#أبراج_اليوم_السبت_16_إبريل_ نيسان_2022 🌙القمر عم يستمر ببرج الميزان ♎ عنصره هوائي💨 كوكبه 🌍 الزهرة…

 

 

حۡــڟــک______ا̍ڶــېْۧــﯣمۘ

 

#الحمل ♈

مهنياً:في تقلب ومزاجية وشوية عصبية وعلاقات اجتماعية بيومك بتكتر .. في حماس وبدك تخلص شغلك بكير وببيتك كمان بدي منك التركيز ودقة حتى ماتتعرض لشي مو وقتو وفيك تتريث وتاخد وقتك بأي شي بدك تعملو .. امور اجتماعية عندك وناس وعزائم وفيك تطلب مساعدة اذا بحاجة وامور مالية عندك اتعاب او قصة دين وممكن ماكان ببالك وضب ايدك على مصاريفك المالية كمان .

عاطفياً ❤️ :تريث بقراراتك وخليك واضح وركز منيح اذا كنت اعزب او مرتبط عندك جاذبية واطلالة بتكون ملفت لنظر واجواء واتصالات فيها حب وممكن تتطورات ببعض العلاقات .. والمتزوج حاول تشيل الافكار سودة من راسك وليس لها اساس من الصحة حاول لا تخلي افكارك ضيعك بتلاقي تحسن وانفراج بوضعك لمهم لا تستعجل بشي وبتكون منيح بعاطفتك نشالله ..

صحياً:بحاجة لتلاقي حل لزيادة الوزن تحت اشراف أخصائي وخفف تناول مكملات اخرى وموالح ..

 

#الثور ♉

مهنياً:مشغول الصبح وبدك تلحق في مسؤوليات وضغط واجتماعي بتكون والمسا الوضع غير بكون .. قصص بتخص شغل والبيت رح تشغلك وتعبان من ضغوط وماعم تلحق بدك تخلص كلشي قبل الموعد وعندك شراء بنهارك وممكن حدا عندك حدد خياراتك ولا تحتار وركز منيح .. حاول تغض نظر عن بعض الاخطاء المرتكبة من المحيط حتى ماتفوت بجدالات ونقاشات متعبة حاول تنتبه وتكون حذر بشغلك لانو في اشخاص بتحاول تسبب مشاكل وتعرقل امورك وسمعتك ويوم اجتماعي بشكل عام وبلاخص المسا ومصاريف وقصص اولاد ..

عاطفياً ❤️ :في استفزاز او يمكن في تصرفات مقصودة والشريك بدو ياك تحت سيطرتو او عم يجاكر .. في مزاجية مافي تقدير للوضع ونقاشات بدا طولة بال ساير ولا ترد وحاول تكون هادي حتى قصص انا مو شايفها مستاهلة عم يصير من وراها توتر الي فيك مكفيك هدي هاليوم وتحسن قريب .. البعض علاقات بتكبر وعم تعيش اجواء تسلية..

صحياً:ممكن يعود عارض صحي .. وانت كتير عم تهمل صحتك هالفترة فاتوقع نتائج مو منيحة لهيك نتبه ع حالك ..

 

#الجوزاء ♊

مهنياً:خلص المهم وضروري بنهارك والمسا قصص مهنية بتناقشها بوضع شغلك او وظيفتك واتصال ولقاء مهم .. بتطلع من الوحدة والكأبة و تحسن وانت افضل من قبل تتطورات وطاقة وفرصة جديدة لتبلش بشي مهم ويكون عندك علاقات كتيرة وتعارف جديد واتصالات بتكتر واذا مفكر بتنقلات او سفرة قصيرة لحق الصبح عندك حرية وتحرك وقصص تجارية وتحالفات واتفاقيات وتحسن شخصي قريب اجواء حلوة واجتماعية وممكن تفكر تغير او تشتري شي ..

عاطفياً ❤️ :المرتبط صح في عندك شوية عتب ولوم وتعب من علاقتك او تصرفات او غياب الشريك بس يومك حلو لتلاقي حلول وتصارح بشي الي زاعجك وتحطلو حد .. الحظ بساعدك لتحسن وضعك ويكون في صلحة .. ممكن تبلش بعلاقة جديدة او علاقة ممكن تتطور وتحملك الكثير من الايجابية وبتحس انو في حدا واقف حدك بهاليوم وبلاخص الاعزب ..

صحياً:لا تجهد نفسك فالأرهاق سبب لمشاكل القلب والضغط وسكري نتبه له شي وريح حالك .

