#أبراج__اليوم__الأحد__1__أب__أغسطس__2021 🔮 🌙 القمر ب مكمل ببرج الثور ♉ الترابي كوكبه 🌍 الزهرة.

حظگ__________اليوم

 

#الحمل ♈

 

مهنياً:تحسن مهني ومال شاغلك…

امورك افضل بتواصل وسفر واتصالات وممكن في ناس جديدة عم تشوفها بيومك وممكن تتطور ايجابي بشغلك وانت قادر تنجح وتحقق المطلوب منك وتخلص شغلك على اكمل وجه..بس مشكلتك اليوم مالية وهاشي عم يخليك تعيد حسابتك ويمكن عندك صرف على مستلزمات او اعطال عم تصير عندك رغم هيك قادر تتجاوز هاشي بس بدا شوية صبر وحكمة..

عاطفياً ❤️ :تمتع بثقة عالية بنفس والايام رح تثبت حقيقة حبك رغم القليل ما عم يقدر هاشي شريك مهمل ومافي تقارب حتى علاقتك الحالية مو اخده طابع الجدية وممكن الشريك ماعم يخطط لتستمر علاقتك بس لا تخاف رح يرجع لعندك…

صحياً:عم تعاني مشاكل بالتنفس وتشعر بصداع او دوار برأس..

 

#الثور ♉

 

مهنياً:عم يدور يومك بقصص مهنية ومالية وممكن تحصل على شغل او عم تحاول تزيد فرص العمل لتحصل على مال وممكن قصص مالية بدا تشغلك بهيك يوم بين قبض ودفع لازم تظبط امورك منيح.. حتى عندك مشاكل مهنية بتلاقيلها حل بس بدي منك تكون الحلول جذري وتنتهي منا ع الاخر قبل ماحدا يصطاد بالماء العكر..

عاطفياً ❤️ :حب تملك وسيطرة عم يزيد عندك بهاليوم بس لازم تعرف انو هاشي احياناً بينقلب سلبي عليك حاول تخفف من هاشي لو كان شريك مو مهتم او مهمل لازم تتقرب وتبادر بحلول لتقدر تكفي علاقتك..

صحياً:حاول تكون صبور وتتحلى بالعزيمة والارادة لتجاوز اي وضع صحي بهاليوم…

 

#الجوزاء ♊

 

مهنياً:من افضل الايام عندك لتقدر توصل صوتك وتحرز تقدم على كافة الأصعدة انت عم تتمتع بطاقة وحيوية وقدراتك رهيبة بهاليوم وبتلاقي حل لقصص شغليتك وتعبتك حتى عم تتكشف حقائق بهيك يوم بس تنظم اعمالك ومواعيدك وتاخد قرارات حاسمة وتكون بوقت دقيق لا تاكل هم شي بتنجح باي اختبار او شي بدك تقدم عليه او شغل وتحسن نسبي وجيد وقادر تطلع من تعب والملل الي كان مسيطر عليك..

عاطفياً ❤️ :يومك حلو ببدايات جديدة وعم تحسم امورك وحاول قدر الأمكان ماتخلي حدا يستغل طيبة قلبك ولازم تحط حد له شي وتبلش من جديد ومافي داعي للكلام العشوائي هاشي ممكن يسبب مشاكل ويخرب العلاقة..

صحياً:انت افضل الحلول الك انك تمارس المشي يومياً لتخفيف من تعبك وتطلع من جوك..

 

#السرطان ♋

 

مهنياً:مرق هاليوم على خير ورح تتحسن امورك كتير انت عم تمر بوضع متعب وطاقتك بتكون سلبية حتى عم تكون عصبي ومانك قادر تتجاوب مع حدا ونتبه لنقاشاتك وحاول تكون هادي ورايق رغم ظروف والمسؤوليات لكتيرة الي عم تكون عليك لحالك عيش يومك بهدوء وواقعية وخلص شغلك بكير ولا تأجل شي ولا تخلي اعمالك تتراكم عليك وكلشي بيظبط بعد هاليوم..

عاطفياً ❤️ :تكتشف حقائق جديدة وممكن هاشي كتير منيح بقادم الايام وانت بتعرف مدى تعلقك بالشريك وهو نفس شي بقا اذا في حكي من طرف تالت حاول مو كتير ترد او تاخد بكلامهم وخلي المشاكل الاخرى بعيدة عن علاقتك مهما كانت..

صحياً:نظم اكلك ومواعيدك ولا تخلى عن الرياضة مهما حصل..

