رصد نيوز
#الحمل ♈
رغم انو نهارك كتير في توتر وضغط وبتحس ماحدا عم يفهمك وانت مو طايق حالك ويمكن عم تفكر بشراكة الا انو بعد الضهر والمسا بانتقال الشمس لبرجك والقمر للعقرب وضعك بكون افضل بكتير فاطمن.
عاطفيا❤️ : مو رايق ولازم الشريك يستوعبك ومايستفزك حتى ماتكبر المشاكل والمسا انشالله الوضع أفضل.
◾النسبة المئوية :
مهنيا : %70 ●ماليا : %63 ●عاطفيا : %67 ●صحيا : %65
#الثور ♉
مشغول بعدك بكتير امور وقصص اجتماعية وعزايم ومناسبات وعم تطلع مع اصحابك وفي قصة شغل كمان وامور صحية او زيارة مريض عندك ولازم المسا تعرف تعزز شراكاتك لكن بهدوء لان في مشاكل ممكنة.
عاطفيا❤️ : عندك كتير التزامات والشريك لازم يضل حدك ويدعمك بدل مايزيدها عليك.
◾النسبة المئوية :
مهنيا : %67 ●ماليا : %62 ●عاطفيا : %66 ●صحيا : %60
#الجوزاء ♊
يومك جيد بالنهار وكتير اشخاص عم ترجع تحكيك وعندك الحظ والفرص المالية يلي بتساعدك بقوة وفي اشخاص عم تدعمك ويمكن في مكسل تحصل عليه والمسا انتبه صحيا ولوضعك بالبيت ومع اهلك.
عاطفيا❤️ : استغل علاقاتك وافضل بكون وضعك العاطفي وفي اخبار حلوة عم تخليك تعيش اوقات رومنسية.
◾النسبة المئوية :
مهنيا : %78 ●ماليا : %82 ●عاطفيا : %85 ●صحيا : %75
#السرطان ♋
بتحس انك بدك تعمل شي جديد بحياتك ويمكن مشغول بالك على اهلك وعيلتك او عم تفكر بقصص عقارية وامور بتخص البيت ويمكن في تغيير مكان والمسا بكون في اجواء حلوة وحلول وخبر بفرحك ورجعة شخص.
عاطفيا❤️ : حاول تهدي الوضع بنهارك لتعيش احلى الاوقات العاطفية بسهرتك ويمكن يرجع شخص غالي.
◾النسبة المئوية :
مهنيا : %74 ●ماليا : %70 ●عاطفيا : %76 ●صحيا : %65
#الأسد ♌
من الأيام يلي بتكون فيها عم تتحرك وتتصل وتقابل كتير ناس وفي قصص مالية ويمكن تبيع موبايل او تشتري وعندك امور مع اخ عندك والمسا في قصص عائلية وامكانية سفر وتغيير مكان وقصص مع الاهل.
عاطفيا❤️ : خلي علاقاتك صح وحاول تستغل اوضاعك العاطفية ويمكن تحصل على اتصالات من ناس جديدة.
◾النسبة المئوية :
مهنيا : %72 ●ماليا : %62 ●عاطفيا : %66 ●صحيا : %68
#العذراء ♍
عم تحس انو في ضغط عليك ويمكن بدك مين يفهمك وعم تدايق من قصص الاكل وماعم تترتا بنومك وعندك مبالغ مالية غم تدفعها والمسا افضل وبتبلش ترتاح وفي قصص مع المقربين وتواصل افضل.
عاطفيا❤️ : لكن هدي الأمور وحافظ على استقرار علاقتك بالشريك وانتظر المسا اتصالات حلوة بتدعمك.
◾النسبة المئوية :
مهنيا : %72 ●ماليا : %77 ●عاطفيا : %71 ●صحيا : %67
#الميزان ♎
لأن عم يجيك شغل جديد ويمكن عم تبلش فيه هاليوم وعم تكون افضل بطاقتك وحضورك وفي التزام صحي وعم تتحسن بقصة والمسا لازم تنتبه مالية ويمكن تفوت شراكة مع شخص ويمكن في عزيمة اكل.
عاطفيا❤️ : لكن عم تتحسن امورك مشان هيك استغل الحالة العاطفية يلي بكون فيها اوقات حلوة وتقرب من الشريك.
◾النسبة المئوية :
مهنيا : %82 ●ماليا : %85 ●عاطفيا : %84 ●صحيا : %79
#العقرب ♏
عم تبلش نهارك بشوية مشاكل وعدم رضا وضغط عليك ماعم يريحك وبتحس انو وضع البيت مكركب عندك لكن اطمن وهدي وانتظر السهرة يلي فيها تحسن صحي وطاقة افضل وحلول واخبار بتريحك.
عاطفياً ❤️ : هدي الوضع وحاول تكون بعيد عن اي خلاف ممكن يأثر على علاقتك بالشريك والمسا افضل.
◾النسبة المئوية :
مهنيا : %74 ●ماليا : %70 ●عاطفيا : %75 ●صحيا : %64
#القوس ♐
هاليوم عم يبلش بقصص مع الاصحاب وعم تكون اقرب لعيلتك كما يمكن عم تفكر او تعمل مناسبة وعم تلتقي باصدقاء كمان الك والمسا شوي بتحب تنعزل ولازم تنتبه من المشاكل ومن قصص مع الاخوة وصحية.
عاطفياً ❤️ : لكن حاول تعزز علاقتك وكون قريب من الشريك بالنهار وانتبه المسا وخلي علاقتك بعيدة عن الناس.
◾النسبة المئوية :
مهنيا : %73 ●ماليا : %68 ●عاطفيا : %70 ●صحيا : %61
#الجدي ♑
لأن عم تتعرف على ناس مهمة ويمكن في بداية شغل عندك هاليوم وعم تعرف تستغل هالشي بشي اعلامي او عبر السوشل ميديا وعندك حضور قوي وحتى علاقاتك بتتحسن المسا وفي حلول ومصالحات ولمة عيلة.
عاطفياً ❤️ :لأن يوم العيون عليك فيه ولازم تعرف شو بدك بالحب وتدور عالشخص يلي بيدعمك وبيستاهل يبقى معك.
◾النسبة المئوية :
مهنيا : %75 ●ماليا : %70 ●عاطفيا : %68 ●صحيا : %66
#الدلو ♒
يومك حلو لتفكر تغير بحياتك وليكون في امور مالية بيدعمك فيها شخص بعيد عنك وعم يكون عندك نجاح وقدرة على كسب مال ممكن من حوالة لكن مع هيك خليك حذر وخاصة المسا من حكي الناس.
عاطفياً ❤️ : عم تكون حالتك العاطفية متقلبة ونهارك حلو وخاصة انو في معجبين جدد لكن خليك رايق المسا.
◾النسبة المئوية :
مهنيا : %78 ●ماليا : %77 ●عاطفيا : %81 ●صحيا : %75
#الحوت ♓
يوم بعد يوم عم تتحسن امورك وتكون افضل وبنهارك في حلول واخبار مالية بتدعمك والتغيير عم يكون ايجابي ولصالحك فلا تخاف وفكر بمكاسب وهدايا وبكون في اتصالات بعيدة بالسهرة وسفر المسا.
عاطفياً ❤️ : لكن اطمن الوضع عندك جيد والعاطفة عم تكون بأعلى درجاتها وممكن حب يبدأ عبر من جديد.
◾النسبة المئوية :
مهنيا : %79 ●ماليا : %81 ●عاطفيا : %75 ●صحيا : %80