 

#السرطان ♋

مهنياً:قصص مالية ومصاريف والمسا اتصالات ولقاءات وحكي كتير وتحسن وطاقة .. بحاجة لشوية صبر بيومك والانفراج تدريجي بهاليوم حاول ضب ايدك على مصايفك المالية فرصة اذا بحاجة للمال تطلب او ليتلبى طلبك وممكن يجيك مال وبتتخلص من بعض ضغوط والقضايا واتفاق قادم حلو المهم ضب ايدك في نفقات شخصية وشراء حاجيات ومستلزمات والأحتياطي بلش يخلص .. عيد حساباتك ورتب بيتك المالي منيح .. المسا الاجواء افضل وحظ وطاقة واتصالات مهمة واجواء افضل .

عاطفياً ❤️ : بدي تمرق نهارك على خير وبكلمتين حلوين بتوقع بصير الوضع افضل حاول تبادر او تتنازل شوي مابصير شي في سوء تفاهم بيومك وقصة عم تكركب الوضع شوي لهيك بدي ياك تهدي ولا تزيد الوضع شوء ولا ضيع وتتردد عندك فرصة لتهدي وتتقرب وتصارح وتتصالح مع الشريك بلاخص المسا الاجواء رومنسية وعاطفة وشي جديد ..

صحياً:فرصة لشفاء من مرض وفي اهتمام صحي وتحسن منيح بكون نشالله .

 

#الأسد ♌

مهنياً:قصص شراكة او علاقات مهددة بس المسا الوضع بيتغير للافضل لاتخاف .. مضغوط وعندك مسؤوليات كتير وبلاخص بالبيت وانت اذا حطيت شي براسك بدك تعملو مهما كان صعب .. لاتتكاسل لانو عندك أعمال كتير ولا تتوتر وساير الوضع لتوصل وتنجح وممكن شغل جديد او توصل لاتفاق ما شراكة او عقد قريباً .. روق هاليوم ولا تنفعل زيادة برغم من خيبات الامل الي عم تتعرضلها نشالله القادم افضل الك .. والمسا قصص مالية عندك وحكي بالمال او اتفاق او اتصال بخص مال وضب ايدك كمان ..

عاطفياً ❤️ : لاعزب او المرتبط جديد امورك افضل يومك حلو وفرصة لتبلش بشي جديد او شراكة عاطفية جديدة واتصال طويل .. المرتبط كتير بدك تهدي مع الشريك اليوم في يباسة راس وعناد وجدال وتحدي مابنصحك بهاشي مشان مايتكركب الوضع وتتعرض لمشكلة خليك حذر وساير نصيحة لا تعصب لان صوتك طالع اليوم ..

صحياً:بحاجة لحلول صحية ممكن عم تتعرض من فترة الاضطرابات او بعض الالتهابات ..

 

#العذراء ♍

مهنياً:ضغط ومسؤوليات والمسا حكي بشغل او شراكات بشتغلك ..خلص شغلك المهم والاعمال الموكلة الك وحاول لا تتكاسل بأداء واجباتك .. يوم في شغل كتير ومسؤوليات وبدك تلحق بس لا تتشائم وتعب نفسيتك روق وهدي ومافي شي مستاهل .. ضروري هالفترة تخلص بعض الامور ضرورية وتحل مشاكل تعبتك نظم كلشي ونتبه على حالك وعلى صحتك والمسا ممكن في خبر حلو او اتصال او نقاش بشغل او شراكة ..

عاطفياً ❤️ :مشغول باكتر من قصة وحاسس انو المشاعر خافة وتواصل مو كتير منيح او الظروف الي صارت ماعم تسمح بدك تلاقي حل للوضع ممكن الشريك يبلش يضوج واخلاقو ديقة صايرة .. فترة مؤقتة كلشي ممكن يرجع فكر بعقلك ولا تتسرع بشي وخليك ذكي بتعاملك لان المسا الوضع غير بكون وتحسن بعلاقاتك مع اشخاص او صداقة ممكن تتحول لحب رغم لكتار حواليك الا انو في مشاعر اتجاه شخص وبتحبو وببالك هاليوم ..

صحياً:عم تتعرض لوعكة صحية وممكن التهابات بالبلعوم وكريب .

