توقعات_الابراج_ليوم_الإربعاء_13_يوليو_تموز_2022🔮 القمر يستمر ببرج الجدي ♑ الترابي كوكبه 🌍 زحل…

 

#الحمل ♈

مهنياً:القمر بالجدي عندك اكتر من قصة عم تشغلك وبدك لتلحق يوم في شغل والتزامات وعم تحس بتعب وارهاق نتيجة ضغوط العمل وبالبيت ويمكن عندك عزيمة وناس ولازم تساير وتتحمل وخبر عائلي .. مسؤوليات ومابتعرف القصص من وين بتطلعلك لهيك حاول ترتب امورك ولا تعب حالك وفي مين بساعدك اذا بدك وبيدعمك لتوصل لشي بدك ياه .. لا تهتم لكلام البعض وضب ايدك على مصاريفك وانتبه على صحتك وصحة حدا بالبيت وفي شغل او مكان ومال للبعض اذا عم يشتغل شغل خاص ..

عاطفياً ❤️ :حاول تكون بعيد عن المواجهات لانك مليت من لف ودوران ومن هالوضع مرق يومك على خير وهدي مع الشريك واطلع من العزلة الوضع بيتغير لا تخاف.. المرتبط مانك مرتاح وفي كركبة وتوتر بلاخص انت مو ناقصك مشاكل جديدة ولاعزب علاقات كتيرة حواليك بس ماعم تكمل معك وبحاجة لحدا يهتم فيك ..

صحياً:مشاكل رقبة وبدك تحاول تنام على وسادة تريح رقبتك لان ممكن نومة غلط تسبب مشاكل فقرات .

 

#الثور ♉

مهنياً:القمر بالجدي من افضل الايام عندك لتقدر تغير وضعك وتلاقي اوقات حلوة واتصالات ايجابية وعم تقضي وقت حلو بعزائم وسهرة ومال ممكن تحصل عليه .. حاول تخلص الالتزامات والمسؤوليات وعم تفكر بخطوة جديدة او شي بخص اوراق او امور قضائية ادارية ودعم من شخص الك او شغل جديد وممكن تقضي يوم مع الاطفال او شي بخص الانجاب للبعض واختبار ولقاء ويوم منيح بالمجمل ..

عاطفياً ❤️ :عندك طاقة عاطفية وبتكون جذاب وملفت لنظر ونبسط وعيش يومك ولا تفكر لقدام كتير تقرب من شريك وقضي وقت معو ويمكن في شخص عم يبدي أعجابو فيك .. حاول تستغل الوقت ويكون في تنازل ولا تتمسك برأيك لان مدعوم عاطفياً وشخص بيرجع بحاكيك من جديد .. الاعزب اصدقاء كتار بيومك وتطورات وممكن حب جديد او اعجاب مبدئي .

صحياً:تحسن صحي وفيك تعمل تغييرات بشكل وخفف عصبية وانتبه من الحوادث وقصص الاطفال ..

 

#الجوزاء ♊

مهنياً:القمر بالجدي قصص عائلية عم تسيطر ع الوضع ولازم تنتبه من مشاكل وشي بخص حدا بالبيت ولازم تركز وتعرف كيف تتصرف ولا تدخل مواجهات مع حدا ويمكن عم تعمل تصليحات او نقل وفي قصة عقار عم تشغل البعض وممكن بخص العيلة و لقاء او مشوار وناطر شي بهاليوم او عقد واتصال اجل الامور المهمة هاليوم وخفف مصاريف مالية بالبيت والمسا لامور بتبلش تتحسن ..

عاطفياً ❤️ :هدي الوضع بهاليوم وانتبه من توتر ولا تكبر القصص لتستقر امورك والوضع العائلي عم يأثر على عاطفتك .. بدك تغض نظر عن بعض تصرفات الي ماعم تخلي علاقتك تستقر بحاجة لترتيب امورك ولتلاقي حلول سريعة وتعالج اي سوء تفاهم ممكن يصير .. الاعزب والمرتبط جديد علاقات واجواء حلوة واتصالات ولقاء من المسا ..

