أبراج_اليوم_الإثنين_25_إبريل_ نيسان_2022 🌙القمر ينتقل لبرج الحوت ♓ عنصره مائي💦 كوكبه 🌍 نبتون….

حۡــڟــک______ا̍ڶــېْۧــﯣمۘ

 

#الحمل ♈

مهنياً:القمر بالحوت ضغط شغل وفي مال وفرصة تنقلات وعقارات .. تطورات بشغلك وضع رح يتحسن بحاجة تنظم كلشي وترتب امورك لازم تبذل جهد ليتحسن وضعك للافضل بلاخص اليوم عم تكتر علاقاتك وامورك فيها راحة وقادر توصل وتنجح وتقنع برأيك وبتتلقى اتصالات وناس جديدة وممكن مواعيد وحجوزات وفرصة لتنجح بشغلك وتبدع وتسمع كلام حلو بحقك ..

عاطفياً ❤️ :انت بحاجة لتهدا وتروق هاليوم وتشيل القلق وتوتر لتوصل لقلب الشريك وتحسن وضعك العاطفي وممكن تنجح بهاشي وفرصة عند البعض ليدخل بأرتباط او اعجاب او لقاء ممكن يصير وتواصل بيكبر .

صحياً:حاول تخفف شرب منبهات وخفف سهر لوقت طويل لان ممكن كتير يأثر على شغلك ويفقدك طاقتك.

 

#الثور ♉

مهنياً:القمر بالحوت يوم مالي بين دفع وقبض..

عم تتقرب من المسؤولين عنك بالعمل وعم تبتعد عن المشاكل .. عم يكون عندك صرف مالي وبتحس حالك ماعم تلحق بتقبض من هون بطيرو من هون .. عندك قبض ودفع بهاليوم ولازم تحط حد لامورك المالية ونظمها بشكل جيد وعيد حساباتك وممكن تحصل على شي بهاليوم او دين او حوالة او بحاجة لسلفة او قرض وانا بنصحك تلاقي موارد جديدة وثابتة افضل الك بالمجمل يوم في تفائل وشراء لشي مهم ..

عاطفياً ❤️ :المرتبط بدي منك تنتبه لعلاقتك وانت هل اليوم ممكن مالل وصاير عندك ضجر وكرهان حالك من هالوضع والعلاقة ابداً مو راضي عنها وعم تتقابل ببرودة ومافي احساس بالحب بدي ياك تنتبه لتصرفاتك مع الشريك وفي تغيير مو مرتحلو بدنا نحاول نتجاوز هالوضع ونقدم تضحيات ونحافظ على العلاقة بس البعض عم يعيش اوقات بعلاقات متعددة..ولاعزب ممكن حدا يتقرب منك وقلبك بدق من جديد..

صحياً:تجنب الناس السلبية وعليك باتباع نظام غذائي وعليك بالرياضة اليومية ..

 

#الجوزاء ♊

مهنياً:القمر في برج الحوت عندك قصص عائلية وناس من حولك عم تزعجك .. صار لازم تحط حد لبعض المقربين بمحيطك الي عم يسبب الك توتر وقلق وحاسك ضايج ومالل والوضع ماعم يريحك انت بحاجة لتبعد عن ناس وترتاح من الهموم والمشاكل .. وممكن موضوع عقاري بيشغلك او مال بخص هيك شي .. وصار لازم تبحث عن شغل ثابت او اضافي يحسن من مدخولك لان الامور المالية بحاجة لدعم ومساعدة وهدي وضعك بالبيت ولا تكبر القصص ..

عاطفياً ❤️ :روق وهديلي حالك ومافي شي بيبقى ع حالو عم تتأثر العاطفة عندك بالأوضاع المحيطة فيك وهاشي ممكن يسبب كركبة عاطفية عند البعض .. برغم انت بتعرف كيف تأثر على الشريك وبتعرف تقنع برأيك وافكارك .. استغل هاشي وافصل بين امورك الاخرى وبين عاطفتك وروقلي حالك وهدي مع الشريك اليوم بدو دبلوماسية عاطفية.

