رصد نيوز
#الحمل ♈
مهنياً:امورك افضل بنهارك والمسا قصص عائلية بتشغلك .. عم ترتاح من ضغوط العمل وبتحس براحة وبكون عندك لقاءات وعندك قدرة تتحرك وتتمتع بطاقة وكاريزما واذا عندك شي مهم خلصو هاليوم ولا تأجل شي للمسا لانو قصة بتشغلك وممكن تخليك عصبي ومنفعل زيادة عن الزوم روق وبتعد عن السلبية وهدي اعصابك لتوصل وتنجح وتقضي سهرة حلوة مع العيلة وعزائم وناس بتحبا ..
عاطفياً ❤️ :الوضع ممكن مانو مريح وانت مو مرتاح وعم تكون رهين لوضع متعب .. توترات عم تكون واضحة بعلاقتك ويمكن انت عم تكون شكاك وعم تفرض امورك فرض على الشريك وممكن يطلع خلقك وتكون كتير عصبي بدي منك تهدي وتفكر بوضعك اكتر ونتبهلي لاي خطوة ممكن تفكر فيها ولا تكبر القصص هالمرة ..
صحياً:لا تجهد حالك بالعمل او الجلوس طويل .. بيلزمك انو ترتاح لوقت منيح وتهتم بنظام غذائك وبصحتك اكتر ..
#الثور ♉
مهنياً:بتشغلك امور مالية وضب ايدك ومن المسا سفر واتصالات وهديلي حالك وبلاخص عم تلاقي عرقلة او تأخير بأمورك وبتلاقي ضغط عليك عم يكبر والفلك عم يحزرك من ضرورة الانتباه الى وضعك المالي لانو مصاريفك عم تزيد هدي حالك لمسا امورك بتبلش تتحسن و بتركز وبتكون نوعاً ما افضل بنشاط وطاقة وحركة واتصالات والبعض بفكر بقصة سفر وعندك مهام جديدة او فرصة جديد لتحسن امورك ..
عاطفياً ❤️ :كون ذكي بعلاقتك وتعرف كيف تتعامل مع الشريك وتكسب قلبو انا بنصحك تقدم شوية تنازل وتحاول تغير الوضع وتعمل مفاجئة بشي معين وتكون اكتر مرونة ع القليلة لتحافظ على علاقتك وتستقر امورك وحاول تلاقي حلول لمسا الاجواء بتكون افضل وحب ممكن يكون ع طريق وهدية ومفاجئة حلوة الك ..
صحياً:لتوصل لشيء لبدك ولاستقرار وضعك الصحي لازم تتحدا نفسك بمواصلت مابدأت به من اعمال ورياضة ..
#الجوزاء ♊
مهنياً:امورك افضل هاليوم والمسا مال بيشغلك ومصاريف .. استغل هاليوم بتكون مدعوم بفرص جديدة وتتطورات ايجابية طاقة واخبار حلوة وقادر على تجاوز اي عراقيل بيومك وبترتاح وبتغير جو لمسا بدي منك لا تقدم على اي شي بدون ما تدرسو بشكل منيح بالأخص قراراتك والخطوات الي بتهم حياتك المستقبلية ونتبه لمصروفك المالي ممكن عم تصرف بسهرتك وبيومك كتير وقصص مالية بدك تهدي فيا..
عاطفياً ❤️ :استغل يومك لتكون بوضع احسن وامورك تبقى تمام وتحسن علاقتك وبلاخص اذا في لقاء او اذا حابب تعمل اتصالات لاجواء مساعدة الك بنهارك بشكل كبير حاول تستغل هاشي والمسا حاول تتقرب اكتر من الشريك وتبادر وتهتم اكتر وممكن اعجاب او مصارحة..
صحياً:خفف تناول طعام هالفترة لان رح يكون في ذيادة وزن ..عليك انت تتبع نظام غذائي وتباشر رياضة..
#السرطان ♋
مهنياً:بدك تهدي بيومك لانو في ركود وماقادر تعمل شي وحتى عم تلاقي مزاجية وتقلب بالاحوال ومافي شي عم يتم او ينتهي متل مابدك رغم انفتاحك لكبير على ناس والمبادرات والمساعي الي عم تقوم فيها لمسا بكون القمر صار ببرج العقرب الصديق ليضيف تغيرات بوضعك وبيعطيك نشاط وطاقة وتحسن تدريجي وبتلاقي دعم واجتماعياً افضل وعزيمة ..
