#توقعات_يوم_الجمعة_24_يونيو_حزيران_2022🔮 🌙🌛القمر بكمل ببرج الثور ♉ الترابي كوكبه 🌍 الزهرة… 

عطارد… مستمر بالجوزاء حتى 4 تموز

الشمس… بالسرطان

الزهرة… مستقرة في برج الجوزاء

المريخ… مستمر بالحمل حتى 4 تموز

زحل… متراجع بالدلو

المشتري… بالحمل

اورانوس… بالثور

نبتون… بالحوت

بلوتو… متراجع بالجدي

 

#الحمل ♈

مهنياً:القمر بكمل بالثور يوم اجتماعي عائلي اهتمامات والتزامات على كتافك انتبه من المقربين وحتى عندك قصة بالبيت بتشغلك .. يوم عندك اختبار او امتحان وشي مهم وبلاخص بالعمل او البيت وحاول تروق مع علاقتك ببعض الاشخاص حتى ماتتوتر الامور ويصير قيل وقال … البعض عندو شهرة وشعبية وبتطلع من الوضع رغم الكركبة والقلق الي جواتك .. يومك بخص علاقاتك اجتماعية بدك تهدي وتروق بعلاقاتك وتكون مع ناس بتحبا رغم ضغط المسا ريح حالك بسهرة او عزيمة ..

عاطفياً ❤️ :مدعوم بعلاقات جديدة واشخاص مهم .. المرتبط الشريك عم يتعبك وعم يزيد ضغوط عليك وعم تكون عصبي من اي شي حاول تنتبه لكلامك وتتفهم الامور بدون تسرع وأستوعب منيح احسن ماتوتر الوضع اكتر على الاقل هاليوم بس .. لاعزب حسم الامور كتيرة والبعض بعد عن الماضي وعن شخص تعبك ولا تفكر ترجع او صار هاشي بلاخص اشخاص تعبتك .. فرصة لتتقرب من شخص ويكون في علاقة عم تكبر ..

صحياً:بترتاح هاليوم من تقلبات صحية وبتطلع من قلق وتوتر والارهاق والبعض صحة حدا من اهلك عم تاخد وقت منك ..

 

#الثور ♉

مهنياً:القمر بكمل ببرجك مشغول بالبيت وعقارات وقصة أهل ورح تبلش الامور تتحسن وتقطع مرحلة منيحة .. يوم جيد وتغيرات حلوة في راحة نفسية وباب جديد ممكن بعلاقات او شغل واخبار حلوة واتفاق ..اجواء وخيارات كتيرة بيومك وفي عندك تنقلات او مكان جديد وبتشوف شخص غالي واتصالات بتكتر وهاشي أكيد بخليك مضغوط وبدك لتلحق ع الكل .. فرصة مالية ناطرتك او تحسن بالمردود ومصاريفك بالبيت وعلى عزائم ..

عاطفياً ❤️ :يومك افضل وتحسن ايجابي بعلاقاتك .. المرتبط امورك بتتحسن وعندك رغبة تتجاوز بعض الخلافات والمشاكل واي اختلاف بوجهات النظر عم تكون متفهم بلاخص اذا كان في أعتراض من قبل الشريك .. حابب تستقر وترتاح والحظ معك بالمجمل تواصل واتصالات بترجع هالفترة بشوية مرونة بتكسب قلب شريك او قديم وعلاقة عم تتطور عند البعض ..

صحياً:ريح حالك وخفف سهر ونام منيح ولا تضغط ع حالك بالأخص ضمن البيت ..

 

 

#الجوزاء ♊

مهنياً:القمر بكمل بالثور فكر كيف تلاقي حل للوضع بالبيت وبتتلقى مساعدة لمهم تتصرف صح وهدي حالك .. يوم بخص اوراق وناطر شي وامور مالية ومصاريف على امور مدري من وين بتطلع .. عيد حساباتك لان في التزامات وفواتير وعزائم وحوالة مالية او ممكن خبر بخص المال اليوم اما من شريك او في حكي بميراث والحظ بحالفك .. البعض حلول ومصالحات واتصال مهم ريح حالك شوي هاليوم وعندك حسم مهم باليومين القادمين ..

