رصد نيوز
#الحمل ♈
مهنياً:القمر ببرجك نهارك في قصص مالية ومصاريف وعندك طاقة وحابب تخلص كلشي بس نتبه تكون متسرع ولا تعب حالك واعطي صحتك بعض راحة اجواء هادئة ومقبولة بهاليوم عم دور قصص نهارك بامور مالية وتمويل وتسدد نفقاتك او اذا عندك ضرائب بتتخلص منا حتى البعض عندو شراكة ومال ممكن تحصل عليه اجواء حلوة ومشجعة لتغير روتينك ولاجواء العائلية منيحة كمان بلاخص المسا ..
عاطفياً ❤️ :عندك حيرة بهاليوم وصعب تاخد قرار لهيك بدي منك تهدي حتى ماتخسر .. عم تعاني من تصرفات الشريك وممكن بتحس عم يتقصد هاشي نقاش وتوتر ومشاجرة كلامية بيومك حاول تهدي ولا تجازف بالوضع ونتبه لقراراتك لا تتسرع وتكون عشوائية ومرق هاليوم ع خير عاطفياً وفي تحسن من المسا ومصالحة والاجواء بتعود من جديد وعلاقات جديدة .
صحياً:دائما اعمل وقاية لجسمك من الامراض المفاجئة وبتتجاوز اليوم ازمة صحية نشالله.
#الثور ♉
مهنياً:القمر بالحمل نتبه من قصص بنهارك عم توترك في ضغط وبعض شراكات سواء المهنية والعاطفية عم تعبك ونتبه تفقد شريك او تفك شراكة .. مو مرتاح ويومك بدو دقة واعادة حسابات لا تتجاوز القانون ولا تأجل شي بشغلك ولا تهتم لحدا بلاخص في مقربين مانك مرتاح الهن ويمكن عم يسببو وضع بالبيت لا تعصب وتتنرفز وتفوت بجو متسرع ومتهور تحلى بصبر وفي خبر بريحك وقصص مالية ومصاريف وممكن اتفاق مالي وبتبلش تتنفس …
عاطفياً ❤️ :نتبه لوضعك العاطفة ولا تتسرع وبعض شراكات ضعيفة ممكن تنتهي .. عم تكون بعيد عن اجواء العاطفة لسبب ما او التزامات عندك وضغوط عليك كتيرة ماعم تلاقي مين يفهمك ولا يقدر وضعك حاول تروق وتلاقي الانسجام وتفاهم لتستقر امورك .. لاعزب فرصة لشراكة جديدة وحب بيرجع بدق بابك من جديد .
صحياً:تقيد بتعليمات وخفف منبهات وتدخين واركيلة اثار التعب وضغط باين على وجهك ..
#الجوزاء ♊
مهنياً:القمر بالحمل عندك ضغط وماعم تلحق والمسا تحسن صحي واتصال واتفاق مهم .. مطلوب منك دبلوماسية وتكون دقيق وهدي ولا تستعجل حتى ماتوقع بتأجيل او تأخير ضغط ومسؤوليات وهاشي عم يتعبك صحياً ببداية نهارك .. رتب امورك وخلص شغلك حتى ماتسمع كلام مو حلو بحقك .. نتبه لاسرارك واحسم امورك المالية والمسا اتصال وتفاهمات واتفاق وبتحس بتحسن تدريجي.
عاطفياً ❤️ :خليك حذر ولا تتسرع والحسم مهم وضروري.. لا تأجل شي بس بهدوء وبدون تهور ممكن تمنح الشريك فرصة جديدة خلي تبادل الأراء وحسن نية موجود لا تفكر بالامور سلبية او تنهي علاقتك .. غيمة سودة وبتمر لا تخاف بس كون دقيق وهادئ بتعاطيك مع الشريك ونتبه لشكوكك الي ممكن تزيد هاليوم بلاخص انو ركود ويأس من الوضع .