عاطفياً ❤️ :يومك متعب عاطفياً هدي وروق بس لمسا بتكون قادر على فرض أرائك وقناعاتك وبتكون افضل وبتتحسن نفسيتك وعاطفتك وبتكون جذاب وانت بحاجة لتعامل برومنسية أكتر مع الشريك وهو كمان بدوره بيقنعك بأفكارو لتحسنو وضع العلاقة وتكون الامور تمام لقاء واتصالات واعجاب ..
صحياً:عم ترتاح تدريجي نفسياً وصحياً وان شاء لله لامور للاحسن من المسا ..
#الأسد ♌
مهنياً:عاطفة وحب واجواء اجتماعية .. خلص امورك هاليوم وأستغل الاجواء ودعم الي مقدم الك وبلاخص اذا بدك مساعدة فيك تطلب وحاول اذا عندك طلب او اختبار او لقاء مهم خلي بهاليوم وحاول تبقى مع رفقاتك وتكون اجتماعي بيومك وفيك تستغل الوقت كمان لتنجز اعمال.. المسا نتبه لسوء تفاهم او مشكلة مع حدا مقرب ولا تبادر بشي حتى ماتتعرض لخيبة امل مافي شي بخوف بس حاول ماتدخل بشي مهم ونشالله امورك رايحة بتجاه تحسن كبير بس هدي هاليومين ..
عاطفياً ❤️ :البعض عم يقضي يوم حلو وتواصل واتصالات وممكن تغييرات عم تتجاوزها ولقاءات حلوة وهاد كلو بنهارك ممكن يصير .. لمسا مابعرف اذا شي طارئ او قصة بتصير ممكن يتغير الوضع عند البعض نتبه وحاول تكون ذكي لتعرف كيف ممكن تجيب لوضع لصالحك بدون انفعال وعصبية او تخلي وضع العلاقة يسوء .. بس الاعزب امورك افضل ..
صحياً:ماعم ترتاح وممكن عم تعاني من ضيق ..حتى نومك ماعم ترتاح فيه ويمكن الك فترة عم تعاني منو..
#العذراء ♍
مهنياً:عم تتحمل كتير وعم تصبر وعم تشتغل وتفكر باكتر من قصة بوقت واحد وفيك تخلص شغلك بهاليوم وممكن تبلش بشغل جديد وهاشي بخليك تغير وضعك للافضل بس بدي منك تكون حزر من عصبيتك وتكون اكثر دبلوماسية بيومك وبلا ماتنفعل وتعصب من اي قصة ممكن تصير معك مشان تحافظ على انجازاتك .. لمسا انت افضل طاقة وحيوية ونشاط وبترتاح من ضغوط ودعم حواليك وممكن عندك سهرة حلوة ومميزة ولقاءات وزيارات واتصالات حلوة وتنقل قصير ..
عاطفياً ❤️ :مشغول بيومك وحاسس حالك ضغوط عليك كتيرة وممكن عم تنشغل عن الشريك او عندك احساس بالوحدة وعم تكون بعيد عن الشريك وممكن عم يزيد تفكيرك بشريك وبلاخص المسا عم تتمكن من تجاوز بعض الخلافات وبترجع علاقتك للافضل والشريك ممكن يدعمك من جديد وهاشي كلو بكون في سبيل استقرار العلاقة .. بتزيدجاذبيتك بهيك يوم وعم تسحر الحضور بطلتك ورومنسيتك والعين عليك وممكن تواصل ببلش لمسا واتصالات وتواصل حلو .
صحياً:لا تخضع نفسك لحالات نفسية ولا تبقى رهنية الأحداث حاول ترفه عن نفسك لانك عم تسبب مشاكل صحية بسب لوضع وعدم الهدوء بحياتك وتجانسها..
#الميزان ♎
مهنياً:طاقة وحظ بيدعمك بيومك وامورك تمام وكلشي بيجي بالوقت المناسب وحسب مزاجك بس بدي منك تبطل تشائم وأفأفة وحاج تشكي وتبكي من الوضع وتتكاسل بأمورك الحظ معك لتخلص كلشي صبح اتصالات بتكتر واخبار حلوة ولقاءات بتكون بنهارك والمسا بتزيد المسؤوليات وفرصة لتحكي بمواضيع مهمة بتخصك او اذا عندك شي بدك تحضر له وممكن قصة او فكرة بتخطر ع بالك وممكن تحكي فيها وامور عقارية واجتماعية بتتحسن..