عاطفياً ❤️ :يوم مزاجي حاول تحط نقاط على الحروف تتقرب وتصالح وعندك قدرة له شي .. عم تفكر تتخذ قرار حاسم وتغير شي بحياتك وبلاخص انت عندك الكاريزمة لتحسن الاجواء مع الشريك حاول تفكر بأمورك منيح وبدي منك تخلي تفكيرك ياخدك بأتجاه الحلول وعدم تصعيد او انهاء اي علاقة وتحسب حساب لمصلحتك .. لا تخاف كلشي بيرجع وبتكون الأمور افضل وممكن ارتباط هاليومين للاعزب واعجاب بيكبر ..

صحياً:خفف منبهات وروق ولا تعصب والبعض بفكر بعملية او تجميل وشي بشكل ..

 

#السرطان ♋

مهنياً:القمر بكمل بالثور لا تدخل مواجهات ونقاشات مافي منا نتيجة ولا تاخد قرارات حاسمة .. عم تتعب بالبيت وشغل ومافي تقدير لجهودك وماحدا حاسس فيك بدي منك تنتبه لشراكاتك المهنية والعاطفية وهدي وساير بوضع العائلي الي بحاجة للاستقرار .. كون دبلوماسي ولا تكبر المواضيع مرق هاليوم على خير وبلاخص اذا بعض شراكات متوترة او اذا بدك تدخل بشراكة انفراج مالي ومهني وتحسن افضل من قبل والبعض في لقاء او شراكة قريبة وامورك افضل من المسا ..

عاطفياً ❤️ :الاعزب بداية جديدة والمرتبط كتير بدك تنتبه على علاقتك هاليوم حتى ماتخسر حب او شخص .. عندك دافع كبير لتغير من وضعك وتطلع من جو توتر لانك كتير بحاجة له شي هالفترة .. امورك بتبلش تتحسن وأعادة ترتيب وضعك العاطفي على طريق صحيح بأوقات حلوة ولقاءات او اتصالات رغم انها باردة لمهم تهدي هاليوم ..البعض ماعم تتحمل كلمة وهاشي ممكن ينهي علاقة او نهيتها ..

صحياً:التزام بتعليمات وصحتك بتكون بخير ان شالله لمهم بطلي افئفة ونرفزة ..

 

#الأسد ♌

مهنياً:القمر بكمل بالثور في تواصل كتير وحكي وشغل والتزامات كتيرة .. حاول تخلص ضروري بيومك ولا تجهد حالك كتير انت بيوم في ضغوط وتعب ومسؤوليات وبتحس بحمل كبير .. يومك في شغل وناس كتيرة كمان بدك تعرف كيف ترتب امورك وتحسن وضعك وتلاقي حلول واذا في شي مهم حاول تأجلوا وأنتبه لعصبيتك او لردود أفعالك وعلى صحتك من هاضغوط يوم في شغل جديد ومال من شغل ويمكن اجازة وقصة سفر للبعض ..

عاطفياً ❤️ :المرتبط بتقضي وقت طويل والمتزوج الوضع شوي مو مريحك ولاعزب افضل .. هدي وروق ولا تصعد بهاليوم وساير لان ممكن سوء تفاهم يكبر وطريقتك ممكن تخلي الشريك يرتكب خطأ او يتوتر بلاخص بهالوقت انت بالغنى عن هاشي .. الاعزب انت بحاجة لحب يغير روتينك حاول تغير من طباعك وتعمل تغييرات وتختار صح والفرصة قدامك هالفترة لتطور علاقة او صدفة مع شخص ..

صحياً:لا تعصب وانتبه ع صحتك وشفاء من مرض للبعض وشي جديد صحياً بتعملوا ..

 

#العذراء ♍

مهنياً:القمر بكمل بالثور ناس جديدة وعلاقات كتيرة وتواصل ومقنع وحضور مميز وعم تهتم بالعيلة والاطفال وشي بخص الانجاب وعم تكون مدعوم مالياً وبيجيك مال هالفترة لتحسن وضعك وتكون منيح طاقة لتنجز اعمالك وحلول لبعض القصص المتعبة .. لقاءات وعزائم ويمكن فكرة سفر وتنقلات قصيرة ويومك حلو وداعم الك ..

