رصد نيوز
#الحمل ♈
مهنياً:القمر بالثور العمل مقابل المال مصاريف مالية ومستلزمات وفواتير وعم تقوم بالواجب .. يوم متقلب بالمال بين دفع ومردود ومصاريف على عزائم وبعض الامور المنزلية .. عندك ثقة بحالك وعم تفكر بشغل جديد او عقد وعم تبحث عن موارد مالية جديدة لا تأجل شي واستغل اي فرصة .. بتشغلك امور مالية ظبط حساباتك وضب ايدك وفرصة لتقبض مال من عمل اخر او اتعاب او مكافئة..
عاطفياً ❤️ :لا تحتار بيومك واختار صح ولا تستعجل على شي .. شريك ذكي وعم يمارس عليك ضغط مستفز حتى تعصب وترتكب بعض الاخطاء لا تنجر وراء اهدافه وركز منيح .. هدي وروق لان كلشي قابل للحل وممكن تشهد علاقتك تحسن رغم مو راضي عن الوضع ومافي شخص المناسب الي يفهم عليك .. ممكن ارتباط بهاليوم للبعض او اذا كان في زعل لتصلح الوضع او حب قديم عم يتقرب وفي عتب ولوم ..
صحياً:أنتبه على صحتك تحذيرات عليك أن تأخذها على محمل الجد وانتبه من وعكة ومصاريف مالية على صحة ..
#الثور ♉
مهنياً:القمر ببرجك مع مساعدة من زهرة في برج الميزان ..عم تتنفس صعدا بعد برود وفتور بوضعك ويوم في طاقة وحظ لتنجز اعمالك وتتتجاوز بعض صعوبات .. في حركة في عزائم وتنقلات ولقاءات وخبر جيد الك .. بتفكر بسفر وشغل جديد او شراكة والبعض عم يعمل مصالحات وتسويات وعم يقضي وقت اجتماعي ..
عاطفياً ❤️ : عندك مستجدات عاطفية وركز بوضعك الي جاي .. حافظ على ردة فعلك وكون رايق وأستغل دعم الفلك بيوم مميز وحليان وجذاب بكلشي الحظ بساعدك اذا عندك مشكلة او اذا في زعل من الشريك عم يصير صلحة .. يوم حلو لتطور علاقتك وترتاح اخيراً من تعب الي رافقك بالفترة الأخيرة ممكن لقاء كمان واتصالات طويلة وكلام حلو بيومك .. والاعزب أرتباط واعجاب واحساس جديد وعودة شخص قديم ..
صحياً:نتبه على صحتك منيح واي شي ممكن تحس في لا تتردد بزيارة مشفى او طبيب..
#الجوزاء ♊
مهنياً:القمر بالثور لا تتسرع بيومك وتجنب القرارات المهمة وقصة قضائية او صحية عند البعض .. عم تعاني من روتين ممل بشغلك وبعلاقاتك وهدي مع المدراء او المسؤولين وضمن بيتك وعم تعاني نفاق بعض الاشخاص بحياتك وهدر لحقوقك .. لا تعطي ثقتك لمين ماكان وركز منيح وعيد حساباتك من جديد بلاخص بعلاقاتك ..وقصة حدا من اهلك بتشغلك يمكن تكون قضائية وعم تفكر بلقاء بشخص مهم ..
عاطفياً ❤️ :عم تعاني الاستغلال العاطفي وبردو بالمشاعرة وقلة اهتمام .. عندك عتب ولوم واهمال من قبل الشريك وماحدا عم يقدر حبك وشي الي عم تقدموا ..حاول لا كتير تسمع لكلام ناس ولا ترد على حدا بلاخص انت ماعم تقدر تخبي مشاعرك
قوي قلبك ولا تتردد و عبر عن كلشي جواتك .. حاول قدر الامكان تكون هادي وبكلمتين حلوين لامور بتصير افضل على الاقل هدي هاليوم ..
صحياً:خفف عصبية ونرفزة بلاخص اذا عندك وضع صحي او اذا البعض كان عامل عملية .. بيتحسن وضعك صحي تدريجي نشالله ..