صحياً:لا تجهد حالك بشي مو مهم او مو الك لان كلو على حساب صحتك يعني مافي داعي له شي …

 

#السرطان ♋

مهنياً:القمر بالحوت الصديق عم تحس بتوتر بعلاقاتك وشراكة ضعيفة ممكن حدا يحاول يأثر عليك لازم ننتبه من ناس الي بوجهين يوم مانو سيء وانت مقبل على تطورات ايجابي بس شي طبيعي تحس حالك امام مسؤوليات وضغط وممكن مصاريف مالية هالفترة بشوية رواق وبلا انفعال لامور بتظبط لا تهتم لناس ونتبه لشغلك ولا تتسرع بشي او تقدم على اي مشروع او عمل او جديد بيومك .. لامور كتير رح تتحسن بس هديلي حالك هاليومين ..

عاطفياً ❤️ :بحاجة لشخص يستاهلك بس ماعم تلاقي والحب صار متعب بدل مايريحك .. انت عم تغض نظر عن بعض الامور لان مو حابب تعمل مشاكل عندك نظرة للامور وممكن تستوعب المواقف برغم مانك راضي ابداً عن تصرفات الشريك وعن اي شي ممكن عم يقوم في .. طول بالك عليه وكلشي بينحل وبيتحسن نشالله ..

صحياً:بيلزمك وقت كافي لترتاح من عناء العمل والمشاغل اليومية حاول تريح حالك وتغير جو ولا تبقى بالبيت ..

 

#الأسد ♌

مهنياً:القمر بالحوت يوم اجتماعي وتطورات حلوة واجواء بتحبا .. عم تتقبل كلشي بيومك وانت افضل نوعاً ما نفسياً وعم تكون منفتح على الجميع ان كان ضمن بيتك وشغلك ومع رفقاتك وعم تتمتع بحضور لافت ومميز وممكن رفقات كتيرة بيومك وعمل جماعي ومساعدة اذا بدك واجواء اجتماعية وعلاقات متطورة ويوم حلو لتعزم او تنعزم وحاول تنبسط بيومك بلمة حلوة ..

عاطفياً ❤️ :عاطفة وحب ورومنسية وعلاقات عم تطور عند البعض .. جاذبيتك كتير حلوة وعم تكون محط الانظار ممكن تلاقي اعجاب وانفتاح وتطور بعلاقاتك و ممكن حدا يبادر لاعتراف بلاعجاب او الحب الفرصة كتير حلوة لتدخل نقاش عاطفي ومحادثة حتى لو عبر مواقع التواصل وتحط اسس لتوطيد العلاقة .. يوم في احساس جديد رواق اكتر ورومنسية وشريك بكون معك ..

صحياً:الوقاية افضل من اي علاج برغم انو صحتك بتتحسن هاليوم بس بدي منك تنظم وقتك الغذائي بشكل تدريجي..

 

#العذراء ♍

مهنياً:القمر بالحوت المائي قصص شغلك وبيتك عم تعبك واجتماعي بتكون في تطورات حاول تستغلها لصالحك .. يوم بدو اصرار على اتخاذ القرارات لان ممكن في حدا بعيلتك او بشغلك ممكن يعملك توتر او مشكلة انت عم تواجه تأثيرات الحسد والعين ومن ناس مقربة حاول تهدي اذا سمعت كلام مو عجبك وعم ضوج كتير روق ومابدنا مشاكل اليوم وفرصة لتطلع تغير جو وتعمل تغيير بشكلك وتنقلات وحافظ على سمعتك من القيل والقال..

عاطفياً ❤️ :اجواء متقلبة وبتحس حالك ضايع ومابتعرف شو بدك تعمل وحتى عم تعمل شي انت مابدك ياه ومابتعرف مين بدك تراضي لتراضي واقع بين نارين الشريك ماعم يريحك والوضع ماعم يثبت على شي ولا عم يستقر بدي منك تهدي وتساير وتنفذ المطلوب منك فترة حلوة مقبل عليها اكثر استقرا وتحسن وارتباط .. شريك قديم ع البال وحابب تتواصل معو بأتصال او لقاء وممكن تعيش جو حلوة او علاقة ..

