#أبراج_الاثنين_1_تشرين الثاني_نوفمبر2021 القمر يستمر ببرج العذراء ♍ الترابي كوكبه 🌏 عطارد..

حظگ______________________اليوم

 

#الحمل ♈

👈#🔮🔮🌹

مهنياً:يوم مالي بين حسابات ومصاريف ومردود وناس ولقاءات .. شغل كتير وضغوط عليك بس هاشي ممكن يحسن وضعك المالي ويجيك مال من شغل غير شغلك وبلاخص اذا اعمال تجارة او الحرة بشكل عام .. صداقات كتيرة واذا بدك تبدا اي مشروع بساعدك الحظ هالفترة .. اجواء عائلية ولمة حلوة وبتشوف شخص غالي عليك .. بتبذل جهد وعندك طاقة وتقدم مهني مالي وحلول عندك وحوالة مالية للبعض .

عاطفياً ❤️ :في استفزاز بعلاقتك وشريك تصرفاتو متعبة وعم يعمل مشاكل من ولا شي .. بدي منك تحافظ على هدوئك بعرف عقلك مابيتحمل هيك شي وصوتك طالع واخلاقك ديقة وكلامك على راس لسانك بس بنصحك تبعد عنو .. احسب حساب لكلشي ولا تكبر القصص وطنش ماحدا بيستاهل ..

صحياً:بيشغلك وضع صحي بالبيت وانت وضعك صحي افضل وراحة نفسية افضل بعد توترات صحية ..

 

#الثور ♉

👈#🔮🔮🌹

مهنياً: مو مرتاح من بعض القصص والوقت ديق لتعمل الي بدك ياه بس الفرصة مواتية لتغيرات ايجابية بوضعك وتستغل عامل الوقت وترتب امورك .. عندك طاقة وحظ وتنقلات الحظ بوقف معك وبساعدك ولا تخلي يفوتك اي تفصيل مهما كان صغير .. اتصالات ولقاءات مهمة وممكن تبني امال كتيرة .. سفرة قصيرة وعلاقات مميزة وبتتخلص من مشاكل مالية او العائلية واخبار حلوة وممكن تنعزم او تعزم واجواء حلوة ومال المسا..

عاطفياً ❤️ :يومك مميز بحضورك وانت جذاب أستغل هاشي لتأثر على الشريك وتمتلك قلبو .. الاجواء فيها حب ورومنسية والعين بتكون عليك ..المرتبط عندك فرصة بهاليوم لتصلح الامور وتتقرب وتبقى مسيطر على الوضع بس بدي منك لا تستسلم .. فرصة لارتباط ولقلب بدق من جديد كون دقيق بأختيارك وركز على حياتك القادمة ..

صحياً:لا تخلي البرود والكسل يسيطر عليك عندك طاقة حاول تستغلها لتحسن نفسيتك وصحتك ..

 

#الجوزاء ♊

👈# 🔮🔮🌹

مهنياً:مرق هاليوم على خير ومن المسا تغيرات ايجابية عنك وطاقة وحظ .. علاقات اجتماعية وبتعاني ضغوط شغل ومسؤوليات قي تعب بيومك بدك تكون هادي بتعاملك ..حاول اليوم لا تحسم امورك وتجنب المواجهات مع رفقاتك او مع المسؤولين عنك حافظ على اسرارك حتى تنجح وتوصل خلص شغلك وبلاخص الاعمال الموكلة اليك وفيك تحط حد لبعض ناس الي تصرفاتها عم دايقك .. مافي شي بيبقى على حالو ونتظر مفاجئة وتغيرات حلوة بالمال والعمل ..

عاطفياً ❤️ :حاول تكون متفهم الوضع ولا تتسرع بشي بهاليوم ولا تخلي تصرفاتك عشوائية وغير محسوبة نتائج ..خلي عندك احساس بالمسؤولية تجاه الشريك لانو في غصة بالقلب وعزلة وكأبة عم تعيشها لا تخلي الوحدة تسيطر عليك ولا تخاف من شي والمسا بتوقع تواصل ايجابي وافضل لتتحسن الامور ولقاء او لبعض بشوف شخص غالي عليه ..

صحياً:الوقوف او الجلوس طويل حسب شغلك طبعاً رح يتعبك بلاخص كتير ناس بيومك نتبه ع المفاصل وريح حالك ..