 

#الأسد ♌

 

مهنياً:يوم مساعد الك وممكن الحظ يجي معك ولصالحك رغم صعوبات وضغوط الي عم توجهها عم يمنحك القدر الحكمة وحسن تصرف بالوقت المناسب وعم يوفرك ظروف والمناخ الاجتماعي الي بساعدك تطلع من حالتك شوي وبتلاقي ناس حدك وبتتلقى مساعدة اذا بدك وممكن انت مدعو لاتصالات ولقاءات كتيرة وعزيمة ولمة حلوة وبتقضي وقت ممتع نجاح قدامك عليك باستغلال الفرص وخلص شغلك ضروري..

عاطفياً ❤️ :انت ماعم تقصر تجاه الشريك لكن ممكن هو كتير مقصر تجاهك ويمكن كلشي قدمتو بحياتك الو مايبين في بهاليوم وممكن غلطة او سوء تفاهم بسيط شريك ينسا كلشي بلحظة..برأي انا تهتم بحالك وتأسس لمستقبلك العاطفي منيح وتتخلص من ضغوطات لان كتير ناس معجبة فيك وعندك حس رومنسي كبير والبعض اموره افضل ولقاء ويوم مميز..

صحياً:ضغوط بيومك ونتبه من تنقلاتك حتى لا تتعرض لوضع صحي…

 

#العذراء ♍

 

مهنياً:نجاح وتفوق اذا عندك اختبار او امتحان حاول تخلص امورك ع بكير ولا تأجل شي برغم اليوم في ضبابية ببعض الامور بدك تنطر حتى تتوضح صورة قدامك.وتعرف وين تحط خطواطك المستقبلية ومشان ماحدا يلومك بيوم من الايام.. انت مابينخاف عليك في تتطور مهني بشغلك وقادر تنجح وتوصل بس كتير نتبه للامور المالية مابدي ياك تخاطر بشي..

عاطفياً ❤️ :ممكن امورك العاطفية مو منيحة وفيها شوية كركبة بدي منك لا تفكر كتير بالقصة ولا تعاتب وتهتم وحاول توجد الحلول ولا تيأس من هاشي ونشالله امورك وعلاقتك بترجع احسن من الأول وبروح هاتوتر بفترة قصيرة جداً لا تاكل هم..

صحياً: كون حريص على صحتك وصحة احد افراد عيلتك بهاليوم..

 

#الميزان ♎

 

مهنياً:القمر في برج الثور بحسن من امورك وبيعطيك دفعة الى الامام لتنجز اعمالك بدقة وتكون صاحب نظرة ثاقبة وتتطور فكري وذهني وبتطلع من الوضع الصعب الي عايشو وعم تحقق احد اهدافك وعندك لقاء أستثنائي وممكن تدخل مجال جديد بحياتك وتحصل على تغيير وممكن تكتر الاتصالات بهاليوم واذا ناوي سفر منيح كمان اليوم..

عاطفياً ❤️ :تطورات حلوة بعلاقتك وتحسن ايجابي وممكن ارتباط.. بدي منك تتقرب اكتر من الشريك بيوم داعم الك وممكن تحصل على خبر او فرحة حلوة وتقضي وقت حلو بين اتصال ولقاء وعم يكون يومك عاطفي بأمتياز بس حاول لا تخلي حدا يدخل بعلاقتك وبتكون كتير منيح.

صحياً:لا تفش خلقك بتناول وجبات اضافية او تكثر من تدخين والاركيلة فقد تتعرض لوضع صحي..

 

#العقرب ♏

 

مهنياً:عم تكون محط اعجاب وعم تتقن عملك بأفضل مايكون وهاشي اكيد رح يكون الو صدى ايجابي بعد فترة كتير كانت صعبة عليك وكان عندك ضغط كبير اليوم احسن انت وبتطلع من حالتك تدريجي حتى في قرارات مهنية بهاليوم مهمة الك وبتلاقي حلول وبتقدر تتجاوز اي ازمة ممكن تصير وفي امور مالية وتظبيط حسابات بتشغلك هاليوم..

عاطفياً ❤️ :لا تكون عنيد وتتشبث برأيك وتاخد قرار صارم هادي شي مرفوض يعني بكلمتين حلوين ممكن تحل اكبر مشكل وشويت تنازل منك ومن الشريك بترج الامور لمجرها صحيح شريك بيتفهم الوضع ولا تخاف بيرجعلك او بيرجع متل ماكان..

صحياً:بنصحك بالمشي بهاليوم في الحدائق اما مع رفقاتك او مع شريك حياتك..

