رصد نيوز
#الحمل ♈
مهنياً:اتصالات كتيرة وخبر بيومك ودعوات وعزائم وعم تعطي أهتمام بقصص عقارية يوم في نشاط اجتماعي وطاقة ايجابية وعندك نشاط وتحرر من القيود كانت مفروضة عليك بشغلك وبيتك وعندك فرصة لتحقق شهرة وسمعة وعامل ضجة .. عندك فرصة قدامك مقبل عليها بتحسن وضع العمل والمال وتنقلات بيومك وزيارات واتصالات وخبر ناطرك نشالله .. ناس غريبة بيومك وبتتعامل معهم وهاشي بخليك تعمل بعض تغييرات بحياتك وكسر لحاجز الروتين الموجود عندك والممل وفرصة الك لتتمتع بأجازة حلوة ..
عاطفياً ❤️ :جذاب وساحر واليوم عندك نظرة اعجاب فيك ممكن عم تسمع كلام حلو ومديح عندك خيارات كتيرة وماحابب تعمل مشاكل او تصعد اي خلاف عم تكون دبلوماسي وعلاقتك فيها تحسن افضل .. مافي مانع ننتبه لنقاشات شريك حتى مايستفزك .. الحظ بحالفك عندك خيارات عاطفية بس خايف من تقييد الحرية ممكن ارتباط بهاليوم وبلاخص لاعزب .. بلمجمل شوية رواق ويومك بكون حلو وداعم لتعترف بحبك او لتكسب قلب شخص ..
صحياً:عم تعتمد نظام غذائي بس بدي منك تنتبه من الاكثار من تناول الموالح والحلو والمنبهات بكثرة هالفترة ..
#الثور ♉
مهنياً:مال بيشغلك والبعض عندو خبر حلو وبجهز لسفر يومك بدو تفائل واجتماعي حلول لمشاكل وعندك قصص مالية او قضائية او عقارية بدا حل ممكن في تفاهم لان القصص طولت كتير .. يوم في حكي بقصص مالية ونقاشات او حوالات وممكن تحصل على مال او قصة موارد شراكة مالية او ميراث بيشغلك.. حاول مو كتير تعتمد على الحظ قد ماتعتمد على جهودك وتعطي افضل ماعندك يوم في استقرار نسبي خطوات جديدة وايجابية زيارات او مشوار واتصالات كتيرة وبدي باركلك ..
عاطفياً ❤️ :بحاجة لتكون بحد الشريك واستغل يومك.. الشريك مشغول او في بعد روحي جسدي بينك وبينو .. فكر بعلاقتك تقرب اكتر واعطي الاهتمام ولا تفكر بافكار سودة تأثر على علاقتك او اي شي يسبب البعد .. هديلي حالك وبنهاية مابصح الا صحيح صبرت كتير وعانيت كتير ونشالله الحلول قريباً والمسا الاجواء غير وتحسن بالوضع العام ..
صحياً:بحاجة تغير جو مع ناس بتحبك وترتاح من ضغوط .. شفاء من مرض عند البعض ..
#الجوزاء ♊
مهنياً:امور مشتركة ممكن تكون مهنية او عاطفية ومال بيشغلك.. يعني بدك تحاول تكون دبلوماسيين بعلاقاتنا حتى ماتخسر شريك بهاليوم .. انت قادر على مواصلة اعمالك بالبيت وبشغلك.. اجتماعي واجواء عائلية وقصة حدا من اهلك .. عم تبذل جهد وعم تساير لا تتسرع بكلامك او تدخل بمواجهات حتى لا تنفعل وتعصب حاول تكون بعيد عن اجواء العمل الروتيني ضب ايدك مالياً .. نتبه تخسر او تتوتر شراكات .. والبعض ممكن عندو شراكة جديدة ..
عاطفياً ❤️ :وضعك العاطفي متقلب مافي استقرار ممكن سبب اشخاص مصالح حولك وبلاخص الفترة الي راحت كان عندك عقبات ومشاكل وضغط نفسي وكانت الامور متوترة .. بشوية هدوء وتركيز ومسايرة ممكن امورك تروح نحو الاستقرار عندك اتصال مهم او ممكن تلتقي بشخص اما جديد او غالي وممكن البعض عندو ارتباط وشراكة جديدة ..
صحياً:اهمالك لصحتك قد يوقعك بوضع صحي سيء فكون حذر وهتم بحالك اكتر ..