 

#السرطان ♋

👈#🔮🔮🌹

مهنياً:يوم عاطفي ومالي ومساعد الك لتقدر تتجاوز الوضع الي مريت في يومك في شي حلو وفي خبر مامنيح ومحتاج دقة وكيف ممكن تتعامل معو لان اي غلط ممكن يكلفك كتير أحسبها صح وممكن ناطر شي حكومي او ورقة .. بحاجة لتغير معاملتك مع البعض وبلاخص المقربين منك الي عم يسببوا مشاكل او تصرفاتهم ماعم تعجبك .. يوم حلو لعلاقات اجتماعية وعزايم وبتقابل ناس كتار وممكن سهرة ولمة حلوة وتحسن مالي ..

عاطفياً ❤️ :يوم عاطفي واجواء حلوة بتعيشها بس انتبه لعلاقاتك سرية .. فرصة لبعض العلاقات تطور وتصير اعجاب وممكن عم تخطط لشي مهم بلايام الي جاي ..المرتبط حاول تهدي الوضع او أنتبه توقع بسوء تفاهم بسيط بينحل بس بدك تكون رايق ولا تكبر لقصص لانها مو مستاهلة وخليك دبلوماسي وفكر بعقلك .. واي شي بخص الماضي بعد عنو ..اجواء حلوة بمشوار او سهرة حلوة واتصالات طويلة ..

صحياً:عم تهمل صحتك هالفترة كتير ومانك متل قبل فكر بنشاط رياضي جديد وأنتبه منيح من وعكة ..

 

#الأسد ♌

👈#🔮🔮🌹

مهنياً:عندك ضغوط بشغلك وضمن بيتك وناس كتار وزيارات وعزائم .. انت امام يوم اجتماعي بدك تنتبه على علاقاتك وحاول تكون دبلوماسي قدر المستطاع ولا ترد على الاشاعات ونقد الي ممكن تتعرض الها .. رغم ركود بوضعك وقرار او خبر ناطرو نشالله بتسمع في قريباً بحاجة لتطلع من وضعك وترتاح من الواقع الي عايشو .. لا تصعد لخلافات مع حدا بشغلك وأنتبه من اي سوء تفاهم ولا تغيب عن شغلك او تتأخر .. يومك بدو حرص ودبلوماسية وعدم تسرع عرض مقدم لك او ترقية بشغلك وشهرة وشعبية ..

عاطفياً ❤️ :ساير وكون متفهم للوضع وبلا حساسية .. انت قادر تنجح وعندك طريقتك الخاصة بأستقطاب الجنس الأخر بس اوقات العصبية وتسرع و ردت فعلك عم تكون مو بمحلها .. حاول تتفهم الشريك وفكر بعلاقتك اكتر والحلول ودبلوماسية كتير مهمة بيومك على الاقل لتوجد حل مشترك يرضي طرفين ومشاكلك اغلبها من الحواليك والوضع الي عم يسبب ضغط نفسي خليك متفائل وتحسن كبير من المسا انت مقبل عليه ..

صحياً:عم تشتغل كتير بيومك خفف عن حالك او اذا في عصبية نتبه ع صحتك ..

 

#العذراء ♍

👈# 🔮🔮🌹

مهنياً:نظام جديد بحياتك وعم تفكر تطور بحالك وبشخصيتك وعم تعتني بصحتك اكتر وبدك تفكر تبعد عن بعض العادات السيئة وعن بعض ناس السلبية .. طاقة وحظ و نتائج ايجابية وفرصة مهمة على صعيد المال وعم تطمن عن وضع عندك .. سفر او تنقلات قصيرة وشي بخص العقارات لازم تستعجل في وقصص اوراق ومعاملات .. اتصالات كتيرة وبعيدة ومنها مهمة ولقاء مهم .. بس أنتبه من الحوادث والأعطال وعلى حركتك ..

عاطفياً ❤️ :كون جريئ بعاطفتك وحبك وخلي ثقة بحالك اكتر يومك في صراحة وعم تحل بعض المشاكل بعلاقتك وتقارب بوجهات النظر وتفاهم عم يزيد .. في راحة بالوضع واوقات حلوة عم تقضيها بلقاء او مشوار مع الشريك وصدفة بتجمعك بشخص او اتصال لأمور بتعود للاستقرار حافظ على علاقتك قدر المستطاع ولا تخلي شي يغيب عنك او تفلت الامور من ايدك ..

صحياً:البعض بيرتاح من عملية بس هلق نتبه على مشاكل الظهر وحرك حالك .. في صداع برأس او اذا عندك شقيقة والبعض بتشغلوا قصة انجاب ..

