رصد نيوز
#الحمل ♈
عندك شغل كتير وهدي مع المقربين ..
بهاليوم عم تكون تحت الضغط وكتير شغل عندك مشان هيك فيك تطلب مساعدة ورفيق يلبيك لكن انتبه وروق عالمقربين منك عيلتك واخواتك وكمان حاول تنتبهلي لصحتك وفكر بشغل جديد ..يوم في حلول وأخبار ايجابية الك مشان هيك حاول تعمل كل شي بدك بهيك يوم ويمكن عندك قصص عقارية أو تغيير سكن وخليك منتبه الاهلك وحل مشاكل البيت واستفيد من طاقتی وحل امورك المالية
❤️ عاطفيا .. من الأيام الجيدة وعندك حضور حلو وممكن سهرة او عزيمة مع الشريك ورح يتحسن وضعك..
◾النسبة المئوية
●مهنيا : %92● وماليا : %84● وعاطفيا : %87● وصحيا : %80
#الثور ♉
اطمن بتتحسن اوضاعك مع عيلتك وحتى مهنيا بتلاقي بهاد اليوم ارتياح نسبي وبكون عندك فرص مهنية جيدة الك وعم يكون في حلول بهاليوم وعندك حظوظ ومابيمنع بهاليوم تهتم بموضوع الاطفال ..بدي منك تعزل حالك عن الناس يلي عن الناس يلي عم تأذيك وانتبه لان في اشخاص مقربة منك عم يخيب املك فيها وفکر بشغل او بمساعدة شخص وحاول تكون ايجابي لان عندك طاقة لكن يوم في شوية تأجيل وبدو صبر..
❤️عاطفيا . حاول تتصرف صح وبدي منك تروق وكل شي بيتغير لصالحك لكن شوية وقت بس..
◾النسبة المئوية :
●مهنيا : %69 ●وماليا : %61 ●وعاطفيا : %66 ●وصحيا : %65
#الجوزاء ♊
عم تستفيد من وقفة اشخاص معك ومساعدتن الك بهاد اليوم وعندك قصة عزيمة وامور مالية شاغلة بالك كمان وممكن تشوف صديق غالي وحاول تعزز علاقاتك ويمكن تسهر سهرة حلوة وتكون ملفت..عندك مكان جديد وتغيير هاليوم ..
نهارك اليوم غالبا يكون فيه تغيير او سفر وعم تلاقي حالك بمكان جديد وبتنشغل بقصص عائلية ومو مرتاح وعم تتوتر علاقاتك مع الأهل وفي قصص عم تشغلك ضمن جو البيت وبدها حلول فكون رايق وهدي .
❤️عاطفيا .. اطمن لأن وضعك العاطفي بيتحسن ويوم جيد عندك لكن حدد علاقاتك وفكر بهدوء..
◾النسبة المئوية:
●مهنيا : %73 ●وماليا : %69● وعاطفيا : %74● وصحيا : %70
#السرطان ♋
عم تحس انك تحت الأضواء بهاليوم وفي شغل مع ناس كتير او ورشة عمل وقصة مهمة بتشغل بالك ويمكن بتخص الأب والعيون عليك واستغل هاليوم بعلاقات مهمة وجديدة ويمكن شهرة للبعض..علاقاتك تمام وفي حظوظ مالية ..
من افضل الايام لتنجح فيها بانك تعمل علاقات جديدة وكمان ممكن يجيك مال او تدفع مال على قصة موبايل او سيارة وقادر تقنع وتوصل رأيك وكمان عندك فرصة لتسافر بس انتبهلي من الحوادث ..
❤️عاطفيا .. عم يكون عندك اعجاب من أشخاص كتير ويمكن من شخص مشهور ومهم يتواصل معك..
◾النسبة المئوية :
●مهنيا : %74 ●وماليا : %68 ●وعاطفيا : %69● وصحيا : %67
#الأسد ♌
القمر بيستمر عندك من الايام يلي فيها علاقات وناس جديدة وحتى فيك تحل مشاكلك بالشغل وبالبيت وتنجح لمجال عملك وتثبت حالك وعم يكون في شغل جدید الالك فحاول تكون مستعد لهالشي وغير للافضل بحياتكانتبه ماليا وصار لازمك دعم وضب ايدك ..
ماعم تكون كتير مرتاح بوضعك المالي بهاد اليوم ولازم تعرف منيح كيف ترتب امورك وتلاقي شغل يدعمك او شراكة مع حدا وانتبه حدا يخسرك مال وكمان انتبه من بعض المصاريف يلي ما الها لزوم واطمن ..
❤️ عاطفيا .. اطمن عندك فرص حب جديدة وحلول وتحرر من علاقة كانت تاعبتك
◾ النسبة المئوية
● ومهنيا : %84● وماليا : %83● وعاطفيا : %80 ●وصحيا : %78
#العذراء ♍
حاول تبلش تحدد خياراتك اذا كانت بشغل او بأمور مالية ولازم ماتتسرع وتعرف تاخد قرار وتحسم امورك وخاصة انو في حل القضايا وارتياح نسبي وشفاء من مرض كمان واموال ممكن انو تجيك..يوم جيد عندك وخاصة لتبلش شغل ..
يعتبر من الايام يلي بتتعدل فيها طاقتك وبكون عندك القدرة انو تخلص كتير من امورك ويمكن تلاقي شغل جديد وعم ترجع لوضعك تدريجيا عم يكون في عندك حلول واخبار حلوة واحساس بانو صحتك افضل ..