#السرطان ♋
مهنياً:شغل كتير وتراكم اعمال وشراكات عاطفية بتشغلك ..بعرف مافي شي عم يظبط معك وبحاجة لحل جذري يغير الواقع يوم في شغل في ضغط بشغلك نشالله بكون لصالحك المسؤوليات عم تزيد والاعباء عم تكبر خلص شغلك بكير ولا تخلي الاعمال تتراكم عليك .. كمان لاتجهد حالك على الاقل مشان صحتك نتبه عليها.. رتب امورك وفكر بشي جديد عيد حساباتك وقصة عقار بتشغلك يوم اجتماعي حاول تغير جو من المسا ..
عاطفياً ❤️ :تواصل واتصالات وحاول تكون دبلوماسي وهادي ونتبه من اي سوء تفاهم بيومك حاول لا تكبر القصة .. ركز منيح بهاليوم ولا تدخل بعلاقات او تستمر بعلاقة مارح تجبلك نتيجة بنهاية ولا تسعى ورا شخص ممكن يكون مستحيل فكر بحالك والفترة القادمة توقع اجواء عاطفية مهمة بلقاءات وممكن ارتباط بشكل مفاجئ وسريع ..
صحياً:المشي اليومي بيدعمك نفسياً وصحياً وبصفي ذهنك وبخليك تبتعد عند ضغوط والهموم والمشاكل.. والبعض عندو وعكة صحية اذا تعب حالو بشغلو او بالبيت كتير..
#الأسد ♌
مهنياً:يوم عاطفي وشغل بدك تلحق .. يوم داعم وتحسن ايجابي بتتلقى خبر منيح معنوي الك بخليك متفائل .. طاقة ايجابية وتغيير نحو الافضل الحظ داعم الك بس لازم تبذل جهود بتحل مشاكل ضمن بيتك وشغلك او اذا عندك امور قضائية وادارية بتنحل قريباً .. خلص شغلك المكلف به عندك اتصالات وناس كتار ممكن بيشغلو موضوع سفر والمال وممكن يجيك مال حتى بعض نساء في مولود قادم او حمل ..
عاطفياً ❤️ :يوم بتكون العين عليك في جاذبية وسحر وكلام حلو بتقدر تمتلك قلب الشريك وبتقضي وقت معو بين اتصال اولقاء وتواصل طويل .. حاول لا تفتح مواضيع قديمة او مو وقتها هلق حتى لا تدخل بجدال او نقاش مابجيب نتيجة ..اوقات حلوة وممكن شي جديد بيومك ولاعزب جهز حالك هالفترة للقاء او ارتباط عن طريق صدفة ونتبه من علاقات سرية اذا عندك ..
صحياً:وعكة صحية خفيفي حاول داري صحتك ولا تعب حالك …
#العذراء ♍
مهنياً:قصص عائلية وعاطفي بيومك .. حاول تبذل جهد بامورك لان الحظ مو كتير داعم الك بلاخص في قصص الها فترة شاغلتك وانت كتير عم تتريث وهاد غلط كل مانك عم تخسر وقت وممكن مادي .. لا تخلي ضغط نفسي يفقدك العزيمة بتجاوز اي مشكلة او عقبة يوم روتين بدك تحاول تنتبه لمشاكلك بشغلك او العائلة عندك ولا تفوت حالك بقصص مالك فيها عليك باتخاذ القرارات السريعة بعيد عن العصبية ونرفزة ونتبه من حسد المقربين منك وعم تجهز او تصلح بالبيت وخبر حلو على صعيد العائلي او بخص حدا بالعيلة..
عاطفياً ❤️ :العلاقات القديمة عم ترجع عند البعض وتواصل متقلب ومن المسا انت افضل .. كون هادي بيومك وخليك صاحي ومستعد ضغوط عليك كتيرة بس مابعرف يمكن مافي راحة وملل وضجر بعلاقاتك وحتى ممكن من اي شي تعمل مشكلة او تتنرفز وعندك كتير انتقاد بنصحك تهدي وتروق وبلا انفعال تواصل خافف كتير وهاشي اكيد عم يخلي عندك نوع من شك روق للمسا لان الوضع بسهرة غير وعم تخطط لشي مع الشريك وحب عندك ..