صحياً:وضع صحي بيشغلك ولا تشتغل شي ما منو فائدة .. والمسا بتتحسن صحيا وبترتاح نوعاً ما..
#السرطان ♋
مهنياً:القمر بالحمل امور عاطفية ومالية بنهارك والمسا مسؤوليات ومضغوط وضع صحي ..خبر حلو عندك وتطورات عائلية رغم تعب والمسؤوليات والحمل عم يكون عليك لحالك .. حاول تستفيد من طاقتك الايجابية ولا تخلي لافكار تسبب ضبابية عندك حلول لمشاكل وتتجاوز بعض العراقيل وعم تستعجل لتخلص كلشي مشان ترتاح.. ممكن اتصال او قصة بتخص شغل ومال وضب ايدك كمان على مصاريفك
عاطفياً ❤️ :من الايام المميزة عندك بالعاطفة بتكون بقمة جاذبيتك لتدخل ارتباط جديد وتطورات بعلاقات جديدة وممكن في احتمالية لعودة لشريك وتواصل .. المرتبط في انسجام وتفاهم وحلول يوم في ورمنسية واتصالات حميمية لمهم تتخلص من بعض شكوك وتساؤلات الي عم تراودك وتكون متحرر مع الشريك اكتر..
صحياً:نتبه على صحتك المسا وحاول تغير جو بأي طريقة لانك معرض لوعكة صحية وشفاء من مرض للبعض ..
#الأسد ♌
مهنياً:القمر بالحمل حاول تمرق هاليوم على خير بلاخص اول نهارك وبترجع الامور بتتحسن من المسا .. مالك نفس على شي وعم يكون في تأجيل وطاقتك سلبية ومابعرف حاسك مانك مبسوط وحاسس بكركبة عم تعاني من وضع بالبيت وشغل ونقل ومواعيد مو بوقتا وفي قصص مفاجئة من محيطك حاول تساير بلاخص بأمور عائلية .. المسا بتتحسن وطاقتك تدريجي بتكون منيحة واجواء حلوة هاليومين جهز حالك .
عاطفياً ❤️ :بنهارك كتير متعب والمسا رومنسية وحب .
عم يكون في تراشق للكلام العشوائي وعتب بينك وبين الشريك خليك صبور ولا تهتم لكلام ناس طنش ماحدا بيستاهل تجنب نقاشات اليوم قد مافيك احسن ماتوصل لطريق مسدود والمسا في صلحة واجواء مميزة عندك ونتظر شي حلو وتواصل وتغيير ..
صحياً:كتير لازم تعمل تغييرات نفسية او شكلية ع القليلة تحس في شي عم يتغير عندك ليعطيك طاقة الايجابية .
#العذراء ♍
مهنياً:القمر بالحمل مشغول باول نهارك وبعد الضهر قصص عائلية .. يومك منيح في طاقة ايجابية وعندك كتير حركة وبتتخلص من بعض القيود .. في اتصالات كتيرة وبعيدة كمان وناس جديدة بتتعرف عليها بتسمع خبر حلو وفيك تتحرك وتطلع لمكان جديد بفترة نهارك في نقاش بشغلك او حركة بتخص بيع او شراء وممكن عقار رح يشغلك ركز على امور دراسة والمسا قصص عائلية عندك وعم تتأف من الوضع يالله بدك تتحمل شوي.
عاطفياً ❤️ : يومك بدو تنازل حتى تهدي الوضع حاول تفهم طرف الاخر او تصارح بأنك مو مرتاح وتصرفات الشريك صار بدا حد حاول تكون ايجابي بتعاملك مع الشريك وداري الوضع واكيد تحسن قريب ومن المسا لتبلش تلاقي حلول … وعلاقات جديدة وقديم ع البال..
صحياً:لا تتصرف شي بدون ما تتواصل مع طبيب او أخصائي نتبه..