❤️عاطفيا .. عم تحس برغبة بانك تكون مع الشريك والعاطفة افضل وعندك رومنسية بعلاقتك
◾ النسبة المئوية :
●مهنيا : %72● وماليا : %73● وعاطفيا : %75● وصحيا : %70
#الميزان ♎
فينا نقول انك مو رايق لكن رغم كل شي هدي الوضع وحاول تفکر بشراكة مالية مع شخص وانتبه من الاحتيال أو التأجيل لان في اشخاص عم تدايقك او تتأخر عليك بأوراق ومال وبدك حل ومو رايق انتبه لعيلتك ووضعك وهدي هاليوم ..
من الايام يلي بتكون فيهت مدايق وماعم تعرف سبب بعض المشاكل يلي عم تحصل معك وخاصة الوضع العائلي وعم تكون مو مرتاح بالمجمل كتير قصص عم تكون ضدك مشان هيك عم تفكر كيف تحلها ..
❤️عاطفيا .. يبدو .. يبدو انك مدايق شوي وعم تضوج من كتير قصص ولازم تحسم أمورك بالعلاقة لتريح راسك
◾ النسبة المئوية
●مهنيا : %76● وماليا : %63● وعاطفيا : %62● وصحيا : %60
#العقرب ♏
هاليوم ماعم تعرف من وين عم يطلعلك الشغل ولازم تلحق كل شي ورغم الضغط ماحدا عم يقدر تعبك وممكن تبلش شغل جدبد وكمان رياضة ونظام صحي هالشي بريحك وكمان انتبه من صحية عندك اجواء عائلية وفي عزيمة بالبيت ..
عم تكون اقرب لعيلتك وفي اجواء اجتماعية حلوة يمكن عم يكون عندك عزيمة بالبيت ووقت ممتع تطلع فيه من جو الروتين يلي عايشو وحاول تستفيد من مساعدة صديق الك اذا احتجت خاصة ماليا ..
❤️عاطفيا .. لازم الشريك يكون معك ويساعدك معنويا وبكل شي ويستوعب وضعك وظروفك .
◾النسبة المئوية :
● مهنيا : %67● مالیا : %62 ●وعاطفيا : %66● وصحيا : %59
#القوس ♐
عم تعيش هاليوم أوقات حلوة ويمكن الناس يلي بتحبها عم تلاقيها معك وفي شخص من ايام الدراسة بيحكيك او زميل بالشغل بتشوفوا وحتى قصص العيلة بتنحل وبتحس انك مبسوط والناس معك …عندك لقاءات مهمة ويوم لشغل ..
عم تكون العيون عليك وعم تحاول تثبت حالك بهاد اليوم وكتير لقاءات باشخاص مهمة عندك بهاليوم وانتبه من مخالفة القوانين وعندك فرصة شغل ممكنة او شهرة وفي شي مصيري ناطرك وانتبه من تشويه سمعة..
❤️ عاطفيا .. اطمن لأن الوضع العاطفي بيتحسن وفي وقت حلو بتقضيه مع شخص غالي على قلبك
◾ النسبة المئوية:
● مهنيا : %83● ماليا :%84 ●وعاطفيا : %88● وصحيا : %78
#الجدي ♑
عم تنشغل بهاليوم بقصص البيت ويمكن في موضوع عقاري او مبلغ بيجيك او تعاملات مع الأهل وفي قصة طفل كمان ويمكن يكون في اوقات حلوة بمكان جديد او تغيير منزل او حدث مهم بالمنزل ..استغل يومك مهنيا وبعلاقات جديدة ..
عندك امور ايجابية هاليوم على صعيد مال بيجيك من حوالة او حتى علاقات جديدة بتدعمك لتبلش شغل جديد ورح يكون عندك سفر ممكن او حتى دراسة او قصة جديدة لكن انتبه من الحوادث ..
❤️عاطفيا .. مو مرتاح والوضع عندك ماكتير مستقر عاطفيا لكن مع هيك ممكن الحب يريحك من مشاكلك..
◾النسبة المئوية:
● مهنيا : %70● وماليا : %67● وعاطفيا : %68● وصحيا : %60
#الدلو ♒
تاسس علاقاتك صح وخاصة مع المقربين منك وفي اجواء ايجابية وسفر وحركة ونشاط زايد وعم تنهي امورك بالبيت كمان وفي قصص لازم تنتبه الها خاصة اذا بخص اخ او حوادث السير..عم تطلع من فترة صعبة وعندك مال ..
بتبلش بهاليوم اوضاعك تتغير شوي شوي وبكون عندك امور مالية وبتحل القصص يلي كانت تاعبتك قبل وعم يكون في فرصة لتغير بوضعك وتصالح بعض الناس لتحصل على مال ممكن من شراكة ..
❤️عاطفيا . يومك أفضل وامورك العاطفية منيحة وعم يكون في حكي مابيخلص مع الشريك..
◾النسبة المئوية :
●مهنيا : %72● وماليا : %71● وعاطفيا : %77● وصحيا : %68
#الحوت ♓
عندك قصص مالية بتخص بيع او شراء وغالبا عم تفكر تتواصل مع شخص مشان موضوع شغل وفي افكار جديدة وعزيمة ولازم تنتبه لان مصروفك عم يكبر ولازمك حلول وفي قصة مشوار او طلعة..عم تنهي علاقة وماعم تتقبل اي كلمة ..بدي منك هاليوم تحاول تهدي حالك لان مافي شي عم يكمل معك وخاصة العلات كتير عم تكون متوترة واذا بدك تعمل شراكة كون حذر فيها ولا تسمع لاي شخص بحاول يستفزك وانشالله خير ..
❤️عاطفيا .. حاول تروق بعلاقاتك وفكر تغير شي بحياتك العاطفية مشان ماتحس بالبرد..
◾النسبة المئوية :
●مهنيا : %71● وماليا : %70● وعاطفيا : %73● وصحيا : %68