 

#الميزان ♎

مهنياً:القمر مكمل ببرجك الاجواء حلوة وتواصل واتصالات بنهارك والمسا قصص مهنية ونتبه على صحتك لا تعب حالك .. رغم الوضع الي كنت عم تعيشو ببيتك وصحتك ليوم انت عم تاخد طاقة ايجابية كبيرة علاقات كتيرة وصداقات وتعارف وبتتلقى خبر حلو وعندك مفاجئة بيومك وفرصة حاول تستغلها وحكي بقصة اطفال .. من الايام الي الحظ بكون معك وقادر تقنع وتنجح بترتاح من المشاكل ويوم حلو لتغير جو ولمة حلوة والمسا شي بخص شغل ومسؤوليات واتصال ..

عاطفياً ❤️ :الاعزب فرصة لتكون كتير اجتماعي وتلاقي شريك والبعض ممكن صلحة او حب قديم .. جذاب والعين عليك ورومنسي وحب عم يكبر عندك لهيك بدي ياك تستفيد من هاليوم عاطفياً وتطلع من وضعك وتعيش اوقات مميزة ورومنسية يوم بيحملك تطورات ايجابية بعلاقتك ونقاش وتفاهم واتصالات بنهارك حلوة وطويلة وممكن اعتراف بحب وبتعبر عن مشاعرك .

صحياً:شوية أضطرابات وبتحس جسمك مو مرتاح ومشاكل بدورة الدموية وتعب وارهاق اعصاب ولازم تطلع تغير جو لترتاح نصيحة الك .

 

#العقرب ♏

مهنياً:قصص عائلية بنهارك لا تتردد واحسم امورك وفيك تطلع ولمة وجمعة حلوة ولمسا لامور افضل ..

عندك نقل لمكان اوطالع تشوف حدا وممكن تجتمع مع العيلة وتغير جو وممكن تغير منزل او شي بخص عقار او تجهيز او بدك تعمل شوية تصليحات يوم في شوية تعب بنهارك ووضع العيلة شاغلك لا تخلي شي يعكر مزاجك او اختيارك وفرصة مهنية واجتماعية ولمة حلوة ..والمسا الاجواء كتير حلوة واخبار منيحة وتتطور بالوضع وشي بخص المال والاطفال ..

عاطفياً ❤️ :مرق يومك على خير لتبلش امورك تتحسن من المسا تدريجي .. برغم من جاذبيتك وحضورك الا انو عم يكون في نقص بالخطوة الأخيرة يوم في نقاشات وممكن تحط حد وحسم لبعض الامور بعلاقتك او عم تفكر بالمستقبل بلاخص المتزوج حاول تساير شوي ولا توتر الوضع بقصص العائلية او لاهل وحاول تغض نظر عن بعض الامور ولا تكبرها والمسا انت افضل ورومنسية وحب حلو واتصال وتواصل ..

صحياً:افضل صحية عم ترتاح من ضغوط وتعب ولازم تفكر تعمل رياضة يومية احسن الك ..

 

#القوس ♐

مهنياً:خلص المهم وضروري بنهارك والمسا قصص عائلية .. من الايام الداعمة الك لتنطلق من جديد وبتمتلك طاقة ايجابية واتصالات ولقاءات مهمة .. لحظ بساعدك لتبدا شي جديد وتنقلات وعزيمة وبتشوف ناس غالية عليك .. خلص شغلك واحسم امورك المهمة ونتبه ع دراستك وعندك شراء او بيع وتغيير لشي مهم علاقات اجتماعية مميزة واجواء حلوة وقصص عقارية عندك وحلول .. والمسا قصص عائلية او حدا من اهلك نتبه وهدي بامورك العائلية.

عاطفياً ❤️ :في لقاء واتصالات بس بدك تخففلي عصبيتك ومزاجيتك هاليوم بلاخص اذا في اتصال او لقاء .. عم تعاني برود بالمشاعر وتوتر من قبل الشريك هاشي كتير بخليك مستفز وتندم على شي عم تعملو كرمالو بدي منك طول بالك شوي حاول تحط نقاط على الحروف وتعزز الوضع كون المبادر حتى لو تعزبت شوي .. والبعض اذا في جفا وزعل بنصحك ترجع وتلاقي حل سريع احسن ماتكبر القصص اكتر ..

صحياً:اعطي صحتك اهتمام ولازم تباشر بتمارين الرياضية بلاخص عند صباح لتكمل يومك بنشاط.

