواء ايجابية رح تبلش هاليومين ..

صحياً:بتعالج قصة صحية عندك وحدا من اهلك بتشغلك صحتو وانتبه ع الوزن الزايد ..

 

#الجوزاء ♊

مهنياً:القمر بكمل بالجدي وبعد الضهر للدلو في تعب بنهارك بس اليوم رح يتغير الوضع وتحسن بوضعك .. عم يكون في تفكير وتعب وقلق وقصة عم تعبك وعم تعاني مسؤوليات .. المسا بتبلش امورك ترتاح وحلول لقصة قضائية او قانونية وكلام حلو بحقك ولاجواء ايجابية بأتصالات ولقاءات وعزائم وسهرة ..

عاطفياً ❤️ :تعب عاطفي بنهارك ومدايق وبحاجة تساير وتلاقي حل سريع للوضع ولا تكون مزاجي وتقبل النصيحة .. المسا لامور كتير منيحة واخبار حلوة عاطفية وراحة وارتباط او اعجاب مبدئي وعم تعبر عن حبك وعاطفتك وفي فرصة لصلحة وترجع وضعك العاطفي وتحسن تدريجي بلاخص فترة المسا ..

صحياً:تدريجي بيتحسن الوضع وفيك تبلش تغييرات شكلية وحمية ..

 

#السرطان ♋

مهنياً:القمر بكمل بالجدي وبعد الضهر للدلو بتشغلك اكتر من قصة وتفكيرك شغال طول الوقت نهارك في علاقات كتير واجواء حلوة واتصالات بتخص اتفاق او موضوع قضائي حاول تكون هادي ولا تعصب ولا تتأخر بشي ..مال و شوية ضغوط بالبيت وقصة بدا حل وعندك قصة اوراق او مضيع شي وانتبه من احتيال او ناس الي بوجهين .. المسا مو كتير مرتاح وحاول تريح حالك من تعب والارهاق وغير جو..

عاطفياً ❤️ :استغل النهار لتعمل شي ايجابي وتتقرب من الشريك والمسا في شي عم يدايقك .. عم يمر وضعك بفترة اختبار ولازم تعرف تتعامل مع الوضع بدون ماتكبر القصص بعرف الشريك متعبك حاول تقدر الوضع وتروق خليك هادي وحكيم وافتح قنوات جديدة لتواصل او اتصال تهدي الوضع في .. مانك مرتاح عاطفياً وضغط كبير عليك بلاخص المتزوج .. لاعزب عندك جاذبية وتواصل مع اشخاص جديدة ..

صحياً:انتبه المسا لوضعك صحي ولا تهملوا واي شي بتعبك شوف طبيب ..

 

#الأسد ♌

مهنياً:القمر بكمل بالجدي وبعد الضهر للدلوعم تشغلك قصص مهنية وبالبيت ويوم للعلاقات واشخاص عم ترجع والمسا انت افضل وعلاقات وحسم .. عم تكون قادر تنجح وتحقق شي منيح بس المهم لا تستعجل ولا تعصب من صبح وانتبه لردة فعلك .. المسا تدريجي بتتحسن الامور وعندك حضور مميز وعلاقات حلوة ومساعدة من شخص وعزيمة وناس غاليين وفرصة لتغير روتينك وتحقق انجاز جديد وعرض او اذا بدك تسفر ..

عاطفياً ❤️ :انتبه لنفسك ولا تخلي الحب يتعبك وحاول تفكر صح ولا تكون رهينة اشخاص عم تعبك وبلاخص انك ماعم تقدر تركز وعم يكون في طيش عاطفي عم يوتر الوضع .. الحب عم ياخد مساحة كبيرة من وقتك وفي معجبين بدي منك تستغل هاليوم وبلاخص المسا انت افضل يوم حلو تحسن وتقارب اكتر والبعض بفكر بارتباط او بشريك قديم وعلاقات سرية ..

صحياً:تحسن صحي بعد تعب وفترة كتير دايقت منها عم تتطلع من تعبك تدريجي وانت منيح..

 

#العذراء ♍

مهنياً:القمر بكمل بالجدي وبعد الضهر للدلو يوم في تواصل وانفتاح اكبر بالعلاقات وعم تقضي وقت بين اتصالات وناس بعيدة ولقاءات وبتحل قصة وبترتاح منا يمكن بالعيلة وعندك تغيير مكان اقامة او بشغلك او تعمل شي يزيد من شعبيتك وخليك دقيق بأمور الشراكة .. بعد عرقلة وتأجيل في قصة بترتاح منا خلص شغلك بكير ويوم اجتماعي وقصة حدا بالعيلة بتشغلك المسا او شي بخص عقد وامور ملكية هدي بشغلك ومع الاب المسا ..