#الميزان ♎
مهنياً:القمر بالحمل بتشغلك قصص مالية بنهارك والمسا عندك ضغوط ببيتك واتصالات.. المال بيشغلك بشكل كبير هاليوم بلاخص مصاريفك كبرانة وماعم تحس على حالك يومك في تقييم واعادة حسابات في قبض ودفع ومستلزمات ممكن في مورد جديد وقصة بتخص عقار حاول لا تستعجل وتكون فضولي وفي عرض حلو الك قريباً المسا بتتحرر اكتر بترتاح من ضغوط واتصال مهم او لقاء ..
عاطفياً ❤️ :لاعزب وضعك افضل وعلاقة ارتباط وتحسن وتواصل . المرتبط في فتور وبرودة بالعلاقة وانفعالات مالها اي مبرر نتبه لمزاجيتك احسن ماتوتر الوضع وشريك بدل مايريحك صاير عم يتعبك اكتر .. في تردد وعرقلة او رفض لا تيأس وخليك عم تحاول لتنجح ..
صحياً:نفسيتك محتاجة لناس تريحك وتنسيك همك حاول تلاقين او تشوفن افضل لصحتك ..
#العقرب ♏
مهنياً:القمر ببرج الحمل في تغيرات لصالحك مكاسب وقضايا وانفراجات بتبلش من جديد وتقدم ببعض القصص وخبر بريحك نوعاً ما فايق نشيط وبدك تلحق وعندك تنقلات ولقاءات وشي الك زمان ناطرو خطوة جديدة وافكار عم تتبلور تغيرات مالية رغم ضغوط والمصاريف بتتخلص من بعض تأجيلات اتصالات وحركة اكتر وناس جديدة وسفر قصير ومن المسا في قصص بتخص المال ومصاريف.
عاطفياً ❤️ :جاذبية ورومنسية بيومك بس بلا مزاجية مع الشريك يوم جيد واتصال وتلبية دعوات حاول تستغل هاليوم بلا نرفزة او تكبر القصص وبحاجة تستغل نهارك بشكل كبير لتكون منيح وترتاح واجواء حميمية.. الاعزب امورك جيدة لحب جديد او قديم .. فترة المسا حاول لا تضغط على شريك اكتر وقدر الوضع بلاخص اذا متزوج ..
صحياً:مشاكل بلاطراف او التهابات حاول لا تهمل حالك اكتر ..
#القوس ♐
مهنياً:القمر ببرج الحمل مرق نهارك على خير وتحسن منيح من المسا بدي منك اليوم تنتبه لكلامك وقراراتك لانك مشغول بقصص وعم تعاني تأجيل او تأخير مابدي ياك تزيد الوضع سوء او تنفعل وتتسرع ولا توثق بمين ماكان ونتبه لعلاقاتك مع الاصدقاء حتى ماتخسر حدا وضب ايدك ع مصاريفك المالية .. المسا طاقة وحظ وتحسن وانفراج ببلش عندك نشالله ..
عاطفياً ❤️ :مافي اهتمام وبتحس المعاملة متغيرة هاشي ممكن يسبب خسارة علاقة .. بدي منك تنتبه على وضعك على الاقل بنهارك حاول لا تفرض رأيك ولا تخلي نقاشات تطور بحاجة لحلول ودبلوماسية اجل كلشي للمسا اذا حابب تفوت باتصالات او لقاءات وحلول بتبلش وبصير مصالحة وتفاهم والبعض علاقات صداقة او شغل بتتحول لحب ..
صحياً:درهم وقاية خير من قنطار علاج شوية وقاية مع تمارين رياضية بتكون منيح..
