#أبراج__اليوم__الجمعة__23__تموز__يوليو__2021 🔮 🌙 القمرينتقل لبرج الدلو ♒ الهوائي 🌪️كوكبه 🌍 اورانوس…

#الحمل ♈

مهنياً:عندك شغل بهاليوم رغم انو الايام روتينية ومدايق بس مابدي هاشي يأثر على طاقتك وصحتك.. عم تعاني من كتير قصص وضغط عليك ولازم تحاول تخلص امورك بأسرع وقت ولازم تحسم اي موضوع او اتفاق مابدي تعمل تراكمات عليك .. يوم عم تكون بحاجة للهدوء بعيد عن ضجة والاجواء المتعبة لتنجز اعمالك .. حاول تغير جو بمكان بريحك وعندك زيارات وبتشوف ناس مقربة او الاهل..

عاطفياً ❤️ :حب بيكبر وتواصل ناجح وحابب تغير روتينك العاطفي والمرتبط ممكن لامور تهدا بهيك يوم ولازم يكون الشريك متفهم للوضع ولازم يقدر وضعك وتعبك وحاول تتقرب من الشريك بهدوء وبتوقع الايام جاي فيها تتطورات افضل الك بس حاول تساير شوي هاليوم ..

صحياً:يوم جيد لتبدء شي جديد على صعيد صحي .. بس البعض عندو التهابات وكريب ..

 

#الثور ♉

مهنياً:يومك في تطورات بوضعك واخبار حلوة بتسمعها وممكن قصة بتخص الاطفال عند البعض .. عم تزيد طاقتك وعندك دافع كبير لتخلص امورك وتحقق نجاح وممكن تدخل فرصة شغل جديد وبتتأقلم على الوضع بسرعة.. حظ وطاقة وتحسن بكون بيومك ولمة حلوة واجواء حلوة واتصالات واذا عندك سفرة قصيرة كمان منيح ليوم لسفر ومال بين استقبال وارسال ..

عاطفياً ❤️ :تحسن عاطفي وحب بيكبر ولقاء واتصال حلو او بعد غيبة … برغم علاقتك مو مستقرة وماعم تلاقي حلول بس هاليوم داعم الك لتلاقي هاشي بس بدي منك تكون مرن وتستغل جاذبيتك وتأثيرك ع الجنس الأخر ويوم بيحملك تغيرات عاطفية فكون جاهز لتحقق المطلوب.. وفرصة عند كتار ليلاقي حب جديد وارتباط ..

صحياً:الوزن عم يزيد عليك بتدارك الامر والعودة للاجواء الرياضة او نادي او على الاقل المشي لمدة ساعة..

 

#الجوزاء ♊

مهنياً:يومك في عزائم ولمة ويوم عائلي وقصص منزل .. مابيمنع بهيك يوم يكون في شوية رواق وتركيز وتنتبهلي لضغوط بالعيلة وبشغلك … رغم في قصة بتشغلك بس لا تخاف نشالله الامور بتجاه حلول وتحسن خفف شوية حساسية حاول لا تنزعج او تعصب من اي تصرف او كلمة ممكن تسمعا يعني خففلي انفعال وتوتر على شي بلا طعمة ومع حدا مابيستاهل ..

عاطفياً ❤️ :بدي منك تسيطر على عواطفك ولا تسمح لها بتخطي الخطوط الحمراء وسيطر على الوضع وممكن المشاكل ماعم تخليك ترتاح بعلاقتك وماعم تقدر تتواصل مع الشريك بشكل المطلوب .. خليك هادي ورايق ولا تخلي شي يستفزك والي مابكون معك وقت الشدة لاتذكرو وقت الرخاء ونتبهلي على قلبك طيب لا ضيع حالك بلاخص الاعزب ..

صحياً:عم تعاني من توتر وقلق نتيجة الاعمال لاضافية حاول ماتتعب وتجهد حالك وممكن البعض عندو شي تجميلي هالفترة وكل شي الو حق عليك ..