عاطفياً ❤️ :بتقدر تصلح الامور وتكسب الشريك واخبار عاطفية حلوة .. لا ضيع بين الخيارات في حسم والامور للافضل وبتلاقي الاستقرار وعم تطلع من جو الحيرة وابواب جديدة بوضعك وبعلاقتك نحو الافضل واستغل هاليوم لمشوار او سهرة .. تواصل عم يرجع واتصالات كتيرة وعلاقة كان فيها خلاف ممكن تتصلح وحب قديم ع البال وتواصل مع اشخاص جدد ..

صحياً:وعكة صحية خفيفة نتيجة تعب والارهاق وعم تجهد حالك هدي وريح نفسيتك منيح .

 

#الميزان ♎

مهنياً:القمر بكمل بالثور قصص عائلية وعم تهتم لحدا بالعيلة وقصة حدا بالبيت بتشغلك .. في نقل وتغيير لمكان سكن او عقار وحتى فيك تعمل شي جديد بديكور البيت واثاث جديد .. حاول تتعلم شي جديد بيومك ولا تهتم لبعض توترات ولا تعطي ثقة لحدا .. البعض عم يفكر بيع او شراء عقار وفكر كيف تقضي يومك بأجواء ولمة حلوة مع العيلة ..

عاطفياً ❤️ :حافظ على الاستقرار وضعك وبلا مزاجية.. مافي شي بيبقى ع حالوا كلشي بكون منيح لا تعب حالك بتفكير وافتح صفحة جديدة وعيد حساباتك بقرارات او مواقف لتحافظ على الاستقرار العاطفي بينك وبين الشريك والاجواء افضل من قبل بتكون تدريجي بعد هاليوم .. ممكن لقاء او اتصال وشخص عم يتواصل معك او مهم قريباً ..

صحياً:ريح اعصابك وهدي لا تفكر كتير وتشغل بالك بقصص صحية نشالله لامور بتتحسن ..

 

#العقرب ♏

مهنياً:القمر بكمل بالثور يوم في تنقلات واتصالات وتواصل طويل وعم يكون في اختبار لوضعك وشغل بالبيت والاهل و دعم من اخ الك .. بحاجة لتطلع من روتين وتعمل تغيير بشكلك وبوضعك العام .. في لقاء وتنقلات او مشوار وعزيمة واتفاق جديد واجواء عائلية حلوة بلاخص بعد تتطورات الاخيرة والبعض بيشغلو عقار او سفر وقصة سيارة او موبايل واعطال ..

عاطفياً ❤️ :الاعزب اتصال وتواصل طويل وممكن حب عن طريق صدفة .. المرتبط حاول تساير ولا تتحسس من اي شي ولا كتير تعب حالك بتفكير وتقرب وقضي وقت عاطفي ورومنسي مع الشريك في تقارب من قبل الشريك وتواصل افضل ..الاعزب اتصال وتواصل طويل وممكن حب عن طريق صدفة او سوشيل ميديا .. المتزوج روق وهدي وانتبه من سوء تفاهم وتراشق اتهامات وكلام عشوائي ..

صحياً:انتبه على صحتك من الجلوس او الوقوف لطويل ولاضل ماسك الموبايل بأيدك انتبه على عيونك ..

 

#القوس ♐

مهنياً:القمر بكمل بالثور عم تعيد حساباتك من جديد وشو الك وشو عليك والتزاماتك وحل لمشكلة ادارية وقانونية قريباً وفي حكي بأتفاق او شغل ومال .. لا تتكاسل وحرك حالك وفي قصة متعلقة بشخص مقرب بتشغلك وضب ايدك على مصاريف مالية بلاخص اذا في عزائم او تنقلات وشي صحي ..

عاطفياً ❤️ :الاعزب امورك افضل والمرتبط بدي منك لا ضيع وقتك بقصص مارح تجيب نتيجة او تعمل من الحبة قبة تحرك بسرعة وحاول تاخد زمام المبادرة من جديد وتكون رومنسي وأختار صح ولا تخلي حدا يضغط عليك والبعض لا دخل امور المال بالعاطفة .. يومك في هدية او بدك تهدي والمتزوج في هدوء اكتر ان شاء الله ..

صحياً:لازم تغذي حالك وتقوي طاقتك ومناعة جسمك

وتغير جو ولا تخلي الكسل ونوم زايد ياخد وقتك ..