صحياً:تجنب توترات الي ممكن تعبك والبعض ممكن يوقع بوعكة صحية او لحدا بالعية وفي زيارة لطبيب او مشفى ..

 

#السرطان ♋

مهنياً:القمر بالجدي في تحسن بالوضع علاقات داعمة وقصة اخ وعزيمة وقصة سيارة او موبايل عند البعض.. يوم منيح لتنجح وتكون بعيد عن الانفعالات والعصبية وممكن يجيك مال وفي قصة بيع وشراء وعقار وتجهيز عم يشغل البعض ..ورقة مهمة و اتصالات كتيرة بتحملك شي ايجابي وناس بتوقف معك وبتدعمك وناس جديدة يومك في اختبار وشغل وسفر او مشوار ولمة حلوة وخبر دراسي وامور عائلية المسا ..

عاطفياً ❤️ :اوقات حلوة عم تقضيا بين اتصال او لقاء بعد توتر وسوء تفاهم .. الحظ بيدعم لتحسن وضعك وتعمل مصالحات وتغير من هالوضع المزعج لتلاقي حلول واستقرار .. وفرصة واهتمام من شخص او صديق عم يكون في اعجاب وتواصل طويل وحافظ على اسرارك منيح ..

صحياً:انتبه من الحوادث واستغل يومك بعزيمة واطلع من جو الملل ومارس هواياتك او رياضة ..

 

#الأسد ♌

مهنياً:القمر بالجدي يوم للمال مجالات جديدة ولازم تنتبه على مصروفك الي عم يكتر هالفترة وبتحس على شي فاضي وفواتير والتزامات .. انت بحاجة لحل سريع وبحاجة لمبلغ مالي يومك في قبض ودفع وضب ايدك منيح وخفف عزائم وامور بالبيت والبعض ناطر خبر او قرار رغم في ضبابية بعدا موجودة بس في شي بخص شغل وعلاقات وقصة بالبيت ومصاريف والبعض ممكن يشتري شي او يغير شي وممكن مركز حكومي وتأخير بقصة حوالة او بمبلغ مالي ..

عاطفياً ❤️ :ماعم يستقر وضعك العاطفي وفي توتر وبدي منك تعرف كيف تتعامل مع الشريك بهاليوم لتقدر تستمر وتطلع من حالة البرود والجمود .. استغل علاقاتك ولازم تبذل جهد واهتمام وتعزز الوضع وانتبه من المقربين منك الي عم يوتروا الوضع او في حكي من ورا ضهرك بدك تكون ذكي بالمعاملة .. المسا لامور افضل وتغيرات وشريك قديم او شخص جديد عم تتطور العلاقة معو ..

صحياً:خفف نقاشات بلا طعمة وانتبه على صحتك ونام منيح ولازم تعمل تغيير وتنعزم وتغير جو ..

 

#العذراء ♍

مهنياً:القمر بالجدي من الايام الداعمة الك عم تستعيد مكانتك وترجع ثقة وتدخل قصص جديدة وناطرك خبر حلو واوقات حلوة بيومك والحظ داعم وبتعزز علاقاتك وتحل مشكلة عندك .. بتلاقي تيسير بلامور واتفاقيات وشغل جديد او مكان جديد وخبر حلو على صعيد العيلة والاصدقاء وعزائم وناس جديدة المهم تخلص التزاماتك وتستغل يومك وقصة مع صديق او حدا بساعدة ويومك في اختبار واتصالات كتير .

عاطفياً ❤️ :يوم جيد لتلاقي استقرار عاطفي وارتباط وعندك الجرئة وفي حكي وشريك عندو استفسار وعم يحكي كتير بدك تكون جاهز بردود افعالك وبكلامك وممكن لقاء او عزيمة وتعارف جديد او شريك قديم عم يخطر ع بالك وتواصل واعجاب من الجنس الاخر ..

صحياً:قصة صحية بالبيت او لصديق مقرب واستغل الاجواء مع ناس بتحبا وبتعطيك طاقة والبعض انتبه من كريب ..