صحياً:صداع والم بالمعدة ولازم تلاقي حل لانو عم تتكرر عندك هالأوجاع شوف طبيب لتلاقي لعلاج..
#الميزان ♎
مهنياً:القمر في الحمل بيدعم حظوظك باجواء اجتماعية وعائلية وعزائم في عندك تنقلات او مشوار او سفرة قصيرة يوم داعم للاتصالات بشكل منيح وعم يكون في ناس حدك او ممكن تتعرف بناس جديدة تغييرات بروتينك من جديد وريح حالك هالفترة .. ممكن مقبل على شغل جديد لتحسن امورك المادية وممكن تشغلك قصة عقار او ارض .. انت قادر توصل وتنجح لانك كتير سلس بتعامل ومتفهم لمحيطك وبتعرف تتعامل مع الاحداث كمان البعض عندو نجاح وتفوق ونقولك مبروك ..
عاطفياً ❤️ :مميز بيومك اطلالة حلوة وساحر بحضورك وتغييرات بشكلك عم تسمع كلام حلو .. عم تكون اكتر دبلوماسية بعلاقتك العاطفية وبقراراتك.. عم يكون في تواصل ولقاءات وتنظيم وعم تتفق انت والشريك على مخططات مستقبلية او على مشوار والبعض قصة عم تشغل الشريك حاول تعطي الاهتمامك .. والي أنتهت علاقتو من فترة في ناس بحدك بيدعموك وانت لازم تطلع من حالتك وتبلش من جديد ولا تخلي تشائم يسيطر عليك ..
صحياً:لا تجهد حالك وترهق نفسك عليك بأخذ قسط من الراحة ونوم لتستعيد طاقتك وعافيتك لتنطلق من جديد وفكر باجواء حلوة ناطرتك..
#العقرب ♏
مهنياً:قصص مالية عندك بين قبض ودفع ومستلزمات وممكن عندك تسديد التزامات وفواتير او على تصليحات وعم ترتاح من هم مالي .. حاول ضب ايدك عم تمر بوضع مادي في صرف والبعض عم يدفع منيح هاليوم.. انت بحاجة لحلول عم تبذل جهد بيومك شكل مشغول بقصة ما او عم تحضر لشي وماعم تلحق رتب امورك منيح ونظم وقتك .. وارد تحصل على مال وعلاقات اجتماعية بيومك وفيك تجهز لتنقل او سفرة قصيرة اذا بدك او تاخد اجازة وخبر حلو ..
عاطفياً ❤️ :وضعك بحاجة لمبادرات لا تتردد بالمحاولة لا تيأس من وضعك لتحصل ع شي البدك ياه بادر بخطوات ايجابية وحافظ على وضعك العاطفي بهاليوم لا تحسم شي ولا تاخد قرار استغل يومك بلقاء واتصال او حوار هادئ لتحل مشاكلك مع الشريك بهدوء وتركيز وبظن في قنوات جديد بدا تنفتح الك .
صحياً:مافي خوف عليك صحياً بس بدي منك تشيل القلق والمخاوف الي تعبيتك بالفترة الماضية ..
#القوس ♐
مهنياً:عندك تسهيلات لكتير اشيا فيك تعملا بهاليوم وعم تتخلص من قصص تعبتك بالبيت او بشغلك اخدت وقت طويل منك او اذا كان في امور صحية كمان بترتاح منا .. هاشي بيعطيك طاقة ايجابية لتابع شغلك واعمالك ورح تحصل على ترقية او مكافئة مادية قريباً جداً او ممكن تتلقى عرض جديد .. متفائل وعندك افكار كتير بدك تعملا بدك شوية وقت لترتاح بوضعك العام بلاخص اذا في امور ادارية او قضائية بس مابده عصبيه .. يوم جيد اجتماعياً تواصل ومحبوب وعزائم وتغييرات بالبريستيج واتصال بريح او خبر حلو ..
عاطفياً ❤️ :عم تكون محبوب والعين عليك وعم تقضي يوم فيو تواصل كبير بينك وبين الشريك هلق اكيد مو كلشي متل مابدك بس الاجواء اليوم افضل وتفاهم ولانسجام غير حاول لا تخلي شي يأثر على علاقتك بلاخص موضوع شغلك .. ممكن بعض العلاقات الي لساتها ببدايتها تنتهي حاول تحافظ عليها من توترات..
صحياً:شوية اضطرابات بجسمك او التهابات وكريب حاول تهتم بصحتك بهاليوم.