صحياً:أعتمد على نوعيات طعام صحية وتجنب تناول الوجبات السريعة او الجاهزة .

 

#الميزان ♎

مهنياً:القمر بالحوت تغييرات بشكل وبشغلك واعجاب بكون .. دعم مقدم الك من الايام الحلوة لتبدا بداية جديدة وتتخلص من ضغوط والمشاكل وتحظى بفرصة جديدة ومشاريع جديدة وممكن تدخل بأكتر من مجال وممكن تلاقي دعم المطلوب بأمورك او اذا بدك مساعدة بتوقع تنال هاشي طاقتك ايجابية وشراء وناس جديدة واتصالات وتنقلات مهمة وامور مالية وتطورات حلوة ناطرتك هالفترة ..

عاطفياً ❤️ :فرصة عند البعض لارتباط جديد وممكن ترتاح من الضغوط العاطفية وامورك بتتحسن وفيك تلاقي الحلول اذا علاقتك متوترة .. بس الامور بشكل عام فيها حب وعاطفة واتصالات واجواء حلوة وعلاقات متعددة وحب قديم .. البعض لا تاخد قرار مهم او تكون عنيد وحافظ على انجازاتك الي حققتها بالفترة الأخيرة ..

صحياً:تبع التعليمات الصحية ونتبه من تدهور وضعك الصحي لانك ماعم تعتني بصحتك منيح وعم تهتم بأمور خارجية ..

 

#العقرب ♏

مهنياً:القمر بالحوت الصديق تحسن وتطورات مالية واجتماعية .. بعد قلق وتوتر بوضعك بشغل وبالعيلة اليوم الامور احسن وبتتفائل بالوضع نوعاً ما.. بتتخلص من بعض الضغوط وبتلاقي حلول وانت مقبل على حدث مهم او فرصة لتوصل لشي بدك ياه وعم تطور افكارك وعم تقنع برأيك وممكن يحملك هاليوم تتطورات مالية او دخل مالي او قصة مالية بتنحل.. كمان عندك علاقات حلوة ورفقة واتصالات وعزيمة ..

عاطفياً ❤️ :لازم تشيل من راسك الشكوك والافكار سوداء لان الاجواء بحاجة هدوء وتتعامل منيح مع الشريك

حاول تنتبه لمزاجك العاطفي اليوم وشيل لافكار الي عم تعبك وعم تخليك بحالة نفسية وضيق هديلي حالك هاليومين وكلو رح يتحسن .. ولبعض عم يفكر بمستقبله العاطفي وبتلاقي شخص عم يرجع يتقرب منك او شخص جديد واجواء حلوة بلاخص علاقات متعددة ..

صحياً:تغير الجو ممكن يعرضك لبعض الحساسية نتبه وشوف طبيب اذا لزم الأمر ..

 

#القوس ♐

مهنياً:القمر بالحوت لازم دبلوماسي وتعرف كيف تستغل الفرص لصالحك حاول تخلي الامور تتوضح بشغلك وببيتك ولا تدخل بسوء تفاهم مع حدا ونتبه من شراكات ضعيفة .. حاول تطور علاقاتك وشراكتك وممكن في لقاء مهم او لتبلش عمل او عم تحقق شي بيومك او نتائج بلشت تبين معك وتفاهمات ممكن تصير وبلاخص اذا عندك شي قضائي او اداري ..

عاطفياً ❤️ :برغم عم تعاني توتر وضغوط بعلاقتك بس عندك فرصة اليوم لازم تعرف تستغلها وتتقدم بخطوات ايجابية لتحسين وضعك وتوصل لحلول ايجابية شاملة برغم الشريك ماعم يفهم عليك ولا عم يستوعبك بس بدك تحاول تتنازل شوي ولازم تشوف ردود الافعال .. فرصة كمان عند البعض لترجع علاقة او تبدا علاقة وشراكة جديدة ..