 

#الميزان ♎

مهنياً:القمر بالجدي لسا عندك تعب هاليوم وتحسن تدريجي .. فكر بحالك وانتبه لامورك وضب ايدك على مصاريفك ومانك مرتاح لبعض الاشخاص بالعيلة اي عم يسببو مشاكل الك ورح يكون في تحسن مالي تدريجي باليومين القادمين .. يوم في حركة وتنقل وقصة اطفال او عم تهتم بأطفالك علاقات اجتماعية وناس بتحبا .. وانتبه من سوء تفاهم ومن ناس المصالح ولا تنفعل ولا تتسرع بامور مالية او اذا عندك أختبار وممكن زيارة لمركز او شي حكومي ..

عاطفياً ❤️ :ماعم يكون وضعك منيح وعم تعاني برود واهمال وتصرفات مو عاجبتك لازم تروق وتهدي اذا بدك علاقتك تستقر وتستمر مانك مبسوط ولا مرتاح وكون حذر ولا تقدم على اي قرار مهم هاليوم .. جاذبيتك رح تزيد تدريجي وأنتظر لقاء واتصال مهم ونظرات الاعجاب رح تكون حاضرة والبعض تواصل او علاقة عم تتطور وقصة حب للبعض على مواقع تواصل الاجتماعي .

صحياً:فكر كيف تكون مع ناس بتحبا وتاخد الطاقة الايجابية وأنتبه من الحوادث او البعض يزور مشفى ..

 

#العقرب ♏

مهنياً:القمر بالجدي عندك شعبية ومحبوب وناس حواليك وعم تتمتع بالطاقة الايجابية والكاريزمة وتواصل وعلاقات وبتكون ملفت لنظر وعم تكسب شعبية ومحبة الكل .. ثقة بترجعلك من جديد وعزائم وسهرة واشخاص عم ترجع تحاكيك واتصال ودعم الاصدقاء الك وحتى وضع عائلي واجواء عائلية افضل وفي عرض او اقتراح جديد ومال ممكن يجيك وخبر بخص حدا مقرب منك ..

عاطفياً ❤️ :بعد برود وتوتر يومك افضل العاطفة عم تشهد تحسن ملحوظ ولازم تستغل هاشي وتبادر وتصالح .. عندك عاطفة وجاذبية واعجاب من الجنس الاخر .. تحسن بعلاقاتك عم يكون في دبلوماسية وتفاهم ومصالحات يوم حلو لاتصال رومنسي وبتسمع كلام حلو وأجواء حميمية ورومنسية ..

صحياً:خفف منبهات وتدخين او ركيلة وريح حالك ولا تتعب جسمك ..

 

#القوس ♐

مهنياً:القمر بالجدي شغل واختبار ومسؤوليات ولازم تهدي مع زملاء العمل والمسؤولين بشغلك وحتى مع شخص عندك بالبيت ولازم تكون حذر من ناس ممكن تسبب فشل وتحكي بضهرك وناطرينك على دقرة لازم تكون قد هاشي وتثبت جدارتك ولا تستسلم وانتبه من تأجيل .. في لقاء واتصال ويمكن شي بخص وظيفة وممكن سفر قصير وعزيمة وقصة مالية وشخص مشهور او مهم ..

عاطفياً ❤️ :توتر بالعلاقات والبعض شخص مهم بتتواصل معو وفي حكي بس بدي منك تفكر صح وتختار شخص مناسب انت عندك القدرة تميز لهيك بعد عن اي علاقة مامنها أمل بالمرة .. لا تخلي القصص والافكار سودة تشغلك وتسبب عدم الاستقرار لازم تضبط كلامك وتصرفاتك ولا تتسرع يومك بحاجة للهدوء لان في قلق وحاول تبرر المواقف وتتجنب المشاكل ولاصطدام مع الشريك بهيك يوم ومن المسا بتكون افضل ..

صحياً:يمكن قصة صحية رح تشغلك او البعض بحاجة لعملية وتغيير بشكل وانتبه من مشكلة بالايد ..