#الجدي ♑
مهنياً:القمر بالحمل ضغط وتاخير وتأجيل ومصاريف مالية بس روق والمسا الامور افضل وحلول ..يومك بدور بقصص اجتماعية كتيرة بتلتقي بناس جديدة عندك ارادة وتصميم على نجاح مسؤوليات كبيرة عليك بس رح تثبت نفسك وجدارتك وهاشي اكيد رح يحسن من وضع بلايام الي جاي . اتفاق على بعض الامور وممكن يجيك مال بس المصاريف كبرت كتير وممكن تعمل شي جديد واذا بدك مساعدة بتتلبى في تنقلات وحركة واتصالات ولقاءات كتيرة بس روق باتصالاتك او علاقتك مع المسؤولين .
عاطفياً ❤️ : امورك منيحة تدريجي لتطلع من روتين ممل وكنت مجبور على قصص خليتك بعيد عن جو العاطفة حدث حلو وممتع عندك في تسويات جديدة وطروحات منطقية حاول تدرس الوضع بشكل جيد ولا تصعب الامور ونتبه لردت فعلك بلا ماتبالغ فيا وبلاخص اذا معصب من شي او الغيرة الي عم توصل لشك تجاوز الخلافات بيوم عاطفي تحسن منيح بوضعك وعلاقات عم تتحول لحب.. ولقاء واتصال غير شكل عندك والحميمية بتزيد .
صحياً:بتحس بضغط نفسي بسبب وضع ما ريح حالك ونام منيح وخفف سهر .
#الدلو ♒
مهنياً:القمر بالحمل امور اجتماعية وصرف مال يوم بحاجة لهدوء عندك شغل جديد وقصص مهنية واجتماعية لا تتسرع بشي او تخالف القانون وحاول لا تعمل مشكلة مع مديرك او المسؤول عنك كون حذر من توترات ولا تعقد الامور وعالج بعض العراقيل بهدوء لانك بحاجة لدبلوماسية ونفس اطول في اتصالات مهمة وتنقلات ركز ورتب امورك وبلش من جديد لا تخلي الحيرة وتردد يسيطر عليك وبتعد عن ناس الي عم تخذلك كل مرة والبعض نتبه من حكي ناس وتشويه سمعة .
عاطفياً ❤️ :بدي منك تتأقلم على الوضع وتلاقي حلول وتساير ..في افكار ضايعة وضبابية بوضعك ومابتعرف لوين رايح في قصص طولت وسوء تفاهم حاصل نتبه لقراراتك هاليوم لا تخلي لاستفزاز يضيعك او يوقعك بمشكلة كبيرة حتى ماتفقد الامل المسا الامور بتتحسن بتفكر بأيجابية وبتزيل بعض شكوك وعلاقات مميزة.
صحياً:بحاجة لنفس جديد وتغير روتينك نتبه من لرطوبة ومن العصبية ولا تعب حالك ..
#الحوت ♓
مهنياً:القمر ببرج الحمل بنهارك طاقة وحظ وتغيرات والمسا نتبه لعلاقاتك وعلى سمعتك .. يوم حلو وتحسن بوضعك وبيحملك اشياء ايجابية وتقدم جيد ممكن تبلش بشي جديد او شغل جديد وتطور بأفكارك يوم بيحمل حركة وتنقلات ونجاح وامور بتتيسر باول نهارك واتصالات مهمة وبتتعرف بناس جديدة وحالة اجتماعية .. بس المسا بدا رواق بالوضع بشكل عام وبالعلاقات ..
عاطفياً ❤️ :القلب بدق من جديد جذاب وحليان وحضور مميزة وفرصة لتعمل شي جديد وتغير بشكلك وعم تلاقي اعجاب فيك وعم تسمع كلام حلو .. بس بدي منك تكون واقعي ومقتنع بشي الي صار معك .. شيل من راسك الافكار سلبية ولا تعقدها وعيش حياتك وخليك متروي وهادئ وكون دقيق بالمسائل العاطفية الشائكة .. وممكن تصفى لقلوب ومصالحات .
صحياً:بحاجة لتريح حالك لانك عم تتعب كتير وهاشي اكيد مو منيح لصحتك لا طنش النصائح الطبية حتى يستمر وضعك بتحسن .