عاطفياً ❤️ :استغل نهارك لاجواء منيحة صار عندك خبرة بالشريك ومزاجيتو وبتعرف تتعامل معو ومن تجارب سابقة وانت قادر تستوعب وعندك صبر عليه .. المسا بدي منك تنتبه من المواجهات مع الشريك ولا تخلي امور صغيرة تسبب توتر بعلاقتك وافتح صفحة جديدة ..ركز منيح بعلاقتك اجواء حلوة اذا اعزب او مرتبط جديد ..والبعض بجهز للقاء واتصال حميمي او تواصل مع شخص مهم ..

صحياً:خلي عينك على صحتك ومو غلاط تعمل فحوصات كل فترة وممكن تزور طبيب اسنان والبعض ينتبه من امور ضعف الجنسي ..

 

#الميزان ♎

مهنياً:القمر بكمل بالجدي وبعد الضهر للدلو يوم مالي بين دفع وقبض ومستلزمات وعم تدفع فواتير وعم تتسوق وعم تحسم امور مالية ومهنية وقصص اوراق او عقود والبعض وفي قصة حوالة او عم تحكي بقصة ميراث .. لا تخاف وضعك ببلش يتحسن بلاخص من المسا طاقتك بترجعلك وعلاقات منيحة وتنقلات او فكرة سفر وعم تتعرف بناس جديدة .. اتصال بعيدة وممكن من غالي استغل لاجواء وعندك تصليحات بالبيت او موبايل وسيارة ..

عاطفياً ❤️ :امورك بدا هدوء بنهارك وشريك عم يحاول يستفزك بس المسا الوضع منيح في مصالحة واتصال حلو ناطرك اليوم لتغير امورك وتعيش جو حلو .. عم تحكي كتير بهاليوم وعم تعاتب بس عم تبقى محافظ على حبك .. تطورات ايجابية واتصالات طويلة ومشاعر متبادلة والبعض عندو فرصة لشخص يرجع يحاكيك وتعارف عن طريق صدفة او عن طريق نت المسا انت منيح واتفاق جديد مع الشريك ..

صحياً:خفف تناول لاطعمة الجاهزة ونشويات ممكن تسبب التهابات واضطرابات بجسمك ..

 

#العقرب ♏

مهنياً:القمر بكمل بالجدي وبعد الضهر للدلو بتشغلك امور الشراكة المالية والعاطفية بس المسا في تغيرات وتحسن مالي رح يبلش .. عندك ضغوط بهارك وفي خمول ومانك ع بعضك وبدك لتتخلص من مشكلك بتخصك او بتخص حدا مقرب او شريك .. المسا الامور بتبلش تتحسن وعم تحكي بقصص مالية او مشروع مشترك وممكن يجيك مال هاليومين او من بيع وقصة ميراث عم تشغل البعض المهم ضب ايدك على مصاريفك وبتحقيق مصالحات وهدي بأمورك العائلية ..

عاطفياً ❤️ :عم توقع بين نارين او خيارين وحاول لا تحسم شي بيومك وبلاخص بنهارك ولا تتسرع مابنصحك

عم تواجه ضغوط بعلاقتك وماعم تعرف كيف بدك تتعامل وصار في نوع من الاعجاز والشريك مو مريحك وبخاجة لحل سريع .. المسا الامور افضل وتوقع يكون في حلول ومصالحات .. لقاء او اتصال بلاخص اذا مرتبط جديد او اعزب..

صحياً:مشاكل بالبلعوم ولانف وقرحة بالمعدة حاول تتجنب المقالي بيومك ..

 

#القوس ♐

مهنياً:القمر بكمل بالجدي وبعد الضهر للدلو عندك يوم في ضغوط ومسؤوليات بلاخص بفترة لنهار بدك لتخلص شغلك وامورك وبالاخص بالبيت وعندك شي جديد على صعيد المهني وتغيير بشغلك .. تدريجي يومك بيتحسن المهم تخلص التزاماتك حتى ماتتعرض للوم ونقد بترتاح من قصة شاغلتك بشغلك او مالية ..فرصة لتبدا شي جديد او تحسم امر ما او عقد وانت افضل بشراكات ومال من شراكات ..

عاطفياً ❤️ :عم تتعرض لمواقف مو سهلة وعم يكون في اختبار الاوضاعك العاطفية بلاخص هاليومين يعني ما تكون عنيد وروق العلاقة متأرجحة ومرة منيحة ومرة سيئة حاول لا تعتب على حدا ماعم يهتم ويعطيك من وقتو لا تكبر القصة ولا ترد ع الحكي وانتبه من الناس الحسودة بلاخص اذا كنت متزوج .. المرتبط والاعزب عم تعزز علاقتك وشراكة جديدة بتبلش هاليومين وخبر اتصال بفرحك ..