 

#الجدي ♑

مهنياً:القمر مستمر عندك طاقه ايجابيه ودعم الفلك وفي اتصالات ولقاءات مهمة وتنقلات عم تقوم فيها وانت امام اختبار جديد بوضعك وعم تلاقي انفراج بعد ضغط ومشاكل كانت زاعجتك وكان في تأخير بأمور مالية او اوراق بيومك لترتاح بشكل تدريجي وبتكون قادر تقنع وتوصل لمكان منيح .. يوم في ناس جديدة وقديمة عم تحاكيك واتفاق وشغل في من وراه مال لمهم تركز ولا تتسرع عزيمة وسهرة حلوة واتصال بعيد وممكن يجيك مال ..

عاطفياً ❤️ :برغم توتر الي موجود ومافي استقرار لازم تفكر كيف تصلح الوضع وتتجاوز حساسيات مع الشريك .. انت افضل وعندك خيارات جديدة وقرار عاطفي وافكار جديدة عم تجهز الها .. عم تكون مدعوم بعلاقات عم تتطور بلاخص انك عم تتواصل مع اشخاص عبر مواقع التواصل وممكن بعض العلاقات تتغير لشي عاطفي وتبلش شراكة هالفترة..

صحياً:عم تعاني مشاكل بالعين وتشنجات عضلية وكريب او قصة صحية بتبلش تتخلص منا أن شاء الله ..

 

#الدلو ♒

مهنياً:القمر بكمل بالجدي حاول تستغل هاليوم وتعزز وضعك وتلاقي حلول ومصالحات وتطلع من الوضع المتعب لتلاقي الامور رح تبلش تتحسن وتحل مشاكل مهنية ومالية وعم ترجع طاقتك ويوم ممكن يجيك مبلغ مالي وممكن عم يكون في اتفاق او مال من شراكة عم تعيد حساباتك بعلاقاتك وبالمال وموضوع بخص عقود وميراث ومعاملات ومساعدة بيومك وقصة مع حدا بالبيت بتشغلك والتزامات وانتبه الثقة لمين عم تعطيا ..

عاطفياً ❤️ :امور كتير بعلاقتك عم تشغلك وفي عندك اوقات حلوة وعاطفة زايدة بس بدي منك تكون حذر وتتجنب المشاكل وتسيطر على أفكارك الي عم تكون شوي مو راكزة وبلاخص البعض عم يفكر ينهي علاقة وعايش حالة من ضبابية .. افتح صفحة جديدة وحط حد لبعض القصص او الاشخاص الي عم تعكر العلاقة.. خليك متفهم وناقش بهدوء وفي امور رح تنكشف قريباً ورح تتوضح صورة اكتر خلال اليومين القادمين ..

صحياً:مشاكل بلاطراف والاكتاف وانتبه من حركة غلط او نومة غلط ..

 

#الحوت ♓

مهنياً:القمر بكمل بالجدي بتشغلك امور شراكات عاطفية ومهنية وعقود وبدك تهدي بوضعك لانك مانك بافضل حالاتك بسبب نقاشات ومواجهات وناس عم تعبك ولازم تنتبه على صحتك مافي شي مستاهل وبلاخص تعبان ومخنوق ومن اي كلمة ممكن تكون مستفز وعصبي وهاشي عم يعملك مشكلة وعم تتأجل بعض القصص .. فكر بهدوء ولا تصعد عندك شي بخص عقار او بيع وشراء واتصال احسبها صح وممكن تحصل على مال او تحل مشكلة مالية ..

عاطفياً ❤️ :الشريك ماعم يفهم عليك وعم يسبب مشاكل وهاشي عم يعمل توتر وضغط وعم يكون في تراجع وضبابية وغموض روق هاليوم ومرقو على خير وتغيرات جديدة قريباً .. المرتبط جديد امورك افضل لقاء واتصال ورومنسية بهاليوم .. لاعزب فكر بحالك منيح وعندك فرصة لعلاقة جديدة ولتحط نقاط على الحروف..

صحياً:مشاكل بالرقبة واسفل الظهر نتيجة بعض الاعمال المجهدة وقصة لحدا بالبيت ..