 

#الجدي ♑

مهنياً:القمر بكمل بالثور حل لقصة شاغلتك وامورك افضل .. يوم جيد مدعوم بعلاقات واتصالات من ناس غريبة او بعيدة وعم تفتح ابواب جديدة لتعمل شي مهم او مشروع وحلول لقصة تعبتك ممكن قضائية او ادارية واوراق بيومك وشي بيتعلق بالاوراق وسفر قادم .. لا تخاف الحظ بكون معك وداعم الك بكلشي بدك تعملوا بس انتبه من الحوادث ولاعطال ..

عاطفياً ❤️ :حلول لمشاكل ويومك افضل وخيارات جديدة تواصل واتصالات بتعود وبتتقرب اكتر وبتكون محط اعجاب لكل وبتجذب الجنس الأخر الك بطريقك وعندك كاريزما لتعمل شي حلو بيومك وشخص جديد بحياتك او شخص مهم عم تكبر علاقتك في .. المرتبط عم تنشغل بكتير امور وهاشي عم يمنعك من تنفيذ رغباتك العاطفية وحاول تنتبه لكلامك وتستغل دعم الفلك لتوجد حلول وتفاهمات بينك وبين الشريك لتستقر وتريح راسك الحظ داعم لتلاقي حل بلاخص المتزوج ..

صحياً:اهتم بصحتك وشكلك ولا تخلي حدا يستفزك ويعصبك والبعض ممكن يزور طبيب ..

 

#الدلو ♒

مهنياً:القمر بكمل بالثور في ضبابية مسيطرة ع الوضع ومو كتير تشيل قيمة لحدا ولا تعتب العتب على الله .. في التزامات واجبات عم تقوم فيا وفي قصة عم تتأخر او عم تتأجل هالفترة وفي زيارات وناس بتحس انو مو بوقتها وماعم تريحك نفسياً لهيك انتبه من بعض المواقف ماتسبب توتر ونقاشات مافي منا نتيجة تدريجي بعد هاليوم الامور رح تكون افضل وناطرك خبر حلو وانفراج بقصة ما خليك متفائل ولا تتكاسل ..

عاطفياً ❤️ :لا تعطي اهتمام لاشخاص مابتستاهل وانت مو رايق .. لاعزب امورك بحالة ركود وبتحس مافي شي يريح قلبك وبالك رغم الاعجاب فيك .. شوية رواق وهدوء وكون دبلوماسي بلاخص اذا في توتر بيومك ولا تاخد اي قرار مهم وفكر كيف تخلي امورك تستقر لانك مو مرتاح من ناحية الشريك ولا بشي وحاسس بشي مو مريح اتجاهو لان بلاصل لا تصرفاتو ولا كلامو عاجبينك ..

صحياً:اعتني بصحتك ورفه عن نفسك وغير جو مع ناس بتحبا لتطلع من وضع صحي الك او لمقرب منك.

 

#الحوت ♓

مهنياً:القمر بكمل بالثور تحسن نفسي وطاقة ايجابية ..

يومك في علاقات واشخاص كتار وعزائم وسهرة او مناسبة وبتحقق امنية او مكاسب مالية وعم تطلع وتغير جو وجاذبيتك كبيرة وعم ترجع الثقة من جديد واجواء حلوة مع الاصدقاء واذا بدك مساعدة لا تتردد ..خلص شغلك ضروري ولا تهتم لناس الي عم تحاول توجعلك راسك ..في مال وفي مصاريف على اشياء خاصة او عزائم والبعض ناطر شي حكومي او ورقة او قصة بيع او شراء او طفل حسب وضعك ..

عاطفياً ❤️ :الاعزب في أعجاب واهتمام من الجنس الاخر واحساس جديد وتواصل .. المرتبط انتبه من الاستغلال او سوء تفاهم فاحاول تهدي وتتنازل شوي وتتفهم الشريك بهاليوم حتى ماتتعركس امورك هدوء وكلشي رح يتغير والبعض في علاقات وصديق بيتقرب بلاخص عند بعض المتزوجين ..

صحياً:لا تخلي حدا يستفزك ويعصبك وامورك الصحية بتكون بخير ..