صحياً:خلي تعاملك مع طبيب واي استشارة لا تتردد وكتر فيتامينات وسوائل ..

 

#الجدي ♑

مهنياً:القمر بكمل عندك لوقت الضهر يوم عم يبلش بعلاقات وناس وعم يكون في صداقات وقصة بالعيلة بتشغلك او صديق .. اجواء حلوة بتقضيا بنهارك وفي مصالحة واتصال منيح وعم تلاقي قصة بتتعلق بالمال او ممكن تقبض صبح .. بعد ضهر بتحس ضغط والمسؤوليات عم تكتر والتزامات ولازم تخلص ولا تخلي شي يتراكم عليك ولا تدايق حتى ماتتعب صحياً واذا بحاجة مساعدة لا تتردد ..عم تحضر لشي مهني جديد او سفرة قريبة..

عاطفياً ❤️ :حاول تستغل نهارك وتكون منيح بعلاقتك الاجواء جيدة بس المسا روق وبحاجة للاهتمام من الشريك .. عم تكون متفهم وعم تساير فوق طاقتك بس بتحس امور تافهة عم تسبب توتر .. خفف نقاشات وجدالات ووخليك حكيم ولا تستسلم لتحسن وضعك شي طبيعي يكون وضعك متقلب بس لامور مابتبقى ع حالها .. المرتبط جديد عم يعيش اجواء كتير حلوة وتحديات عاطفية ومفاجئات وشغف ..

صحياً:البعض أنتبه على وضعك صحي بلاخص المواليد الاولى من برجك ..الباقي بتتحسن صحتك وافضل انت وشي جديد صحياً ..

 

#الدلو ♒

مهنياً:من بعد الضهر القمر بينتقل لبرجك بتشغلك قصص البيت وزيارات وصديق وعم تناقش قصة او مشكلة ولازم تحلها .. تدريجي امورك افضل واخبار حلوة ناطرتك لتتخلص من مشاكل البيت وضغوط عندك لقاءات مهمة وحضور مميز بيومك عم تبلش نفسيتك ترتاح وبلاخص تطورات لصالحك .. عودة ناس قديمة الى الواجهة من جديد فرصة لشغل جديد وحلول ايجابية طاقتك بتبلش من المسا عندك تواصل واتصالات واتفاقيات وعزايم وممكن مال يوصلك ..

عاطفياً ❤️ :وضعك بيشهد تحسن وتطورات ايجابية واشخاص بترجع بتحاكيك .. حاول تركز شوي بنهارك ولا تستعجل عندك القدرة ع الاستيعاب والمناقشة لا تكون عنيد وتتمسك برأيك .. وضعك من المسا أفضل وتغيرات لصالحك وعم تصلح وضع متعب في عاطفة وحب ورومنسية والاجواء حميمية وممكن تبدأ قصة جديدة وحب جديد او شريك قديم بتسمع خبر عنو وشخص بيرجع يحكي معك ..

صحياً:جسمك بحاجة لسكريات حاول تتناول الحلو بيومك وبلاخص ع ريق ..

 

#الحوت ♓

مهنياً:القمر بكمل بالجدي وبعد الضهر للدلو استغل فترة لنهار وخلص شغلك ضروري ولا تأجل شي عم تتلقى اتصالات وممكن اذا مفكر بسفر او حلول لقصة متعبة بمساعدة حدا من اهلك او بتشغلك قصة موبايل او سيارة وتصليح ولا تخالف حتى ما تتسب لحالك بمشكلة بدوام او مخالفة سير وهيك شي .. المسا بتشغلك امور البيت وقصة حدا من اهلك ولا تعمل مشاكل وتعصب وحكي كتير بقصص عائلية وعقارية وكون متفهم ..

عاطفياً ❤️ :امورك افضل بنهارك حاول تستغل هاشي وتعزز علاقتك بلقاء او اتصال وتواصل مع الشريك وفي حكي كتير ونقاشات واعجاب مبدئي .. المسا بدي منك لا تعمل من الحبة قبة وتكبر القصة مابعرف شبك وحاسك عصبي هاشي ممكن يوقعك بأخطاء ومشاكل بعرف شريك عندو تصرفات عم تزعجك والاهتمام متعبك ..

صحياً:ماعم يستقر وضعك وعكات متتالية او قصة اب بيشغل البعض ..