 

#السرطان ♋

مهنياً: يومك منيح وفي تطورات لصالحك وزيادة بشعبيتك وبشغلك وتحسن بنفسيتك وبطباعك الشخصية وبتطلع من الوضع الي انت في وعم تتحرر من قيود كتير وبتنجز اعمالك بوقتها وفي عندك تنقل وحركة واتصالات كتيرة ومن مكان بعيد او شخص قادم او شي ناطرو يوصلك بتخلص التزامات مالية او ممكن تقبض وتدفع وممكن سفرة قصيرة ونتبه لبعض الاعطال او الكسر والحوادث او امور قضائية للبعض ..

عاطفياً ❤️ :القلب بدق من جديد ومصالحات واستقرار .. عم تتجاوز عراقيل وممكن مبادرة لتصفى لقلوب بيوم داعم الك وبتكون هادي بتعاملك مع الشريك وممكن البعض عندو مصالحة عاطفية اذا كان في زعل وعم تعود المياه الى مجاريها ولاعزب يومك حلو لتبدء قصة جديد وصداقات عم تكتر ..

صحياً:يوم فيك تستغلو بلامور ترفيهية واذا حدا عزمك لا تتردد بس حافظ على نظامك الغذائي ..

 

#الأسد ♌

مهنياً: تطورات مالية وشوية ترتيب وتنظيم وامورك بتتحسن .. عم يكون عندك شغل بهاليوم وامورك فيها تغييرات وممكن شوية عرقلة او تأجيل بس سرعان ماتدارك وضعك وتنظم امورك وانت قادر ترجع تسيطر وتاخد زمام المبادرة وتعالج بعض المشاكل .. القمر بالجدي مايعني انت بحاجة لضب ايدك ونتبه لمصروفك وتعيد حساباتك وممكن البعض يحصل على مبلغ اذا ناطر هيك شي او عندك اقساط والتزامات ..

عاطفياً ❤️ :الاهمال عم يتعبك وهاشي عم يخليك بحالة نفسية متعبة وماعم تخليك ترتاح وتنبسط بيومك العلاقة ليست سيئة لكن شريك بتحسو بعيد عنك ويمكن مافي جاذبية او عم تعاني الفتور هالفترة ..

صحياً: حالتك صحية افضل وفي تحسن لمهم تبقى تحافظ على صحتك ..

 

#العذراء ♍

مهنياً: يوم من افضل الايام عندك بالحظ وطاقة وانجاز الاعمال الموكلة أليك واخبار حلوة عندك وفرص لتنقل وحركة وسفرة قصيرة وبتلاقي تحسن وانفراج بعد ماقضيت فترة كتير تعبت ودايقت فيها بأجواء العيلة والمال والصحة عم ترتاح من كلام البعض وبتحط حد الو .. يومك بيطلب منك حسم وتحقيق مشاريعك الي كنت عم تطمح الها وفرصة لتعيد حساباتك وتبدا من جديد ولتحسن مهني مالي واجواء اجتماعية حلوة وقصة بتخص الانجاب ..

عاطفياً ❤️ :تحسن وانفراج ومصالحات وارتباط عند الاعزب .. يوم في تفاهمات ومصالحات بتكون جذاب وساحر بطلتك بتصارح وبتكون جريء عبر لقاء أواتصال وممكن تتواصل مع شريك قديم او تبدأ حب جديد .. والبعض بقدم شوية تنازلات ليحل مشاكل عندو ويرتاح ..

صحياً:بحاجة لتغييرات بشكل لان بيعطيك هاشي طاقة نفسية حاول تنتبه على وزنك ومن كريب ..