#السرطان ♋
مهنياً: القمر بالثور يوم اجتماعي وناس كتار .. عم تفكر بمشروع جديد او حابب تدخل بأجواء عمل جديدة او بدك تحسن من امور شراكتك اذا عندك شراكة مع حدا وممكن سفرة قصيرة عم تفكر فيها .. في صرف مالي اليوم ع امور شخصية ومستلزمات او عزائم والبعض ممكن هاليومين يجي مال او صفقة وعقد جديد .. قصة قضائية نتبه وكون حذر هاليومين وشي بيتعلق بالأطفال .
عاطفياً ❤️ :بتستقطب الجنس الاخر وعندك جاذبية والاضواء عليك .. حاول اليوم تعطي الشريك اهتمامك ولا تبعد عنو بأمور ليست بالمهمة وفرصة لتتقرب منو وتهتم في مشان ترجع عاطفتك والعلاقة لمكانها صحيح واجواء حلوة بتعيشها بهاليوم .. وفي حدا بيدعمك بقصة عاطفية او بحلول او صلحة و شوية تنازل مابضر ..
صحياً:نتبه من خمول او وعكة بسبب طقس وحاول ترفه عن نفسك بهاليوم .
#الأسد ♌
مهنياً:القمر بالثور عندك ضغط شغل بالبيت وبشغلك لا تخلي هاشي يسبب نرفزة وعصبية ونتبه لردت فعلك .. حاول تهدي لتوصل لشيء لبدك ياه حتى تتيسر امورك وتخفف عنك بعض ضغوط والمشاكل .. لا تتهاون بأعمالك في عندك فرصة حلوة لشغل جديد او مكان جديد استغل هالفترة ولا تتكاسل وخليك متفائل بنتائج .. يوم بدو حسم وخلص الاعمال الموكلة اليك حتى ماتسبب مشكلة بشغلك او مع حدا مقرب وبتزيد علاقاتك وشعبيتك الاجتماعية وشهرة وسمعة ..
عاطفياً ❤️ :ريح حالك وفكر بيومك و اي نقاش مع شريك كون حذر في وسمي الامور بمسمياتها وبلا تلميحات حتى مايكون في سوء ظن وسوء تفاهم او انت ماعم توصل فكرتك صح .. عيد حساباتك بعرف شريك متعبك وانت كتير عم تنزعج من هاشي حاول ترجع الوضع متل ماكان ولا تكابر وعترف بأخطائك .. في لقاء واتصال طويل او مشوار لوضع مانو سيء حاول تتمتع بيومك والبعض ممكن حدث مهم ومفاجئ بارتباط او خطبة ناطرك ..
صحياً:تجنب تعب ولا تشتغل شي غير شغلك وتجنب المنبهات بيومك ..
#العذراء ♍
مهنياً:القمر بالثور عم تطلع من وضع متعب تدريجي يوم لاتصالات كتير وناس كتار وغريبة ولقاءات واجواء اجتماعية وصدفة بيومك والفلك مجهزلك بشارة حلوة قريباً .. وضعك منيحة اليوم لتحقق نجاح بشغلك وبأختباراتك وبتتلقى أخبار حلوة والحظ بساعدك وبكون معك .. يوم داعم لتنقلات او اذا مفكر بسفر او مشوار لاتخاف على مستقبلك وظروف ملائمة لشغل وعمل او شراكة وقصص بتخص الاطفال .
عاطفياً ❤️ :حاول تساير وتكون متعاون لتلاقي حلول يومك في صراحة حتى لو كان في نقد حاول تتقبلوا بروح رياضية وممكن امور ضمن بيتك عم تشغلك عن العاطفة .. أستغل جاذبيتك وسحرك ويومك حلو لتحسن امورك وتسمع اخبار حلوة وشخص عم يشغل فكرك وبالك ..لاعزب ناطرك فرصة حلوة وممكن البعض يفكر بخطبة بالفترة القادمة ..
صحياً:عم تعاني شوية تعب بالعضلات وبالبطن ريح حالك ليتحسن وضعك وخفف من الاجواء الاجتماعية والحكي لكتر ..
