رصد نيوز
#الحمل ♈
مهنياً:تحسن بوضع شغلك والبيت شعبيتك بتزيد وعم تطلع من الروتين والملل ، في اختبار واتصال بعيد واشخاص غريبة وسفر ممكن ، وعم تعمل زيارات وعم تقوم بواجب تجاه اشخاص وعم تنشط على مواقع التواصل ودراسات عليا وعقارات رح تشغل البعض ويمكن تحصل على شهادة او تقدير ومركز وانتبه من الحوادث والاعطال وسيارة او موبايل واثاث منزل ..
عاطفياً ❤️ :المرتبط والمتزوج عم تكون دبلوماسي مع الشريك وانت ماحابب تعمل مشكلة او تصعد اي خلاف وعم تغض نظر عن الاستفزازات وبعض الأخطاء ولامور بتبلش افضل بتواصل وحكي كتير ، والاعزب في خيارات عاطفية لا تتردد وممكن البعض سفر متعلق بزواج ..
صحياً:شفاء من مرض الك او لحدا بالعيلة والبعض بشوف طبيب ..
#الثور ♉
مهنياً:يوم في مال وحلول لقصص ومعاملات ابذل جهد لتنجح وتغيير بوضعك في اوراق وامور قضائية .. يوم في استقرار نسبي خطوات جديدة وايجابية زيارات او مشوار واتصالات كتيرة ومبلغ مالي ومصاريف عم تزيد وقصة ميراث او دين ويمكن يوصلك هدية او مبلغ .
عاطفياً ❤️ :الاعزب والمرتبط جديد في تواصل واتصالات ويمكن للقاء وحمل عم ينزاح على كتافك حاول تستغل الاجواء بلاخص المسا في ترتيبات جديدة وامورك افضل .. المرتبط والمتزوج مو مرتاح وعم يكون في جفا وبعُد بالمشاعر ، لا تصعد اي خلاف واذا بدك طنش ، والبعض علاقة عاطفية عم تطور ..
صحياً:شفاء من مرض وبحاجة تغير جو وترتاح من ها ضغوط ..
#الجوزاء ♊
مهنياً:عم تبذل جهد وعم تساير لا تتسرع بكلامك او تدخل بمواجهات وحاول تكون بعيد عن الاجواء العمل الروتينية ضب ايدك مالياً وأنتبه تخسر او تتوتر علاقتك ببعض الشركاء او الاصدقاء وعم تهتم لقصة حدا بالعيلة ، المهم لا تعصب ومابقا تعرف شو تحكي ، وممكن تستفيد من شخص او شريك تحسن مالي هاليومين ..
عاطفياً ❤️ :تصرفات و ردود افعال مستفزة وضعك العاطفي متقلب مافي استقرار وناس مصالح ، لامور بعدا مو متل مابدك وفيها ضبابية وما عم تكمل وفي ضغط نفسي من كلشي حواليك ، بشوية هدوء وتركيز ومسايرة ممكن امورك بتروح نحو الاستقرار باتصال او لقاء وشراكة جديدة .
صحياً:انتبه من وجع اسنان وطبيب بيومك والبعض صحة شريك ومصاريف على صحة ..
#السرطان ♋
مهنياً:في ضغوط بالعيلة وبشغلك وبالبيت وزيارات وناس حكيها عم يتعبك ومسؤوليات كتيرة فوق راسك هدي ولا تكبر القصة مع حدا .. رتب وضعك ومواعيدك ولا تزعج حالك البعض مقبل على شغل جديد ولقاء مهم وتدريجي وضعك بيرتاح ..
عاطفياً ❤️ :بعد عن اي توتر او سوء تفاهم ممكن يكبر ولا تستمر بعلاقة مارح تجيب نتيجة نصيحة الك ، فكر بحالك والفترة القادمة توقع اجواء عاطفية مهمة بلقاءات وممكن ارتباط بشكل مفاجئ وتطور بلاحداث افضل ، بس البعض عندو لقاء بشخص اما عن طريق شغلك او دراستك او قصة عم تشغلك مع الشريك ..
صحياً:بعد عن محيطك لترتاح صحياً وبلش بشي جديد على صعيد لياقة او حمية او نادي ورفه عن نفسك ولا تشيل هم ..
#الأسد ♌
مهنياً: لازم تبذل جهود لترتاح ضمن بيتك وشغلك او اذا عندك امور قضائية وادارية بتنحل قريباً .. خلص شغلك المكلف به عندك اتصالات وناس كتار وموضوع بخص سفر ومال وعم تهتم بأطفالك وممكن مشوار وعزيمة او قصة انجاب بدا تشغلك البعض ..
عاطفياً ❤️ :بنصحك تكون دبلوماسي وبلا ماتفتح قصص قديمة عم ترجع توقع فيا وتعملك مشاكل ، انتبه لكلامك وتصرفاتك وخفف نقاشات وغيرة ، اوقات حلوة وصدفة وشي جديد بيومك ومشاعر حميمية استغل هاليوم اذا كنت مرتبط جديد او اعزب ..
صحياً:عم تهتم بصحة حدا عندك وانت انتبه لصحتك شوي ولا تعب حالك والبعض يمكن في عملية..
#العذراء ♍
مهنياً:مشغول بقصة حدا بالبيت او شخص غالي عليك ولا تدايق على شي ومرق يومك على خير بدك تتحمل هاضغط ، ركز بوضعك وخلص المهم بشغلك وبيتك وبلا عصبية وانتبه من ناس عم تعرقل جهودك بوجهك شي وبضهرك شي وعقار بين تصليح وتجهيز ونقل والبعض عندو خبر عائلي وسفر قصير ..