 

#الميزان ♎

مهنياً: مانك مرتاح عندك ضغط ومسؤوليات وبعض الاشخاص عم تعبك .. تعبان ومدايق من ضغوط وكلو عم يكون على حسابك وعم تواجه القصص لحالك الحظ ماعم يحالفك عم تلاقي صعوبة بتواصل وظروف عم تخليك متوتر وممكن متلبك وعم تتأجل بعض الامور عندك بدي منك تسيطر ع الوضع وتهدي بلاخص اذا في موضوع ضروري بدك تحكي في .. ينصحك تغير جو وتشوف ناس بتحبا واضبط اعصابك مشان مايصير اي سوء تفاهم ..

عاطفياً ❤️ :مانك مرتاح بالحكي وبتحركاتك حاسس حالك مقيد وفي حجز لحريتك العاطفية ..حاول تستمع لنصائح بهاليوم وترك الأمور تمشي متل ماهيي مابتعرف رغم الامل ضعيف بس ممكن يكون الفرج كبير بوضعك روق ونشالله امورك بتتحسن قريباً وبتتخطى الخلافات وبتلملم بعض المشاكل وبتلاقي حل بس خليك جريء ولا تتردد في اتخاذ القرارات المهمة ..

صحياً:اي قرار ممكن تاخدو في سبيل تحسن وضعك صحي جيد لكن لا تغامر في بعض الامور ونتبه من الحوادث .

 

#العقرب ♏

مهنياً: اجواء اجتماعية حلوة وممكن ناس جديدة اوناس بتحبن بتقضي وقت معهم وفرصة لتنبسط بيومك وعندك لقاءات وعزايم وبتحصل على دعم ويوم حلو عليك وفرصة ليتحسن الوضع المهنية والبعض بيحصل على مال وعم يفكر بسفر .. بدك تنتبهلي من ناس الي حواليك وفي حكي عليك خليك صاحي ..

عاطفياً ❤️ :ارتباط وحب واجواء بتتحسن وعلاقة حميمية .. عندك سحر لا يقاوم وجاذبية مميزة بهاليوم واذا في مشكلة مع الشريك حاول تحلها وتعزز علاقتك وتصلح الامور .. يوم حلو لتقضي وقت حلو وممتع عم تكون الاجواء رومنسية وحميمية بتواصل واتصالات .. وبعض العلاقات عم تطور وعم تاخد منحى اخر ..

صحياً:انت بحاجة للهدوء وراحة والأنسجام وتابع اعمالك الصحية او الريجيم وبعد عن العصبية..

 

#القوس ♐

مهنياً: عندك ضغط بشغلك وفي ضبابية بلامور سوء تفاهم بينحل بس نتبه من ناس المحيطة حتى ماتخسر .. لازم تهدي هالفترة وتروق بلا عصبية وانفعال بلاخص اذا عندك طموح او بدك تستلم شي او تنتقل لمكان جديد .. بعرف تعبان نفسياً وخيبة عندك وقرارات صادمة مابدي لعصبية والانفعال يأثرو عليك وعلى وضعك .. بحاجة لتساير وتكون دقيق وتفهم الامور صح وممكن تبلش شغل جديد او تنتقل لمكان جديد ولقاء مهم بيومك..

عاطفياً ❤️ :لازم تتفهم الامور وتعرف كيف تتعامل مع الشريك وشوية تنازل منك وشوي منو لامور بتصير احسن وبترتاح نسبياً وبتعود ثقة .. استغل يومك لتصلح لوضع ولا تبقى لحالك في تواصل واتصال حلو ناطرك والبعض ممكن يتواصل مع حدا من شغلو ..

صحياً:مشاكل بلاطراف او المفاصل والبعض عندو عملية عليك باتباع نظام صحي ..