#الميزان ♎
مهنياً:القمر بالثور هل اليوم بخف توتر عندك ويوم مالي ومستلزمات ومصاريف على اطفال للبعض يوم ايجابي وبشكل تدريجي امورك بتتحسن .. في مستجدات واحداث كتيرة بيومك عم تفتح صفحة جديدة عم تعيد حساباتك وعم توصل لحلول لمشاكل وفرصة لتحسن امورك المالية ولاجتماعية والعائلية وعزايم ولقاءات واتصالات مميزة وبتحقق نجاح مهني وشوية التزامات بدك تسددها وضبلي ايدك ع مصاريفك .. والبعض قصة قضائية او ادارية عندك وممكن بخصوص قصة مالية او ميراث ..
عاطفياً ❤️ :انسجام نوعي وعم تروح لابعد الحدود لتحافظ على الوضع يوم في جاذبية وكلام حلو وحب عم يكبر.. لا تكون مزاجي ومتقلب بتعاملك مع الشريك وخليك ثابت برأيك وخليك متل العادة بتعاملك معو حاول تستغل دعم الحظ الك لتعمل نوع من تقارب وتواصل وتزيد منسوب العاطفي بعد توتر الي صار بالفترة الاخيرة .. تجنب اي توتر بهاليوم لأنك بحاجة لحدا يفهم عليك تفائل بلايام الي جاي وبلاخص الاعزب اوقات حلوة بتقضيا وارتباط ..
صحياً:بحاجة لراحة هالفترة وبلاخص النفسية لتطلع من الوضع وضغوطات ونشالله بتلاقيا بيومك ..
#العقرب ♏
مهنياً:القمر بالثور بتشغلك شراكات مهنية عاطفية ونتبه من توتر الوضع العاطفي بيومك .. عيد حساباتك بهاليوم ونظم امورك وأستغل الفرص الأيجابية لتكون منيح .. عم تلاقي تحسن بأمورك بس ممكن تتعرض لشوية عراقيل لا تستسلم مشان تكون امورك لقدام افضل .. بيدعمك بما يخص الشراكات او لتناقش بأمور مهمة او قصص قضائية وقانونية وشراكات بتشغلك او لتدخل شراكة جديدة ..
عاطفياً ❤️ :الاعزب اموره افضل وممكن فرصة لتم شراكة جديدة او خطبة قريباً وتكون امورك افضل فترة مميزة مقبل عليها ولقاءات وتطورات افضل من قبل نشالله .. بس المتزوج عم تتعرض لضغط من الشريك وكون جاهز لاي نقاش ولاي رد وفكر بمستقبلك وكون مقنع ومنطقي بيومك حتى ماتكبر القصة كتير لان يوم بكون مساعد بس بدو شوية هدوء ودبلوماسية .. والي ع وشك الانفصال ممكن يتأكد من خبر بخص الشريك ..
صحياً:لا تهمل صحتك واي عارض لازم تشوف طبيب او اخصائي .
#القوس ♐
مهنياً:القمر بالثور يومك في شغل كتير وتراكم اعمال ومال عم يشغلك .. رتب امورك وجهز حالك ولا تتأخر بشي ولا تتردد بأنهاء اعمال حتى ماتخسر شي بيومك او تسمع شي كلمة بحقك .. عروض كتيرة ولقاءات لازم تنظم وضعك لترتاح من المسؤوليات امورك بتتحسن وبتلاقي دعم ومساعدة وبلاخص بامور الشغل والمال في قادم الايام ولقاء بشخص مهم وفكرة سفر بتشغل البعض ..
عاطفياً ❤️ :في وحدة وعزلة بيومك وعم تتعرض لبعض المتاعب والعراقيل بعلاقتك ومن جواتك في قلق .. حاول تبقى رايق ولا تعصب وتحمل الشريك وطلباتو حتى مايصير في بعد بالمشاعر او تكبر القصة وماتقدر تسيطر على الوضع .. فكر تصلح علاقتك بشريك افضل ولا تهتم لاي شخص تاني ..انسى الماضي وفكر بحالك اكتر وبمستقبلك العاطفي ..