 

#الميزان ♎

👈# 🔮🔮🌹

مهنياً:بتحل مشاكل عند وامور مالية وشغل وتغيرات عقارية وعم تفكر بتجهيز او نقل وبعض ترتيبات .. عم ترتاح نسبياً بعد ضغط كبير كان عندك في فرص بهاليوم بدك تكون جاهز .. اتصال مهم وممكن تناقش موضوع بيع او شراء او معقد بينحل بيشغلك بيت او عقد ونقاش مالي .. بدي منك تكون دبلوماسي بنقاشاتك لتوصل لشي لبدك ياه .. مال بيجيك وضب ايدك على مصاريفك عندك دفع لديون وفواتير وشي بخص مال متروك او ورثة ومن المسا تغيرات منيحة لصالحك بتنقلات واتصالات وناس..

عاطفياً ❤️ :بنصحك تحسم اي نقاش بيومك ولا تزيد الوضع توتر وأنتبه من تجاوز الخطوط الحمراء بوضعك ولا تتسرع ممكن هاشي يتعب نفسيتك وعم تكون وحيد بمواجهة الوضع خفف من حدة تصعيد وبلاخص للنساء فكرو منيح قبل ماتترك البيت او يصير زعل مع الشريك .. المرتبط انت بوضع افضل لتتقرب وتحل مشاكلك وتحسن ايجابي واكيد في اتصال وتواصل وممكن تجهز لمشوار او عزيمة مع الشريك ومصالحات وكلام حلو عم تسمع ..

صحياً:عم تعاني صداع متكرر بالرأس ومشاكل المفاصل وأنتبه على عيونك واذا الوضع بيطلب طيب لا تتردد ..

 

#العقرب ♏

👈# 🔮🔮🌹

مهنياً:انت مقبل على تغيرات بوضعك ورح تسكر باب متعب قريباً بوضعك العاطفي او بشراكات مهنية ومالية .. بدك تهدي بهاليوم وتروق وتكون دبلوماسية وتساير وتتجنب نقاشات الي لا بتقدم ولا بتأخر وممكن تتعرض لنقد ولوم في بعض المواقف المحرجة خليك حذر .. يومك في اختبار لقدراتك وكيف ممكن تتجاوز توترات .. شراكة عمل او عاطفية وشي مهم انت مقبل عليه والبعض بتشغلوا قصة جمعية مالية او سكنية ..

عاطفياً ❤️ :توتر علاقتك بهاليوم ممكن يسبب جفا وبعد وممكن توصل لطريق مسدود لهيك شوية دبلوماسية بوضعك .. المرتبط شريك زودها كتير وعم يتهرب من بعض الامور وعم يصعد الوضع اكتر بغض نظر بقصد او عن غير قصد .. انت امام خيارات جديدة والوضع بحاجة لسرعة بحسم الامور هلق مهما كان في توتر بحاجة لتكون بحد الشريك وتقضي يومك بين اتصال والقاء وتعزز وضع شراكتك بلاخص المسا .. لاعزب حب جديد بيدخل لقلبك او البعض عم يعمل شراكة عاطفية جديدة ..

صحياً:زعل والعصبية مو لصالحك لان هاشي ممكن يسبب مشاكل الكولون والمعدة ..

 

#القوس ♐

👈#🔮🔮🌹

مهنياً:تغيرات بوضعك ولامور شوي شوي عم تمشي بتجاه تغيرات اجابية المهم تحسم امورك وتعرف شو بدك .. يوم في مسؤوليات وشغل كتير وعمل جديد بتناقش امر مهم باتصال او لقاء .. نظم امورك وعيد حساباتك من جديد وحاول تخلص ضروري .. انت قادر تتجاوز صعوبات لانو افكارك عم تكون كتيرة ومتنوعة لمهم لا تخلي ضغوط وشغل لكتير يأثر عليك صحياً وفرصة لسفر قصير ومال من شغل ممكن تشتغلوا ..

عاطفياً ❤️ :الاعزب والمرتبط جديد امورك افضل وتغيرات على صعيدك الشخصي والمتزوج محتاج الاهتمام والحب هالفترة لانك عم تلاقي حالك قدام وضع عاطفي متعب وتصرفات الشريك مو عاجبتك وعم يتقصد المشاكل نتبهلي على علاقتك ولا تكبر القصة لان نهاية مارح تكون لصالحك او توصل لطريق مسدود روق وخليك متل مابعرفك لان عندك القدرة تتجاوز اي طارئ بوضعك ..

صحياً:ريح حالك منيح وأنتبه من وعكة صحية ممكن تزور طبيب او تسأل أخصائي وعملية للبعض .. والبعض بيتحسن من وضع متعب وبيعمل حمية ..