 

#الجدي ♑

مهنياً:القمر مكمل للمسا ببرجك اذا منتظر شي بهاليوم بيوصلك وحلول لمشكلة معقدة يوم داعم الك بالحظ وطاقة تواصل وناس غريبة عنك واتصالات ممكن بعيدة وخبر حلو وعم ترتاح من تعب وممكن يكون في تقدير لجهودك .. يوم مميز وممكن يحملك لقاءات وتطور بوضعك نحو الافضل بتتحسن امورك وعندك حركة اوراق مطلوبة منك .. يوم في تنقلات كتيرة وتحسن بشغلك وزيادة بالمدخول المالي عم تفكر بسفر او نقلة او ترقية او شهادة تقدير وعزيمة كمان ..

عاطفياً ❤️ :محبوب وعندك اعجاب بيومك وجاذبية عم تأثر ع الكل .. يوم لتفاهمات ومصالحات وتعزيز وضع العلاقة او بخص امور مشتركة بينك وبين الشريك .. في خبر حلو ويوم عاطفي وممكن تتعرف على حدا ويزيد الاعجاب وتتطور بالعلاقة وتواصل مع شخص قديم او تعارف جديد او حدا يطلب موعد او رقم او لقاء وتواصل عبر مواقع تواصل الاجتماعي بزيد وبيكبر ..

صحياً:عم تهتم بصحتك بس لا تخالف اي قرار اخده بحق صحتك لازم تلتزم فيه .. بحذر البعض من الاكل الجاهز ممكن تسبب مشاكل بالمعدة وأرتخاء بالجسد ونتبهلي للحوادث اثناء تنقلات ..

 

#الدلو ♒

مهنياً: يوم بخص المال مابعرف ممكن تحتاج مال او تطلب وفي ديون بتشغلك وقصص ورثة وشراكة وضرائب والتزامات بدك تدفعا .. يوم في مصالحات وتحسن تدريجي بلاخص انت وضع من اول سنة كتير متعب .. بتتجاوز مشاكل كانت موجودة وتواصل بزيد وعندك مواعيد ولقاءات مع ناس كتير وزيارات يومك في اختبار كون جاهز وفرصة عمل واذا في شي بخص المال لا تتردد.

عاطفياً ❤️ :مابدي تضغط على حالك كتير بس انا بتمنا تشيل كلشي على جنب والخلافات السابقة وتعطي فرصة وتكون دبلوماسي بس هاشي اكيد مو على حساب كرامتك يعني اذا بيستاهل بس خلي يعبر وعطي وقت الكافي لنشوف شو راح يعمل .. يوم ايجابي عند البعض واجواء حلوة وفي تحسن وتقدم نوعي بعلاقتك وبلاخص لمن دخل بعلاقة منذو مدة واحتمال عودة شريك قديم ..

صحياً:نتبه لصحتك ودائما خليك متفائل بنتائج وتحسب حساب لأي طارئ ونتبه من الحوادث او عراقيل واعطال اثناء سفر ..

 

#الحوت ♓

مهنياً:شراكات عاطفية ومهنية عم تشغلك .. الحظ مو معك لهيك بحاجة تستغل الفرص المتاحة وتكون دبلوماسي وسياسي حتى ماتعصب وتنفعل او تفوت بمواجهات مع حدا حاول تنتبه العلاقاتك ولشغلك بهيك يوم لان في حساسية وبدك تنتبه تترك شغل او مشكلة مع شخص او تفض شراكة .. البعض ممكن يبدأ شغل جديد وشراكة عمل او مال ..

عاطفياً ❤️ :لاعزب امورك افضل واجواء مبشرة وممكن ارتباط وشراكة جديدة .. المرتبط الوضع مابطمن وفي تأزم وسبب مافي التزام وكانو الحكي مابقدم ولا يأخر وهاشي كتير بيزعجك وممكن ماتترك الامور تمر مرور الكرام وبدك تحاسب على تجاوز الحدود بس بدي منك تفكر لقدم لان هاشي ممكن يسبب خسارة الك وتوتر وسوء تفاهم عاطفي ..

صحياً:لازم تريح حالك نفسياً بدرجة الاولى لانك مانك مبسوط بهالوضع لا تفكر كتير وخفف سهر ونام منيح..