صحياً:متوتر ومضغوط نتيجة الأوضاع الي مو مرتحلها نفسياً حاول تريح حالك جسدياً وفكرياً حتى ماتدخل بوضع صحي والبعض بتبلش صحتك تصير افضل ..
#الجدي ♑
مهنياً:القمر بالثور يوم داعم بالحظ وطاقة ومال .. عندك قصص كتير بدك تعملا اليوم وفايق بكير وتنقلات وبدك ترتب امورك حتى ماتوقع تحت ضغط ع الاقل لترتاح وتعمل تغييرات بوضعك وعم تهتم بحالك وبشخص مقرب .. تحسن مهني ومالي وبتتخلص من مشاكل تعبتك كتير وبتعيش اوقات حلوة ولقاءات مميزة واتصالات كتيرة ممكن تقبض مال ومصاريف والبعض عم يفكر بنقل وقصص بتخص الاطفال ..
عاطفياً ❤️ :الاعزب عندو اعجاب وجاذبية من قبل شخص ممكن في مصارحة وتجاوب .. يوم حلو وتطورات عاطفية حلوة رغم ضغط والقلق الي جواتك انت كتير جذاب وفيك تبادر لتتقرب من الشريك او ترجع لشريك قديم .. يوم عاطفي وفي حب وشغف والاجواء الحميمية عم تكبر .. بس البعض بعد عن العلاقات السرية الي مارح تفيدك بشي وأعطي الاهتمام لشخص يفهم عليك بلا ماتسبب مشاكل بقادم الايام ..
صحياً:بحاجة لدعم ومساندة نفسياً لتتجاوزة ازمة تعبتك على صعيد صحي ريح حالك ونتبه من تحريك الاشياء ثقيلة والاغلبية عم يتحسن تدريجي .
#الدلو ♒
مهنياً:القمر بالثور فكر قبل ماتحكي او تتصرف وبلا طيش وتسرع بالاخص عائلياً .. عم يكون في تأجيل لقصة نطرتا بسبب امور طارئة والخطوة الأخيرة ماعم تكمل معك .. بحاجة لحلول بديلة وسريعة وناس تفعل مو تحكي بس .. لا تفقد الارادة وتصميم لحتى توصل وتنجح وعيش الأجواء بلمة حلوة وعائلية او مشوار .. والبعض في قصة بتشغلك بالعيلة اخ او مقرب ..
عاطفياً ❤️ :القلب مكركب هالفترة وفي حيرة ومابتعرف شو بدك .. فكر بأيامك الي جاي ولا تلتفت لورا والي باعك بيعو ماحدا بيستاهل .. بنصحك تتريث ولا تتسرع بأمور الارتباط ولا تاخد اي قرار ترجع تندم عليه … حسن علاقتك الحالية اذا مرتبط واذا مانك مرتبط أبحث عن شريك يكون بيفهمك ويقدر وضعك ويوقف معك والفرصة مواتية لارتباط او اعجاب مبدئي ..
صحياً:اعراض قديمة عم تتكرر عندك لا تهمل الوضع وعليك بأجراء فحوصات ..
#الحوت ♓
مهنياً:القمر بالثور بعد عرقلة وتأجيل في امور عم تمشي وعم تتحرر من القيود وحلول لمشاكل .. عندك نشاط وحركة وبتحقق انجاز بيومك انت مقبل على شي مهم او عمل جديد رتب امورك وظبط وضعك لتتجاوز هالامور بسهولة وتخلص المطلوب منك .. لقاءات واتصالات جديدة وسفرة قصيرة اذا ناوي وحركة بيع وشراء واختبار او امتحان ونتبه من الحوادث والاعطال ومشاكل المواصلات والاتصالات ..
عاطفياً ❤️ :لا تعند وتجاكر وبلا يباسة راس المواجهات مو لصالحك لهيك بعد عن نقاشات الي بلا طعمة .. فرصة اليوم لتحسن الوضع وتكون منيح بعد ضغوط كتيرة بعلاقتك لا تخلي المشاكل ترجع من جديد بترتاح نشالله وفترة بكون عندك ارتباط وممكن يطور بوقت سريع .
صحياً:حاول تقاوم مشاكلك صحية بهاليوم ولا تستهان بأي عارض صحي او كريب ..