 

#القوس ♐

 

مهنياً:يعترض طريقك الحظ بهذا اليوم وماعم تكمل معك الامور وعم تحس بأنو ممكن يصير اي شي بأي لحظة ماعم ترتاح وهاشي عم يثير ريبة عندك وعم تنزعج من وضعك وممكن اي شي ممكن يأثر فيك ويسبب عصبية واستفزاز حتى ممكن يصير امر طارئ او توقع بتأجيل ما وممكن وضع مالي بحاجة لتفكير وترتيب الامور بشكل افضل ولتفت لواجباتك بشغلك ولا تهتم بشي تاني…

عاطفياً ❤️ :عم تكسر حاجز روتين والملل بعلاقاتك العاطفية او الاجتماعية وعم تتحرر من بعض ضغوط والقيود بلاخص يومك بيحملك تعارف جديد او ارتباط جديد بتفرح في.. بس المرتبط بحاجة لتصحيح بعض الامور وتركز منيح وتنتبه لوضعك العاطفي اكثر ومافي داعي تعمل من الحبة قبة وتزيد الوضع عصبية واستفزاز…

صحياً:اي شي ممكن يعطيك طاقة ايجابية عملو ولا تتردد في ذلك لتقدر تتحرك بكل اريحية..

 

#الجدي ♑

 

مهنياً:عم تعاني من بعض تأخيرات بوضعك او ممكن ناطر قرار وعم يتم تأجيلو هالفترة يومك في كتير قصص وتعب بشغلك وممك بدك لتثبت بمكان وعم ضاعف جهودك حتى ماتخسر موقع نتبهلي لشغلك وحاول تبذل جهد وتنظم كلشي لتقدر تخلص واجباتك واعمالك وتدفع بمصالحك نحو الامام وتحقيق الهدف.

عاطفياً ❤️ :يومك مميز عاطفياً لتقدر تتجاوز ازمتك رغم تعب والمشاكل والوحدة عم تتطلع من حالتك لا تعاند الوضع اكتر من هيك حتى توصل علاقتك الى ماكانت عليه بعد سوء تفاهم الي كان حاصل..وضعك احسن وفيك تبادر ويوم ايجابي….والبعض بيعترف بحبو

صحياً:نتبه لصحتك ولا تضغط عليها او تخلي حدا يستفزك بامور مامستاهلة لكن تنعكس على وضعك صحي..

 

#الدلو ♒

 

مهنياً:رغم تعب وضغط المفروض عليك لكن انت امام يوم بتدعمك في الحظوظ وبتلاقي انفراج لبعض الامور وقد تمتلك اليوم فرصة مهمة وعم تنفتح على ناس جديدة ولقاء مهم طاقتك ايجابية والحظ معك وبتلاقي دعم مقدم الك واذا كنت بعملك او بمركز ما ممكن تتحسن امورك نظراً الى ماتمتلكه من قدرات وخبرة بشغل لتحسن موقعك..وعم تكتر اتصالاتك بهاليوم وممكن في دعوة او عزيمة..

عاطفياً ❤️ :انت بتعرف كيف ممكن تجيب شريك لصفك وكيف ممكن تقنعه حاول تحافظ على هاشي ولا توفر اي جهد بجبلك نتيجة وبخلي امورك افضل..رومنسي وعاطفي ومبسوط لتحسن الاجواء حاول تستغل هاشي…

صحياً:حاول تخفف من الملح حفاظاً على ضغطك وخفف شرب منبهات كالقهوة فهيا تسبب حموضة فموية ومعوية..

 

#الحوت ♓

 

مهنياً:يوم اخر من الوضع المتعب لكن مرق هاليوم بس على خير وفي تحسن وانفراج نشالله..عم تواجه بعض العراقيل او ضغوط والمسؤوليات لازم تهدي حالك وكتير مزعوج من تصرفات بعض الاشخاص تجاهك حاول تبتعد عن العصبية والانفعال وكتير لازم تنظم امورك وتحافظ على وضعك بدون عشوائية ولا تتسرع بأي شي اليوم ونتبه للامور العائلية…

عاطفياً ❤️ :الغير مرتبط ممكن امورك تبلش تتحسن في حال عرفت كيف تتصرف الحظ ممكن يدعمك بأرتباط وانت حاول تفكر منيح بحالك والوقت عم يمضي.. والمرتبط لازم تبتعد بهيك يوم عن المشاكل وتخفف عصبية وانفعال او انو امور اخرى بتشغلك اليوم حاول توفق بين اوضاع اخرى وحبك لتقضي يوم رومنسي..

صحياً:امنح نفسك اهتمامات صحية ولا تخلي اي شي تاني يلهيك عن وضعك صحي حالياً..