عاطفياً ❤️ :اذا عندك مشكلة او طلب او لقاء فا أستغل نهارك لهيك شي لانو وضعك بكون افضل وتتطور بعلاقتك ويمكن البعض قصة صداقة تتحول لاعجاب وحب ونهاية حلوة قريبا ً.. لمسا بدي منك تبقى هادي وتفكر بعلاقتك وبلا مشاكل ونقار مع الشريك وحاول تحط نقاط على الحروف وتتفاهم اكتر معو لتعزز الوضع نحو الافضل ممكن تواصل مايكون بالمستوى المطلوب بس منيح ..
صحياً:عم ترتاح صحياً وسبب انو ضغوط والمسؤوليات عم تخف عنك وعم ترتاح..
#العقرب ♏
مهنياً:من المسا انت افضل القمر بينتقل لبرجك بدنا شوية هدوء وتركيز بهاليوم بس ومن المسا القمر بترتاح ودعم الفلك الگ .. بتشغلك امور عاطفية وشراكات والوضع بعدو مومريح عم تعود الامور الي طبيعتها وانت بيوم مميز لترجع طاقتك وترتفع المعنويات بتلاقي حلول ايجابية لمشاكلك وممكن امور مالية رح تشغلك هالفترة او قضية بتخص مال .. يوم داعم الك ولحظ بكون معك وبتفكر تسافر او تغير جو بتكتر اتصالاتك ولقاءاتك واجواء وعزائم وامور اجتماعية عندك ..
عاطفياً ❤️ :لقاءاتك واتصالاتك بتكون افضل المسا برغم من جوك حلو كتير وفي مصالحات ولقاء بهاليوم وممكن عم تعيش اجواء رومنسية حلوة بعد فترة متعبة كانت وبتقضي سهرتك مع الشريك بين اتصال ولقاء وفرصة عند لبعض ليرجع وضع علاقتو ع طريق صحيح بدي ياك تستغل يومك بالعاطفة .. بلاخص كتير كتير تعبان من جواتك وماعم تقدر تنسا الي صار..
صحياً:نتبه من مضاعفات بعض الامراض مستقبلياً اي مشاكل عم تتعرضلها حاول دائماً انو تتخلص منها نهائياً ونتبهلي من مشاكل المعدة والجهاز الهضمي..
#القوس ♐
مهنياً:انت بحاجة لهدوء ولا تقدم على اي عمل مهم بنهارك ومن المسا افضل بعد تعب كبير .. عم يكون يومك في عرقلة وتأجيل وممكن مساعيك ماعم تتكلل بنجاح او ماعم تكمل معك حتى طاقتك ضعيفة ومافي نفس ع شغل ولا على شي وممكن تنتبهلي لبعض العلاقات المتعبة .. المسا بتبلش تاخد نفس وامورك بتبلش تتحسن واجواء حلوة ولقاءات واتصالات وبتخف ضغوط عنك وبتتحسن نفسيتك وبتلاقي حلول لمشاكل تعبتك واذا ناطر مال او بدك مال ممكن تحصل عليه هاليومين وشراكات ممكن تشغلك او بعض ترتيبات المالية…
عاطفياً ❤️ :بدي منك ماتقسي قلبك وخليك هادي وصبور وكلشي ممكن ينحل ومابدا تحمل لقصص اكتر مابتستاهل او تسبب احراج لشريك .. مو حابب تخسر وممكن تتقرب من الشريك وتحاول تتصالح معو وانا بشجعك على هاشي افضل الك وبدنا نروق الوضع فترة قصيرة وامورك كتير منيحة وبتنجح بكسب الشريك وقلبو بهاليوم وبلاخص فترة لمسا ..
صحياً:تفادى تناول الأطعمة المحتواة على الدهون او الزيوت المشبعة في نظامك الغذائي وخفف تناول مقالي المشربة بزيوت ..