 

#الجدي ♑

👈#🔮🔮🌹

مهنياً:ركز منيح عندك التزامات لازم تخلصها ولا ضيع الوقت يومك مالي وعزائم وناس وتنقلات وانجاب ..

ثقة ومكانتك بتعود خليك دبلوماسي وضب ايدك في مردود مالي وممكن تقبض بس المصروف عم يزيد توماتيكي مع ازدياد المدخول بتقابل ناس كتار وعزيمة حدد اولوياتك والتزاماتك ولازم توفي بالوعود .. بتحقق نجاح وتواصل اكبر وامر مهم بتلاقيلوا حل .. والبعض اذا صار تأجيل بقصة ما بشغلك لا تهتم بتكون لصالحك ..

عاطفياً ❤️ :اجواء عاطفية حلوة اتصالات وتواصل صح مو متل مابدك بس في تمسك بالمبادئ وعم تعمل كتير كرمال الشريك بس نشالله يقدر هاشي .. من الايام لحلوة لتبدأ قصة حب جديدة بعيد عن الاجواء صاخبة والمشحونة .. المرتبط يوم لتصلح الامور وتحقق تقدم سريع لم تكن تتوقعه استغل المواقف لترجع لامور لوضعها صحيح وتقضي وقت حلو بين اتصال او مشوار بصحبة الشريك ورومنسية موجودة رغم البرود بالعلاقة ..

صحياً:ممكن زيارة طبيب لوضع صحي او مراجعة لتطمن عن صحتك او صحة حدا بعيلتك وأنتبه من تناول الحامض والحلو بيومك ..

 

#الدلو ♒

👈#🔮🔮🌹

مهنياً:عليك بمراجعة مواقفك الشخصية وعلاقاتك مع بعض المقربين عندك اهتمام بالبيت وبالعيلة بشكل عام وتصليحات بالبيت .. لا تصطدم مع حدا بهاليوم بلاخص مع حدا من اهلك ولا تخلي ضغوط العائلية تأثر عليك وعلى شغلك وتشوش افكارك وخفف شوي من مصاريفك وممكن تكون بحاجة للمال او لتغطي بعض نفقات .. امورك بتتحسن بس مرق هاليوم على خير وممكن في شي بخص حدا من اخواتك او اهلك بيشغلك او جار مقرب وتحسن تدريجي من المسا ..

عاطفياً ❤️ :تعلم من أخطائك العاطفية ولا توثق بمين ماكان وضربة الي مابتكسر بتقوي .. بعرف عايش ركود وبرود بالعلاقة او بالمشاعر وخايف من فشل جديد المهم بدي ياك تفكر بحالك وبمصلحتك قبل كلشي ولا تزعل على حدا .. حاول توفق بين حبك وبين شغلك حاول تقرب المسافات وتروق وتهدي بوضعك لتوصل لحلول مشتركة وتتخلص من ضغط الي مرافقك انت قدا وقادر ومافي شي رح يبقى على حالو وناطرك شي حلو وتغيرات مفاجئة بأجواء عاطفية من المسا ..

صحياً:بتعاني من مشاكل المفاصل ظهر والقدم او الحوض أنتبه والازم تراجع طبيب ..

 

#الحوت ♓

👈#🔮🔮🌹

مهنياً:طاقة ايجابية ومقنع بأفكارك وفرصة قدامك .. يومك في اختبار لازم تكون قدو وتخلص ضروري بيومك وتنظم مواعيدك لان عندك لقاءات وناس جديدة واتصالات كتيرة وعم تحكي بموضوع مهم او اتفاق حاول تبتعد عن القلق وتوتر والافكار الي عم تراودك في بعض الاحيان .. يوم بيحملك سفر او مشوار قريب واذا بدك تبيع او تشتري شي الحظ داعم وعقارات وامور قضائية عم تشغل البعض .. والمسا في موضوع عائلي بيشغلك ..

عاطفياً ❤️ :عندك جاذبية والعين عليك وبتقدر تخطف الاضواء وتجذب الجنس الأخر ..المرتبط وضعك بيتحسن رغم التوترات الي كانت موجودة استغل هاليوم اذا عندك لقاء لتقضي وقت حلو ورومنسي مع الشريك وتتمتع بجاذبية عالية ..والاعزب تعارف جديد او حب عن طريق صدفةاو بسهرة اومناسبة ..

صحياً:بعد عن المنبهات واي شي ممكن يزيد الوضع سوء ممكن في سيلان بالانف والتهاب بلعوم وكتر من ليمون الحامض ..