صحياً:لازم تريح حالك هالفترة وتنام وقت كافي وبلاخص بالليل ولا تسهر لوقت متأخر…

 

#الجدي ♑

مهنياً:القمر بالحوت ضغط شغل ونتبه على صحتك نتبه للأنفعال او اي توتر من شأنه يأثر على انجازاتك عندك فرصة لتحسن وضعك استغل هاشي انت بيوم في كتير شغل وضغط وتعبان من وضعك وبدك لترتاح من هالمسؤوليات وبلاخص انت الك فترة كتير منيحة عم تحس حالك مقيد بالوضع بشغلك او ببيتك نظم وقتك وامورك ولا تقصر بأي شي ونتبه للمهم بيومك وممكن تفكر بشي بخص عمل او شراكة وتتطورات قادمة حلوة لمهم لا تجهد حالك ..

عاطفياً ❤️ :المرتبط بحاجة للانسجام ولامور بحاجة لترجع متل قبل وانت بحاجة لاهتمام من الشريك ويكون في اريحية وصراحة ووضوح بعلاقتك معو حتى تستمر علاقتك بشكل المطلوب بس بشكل عام الامور بتروح للافضل ممكن تنشأ علاقة جديدة او علاقات صداقة غالباً ماتتحول عندك لحب وممكن حدا يصارحك بحبو ..

صحياً:لافضل الك هالايام انو تريح حالك نفسياً وجسدياً وتنام وقت كافي او تطلع مشاوير وترفه عن نفسك ونتبه للوخز المتكرر بالصدر ..

 

#الدلو ♒

مهنياً:القمر بالحوت تنقلات وتحسن باجواء ..

تتطورات ايجابية وطاقة والحظ رح يكون معك على عدة أصعدة لقاء مهم وتحديد اولويات وبتوقع فترة القادمة ايجابية الك حاول تستغلها لصالحك ولتسمع خبر منيح وبتحل مشاكل تعبتك وفرصة لتحسن امور كتيرة بشغل وبالعيلة وبالمال .. امورك بتشهد فترة من تطورات المهمة وذات تأثير كبير ونقلة نوعية ممكن تكون قريبة جداً ولصالحك ..

عاطفياً ❤️ :الاعزب الاجواء افضل وارتباط والمرتبط امورك العاطفية ممكن تشهد تحسن وانسجام احسن من قبل بعد فترة كنت ضايع فيها والحلول ابداً ماكانت موجودة عندك ارتباط والبعض بتتحسن امور العلاقة وتواصل مع حب قديم وتحسن بالوضع وهالفترة القادمة جيدة لتفكر بحدث مهم مستقبلياً..

صحياً:بتحس بتوتر وتشنج بالمعدة و بحاجة لنظام غذائي وتبلش رياضة او تمشي كل يوم لمدة ساعة على الاقل ..

 

#الحوت ♓

مهنياً:القمر عم ينتقل ببرجك عم تستعيد طاقتك وبتكون بحال افضل والحظ ببلش يكون معك بعد ماكانت كتير امور ماعم تكمل معك .. طموحات كبيرة بيومك اخبار حلوة وخطوات اكتر فعالية وجرئة انفراج وقصة جديدة وعلاقات حلوة واتصالات اولقاء مهم وتنقلات بيومك وممكن عم تشتري وعم تبيع شي وفي مال ومدخول وضب ايدك كمان وعزيمة عندك ..

عاطفياً ❤️ :عم تكون بيوم جاذبيتك في بتكبر وساحر بحضورك ومميز بتصرفاتك وكلامك ولكل بدو القرب منك والعين عليك وممكن تلاحظ نظرات الاعجاب من كتير اشخاص حولك .. البعض بدي منك تستغل الاجواء وظروف لتطور علاقتك ولا تحسس الشريك بفراغ كبير او تظهر له عدم الاهتمام ولا مبالات احسن ماتتوتر الامور .. وتوقع لقاء وممكن اتصال من حدا قديم ونتظر فترة مميزة ورومنسية ..

صحياً:نتبه على حالك من تقلبات الطقس و مشاكل البلعوم وكريب ..