#الجدي ♑
مهنياً:سفرة قصيرة شغل وضغط وعزائم وانت بحاجة لتنظم امورك واوقاتك بشكل جيد وبدي منك تعرف كيف ممكن تتعامل بهاليوم لان عندك شغل وضغط ومسؤوليات والحلول عم تكون صعبة عندك وماعم تعرف كيف بدك تبلش ونتبهلي لناس الي ناطرتك على غلطة صغيرة لتكبر القصص لهيك انت لازم ماتفكر بحدا وتبتعد عن المواجهات واي شي ممكن يسببلك مشكلة وحاول تغير جو بعيد عن تشنجات والمشاكل وحاول تتمتع بطاقة ايجابية وتحسن بنفسيتك من المسا انت افضل وناس وزيارات وحكي بشغل ..
عاطفياً ❤️ :نتبه من توتر بعلاقتك وفرصة لتقضي وقت مع الشريك او ليصير تقارب اكتر وحاول تتجاوز اي خلاف كان موجود لتكون امورك افضل اتصالات طويلة وتواصل وراحة وفيك تطلع من وضعك والبعض عندو فرصة ليوقع بحب شخص وبتوقع انو الحب والعلاقات العاطفية ممكن تاخد وقت اكتر وبتبلش تفكر بوضعك بجدية أكتر وفي تواصل كبير عند البعض ..
صحياً:خفف ضغط شغل احسن ماتتعرض لصداع شديد وبعد عن ضجة.
#الدلو ♒
مهنياً:بنهارك افضل بتفكر بعقار او نقل ومال وعزائم ونتبه صحياً لمسا .. استغل يومك انت بوضع افضل وامورك بتكون منيحة الحظ بيدعمك وبكون معك لتخلص شغلك وتجهيزاتك وتصليحاتك على الاخر وبترتاح وبتحس حالك انجزت شي مهم بعد تعب كان عندك ..لقاءات وعزائم وناس بحدك ضب شوي ايدك ع مصاريف فترة مؤقتة ونشالله امورك منيحة مالية .. لمسا اتصال ومسؤوليات وشغل ومصاريف وعقارات وهدي شوي بنقاشاتك وعصبيتك ولا تبلش نقد وتوجيه ملاحظات ..
عاطفياً ❤️ :يومك حلو واجواء غرامية وعزيمة .. استغل يومك لتحسن امورك وانت بأجواء افضل عاطفياً وجاذبيتك وسحرك بزيد واعجاب موجود فيك وتفاهمات وتواصل .. البعض مابدي ياك تندب حظك والحب بدل مايريحك عم يتعبك و قلبك من جوا تعبان نتبهلي لخيبة امل جديدة لمسا تتعرض لخذلان لا تزعل على شي وفكر بحالك ولي بدو يروح الله معو ركز منيح على علاقتك الموجودة عندك روقلي حالك ومافي حدا مستاهل ينزعل عليه…
صحياً:عليك اتباع الحلول الطبيعية في علاجك صحي واغلب مشاكلك انت هي نفسية عليك براحة نفسية افضل علاج الك ونتبه من وجع المعدة هالفترة ..
#الحوت ♓
مهنياً:بدك كتير تهدي وتروق هاليوم كمان وبلا مشاكل والمسا الامور بتبلش تتحسن .. بعدك مو مرتا ولامور المحيطة فيك عم تعملك قلق والمقربين عم يكونو احيانا سبب مشاكلك حاول تهدي حالك ولا تدخل بنقاش وجدال عقيم او توتر حالك من صبح بتتحسن امورك لا تخاف.. اتصال مهم وممكن البعض يجهز حالو لمكان منيح بشغل او مركز وممكن تتخلص من مشاكل كتيرة كانت بيومك لترتاح سهرة حلوة او عزيمة ولمة حلوة ..
عاطفياً ❤️ :مشتاق وبحاجة لشريك يكون حدك يفهم عليك وتفهم عليه .. رغم كلشي بصير معك بس قلبك مشتاق ومافيك ع البعد وبتمر عليك اوقات بحاجة انو الشريك يكون حدك وبلاخص هالفترة اذا كان في خلاف واذا بعيد عنك بتقضي اتصال طويل معو لانك بحاجتو ..والمسا جاذبيتك مميزة وحليان والعين عليك في مصالحات وممكن البعض فرصة بسهرة ليلاقي حب وترجعلو ضحكة بعد معانات كبيرة ..
صحياً:اذا تعرضت لجهد كبير وحسيت بأضطرابات بجسمك بنصحك تشوف طبيب قد يكون هناك بعض الامراض وانت لا تشعر بها نتبه له شي..