#الجدي ♑
مهنياً:علاقات اجتماعية وتغيرات على صعيد شخصي..
بحاجة تعمل تغييرات وتطلع من وضعك وتكون واقعي ولا تكبر القصص وتسبب لحالك تعب وارهاق بجوز كتير تردد سببلك تعب وخسارة مادية ومعنوية ماعم تقدر تلاقي حلول ولاحداث عم تتسارع وعم تشتغل بسرعة وبدك لتلحق بس هاشي ممكن يخليك تاخد قرارات جريئة او توقع بأخطاء حاول لا تقدم على اي شي ماعندك خبرة في ولا تكبر القصص مع الزملاء والمسؤولين عنك اذا في مساعدة بيومك لا تقصر ..ضب ايدك على مصاريفك وممكن مال او حوالة الك وناس جديدة والمسا بتبلش ترتاح من ضغوط كتيرة ..
عاطفياً ❤️ :تحسن تدريجي بوضعك وبعلاقاتك وبتحسم امورك صح مالك نفس ع شي بس لحسم والحلول افضل لوضعك يوم بيحملك تواصل وتغيير بلاجواء او اتصال بشخص جديد وممكن حدا بدو مساعدة.. والبعض حاول كتير لا تفوت بعلاقة مارح تجبلك نتيجة ورح تسبب الك بعض المشاكل والهم او ممكن تخسر علاقتك بشخص .. من المسا انا شايف امورك غير شكل لتغيرات حلوة واجواء ناطرتك بصحبة الشريك
صحياً:لا تعب حالك نتبه على نومتك مشاكل مفاصل واسنان ونتبه من لدغ الحشرات والتهابات جلدية ..
#الدلو ♒
مهنياً:يوم للمال والعاطفة وعلاقات اجتماعية .. تغيرات طفيفة بيومك وبتتلقى مساعدة اذا بدك وعندك حكي او اتفاق مالي .. يوم داعم بتنقلات وناس بحدك وعزائم وممكن لقاء او اتصال مهم عندك .. لا تخلي طاقة سلبية تأثر عليك وتخليك بجو ممل وروتيني وتستسلم للواقع .. استغل المواقف لتحل بعض مشاكلك بلاخص المالية والعائلية والعاطفية بهدوء وبلا تصعيد عم تهتم بوضع حدا بالعيلة عندك دفع مالي واهتمامات بلبريستيج ..
عاطفياً ❤️ :استغلال المواقف كتير مهم هالفترة لا تخلي الماضي يأثر عليك مانك ع بعضك والوقت عم يسبقك وانت مكانك راوح .. يوم حساس بنسبة لك وممكن مناقشات عم تثير حساسية بينك وبين الشريك يجب عليك ان تكون متفهم جيداً ونتبه لكلامك وتصرفاتك .. افتح قلبك من جديد وبتوقع انو في حب ناطرك او علاقة قديمة عم تتجدد او سرية حميمية ..
صحياً:نتبه على اكلك وبلأخص الحموضة المزعجة للمعدة حاول تغير جو وترفه عن نفسك باي طريقة..
#الحوت ♓
مهنياً:بتشغلك امور شغلك وعلاقاتك وشهرة او سمعة والمسا قصص اطفال وعاطفة ومال بتبلش .. امر طارئ بخص وظيفتك او دراستك وعلاقاتك وامور قضائية وببيتك ممكن تغيير مكان او منزل او نقل لاثاث .. بنصحك بالهدوء ولا تكبر المواضيع مانها مستاهلة رتب امورك ولا تستعجل كون دقيق وحذر بتعاملك لان لكتار عندو شغل جديد ومرحلة مهنية افضل قريباً .. اجواء اجتماعية افضل ولمة حلوة وناس بتحبا ومشوار المسا ..
عاطفياً ❤️ :روق هاليوم وحاول لا تصعد الخلافات وتجنب كل اشكال الغيرة وتملك بتوقع انو العلاقة مهددة حاول كتير تبتعد عن العصبية بشكل كبير مرق هاليوم على خير .. لان قدامك فترة منيحة بتحملك ارتباط وتغييرات مستقبلية حلوة ..
صحياً: حاسس باضطرابات بجسمك وممكن مشاكل هضمية اي شي بتحس في لازم تشوف طبيب وممكن قصة اطفال بتشغل بعض نساء..