عاطفياً ❤️ :مانك مرتاح وبحاجة لتكون صبور بعرف ضغط عليك كبير وحاسس بضجر وملل بعلاقة او سوء تفاهم من اي شي عم يصير .. بنصحك تهدي وتروق وبلا انفعال التواصل خافف وشكوك عم تزيد وعلاقة قديمة ع البال ..
صحياً:صداع والبعض مشاكل بالمعدة اهتم بحالك واكلك اكتر ..
#الميزان ♎
مهنياً:عندك حركة ونشاط واهتمام عائلي وزيارات عم تقوم فيا ، عم تنشط باتصلات ولقاءات واشخاص جديدة وحلول لمشاكل واوراق وشي بخص المنزل ، فرصة سفر او مشوار وقصة سيارة او موبايل بيومك وانتبه من الاعطال والحوادث ..
عاطفياً ❤️ :نقاشات وتواصل وحكي كتير والمال بيدخل بالعاطفة ولا تعتب على حدا ماعم يهتم .. اطلالة مميزة وحكي حلو ودبلوماسي بكلشي ممكن لقاء واتفاق على شي مهم وقصة عم تشغل الشريك .. اصدقاء بتوقف حدك وبتساعدك لتطلع من هالوضع بلاخص الي علاقتو متوترة ..
صحياً:ريح حالك هاليوم وبحاجة لقسط من راحة لتستعيد طاقتك من جديد ..
#العقرب ♏
مهنياً: مشغول بالك باكتر من قصة وعم تفكر بشي جديد او شغل جديد لهيك بدي منك تحدد خياراتك وتهدي بامور العيلة ومصاريفك كترانة على مستلزمات وفواتير وعزائم وتصليح وانتبه من اي غلط بخليك تخسر مال ..
عاطفياً ❤️ :حافظ على علاقتك ولا تتسرع ولا تاخد قرار بيومك ، استغل الوضع لتتواصل ويكون في نقاش هادئ لتحل مشاكلك مع الشريك بهدوء وبعيد عن الاستفزاز ،حدث مهم رح يصير هاليومين وانا بشوف في تحسن لصالحك ان شاء الله ..
صحياً:شوية تعب وارهاق وامورك بتتحسن ومافي خوف عليك بس البعض تجنب عدوى كريب وخليك حذر ..
#القوس ♐
مهنياً:يوم في شعبيتك بتزيد وبتكون محبوب ومتحرر وعزائم واتصالات ، فرصة عرض او اتفاق ومكافئة ، حلول لمشاكل ادارية وقضائية مالية وعلاقات مع اشخاص مهمة وبالبيت ..
عاطفياً ❤️ :تواصل وتفاهم وانسجام بدك تستغل الوضع هالفترة لتغيرات ايجابية المهم تحافظ على اسرارك وتكون دبلوماسي وتعمل تقارب مشترك .. المرتبط يمكن بدك تجهز لفترة قادمة بحياتك مهمة جداً واعجاب متبادل ..
صحياً:حاول تنتبه من كريب وشوية التهابات عم يعاني منا البعض ..
#الجدي ♑
مهنياً:في تأخير وتأجيل بقصة ومضغوط بشغلك وبعلاقاتك ومصاريف زايدة ومانك راضي عن الوضع التزامات وتراكم اعمال ، وتوقع اجواء حلوة وعزيمة وخبر منيح او شي ناطرو ..
عاطفياً ❤️ :يومك بحاجة لدبلوماسية وخفف توتر ونقاش بلاخص المتزوج ، لا تفوت بعلاقة مارح تجبلك نتيجة ورح تسبب الك بعض المشاكل او ممكن تخسر علاقتك بشخص .. من المسا امورك افضل وتغيرات حلوة واعجاب مبدئي وترتيب لموعد او لقاء ..
صحياً:ممكن تزور طبيب او صيدلاني ومشاكل مفاصل واسفل ظهر والبعض مشاكل أسنان ..
#الدلو ♒
مهنياً:عم تعزز وضعك وعلاقات كتيرة عم تكون العين عليك وفي ثقة واتفاق ونقاش وشغل بيجيك مال من وراه .. يوم حلو لتنقلات وعزائم واكل طيب وعم تقوم بالواجب وتنقلات كتيرة .
عاطفياً ❤️ : اعتراف وتحول بالعلاقات وحب وعلاقات
استغل المواقف لتطلع من وضعك وتكون منيح يوم حساس لازم تعرف كيف تحط نقاط على الحروف وتفتح قلبك للحب من جديد وتكون متفهم بالاخص المتزوج والمرتبط وتركز على كلامك وتصرفاتك ولوين رايح بعلاقاتك
صحياً:مشاكل جنسية عم يعاني منها البعض ومغص وصحة حدا بالعيلة ..
#الحوت ♓
مهنياً:التزامات وضغط شغل ولازم تكون حذر من بعض الاشخاص بالعمل ولا تتأخر باعمالك ، اختبار بوضعك وامر قضائي وشهرة وسعبية وشخص مهم او مشهور بيومك ، ولا تعمل مشاكل مع مدير او اب واخ بالبيت ، المسا انت افضل وفي سهرة وناس بتحبا وانتظر شي مهم هاليومين ..
عاطفياً ❤️ :روق هاليوم وحاول لا تصعد الخلافات وتجنب كل اشكال الغيرة وتملك بتوقع انو العلاقة مهددة حاول كتير تبتعد عن العصبية بشكل كبير مرق هاليوم على خير بس وحافظ على سمعتك من القيل والقال وكلام بحقك مو منيح ..
صحياً:اضطرابات بجسمك ومشاكل هضمية وممكن زيارة لطبيب او مراجعة ..