 

#الجدي ♑

مهنياً:خلص واجباتك ومسؤولياتك ولا تتهرب او تتكاسل بتعاملك مع المسؤول عنك ببيتك وشغلك حاول ماكتير تجادل وتناقش بأمور ادارية ولا تخالف القوانين احسن ماتتعرض للمحاسبة يومك مالي بين صرف وقبض وناطر مال او حوالة وممكن مكافئة هاليومين ضب ايدك على مصاريفك كتير صرفت هالفترة .. المسا في حكي بقصص عقارية او تجهيز ودراسة وشغل واجواء اجتماعية حلوة ..

عاطفياً ❤️ :اتصالات وتواصل والاجواء اليوم غير بلاخص للاعزب والمرتبط جديد .. علاقتك بحاجة حسم في تردد حاول تفتح قلبك وتكون جريء ولا تقدم على اي فعل او تصرف غير مجدي بالوقت الحالي .. فكر منيح بوضعك وعيش علاقتك الحالية ولا تخلي الافكار ضيعك وتحس حالك غلطان بأختيارك .. والبعض بدي منك تشيل الماضي من راسك لان مارح يفيدك بشي .. والاعزب عندو هالفترة شي حلو والمرتبط جدي اجواء رومنسية وتواصل واتصالات طويلة ممتعة وعم تكون مقنعة ..

صحياً:خفف منبهات وتدخين في حموضة بالفم والمعدة وممكن تسبب مشاكل الاسنان قريباً وجسمك بحاجة لراحة ونوم ولا تجادل حدا كتر الحكي بتعب الأعصاب ..

 

#الدلو ♒

مهنياً:القمر في الميزان الصديق .. فرصة حلوة لتستعيد طاقتك وحظك وثقة ومكانتك ولتعمل تغييرات بحالتك الشخصية وتتجاوز بعض العراقيل المهنية والمالية وضغوط العائلية الي عم تكون .. في حسم لامر ما وقرار مهم بيومك وفي حرية بالحركة وتنقلات ومصالحات رح تصير عم تبذل جهد وطاقة بشغل في تغيرات جديدة رح تبلش بوضعك وتكتشف ناس على حقيقتها لا تفكر بالماضي لانو راح خليك بيومك وجهز للمستقبل وحاول تكسب ثقة من جديد وتطلع من هاتشنجات .. يوم حلو لعزيمة ولتغير جو والمسا قصص مالية بتشغلك او حكي بامور مالية ..

عاطفياً ❤️ :جذاب وملفت لنظر بيومك وتتطورات جديدة واذا كنت خالي من الحب فرصة لتتعرف على ناس وتلاقي حدا مميز .. والمرتبط بعد توترات قادر تلاقي حل وماتوصل لطريق مسدود .. تقرب من الشريك وصارح ولا تكبر القصص وظروف بتساعدك لتحل مشاكلك حاول تستغل هاليوم بتواصل واتصالات وامورك بتتحسن لا تخاف وبتحل مشكلة معقدة عندك ..

صحياً:في زيارة لطبيب لاطمئنان عن وضع صحي او لأستفسار او لحدا بخصك سوية تنظيم لاكلك بتكون منيح خفف ع المعدة ..

 

#الحوت ♓

مهنياً:مضغوط بنهارك والمسا الامور افضل بتكون .. عندك شغل ومسؤوليات وشوية علاقات عم تعبك حتى عم تتعرض لخيبة امل او خذلان وتوتر بعلاقتك مع احد الزملاء او شخص غالي حاول تضبط اعصابك وحافظ على اسرارك ونظم امورك مابدي ياك تتسرع وتكون استفزازي لان في عندك تأجيل او تأخير ببعض القصص من المسا رح تلاقي الانفراج والاجواء الحلوة وعزائم وبتعمل تغييرات بشكلك وتحسن شخصي واتصال حلو.

عاطفياً ❤️ :بتغير قناعتك بكتير ناس او بشريك نفسو او اي شخص ممكن يتقرب منك بتحس ماعد في ثقة وتصرفات هي عم تبرهن هاشي وانت مو ناقصك وجع قلب .. لا تكبر القصص لصغيرة لان الشريك ممكن غايتو يدفعك الارتكاب اخطاء او يستفزك بدك تروق كتير وتتقرب منو خليك متل مابعرف مابينخاف عليك رح تلاقي حلول لمشاكل ويهدا الوضع اذا مرقت نهارك على خير وممكن من المسا أمور كتير تتغير عندك وحب وعاطفة واتصال طويل ..

صحياً:شوية انتباه على وضعك صحي بلاخص الملل وضجر والقلق الي عم يأثر فيك مابدي الحزن يسيطر عليك وكلو رح يكون تمام ..